crime
കാന്സര് രോഗിയുടെ കയ്യില് നിന്ന് 10,000 രൂപ കൈക്കൂലി വാങ്ങിയ പഞ്ചായത്ത് സെക്രട്ടറി വിജിലന്സ് പിടിയില്
വെള്ളനാട് പഞ്ചായത്ത് സെക്രട്ടറി വി.ജി.ഗോപകുമാര് ആണ് വിജിലന്സിന്റെ പിടിയില് ആയത്
കാന്സര് രോഗിയില് നിന്ന് കൈക്കൂലി വാങ്ങിയ പഞ്ചയത്ത് സെക്രട്ടറി വിജിലന്സ് പിടിയില്. വെള്ളനാട് പഞ്ചായത്ത് സെക്രട്ടറി വി.ജി.ഗോപകുമാര് ആണ് വിജിലന്സിന്റെ പിടിയില് ആയത്. ലൈഫ് പദ്ധതിയില് ലഭിച്ച വീട് വയ്ക്കാന് മണ്ണിടിക്കുന്നതിനായിരുന്നു 10,000 രൂപ ആവശ്യപ്പെട്ടത്.
കഴിഞ്ഞ ചൊവ്വാഴ്ച വൈകുന്നേരമാണ് സംഭവം. കാട്ടാക്കട ജങ്ഷനില്വെച്ചാണ് വിജിലന്സ് ആന്ഡ് ആന്റികറപ്ഷന് ബ്യൂറോ എസ്.പി. അജയ് കുമാറിന്റെ നേതൃത്വത്തില് ഡിവൈ.എസ്.പി. അനില്കുമാറും സംഘവും വാഹനം തടഞ്ഞുനിര്ത്തി ഇയാെള പിടികൂടിയത്.
വീടു വയ്ക്കാനായി മണ്ണിടിക്കുന്നതിനായി വെള്ളനാട് മുണ്ടേല സ്വദേശിനി ടിപ്പര് ലോറി ഉടമകളോടു സഹായം തേടിയിരുന്നു. ഇതിന്റെ അനുമതിക്കായാണ് ഇവര് പഞ്ചായത്തു സെക്രട്ടറിയെ സമീപിച്ചത്. എന്നാല് അനുമതി നല്കാതിരുന്നപ്പോള് പണം നല്കാമെന്നു സമ്മതിച്ചു വിജിലന്സിനെ വിവരം അറിയിക്കുകയായിരുന്നു. തുടര്ന്ന് കാറിനുള്ളില് കയറ്റി പണം വാങ്ങി ഇറക്കി വിടുകയായിരുന്നു. പിന്നാലെ പുറപ്പെട്ട വിജിലന്സ് സംഘം കാട്ടാക്കടയില് വച്ച് ഗോപകുമാറിനെ പിടികൂടുകയായിരുന്നു.
crime
സൗദിയില് മര്ച്ചന്റ് നേവി ജോലി വാഗ്ദാനം; 27കാരന് അറസ്റ്റില്
ജോലി ലഭിക്കാതെയും പണം തിരികെ നല്കാതെയും വന്നതിനെ തുടര്ന്ന്..
ഷൊര്ണ്ണൂര്: സൗദിയില് മര്ച്ചന്റ് നേവിയില് ജോലി ലഭ്യമാക്കാമെന്ന് പറഞ്ഞ് വന്തുക തട്ടിയ കേസില് 27കാരനായ ആദര്ശിനെ ഷൊര്ണ്ണൂര് പൊലീസ് അറസ്റ്റ് ചെയ്തു. കൊല്ലം വടമണ് തെക്കേക്കര സ്വദേശിയാണ് പ്രതി. മേയ്, സെപ്റ്റംബര് മാസങ്ങളിലായി വടനക്കുറിശ്ശി സ്വദേശിയില് നിന്നു 3,85,000 രൂപയാണ് തട്ടിയെടുത്തത്.
ജോലി ലഭിക്കാതെയും പണം തിരികെ നല്കാതെയും വന്നതിനെ തുടര്ന്ന് പരാതിക്കാരി പൊലീസിനെ സമീപിക്കുകയായിരുന്നു. ഇതേ സ്വഭാവത്തിലുള്ള മറ്റൊരു കേസില് കണ്ണൂര് ആറളം പൊലീസ് സ്റ്റേഷനിലും ആദര്ശിനെതിരെ കേസ് നിലവിലുണ്ട്. കൂടുതല് പരാതികളും ലഭിച്ചുവരുന്നുവെന്ന് പൊലീസ് അറിയിച്ചു. പ്രതിയെ കോടതിയില് ഹാജരാക്കി റിമാന്ഡ് ചെയ്തു.
crime
ആഭിചാരക്രിയയുടെ മറവിൽ 11കാരിയെ പീഡിപ്പിക്കാൻ ശ്രമം; വ്യാജ സ്വാമി പിടിയിൽ
പരീക്ഷയിൽ കുട്ടിക്ക് മികച്ച വിജയം ലഭിക്കുന്നതിനായി സ്വാമിയെ സമീപിച്ചപ്പോഴാണ് ദുരനുഭവം ഉണ്ടായത്
കൊല്ലം: ആഭിചാരക്രിയയുടെ മറവിൽ 11കാരിയെ പീഡിപ്പിക്കാൻ ശ്രമിച്ച വ്യാജ സ്വാമി പിടിയിൽ. മുണ്ടക്കൽ സ്വദേശി ഷിനു സ്വാമിയാണ് പിടിയിലായത്. പരീക്ഷയിൽ കുട്ടിക്ക് മികച്ച വിജയം ലഭിക്കുന്നതിനായി സ്വാമിയെ സമീപിച്ചപ്പോഴാണ് ദുരനുഭവം ഉണ്ടായത്. സ്വകാര്യ ഭാഗങ്ങളിൽ പൂജയുടെ ഭാഗമായി സ്പർശിച്ചു എന്നാണ് പെൺകുട്ടി പൊലീസിന് നൽകിയ മൊഴി.
പൂജയുടെ മറവിൽ തന്നെയും പീഡിപ്പിച്ചെന്ന് മറ്റൊരു യുവതിയും വെളിപ്പെടുത്തി. പ്രായപൂർത്തിയാകാത്ത കുട്ടികളെ ബന്ധപ്പെട്ടാൽ ആയുസ് കൂടുമെന്ന് ഇയാൾ പറഞ്ഞതായി ദുരനുഭവം നേരിട്ട മറ്റൊരു സ്ത്രീ പറഞ്ഞു.
ആഭിചാരക്രിയകൾ നടന്നിരുന്നു എന്നാണ് ഇയാളുടെ പൂജാമുറിയിൽ നിന്ന് വ്യക്തമാകുന്നത്. പൂജാമുറിയിൽ നിന്ന് ജപിച്ചു കിട്ടുന്ന ചരടുകളും വടിവാളും മറ്റു പൂജാ സാധനങ്ങളും കണ്ടെത്തി. പോക്സോ കേസിൽ അറസ്റ്റിലായ ഷിനു സ്വാമി റിമാൻഡിൽ ആണ്.
-
kerala2 days ago‘ഇത് പുരുഷന്മാര്ക്ക് വേണ്ടിയുള്ള സ്വാതന്ത്ര്യ സമരം, മഹാത്മാഗാന്ധിയുടെ പാതയില് ജയിലില് നിരാഹാര സമരമിരിക്കും’:രാഹുല് ഈശ്വര്
-
kerala21 hours agoകെഎസ്ആര്ടിസി ബസ് ഓടിച്ചു എന്ന കുറ്റമേ ഞാന് ചെയ്തിട്ടുള്ളൂ, കമ്മ്യൂണിസ്റ്റ് പാര്ട്ടി എന്നെ ഒരുപാട് ദ്രോഹിച്ചു; ഡ്രൈവര് യദു
-
india22 hours agoപ്രതിപക്ഷത്തിനുമുന്നില് മുട്ട് മടക്കി കേന്ദ്രം; എസ്ഐആർ വിഷയത്തിൽ പാർലമെന്റിൽ ചർച്ച വേണമെന്ന ആവശ്യം അംഗീകരിച്ചു
-
kerala2 days agoമുഖ്യമന്ത്രിക്ക് പുതിയ വാഹനം; 1.10 കോടി അനുവദിച്ച് ഉത്തരവിറക്കി
-
india2 days ago‘ദ്രോഹിക്കുന്നതിനും പരിധിയുണ്ട്, കോണ്ഗ്രസിനെ ഞെരുക്കാനുള്ള ശ്രമം വിലപ്പോവില്ല’ കേന്ദ്രസര്ക്കാറിന്റേത് ധാര്മിക മൂല്യത്തകര്ച്ച: ഡി.കെ.ശിവകുമാര്
-
kerala2 days agoനിയുക്ത ഫാ. മെത്രാന് ആന്റണി കാട്ടിപ്പറമ്പിലിനെ സന്ദര്ശിച്ച് അഡ്വ. ഹാരിസ് ബീരാന് എം.പി
-
kerala20 hours agoകൊല്ലത്ത് എല്ഡിഎഫ് സ്ഥാനാര്ഥിയുടെ സ്വീകരണത്തിനായി കുടുംബശ്രീയില് പണപ്പിരിവ്
-
kerala21 hours agoവഖ്ഫ് സ്വത്തുക്കളുടെ ഉമീദ് പോര്ട്ടല് രജിസ്ട്രേഷന് സമയം നീട്ടണം; കേന്ദ്ര മന്ത്രിയുമായി ചര്ച്ച നടത്തി മുസ്ലിം ലീഗ് എം.പിമാര്