kerala
കോട്ടയത്തും അങ്കമാലിയിലും നിർമാണ പ്രവർത്തനം: 15 ട്രെയിനുകൾ റദ്ദാക്കി
അറ്റകുറ്റപ്പണികള്‍ നടക്കുന്നതിനാല്‍ ഇന്നു വ്യാപകമായി ട്രെയിന്‍ സര്‍വീസുകളില്‍ മാറ്റം. തൃശൂര്‍ യാര്‍ഡിലും ആലുവ- അങ്കമാലി സെക്‌ഷനിലും അറ്റകുറ്റപ്പണികള്‍ നടക്കുന്നതിനാല്‍ മാവേലിക്കര – ചെങ്ങന്നൂര്‍ റൂട്ടിലെ പാലത്തിന്റെ ഗര്‍ഡര്‍ നവീകരണവും ഉള്‍പ്പെടെയുള്ള ജോലികള്‍ നടക്കുന്നതിനാലാണ് സര്‍വീസുകളില്‍ മാറ്റമുള്ളത്. ഇന്ന് 15 ട്രെയിനുകള്‍ പൂര്‍ണമായും ഏഴ് ട്രെയിനുകള്‍ ഭാഗികമായും റദ്ദാക്കിയിട്ടുണ്ട്.
ഇന്ന് പൂര്‍ണമായി റദ്ദാക്കിയ ട്രെയിനുകള്‍
• കൊച്ചുവേളി- ലോകമാന്യ ടെര്‍മിനസ് ഗര‍ീബ്‌രഥ് എക്സ്പ്രസ് (12202)
• നാഗര്‍കോവില്‍ – മംഗളൂരു സെന്‍ട്രല്‍ പരശുറാം എക്സ്പ്രസ് (16650)
• കൊച്ചുവേളി – നിലമ്പൂര്‍ രാജറാണി എക്സ്പ്രസ് (16349)
• തിരുവനന്തപുരം സെന്‍ട്രല്‍ – മധുര അമൃത എക്സ്പ്രസ് (16343)
• കൊല്ലം – എറണാകുളം അണ്‍റിസര്‍വ്ഡ് മെമു (06768)
• കൊല്ലം – എറണാകുളം അണ്‍റിസര്‍വ്ഡ് മെമു (06778)
• എറണാകുളം – കൊല്ലം മെമു എക്സ്പ്രസ് (06441)
• കായംകുളം – എറണാകുളം- കായംകുളം മെമു എക്സ്പ്രസ് (16310/16309)
• കൊല്ലം – കോട്ടയം- കൊല്ലം മെമു സ്പെഷല്‍ (06786/06785)
• എറണാകുളം – കൊല്ലം മെമു സ്പെഷല്‍ (06769)
• കായംകുളം – എറണാകുളം എക്സ്പ്രസ് സ്പെഷല്‍ (06450)
• എറണാകുളം – ആലപ്പുഴ മെമു എക്സ്പ്രസ് സ്പെഷല്‍ (06015)
• ആലപ്പുഴ – എറണാകുളം എക്സ്പ്രസ് സ്പെഷല്‍ (06452)
ലോകമാന്യ തിലക് ടെര്‍മിനസ് – കൊച്ചുവേളി ഗരീബ് രഥ് എക്സ്പ്രസ് (12201), നിലമ്ബൂര്‍- കൊച്ചുവേളി രാജറാണി എക്സ്പ്രസ് (16350), മധുര – തിരുവനന്തപുരം സെന്‍ട്രല്‍ അമൃത എക്സ്പ്രസ് (16344) എന്നീ ട്രെയിനുകളാണ് നാളെ റദ്ദാക്കിയിരിക്കുന്നത്.
ഇന്ന് ഭാഗികമായി റദ്ദാക്കിയ ട്രെയിനുകള്‍
• ഉച്ചയ്ക്ക് ഒന്നിന് പുറപ്പെടുന്ന നാഗര്‍കോവില്‍ – കോട്ടയം എക്സ്പ്രസ് (16366) കൊല്ലത്ത് സര്‍വീസ് അവസാനിപ്പിക്കും
• രാവിലെ 5.25 ന് പുറപ്പെടുന്ന തിരുവനന്തപുരം – ഷൊര്‍ണൂര്‍ വേണാട് എക്സ്പ്രസ് (16302) എറണാകുളത്തു സര്‍വീസ് അവസാനിപ്പിക്കും. ഈ ട്രെയിന്‍ തിരികെ (16301) വൈകിട്ട് 5.25 ന് എറണാകുളത്തു നിന്ന് തിരുവനന്തപുരത്തേക്കു പുറപ്പെടും.
• ഉച്ചയ്ക്ക് 1.25 ന് പുറപ്പെടേണ്ട എറണാകുളം- ഹസ്രത് നിസാമുദീന്‍ മംഗള സൂപ്പര്‍ഫാസ്റ്റ് എക്സ്പ്രസ് (12617) ഉച്ചയ്ക്ക് 2.37ന് തൃശൂരില്‍ നിന്നു സര്‍വീസ് ആരംഭിക്കും
• രാവിലെ 7.20 ന് പാലക്കാട് ജംഗ്ഷനില്‍ നിന്നു പുറപ്പെടുന്ന എറണാകുളം മെമു എക്സ്പ്രസ് സ്പെഷല്‍ (06797) ചാലക്കുടിയില്‍ സര്‍വീസ് അവസാനിപ്പിക്കും. ഈ ട്രെയിന്‍ തിരികെ (06798) വൈകിട്ട് 3.55 ന് ചാലക്കുടിയില്‍ നിന്നു പാലക്കാട്ടേക്കു സര്‍വീസ് ആരംഭിക്കും.
• രാവിലെ 9മണിക്കുള്ള ചെന്നൈ എഗ്‌മൂറില്‍ നിന്നു പുറപ്പെടുന്ന ഗുരുവായൂര്‍ എക്സ്പ്രസ് (16127) എറണാകുളം ജംക്‌ഷനില്‍ സര്‍വീസ് അവസാനിപ്പിക്കും.
kerala
മഴ തുടരുന്നു; സംസ്ഥാനത്ത് മഴ മുന്നറിയിപ്പില്‍ മാറ്റം
.കാസര്‍കോഡ്,കണ്ണൂര്‍ ജില്ലകളില്‍ ഓറഞ്ച് അലര്‍ട്ട് പ്രഖ്യാപിച്ചു.
സംസ്ഥാനത്ത് മഴമുന്നറിയിപ്പില്‍ മാറ്റം.കാസര്‍കോഡ്,കണ്ണൂര്‍ ജില്ലകളില്‍ ഓറഞ്ച് അലര്‍ട്ട് പ്രഖ്യാപിച്ചു. കോഴിക്കോട്,വയനാട്,പത്തനംതിട്ട,കൊല്ലം, തിരുവനന്തപുരം ജില്ലകളില്‍ യെല്ലോ അലര്‍ട്ടും പ്രഖ്യാപിച്ചു.
കേരളത്തില്‍ ഒറ്റപ്പെട്ടയിടങ്ങളില്‍ ഇന്ന് മണിക്കൂറില്‍ 40 മുതല്‍ 50 കിലോമീറ്റര്‍ വരെ വേഗതയില്‍ ശക്തമായ കാറ്റിന് സാധ്യതയുണ്ടെന്നും കേന്ദ്ര കാലാവസ്ഥ വകുപ്പ് അറിയിച്ചിട്ടുണ്ട്.
kerala
പൂട്ടിക്കിടന്ന വീട്ടില്‍ കവര്‍ച്ച; 11.58 ലക്ഷം രൂപയുടെ നഷ്ടം
തിരുവനന്തപുരം ചിറയിന്‍കീഴ് ആളില്ലാതിരുന്ന വീട്ടില്‍ വന്‍ കവര്‍ച്ച.
തിരുവനന്തപുരം ചിറയിന്‍കീഴ് ആളില്ലാതിരുന്ന വീട്ടില്‍ വന്‍ കവര്‍ച്ച. ചിറയിന്‍കീഴ് ഒറ്റപ്ലാമുക്ക് ഷാരോണ്‍ ഡെയിലില്‍ സുശീല സി.പെരേരയുടെ വീട്ടിലാണ് കവര്‍ച്ച നടന്നത്. 107 ഗ്രാം സ്വര്‍ണവും ഇന്ത്യന്‍, വിദേശ കറന്‍സികളും മോഷ്ടിക്കപ്പെട്ടു. മൊത്തം 11.58 ലക്ഷം രൂപയുടെ നഷ്ടമുണ്ടായിട്ടുണ്ട്.
മകളുടെ ഭര്‍ത്താവിന്റെ ചികിത്സയുമായി ബന്ധപ്പെട്ട് ഒരാഴ്ചയായി സുശീല വീട്ടില്‍ ഉണ്ടായിരുന്നില്ല. കഴിഞ്ഞദിവസം വീട്ടിലെത്തിയപ്പോഴാണ് കവര്‍ച്ച നടന്നത് മനസിലാക്കിയത്. വീടിനുള്ളിലെ ഷെല്‍ഫുകള്‍ തുറന്ന് അതിലെ സാധനങ്ങള്‍ എല്ലാം വാരിവലിച്ചിട്ടിരിക്കുകയായിരുന്നു.
അലമാരകളില്‍ സൂക്ഷിച്ചിരുന്ന വസ്തുക്കളാണ് നഷ്ടമായത്. മാല, വളകള്‍, കമ്മലുകള്‍, മോതിരം തുടങ്ങിയവയാണ് കവര്‍ന്നത്. ഇന്ത്യന്‍ രൂപ, സൗദി, യു.എ.ഇ കറന്‍സികള്‍, വിലയേറിയ വാച്ച് എന്നിവയും നഷ്ടമായിട്ടുണ്ട്. മരുമകന്റെ ചികിത്സ ആവശ്യങ്ങള്‍ക്കായി മകള്‍ സൂക്ഷിക്കാന്‍ നല്‍കിയിരുന്നതാണ് പണം. ചിറയിന്‍കീഴ് പോലീസ് അന്വേഷണം ആരംഭിച്ചിട്ടുണ്ട്.
kerala
തലപ്പാടി വാഹനാപകടം; ബസിന്റെ അമിതവേഗതയും ടയറിന്റെ തേയ്മാനവുമാണ് അപകടത്തിന് കാരണം
കാസര്‍ഗോഡ് തലപ്പാടിയില്‍ ആറുപേരുടെ മരണത്തിനിടയായ വാഹനാപകടത്തിന് കാരണം ഡ്രൈവറുടെ അശ്രദ്ധയും അമിതവേഗതയുമാണെന്ന് മോട്ടോര്‍ വാഹന വകുപ്പിന്റെ റിപ്പോര്‍ട്ട്.
കാസര്‍ഗോഡ് തലപ്പാടിയില്‍ ആറുപേരുടെ മരണത്തിനിടയായ വാഹനാപകടത്തിന് കാരണം ഡ്രൈവറുടെ അശ്രദ്ധയും അമിതവേഗതയുമാണെന്ന് മോട്ടോര്‍ വാഹന വകുപ്പിന്റെ റിപ്പോര്‍ട്ട്. ബസ് ടയറിന്റെ തേയ്മാനമാണ് അപകട വ്യാപ്തി വര്‍ദ്ധിക്കാന്‍ കാരണമായെന്നും ആര്‍ടിഒയുടെ അന്വേഷണ റിപ്പോര്‍ട്ടില്‍ പറയുന്നു.
ആറു പേരുടെ മരണത്തിനിടയാക്കിയ അപകടത്തിന് പിന്നാലെയാണ് മോട്ടോര്‍ വാഹന വകുപ്പ് ഉദ്യോഗസ്ഥര്‍ പരിശോധന നടത്തിയത്. ബസിന്റെ ബ്രേക്ക് നഷ്ടമായതാണ് അപകടത്തിന് കാരണമെന്നാണ് ഡ്രൈവര്‍ നിജലിംഗപ്പ പൊലീസിന് നല്‍കിയ മൊഴി. മൊഴി തെറ്റാണെന്നും ടയറിന് തേയ്മാനവും ഡ്രൈവറുടെ അമിതവേഗതയും, അശ്രദ്ധയുമാണ് അപകടത്തിന് കാരണമെന്ന് മാട്ടോര്‍ വാഹന വകുപ്പ് കണ്ടെത്തി.
അപകടത്തില്‍ ആറ് കര്‍ണാടക സ്വദേശികളാണ് മരിച്ചത്.
-
kerala1 day agoഷാഫി പറമ്പിലിനെതിരായ നീക്കം അവസാനിപ്പിച്ചില്ലെങ്കില് കോഴിക്കോട്ട് ഒരു മന്ത്രിയും എം.എല്.എയും റോഡിലിറങ്ങില്ലെന്ന് ജില്ലാ ലീഗ്
-
kerala1 day agoവിജിലിന്റെ മൃതദേഹഭാഗങ്ങള്ക്കായി തിരച്ചില് തുടരുന്നു; രണ്ട് കഡാവര് നായകളെ എത്തിച്ചു
-
kerala3 days agoതാമരശ്ശേരി ചുരത്തില് മണ്ണിടിച്ചില്; കാല്നടയാത്രക്കാര്ക്കടക്കം യാത്ര വിലക്ക്
-
kerala1 day agoജനാധിപത്യത്തിലേക്ക് തേര് തെളിച്ച വില്ലുവണ്ടി
-
Film3 days agoപ്രണവ് മോഹൻലാൽ – രാഹുൽ സദാശിവൻ ചിത്രം ‘ഡീയസ് ഈറേ’ ടീസർ നാളെ
-
kerala3 days ago‘ആദ്യം എസ്.എഫ്.ഐ തോറ്റു, പിന്നീടവര് വര്ഗ്ഗീയതയെ കൂട്ടുപിടിച്ചു’: പി.കെ നവാസ്
-
kerala3 days agoനെഹ്രു ട്രോഫി വള്ളംകളി; 30ന് പ്രാദേശിക അവധി, എല്ലാ വിദ്യാഭ്യാസ സ്ഥാപനങ്ങള്ക്കും സര്ക്കാര് ഓഫീസുകള്ക്കും ബാധകം
-
kerala3 days agoപ്രതിപക്ഷ നേതാവിന്റെ ഔദ്യോഗിക വസതിക്ക് നേരെയുള്ള അക്രമം; ജനാധിപത്യ വിരുദ്ധമെന്ന് കെപിസിസി