kerala
കനത്ത മഴ; എറണാകുളത്ത് യെല്ലോ അലേര്ട്ട്
സംസ്ഥാനത്ത് കാലാവസ്ഥ മുന്നറിയിപ്പില് മാറ്റം

സംസ്ഥാനത്ത് കാലാവസ്ഥ മുന്നറിയിപ്പില് മാറ്റം. പുതിയതായി എറണാകുളം ജില്ലയില് കേന്ദ്ര കാലാവസ്ഥ വകുപ്പ് യെല്ലോ അലേര്ട്ട് പ്രഖ്യാപിച്ചു. ഇതിന് മുന്പ് തിരുവനന്തപുരം ജില്ലയില് യെല്ലോ അലേര്ട്ട് പ്രഖ്യാപിച്ചിരുന്നു. ലക്ഷദ്വീപിലും യെല്ലോ അലേര്ട്ട് പ്രഖ്യാപനം നടത്തിട്ടുണ്ട്. എറണാകുളത്തും തിരുവനന്തപുരത്തും കനത്ത മഴയാണ് ലഭിക്കുന്നത്. ഇതേ സമയം, കേരള-ലക്ഷദ്വീപ് തീരങ്ങളില് മത്സ്യബന്ധനം നടത്തുന്നതിന് ഇതുവരെ തടസ്സമൊന്നും കാലാവസ്ഥ വകുപ്പ് അറിയിച്ചിട്ടില്ല.
kerala
വിപഞ്ചികയുടെ മരണം: ഭര്ത്താവിനും കുടുംബത്തിനുമെതിരെ പൊലീസ് കേസെടുത്തു
ഷാര്ജയില് ഒന്നരവയസുകാരിയായ മകളെ കൊലപ്പെടുത്തിയ ശേഷം മലയാളി യുവതി വിപഞ്ചിക ജീവനൊടുക്കിയ സംഭവത്തില് കേസെടുത്ത് പൊലീസ്.

ഷാര്ജയില് ഒന്നരവയസുകാരിയായ മകളെ കൊലപ്പെടുത്തിയ ശേഷം മലയാളി യുവതി വിപഞ്ചിക ജീവനൊടുക്കിയ സംഭവത്തില് കേസെടുത്ത് പൊലീസ്. ആത്മഹത്യാ പ്രേരണ കുറ്റത്തിനാണ് കേസെടുത്തത്. ഭര്ത്താവ് നിധീഷ്, ഭര്ത്താവിന്റെ സഹോദരി, ഭര്തൃപിതാവ് എന്നിവര്ക്കെതിരെയാണ് കുണ്ടറ പൊലീസ് കേസെടുത്തത്. മൂന്ന് പേരും ഷാര്ജയിലായതിനാല് നാട്ടിലെത്തിയാല് അറസ്റ്റ് ചെയ്യാനാണ് തീരുമാനം.
അതേസമയം വിവാഹത്തിന് സ്ത്രീധനം വാങ്ങിയതിനും സ്ത്രീധന നിരോധന നിയമപ്രകാരവും കേസ് എടുത്തിട്ടുണ്ട്. യുവതിയെ സ്ത്രീധനത്തിന്റെ പേരില് മാനസികമായി പീഡിപ്പിച്ചെന്നും എഫ്ഐആറില് പറയുന്നു. വിപഞ്ചികയുടെ അമ്മ ശൈലജയുടെ പരാതിയിലാണ് നടപടി.
വിവാഹം കഴിഞ്ഞത് മുതല് മകള് പീഡനം അനുഭവിക്കുകയായിരുന്നുവെന്ന് വിപഞ്ചികയുടെ അമ്മ പൊലീസിനോട് പറഞ്ഞു. നിറത്തിന്റെ പേരില് മകളെ ദ്രോഹിച്ചിരുന്നെന്നും സഹോദരി ഇടപെട്ട് മുടി മൊട്ടയടിച്ചുവെന്നും പീഡനങ്ങള്ക്കൊടുവിലാണ് മകള് ആത്മഹത്യ ചെയ്തതെന്നും അമ്മ പറഞ്ഞിരുന്നു. മകള് നേരിട്ട പീഡനങ്ങളുടെ ഡിജിറ്റല് തെളിവും ആത്മഹത്യാക്കുറിപ്പും അമ്മ പൊലീസിന് കൈമാറി.
ഇന്ത്യന് കോണ്സുലേറ്റിനും വിദേശകാര്യ മന്ത്രിക്കും മുഖ്യമന്ത്രിക്കും അമ്മ പരാതി നല്കിയിരുന്നു. അതേസമയം ഇരുവരുടെയും മൃതദേഹം നാട്ടിലെത്തിച്ചാല് റീ പോസ്റ്റ്മോര്ട്ടം വേണമെന്നും അമ്മ ആവശ്യപ്പെട്ടിട്ടുണ്ട്. കേസ് സിബിഐക്ക് കൈമാറണമെന്നാണ് അമ്മയുടെ ആവശ്യം.
അതേസമയം കുട്ടിയുടെ മൃതദേഹം നാട്ടിലേക്ക് അയക്കില്ലെന്നാണ് ഭര്ത്താവ് നിധീഷിന്റെ നിലപാട്.
ഇക്കഴിഞ്ഞ ചൊവ്വാഴ്ച രാത്രി കൊല്ലം കൊറ്റംകര കേരളപുരം സ്വദേശിനി രജിത ഭവനില് വിപഞ്ചികയെയും മകള് വൈഭവിയെയും അല് നഹ്ദയിലെ താമസസ്ഥലത്ത് മരിച്ച നിലയില് കണ്ടെത്തുകയായിരുന്നു. നാലര വര്ഷം മുന്പായിരുന്നു വിവാഹം.
kerala
നിപ; ആറ് ജില്ലകള്ക്ക് ജാഗ്രത നിര്ദേശം
പാലക്കാട് രണ്ടാമതും നിപ കണ്ടെത്തിയ സാഹചര്യത്തില് ആറ് ജില്ലകളിലെ ആശുപത്രികള്ക്ക് ജാഗ്രത നിര്ദേശം നല്കിയതായി ആരോഗ്യ മന്ത്രി വീണാ ജോര്ജ്.

പാലക്കാട് രണ്ടാമതും നിപ കണ്ടെത്തിയ സാഹചര്യത്തില് ആറ് ജില്ലകളിലെ ആശുപത്രികള്ക്ക് ജാഗ്രത നിര്ദേശം നല്കിയതായി ആരോഗ്യ മന്ത്രി വീണാ ജോര്ജ്.
പാലക്കാട്, മലപ്പുറം, കോഴിക്കോട്, കണ്ണൂര്, വയനാട്, തൃശൂര് ജില്ലകളിലെ ആശുപത്രികള്ക്കാണ് പ്രത്യേക ജാഗ്രത നിര്ദേശം നല്കിയത്. നിപ ലക്ഷണങ്ങളോടുകൂടിയ പനി, മസ്തിഷ്ക ജ്വരം എന്നിവ ഉണ്ടെങ്കില് റിപ്പോര്ട്ട് ചെയ്യണമെന്നാണ് നിര്ദേശം.
അതേസമയം, പാലക്കാട് നിപ ബാധിച്ച് മരിച്ച കുമാരംപുത്തൂര് സ്വദേശിയായ വയോധികന് യാത്ര ചെയ്തത് കെ.എസ്.ആര്.ടി.സി ബസിലായിരുന്നു.
ആഴ്ചയില് മൂന്ന് തവണ അട്ടപ്പായില് പോയതും കെ.എസ്.ആര്.ടി.സി ബസിലായിരുന്നു എന്നാണ് കണ്ടെത്തല്. മരിച്ചയാളുടെ സമ്പര്ക്ക പട്ടികയില് ഭാര്യയും മക്കളും പേരക്കുട്ടികളും ഉള്പ്പെടെ 46 പേരാണുള്ളത്. ഇവരെല്ലാം ആരോഗ്യവകുപ്പിന്റെ നിരീക്ഷണത്തിലാണ്. ഇതിന്റെ ഭാഗമായി, പേരക്കുട്ടികള് പഠിക്കുന്ന സ്കൂള് താല്ക്കാലികമായി അടച്ചിട്ടുണ്ട്. കൂടാതെ, വയോധികന് ചികിത്സ തേടിയ മൂന്ന് ആശുപത്രികളിലെ ജീവനക്കാരും നിരീക്ഷണത്തിലാണ്.
kerala
പരപ്പനങ്ങാടിയില് ഒഴുക്കില്പെട്ട് കാണാതായ 17കാരന്റെ മൃതദേഹം കണ്ടെത്തി
മലപ്പുറം പരപ്പനങ്ങാടിയില് ഒഴുക്കില്പെട്ട് കാണാതായ പതിനേഴുകാരന്റെ മൃതദേഹം കടലില് നിന്ന് കണ്ടെത്തി.

മലപ്പുറം പരപ്പനങ്ങാടിയില് ഒഴുക്കില്പെട്ട് കാണാതായ പതിനേഴുകാരന്റെ മൃതദേഹം കടലില് നിന്ന് കണ്ടെത്തി. തൃശൂര് അഴീക്കോട് ബീച്ചില് നിന്നുമാണ് മൃതദ്ദേഹം കണ്ടെത്തിയത്. താനൂര് സ്വദേശി ജൂറൈജാണ് മരിച്ചത്.
ബന്ധുക്കളെത്തി മൃതദേഹം തിരിച്ചറിഞ്ഞു. കഴിഞ്ഞ ബുധനാഴ്ചയാണ് പരപ്പനങ്ങാടിയില് പുഴയില് കുളിക്കുന്നതിനിടെ വിദ്യാര്ത്ഥി ഒഴുക്കില്പ്പെട്ടത്.
എന്ഡിആര്എഫ്, ഫയര്ഫോഴ്സ് എന്നിവര്ക്ക് ഒപ്പം സന്നദ്ധ സംഘടനകളും നാട്ടുകാരും സ്വന്തം നിലക്ക് തിരച്ചില് നടത്തിയിരുന്നു. ശക്തമായ അടി ഒഴുക്കും പാറ കുഴികളും നിറഞ്ഞതിനാല് രക്ഷാപ്രവര്ത്തനം ദുഷ്കരമാക്കുകയായിരുന്നു.
-
kerala2 days ago
മലക്കം മറിഞ്ഞ് മന്ത്രി; പ്രതിഷേധം ശക്തമായപ്പോള് സ്കൂള് സമയമാറ്റത്തില് ചര്ച്ചക്ക് തയ്യാറാണെന്ന് മന്ത്രി ശിവന്കുട്ടി
-
kerala3 days ago
നിമിഷ പ്രിയയുടെ മോചന ഫണ്ടിലേക്ക് ഒരു കോടി രൂപ നൽകും: ബോബി ചെമ്മണ്ണൂർ
-
kerala3 days ago
കൈക്കൂലിക്കേസ്; പാലക്കാട് ഫയര് സ്റ്റേഷന് ഓഫീസര്ക്ക് സസ്പെന്ഷന്
-
india3 days ago
കരാര് സംബന്ധിച്ച് തീരുമാനമായില്ല; ഐഎസ്എല് അനിശ്ചിതകാലത്തേക്ക് നീട്ടി
-
kerala3 days ago
നിയമസഭാ തെരഞ്ഞെടുപ്പ്: മാധ്യമങ്ങളുടെ വ്യാജ പ്രചാരണങ്ങളില് വഞ്ചിതരാവരുത്: മുസ്ലിം ലീഗ്
-
kerala3 days ago
സുരേഷ് ഗോപിയുടെ പുലിപ്പല്ല് മാല; അന്വേഷണം ആരംഭിച്ച് വനംവകുപ്പ്
-
kerala3 days ago
ഒറ്റപ്പെട്ട ശക്തമായ മഴയ്ക്ക് സാധ്യത; ഒന്പത് ജില്ലകളില് യെല്ലോ അലേര്ട്ട്
-
kerala3 days ago
തിരുവനന്തപുരത്ത് പൊലീസ് ടെലികമ്യൂണിക്കേഷന് ഇന്സ്പെക്ടറെ വീടിനുള്ളില് മരിച്ച നിലയില് കണ്ടെത്തി