Fact Check
ശുക്രനിലേക്ക് ആയിരം പേര്; ടൈറ്റന് ദുരന്തത്തിന് പിന്നാലെ പുതിയ പദ്ധതിയുമായി ഓഷന്ഗേറ്റ് സഹസ്ഥാപകന്
ആഴക്കടലിലെ ടൈറ്റാനിക് സന്ദര്ശനം വലിയ ദുരന്തത്തിനു വഴിവച്ചതിന്റെ ഞെട്ടല് മാറുന്നതിനു മുന്പു പുതിയ പദ്ധതിയുമായി ഓഷന്ഗേറ്റ് സഹസ്ഥാപകന് ഗില്ലര്മോ സോണ്ലൈന്. ശുക്രന്റെ അന്തരീക്ഷത്തില് താമസിക്കലാണു പുതിയ പദ്ധതി. 2050 ഓടുകൂടി 1000 ആളുകളെ ശുക്രന്റെ അന്തരീക്ഷത്തിലേക്ക് അയയ്ക്കാനാണു ഗില്ലര്മോ സോണ്ലൈന് ലക്ഷ്യംവയ്ക്കുന്നത്. ശുക്രനില് ജനങ്ങള് താമസിക്കുന്നതു തന്റെ ആഗ്രഹമാണെന്നും 2050 ഓടുകൂടി പദ്ധതി നടപ്പില് വരുത്താന് കഴിയുമെന്നും ഗില്ലര്മോ സോണ്ലൈന് ബിസിനസ് ഇന്സൈഡറിനോടു പറഞ്ഞു.
ഓഷന്ഗേറ്റിനെ മറക്കു, ടൈറ്റനെ മറക്കു, സ്റ്റോക്ടനെ മറക്കു, വലിയ മുന്നേറ്റത്തിന്റെ വക്കിലാണു മനുഷ്യകുലം. ശുക്രന്റെ പ്രതലത്തില്നിന്ന് 30 മൈലുകള്ക്കു മുകളില് മനുഷ്യര്ക്കു താമസിക്കാന് കഴിയും, അവിടെ താപനിലയും സമ്മര്ദ്ദവും കുറവായിരിക്കും”സോണ്ലൈന് പറഞ്ഞു. അതേസമയം പുതിയ പദ്ധതി നടപ്പിലാക്കാന് പോകുന്നത് ഓഷന്ഗേറ്റല്ല. സോണ്ലൈന്റെ ഹ്യൂമന്സ്2വീനസ് എന്ന കമ്പനിയാണു ശുക്രനിലേക്കു മനുഷ്യരെ അയക്കുന്നതിനു പിന്നില്. 2020ലാണു കമ്പനി രൂപീകരിച്ചത്. ശുക്രന്റെ അന്തരീക്ഷത്തില് സ്ഥിരമായ മനുഷ്യവാസം ഉറപ്പിക്കുകയാണു കമ്പനിയുടെ ലക്ഷ്യം. ഭൂമിയോടു സമാനമായ ഗുരുത്വാകര്ഷണം, 0-50 ഡിഗ്രി സെല്ഷ്യസ് താപനില തുടങ്ങിയവ അനുകൂല കാര്യങ്ങളാണെന്നു ഹ്യമൂന്സ്2വീനസ് വെബ്സൈറ്റില് വ്യക്തമാക്കുന്നു.
ടൈറ്റാനിക് കപ്പലിന്റെ അവശിഷ്ടങ്ങള് കാണാന് ആഴക്കടലിലേക്കുപോയ സമുദ്രപേടകം ടൈറ്റന് തകര്ന്നതിനു പിന്നാലെ തങ്ങളുടെ എല്ലാ പര്യവേക്ഷണ, വാണിജ്യ പരിപാടികളും നിര്ത്തിവച്ചതായി ഓഷന്ഗേറ്റ് കമ്പനി പ്രഖ്യാപിച്ചിരുന്നു. ടൈറ്റന് സമുദ്രപേടകം കടലിലിറങ്ങി 2 മണിക്കൂറിനുള്ളില്ത്തന്നെ മദര്ഷിപ്പുമായുള്ള ബന്ധം നഷ്ടപ്പെട്ടിരുന്നു. ദുബായിലെ ബ്രിട്ടിഷ് വ്യവസായിയും ആക്ഷന് ഏവിയേഷന് കമ്പനിയുടെ ചെയര്മാനുമായ ഹാമിഷ് ഹാര്ഡിങ്, പാക്കിസ്ഥാനിലെ കറാച്ചി ആസ്ഥാനമായ ബഹുരാഷ്ട്രകമ്പനി എന്ഗ്രോയുടെ വൈസ് ചെയര്മാനും ശതകോടീശ്വരനുമായ ഷഹ്സാദ ദാവൂദ്, മകന് സുലൈമാന്, പേടകത്തിന്റെ പൈലറ്റ് ഫ്രഞ്ച് പൗരന് പോള് ഹെന്റി നാര്സലേ, ഓഷന് ഗേറ്റ് കമ്പനിയുടെ സ്ഥാപകനും സിഇഒയുമായ സ്റ്റോക്ടന് റഷ് എന്നിവരാണു പേടകത്തിലുണ്ടായിരുന്നത്. സമുദ്രാന്തര്ഭാഗത്തു വച്ച് പേടകം ഉള്വലിഞ്ഞ് പൊട്ടിത്തെറിച്ചുണ്ടായ അപകടത്തില് 5 പേരും മരിച്ചിരുന്നു.
Fact Check
രാഹുല് ഗാന്ധി വീണ്ടും എം.പി; ലോക്സഭാംഗത്വം പുനഃസ്ഥാപിച്ചു
പാര്ലമെന്റംഗത്വം പുനഃസ്ഥാപിച്ചതോടെ ചൊവ്വാഴ്ച കേന്ദ്ര സര്ക്കാരിനെതിരെയുള്ള അവിശ്വാസപ്രമേയത്തില് രാഹുല് ഗാന്ധിക്ക് പങ്കെടുക്കാനാകും
രാഹുല് ഗാന്ധിയുടെ ലോക്സഭാംഗത്വം പുനഃസ്ഥാപിച്ചു. ലോക്സഭാ സെക്രട്ടറിയേറ്റ് വിജ്ഞാപനം ഇറക്കി. അപകീര്ത്തികേസില് രാഹുലിനെ ശിക്ഷിച്ച സൂറത്ത് കോടതി വിധി നാലാം തീയതി സുപ്രീംകോടതി സ്റ്റേ ചെയ്ത പശ്ചാത്തലത്തിലാണ് ലോക്സഭാ സെക്രട്ടറിയേറ്റിന്റെ നടപടി.
പാര്ലമെന്റംഗത്വം പുനഃസ്ഥാപിച്ചതോടെ ചൊവ്വാഴ്ച കേന്ദ്ര സര്ക്കാരിനെതിരെയുള്ള അവിശ്വാസപ്രമേയത്തില് രാഹുല് ഗാന്ധിക്ക് പങ്കെടുക്കാനാകും. ചൊവ്വാഴ്ചയും ബുധനാഴ്ചയുമായി 12 മണിക്കൂറാണ് അവിശ്വാസ പ്രമേയ ചര്ച്ചയ്ക്കു ലോക്സഭ നീക്കിവച്ചിരിക്കുന്നത്. വ്യാഴാഴ്ച പ്രധാനമന്ത്രി നരേന്ദ്രമോദി മറുപടി പറയും. അവിശ്വാസപ്രമേയത്തിന് നോട്ടീസ് നല്കിയ ഗൗരവ് ഗൊഗോയ്ക്കു ശേഷം രാഹുല് ഗാന്ധിയാകും പ്രതിപക്ഷത്ത് നിന്ന് പ്രസംഗിക്കുക.
137 ദിവസങ്ങള്ക്കു ശേഷമാണ് രാഹുല് ഗാന്ധി പാര്ലമെന്റിലേക്ക് മടങ്ങിയെത്തുക. കുറ്റക്കാരനാണെന്ന വിധിക്കു സ്റ്റേ വന്നതോടെ, രാഹുല് ഗാന്ധിക്കുള്ള അയോഗ്യത നീങ്ങിയിരുന്നു. എന്നാല്, ലോക്സഭാംഗത്വം റദ്ദാക്കിക്കൊണ്ടു ലോകസഭാ സെക്രട്ടേറിയറ്റ് നേരത്തെ വിജ്ഞാപനമിറക്കിയതിനാല് ഇതു പുനഃസ്ഥാപിച്ചുള്ള വിജ്ഞാപനവും വേണ്ടതുണ്ട്. ഇത് വേഗത്തില് വേണമെന്ന് ആവശ്യപ്പെട്ട് ലോക്സഭാ സ്പീക്കര് ഓം ബിര്ലയ്ക്ക് കോണ്ഗ്രസ് കത്ത് നല്കിയിരുന്നു.
എന്നാലിത് നേരിട്ട് സ്വീകരിക്കാതെ സ്പീക്കര് ഓം ബിര്ല ഒഴിഞ്ഞു മാറിയിരുന്നു. സമയം അനുവദിക്കാതിരുന്നതോടെ, കോണ്ഗ്രസ് ലോകസ്സഭാ കക്ഷി നേതാവ് അധീര് രഞ്ജന് ചൗധരി കത്ത് ലോക്സഭാ സെക്രട്ടേറിയറ്റിനെ എല്പ്പിക്കുകയായിരുന്നു. കഴിഞ്ഞ മാര്ച്ച് 23ലെ സുപ്രീംകോടതി ഉത്തരവു വന്ന് 24 മണിക്കൂറിനുള്ളിലാണ് രാഹുലിനെ അയോഗ്യനാക്കി ലോകസഭാ സെക്രട്ടേറിയറ്റ് ഉത്തരവിറക്കിയത്.
Fact Check
കരിപ്പൂര് വിമാനപകടത്തിന് ഇന്നേക്ക് മൂന്ന് വര്ഷം
2020 ഓഗസ്റ്റ് 7ന് വൈകുന്നേരമാണ് രാജ്യത്തെ നടുക്കിയ വിമാന അപകടം ഉണ്ടായത്.
കരിപ്പൂര് വിമാന അപകടം നടന്ന് ഇന്നേക്ക് മൂന്നാണ്ട് തികയുന്നു. സ്വന്തം ജീവന് പണയംവെച്ച് രക്ഷപ്രവര്ത്തനം നടത്തിയവര്ക്കുള്ള നന്ദി സൂചകമായി നെടിയിരുപ്പ് ഫാമിലി ഹെല്ത്ത് സെന്ററിന് അപകടത്തില് മരിച്ചവരുടെ ആശ്രിതരും രക്ഷപെട്ടവരും ചേര്ന്ന് പുതിയ കെട്ടിടം നിര്മിച്ച് നല്കും. വിമാന അപകടം നടന്നതിന് പിന്നാലെ നിര്ത്തിവെച്ച വലിയ വിമാനങ്ങളുടെ സര്വീസ് പുനരാരംഭിക്കണമെങ്കില് റണ്വേ നവീകരിക്കണം.
2020 ഓഗസ്റ്റ് 7ന് വൈകുന്നേരമാണ് രാജ്യത്തെ നടുക്കിയ വിമാന അപകടം ഉണ്ടായത്. റണ്വേക്ക് പുറത്ത് പോയി താഴ്ച്ചയിലേക്ക് വീണ എയര് ഇന്ത്യ വിമാനം മൂന്നു കഷ്ണങ്ങളായി മാറി. 21 പേരാണ് അപകടത്തില് മരിച്ചത്. നിരവധി പേര്ക്ക് പരിക്കേല്ക്കുകയും ചെയ്തു. കൊവിഡ് കാലത്ത് സ്വന്തം സുരക്ഷ പരിഗണിക്കാതെയാണ് നാട്ടുകാര് രക്ഷപ്രവര്ത്തനം നടത്തിയത്. ഈ നാട്ടുകാര്ക്ക് ആദരവ് അര്പ്പിച്ചാണ് നെടിയിരിപ്പ് ഫാമിലി ഹെല്ത്ത് സെന്ററിന് പുതിയകെട്ടിടം നിര്മ്മിക്കാന് വിമാന അപകടത്തില് നിന്നും രക്ഷപെട്ടവരും മരിച്ചവരുടെ കുടുംബങ്ങളും തീരുമാനിച്ചത്. അപകടം നടന്നതിന് പിന്നാലെ വലിയ വിമാനങ്ങള് പൂര്ണ്ണമായി നിര്ത്തിവെച്ചു. റണ്വേ നവീകരിച്ചാല് മാത്രമെ വലിയ വിമാനങ്ങള് ഇറക്കനാവൂ. റണ്വെയുടെ നീളം വര്ദ്ധിപ്പിക്കാനായി ഭൂമി ഏറ്റെടുക്കാനുളള നടപടികള് ഉടന് ആരംഭിക്കും.
Fact Check
മണിപ്പൂര് കത്തുന്നു; വീടുകള്ക്ക് തീയിട്ടു, വെടിവെയപ്; സംഘര്ഷത്തില് പരിക്കേറ്റ പൊലീസുകാരന് മരിച്ചു
മണിപ്പൂരില് സംഘര്ഷം തുടരുന്നു. ചെക്ക്ക്കോണ് മേഖലയില് വീടുകള് തീയിട്ടു. ക്വക്തയില് രാത്രിയിലും വെടിവെപ്പ് ഉണ്ടായി. കഴിഞ്ഞ ദിവസത്തെ സംഘര്ഷത്തില് പരിക്കേറ്റ ഒരു പൊലീസുകാരന് കൂടി കൊല്ലപ്പെട്ടതായി റിപ്പോര്ട്ട് പുറത്തുവന്നിട്ടുണ്ട്.
ഇംഫാല് വെസ്റ്റില് ആയുധങ്ങള് കൊള്ളയടിക്കാന് ശ്രമിച്ച 4 പേര് അറസ്റ്റിലായി. കേന്ദ്ര മന്ത്രി അമിത് ഷാ ഇന്ന് കുക്കി നേതാക്കളുമായി കൂടിക്കാഴ്ച്ച നടത്തും. മണിപ്പൂരിലെ കൂട്ട ബലാത്സംഗക്കേസുമായി ബന്ധപ്പെട്ട് 5 പൊലീസുകാര്ക്ക് കൂടി സസ്പെന്ഷന്. നിയമസഭാ സമ്മേളനം വിളിച്ചു കൂട്ടുന്നതിലെ കാലതാമസത്തിനെതിരെ സര്ക്കാരിനെ ബഹിഷ്ക്കരിക്കാന് മെയ്തെയ് സംഘടന ആഹ്വാനം ചെയ്തിട്ടുണ്ട്.
-
india2 days ago‘ബിഹാർ തെരഞ്ഞെടുപ്പിൽ വൻ അഴിമതിയും ക്രമക്കേടും’; തെളിവുകൾ പുറത്തുവിട്ട് ധ്രുവ് റാഠി
-
Environment2 days agoആകാശഗംഗയെക്കാള് നാലിരട്ടി വലുപ്പമുള്ള ഭീമന് നെബുല കണ്ടെത്തി; മലപ്പുറം സ്വദേശിനി ഡോ. രഹന പയ്യശ്ശേരി ശാസ്ത്രലോകത്തെ വിസ്മയിപ്പിച്ചു
-
india2 days ago‘ബിജെപിയും തെരഞ്ഞെടുപ്പ് കമ്മീഷനും ചേർന്ന് വോട്ടെടുപ്പിനെ ഹൈജാക്ക് ചെയ്യുന്നു’; എസ്ഐആറിനെതിരെ അഖിലേഷ് യാദവ്
-
india2 days agoആധാർ ജനന രേഖയായി കണക്കാക്കാനാവില്ല; പുതിയ നടപടിയുമായി മഹാരാഷ്ട്രയും ഉത്തർപ്രദേശും
-
india3 days ago‘പൗരത്വം നിര്ണ്ണയിക്കാന് ബിഎല്ഒയ്ക്ക് അധികാരമില്ല’; സുപ്രീംകോടതിയോട് സിബലും സിങ്വിയും
-
kerala23 hours agoകൊയിലാണ്ടി എംഎല്എ കാനത്തില് ജമീല അന്തരിച്ചു
-
kerala1 day agoകോഴിക്കോട് ബസ് സ്കൂട്ടറില് ഇടിച്ച് വിദ്യാര്ഥിനി മരിച്ചു
-
kerala2 days agoമണിക്കൂറുകളായി സ്കൈ ഡൈനിംങ്ങില് കുടുങ്ങിക്കിടന്ന വിനോദ സഞ്ചാരികളില് ഒരാളെ രക്ഷപ്പെടുത്തി