More
‘ഞാന് ഷാരൂഖ് ഖാനല്ല, എന്റെ കൈയില് അത്ര പൈസയുമില്ല’; സെയ്ഫിന്റെ അഭിമുഖം വൈറല്

ന്യൂഡല്ഹി: ഭാര്യ കരീന കപൂറിനും മകന് തൈമൂര് അലി ഖാനുമൊന്നിച്ച് നിമിഷങ്ങള് ചെലവഴിക്കുന്നതാണ് ബോളിവുഡ് താരം സെയ്ഫലി ഖാന് ഇപ്പോള് ഏറെ പ്രിയം. ഇവര്ക്കുമൊപ്പം സന്തോഷ്ട കുടുംബം നയിക്കുന്ന സെയ്ഫ് മുമ്പൊരു അഭിമുഖത്തില് മുന്ഭാര്യ അമൃത സിങിനെക്കുറിച്ച് നടത്തിയ പരാമര്ശങ്ങള് ഇപ്പോള് സമൂഹമാധ്യമങ്ങളില് വൈറലാണ്. താന് ഷാരുഖ് ഖാനല്ലെന്നും തന്റെ കൈയില് അത്ര പൈസയില്ലെന്നുമുള്ള സെയ്ഫിന്റെ പ്രതികരണമാണ് സമൂഹമാധ്യമങ്ങള് ചര്ച്ച ചെയ്യുന്നത്. അമൃത സിങുമായി പിരിഞ്ഞ സംഭവമാണ് അന്ന് താരം അഭിമുഖത്തിനിടെ ഓര്ത്തെടുത്തത്.
അഭിമുഖത്തിലെ പ്രസക്ത ഭാഗങ്ങള്: ‘അഞ്ചു കോടി രൂപയാണ് അമൃതക്ക് കൊടുക്കാന് ഞാന് ഉദ്ദേശിക്കുന്നത്. അതില് രണ്ടര കോടി രൂപ നേരത്തെ കൈമാറിയിട്ടുണ്ട്. പതിനെട്ടു വയസാകുന്നതു വരെ മാസത്തില് ഒരു ലക്ഷം രൂപയും നല്കുന്നുണ്ട്. ഞാന് ഷാരൂഖാനൊന്നുമല്ല, എന്റെ കൈയില് അത്ര പൈസയുമില്ല. ബാക്കി തുക നല്കുമെന്ന് ഉറപ്പു നല്കിയിട്ടുണ്ട്. സിനിമകളിലൂടെയും മറ്റും ഞാന് അതിനാവശ്യമായ പണം കണ്ടെത്തും’- സെയ്ഫ് പറയുന്നു. അമൃതയുമായി പിരിഞ്ഞ സെയ്ഫ് തന്റെ സുഹൃത്ത് റോസയെക്കുറിച്ചും അന്നത്തെ അഭിമുഖത്തില് പങ്കുവെച്ചിരുന്നു.
ഷാരുഖിന്റെ ഭാര്യ ഗൗരിയെ പോലെ സിനിമാമേഖലയില് ഇല്ലാത്ത ഒരാളെയാണ് താന് ഇഷ്ടപ്പെടുന്നതെന്ന് അന്ന് സെയ്ഫ് പറഞ്ഞിരുന്നു. എന്നാല് അമൃതയെ പോലെ ഇപ്പോഴത്തെ ഭാര്യ കരീനയും സിനിമയില് സജീവമാണെന്നും സിനിമയില് നിന്ന് പങ്കാളിയെ തെരഞ്ഞെടുക്കില്ലെന്ന് പറഞ്ഞ സെയ്ഫ് എന്തിനു കരീനയെ വിവാഹം ചെയ്തുവെന്നും ചോദിച്ചാണ് പലരും പഴയ അഭിമുഖം സമൂഹമാധ്യമങ്ങളില് വീണ്ടും ഷെയര് ചെയ്യുന്നത്.
india
കരാര് സംബന്ധിച്ച് തീരുമാനമായില്ല; ഐഎസ്എല് അനിശ്ചിതകാലത്തേക്ക് നീട്ടി
അഖിലേന്ത്യാ ഫുട്ബോള് ഫെഡറേഷന് കരാര് പുതുക്കുന്നതില് ഇടപെടുന്നില്ലെന്നാണ് സംഘാടകരായ FSDL അറിയിച്ചിരിക്കുന്നത്

ഇന്ത്യന് സൂപ്പര് ലീഗില് അനിശ്ചിതത്വം. 2025-2026 സീസണ് അനിശ്ചിതകാലത്തേക്ക് നീട്ടി. കരാര് സംബന്ധിച്ച് തീരുമാനം ആകാത്തതിനാല് മുന്നോട്ടു പോകാനാവില്ലെന്ന് സംഘാടകര് അറിയിച്ചു. അഖിലേന്ത്യാ ഫുട്ബോള് ഫെഡറേഷന് കരാര് പുതുക്കുന്നതില് ഇടപെടുന്നില്ലെന്നാണ് സംഘാടകരായ FSDL അറിയിച്ചിരിക്കുന്നത്.
എഫ്എസ്ഡിഎല്ലിനും അഖിലേന്ത്യാ ഫുട്ബോള് ഫെഡറേഷനും ഇടയിലുള്ള മാസ്റ്റര് റൈറ്റ്സ് എഗ്രിമെന്റ് (എംആര്എ) പുതുക്കുന്നതുമായി ബന്ധപ്പെട്ട അനിശ്ചിതത്വങ്ങളെ തുടര്ന്ന് സെപ്തംബറില് ആരംഭിക്കേണ്ട സീസണാണ് സംപ്രേഷണാവകാശ കരാര് തര്ക്കത്തെ തുടര്ന്ന് നീട്ടിയിരിക്കുന്നത്. കരാര് പുതുക്കാതെ സീസണ് തുടങ്ങാനാവില്ലെന്ന് എഫ്എസ്ഡിഎല് എഐഎഫ്എഫിനെയും ക്ലബ്ബുകളെയും രേഖാമൂലം അറിയിച്ചു. റിലയന്സ് ഗ്രൂപ്പിന്റെ കീഴിലാണ് ഫുട്ബോള് സ്പോര്ട്സ് ഡവലപ്മെന്റ് ലിമിറ്റഡ് (FSDL). 2010 ല് ഒപ്പുവച്ച എംആര്എ 2025 ഡിസംബറില് അവസാനിക്കാനിരിക്കുകയാണ്.
നിലവിലെ കരാര് അനുസരിച്ച്, 15 വര്ഷത്തേക്ക് ഐഎസ്എല് നടത്തുന്നതിന് എഫ്എസ്ഡിഎല് പ്രത്യേക വാണിജ്യ, പ്രവര്ത്തന അവകാശങ്ങള് കൈവശം വച്ചിട്ടുണ്ട്. ലീഗിന്റെ ഭരണത്തില് ഒരു പ്രധാന പുനഃസംഘടന എഫ്എസ്ഡിഎല് ഇപ്പോള് നിര്ദ്ദേശിച്ചിട്ടുണ്ട്. ഐഎസ്എല് ക്ലബ്ബുകള് (60%), എഫ്എസ്ഡിഎല് (26%), എഐഎഫ്എഫ് (14%) എന്നിവയുടെ സംയുക്ത ഉടമസ്ഥതയിലുള്ള ഒരു ഹോള്ഡിംഗ് കമ്പനി സൃഷ്ടിക്കുന്നതാണ് പുതിയ മാതൃക. ഐഎസ്എല് പ്രവര്ത്തനങ്ങളില് എഫ്എസ്ഡിഎല് കേന്ദ്ര നിയന്ത്രണം നിലനിര്ത്തുന്ന നിലവിലെ ചട്ടക്കൂടില് നിന്നുള്ള ഒരു പ്രധാന മാറ്റമാണ് ഈ നിര്ദ്ദേശം.
എംആര്എ ചര്ച്ചകള് കൈകാര്യം ചെയ്തതില് കാര്യമായ വിമര്ശനം നേരിട്ട എഐഎഫ്എഫ്, 2025 ഏപ്രിലോടെ പുതിയ കരാറിന് അന്തിമരൂപം നല്കുന്നതില് പരാജയപ്പെട്ടു. പകരം, സാഹചര്യം വിലയിരുത്തുന്നതിനായി ഫെഡറേഷന് എട്ട് അംഗ ടാസ്ക് ഫോഴ്സ് രൂപീകരിച്ചു, ഈ നീക്കം മുന് ഇന്ത്യന് ക്യാപ്റ്റന് ബൈചുങ് ബൂട്ടിയ ഉള്പ്പെടെ നിരവധി പ്രധാന പങ്കാളികളില് നിന്ന് കടുത്ത പ്രതിഷേധത്തിന് ഇടയാക്കിയിരുന്നു.
kerala
നിമിഷ പ്രിയയുടെ മോചന ഫണ്ടിലേക്ക് ഒരു കോടി രൂപ നൽകും: ബോബി ചെമ്മണ്ണൂർ
നിമിഷപ്രിയയുടെ മോചനത്തിന് കൊല്ലപ്പെട്ട തലാല് അബ്ദു മഹ്ദിയുടെ കുടുംബം ദയാധനമായി 8.67 കോടി രൂപ ആണ് ആവശ്യപ്പെട്ടിരിക്കുന്നത്

കോഴിക്കോട്: യമൻ ജയിലിൽ വധശിക്ഷ കാത്ത് ജയിലിൽ കഴിയുന്ന മലയാളി നഴ്സ് നിമിഷ പ്രിയയുടെ മോചന ഫണ്ടിലേക്ക് ഒരു കോടി രൂപ നൽകുമെന്ന് ബോബി ചെമ്മണ്ണൂർ. ഒരു യമൻ പൗരൻ മുഖേന നിമിഷ പ്രിയയുടെ മോചനത്തിനായി മരിച്ചയാളുടെ കുടുംബവുമായി ബോബി ചെമ്മണ്ണൂർ ബന്ധപ്പെട്ടിട്ടുണ്ട്.
ദയാധനം സ്വീകരിക്കാൻ തയാറാണെന്ന് കുടുംബം പറഞ്ഞതായി യമൻ പൗരൻ അറിയിച്ചതായി ബോബി പറഞ്ഞു. നിമിഷപ്രിയയുടെ മോചനത്തിന് കൊല്ലപ്പെട്ട തലാല് അബ്ദു മഹ്ദിയുടെ കുടുംബം ദയാധനമായി 8.67 കോടി രൂപ ആണ് ആവശ്യപ്പെട്ടിരിക്കുന്നത്. മോചനത്തിന് ആവശ്യമുള്ള തുക മലയാളികൾ പിരിച്ചെടുക്കുമെന്ന് ഉറപ്പുണ്ടെന്നും അദ്ദേഹം കൂട്ടിച്ചേർത്തു.
നിമിഷപ്രിയയുടെ വധശിക്ഷ ഈ മാസം 16ന് യമൻ നടപ്പാക്കുമെന്ന് അറിയിച്ചിരുന്നു. മോചന നീക്കങ്ങൾ നടക്കുന്നതിനിടെയാണ് ഇതു സംബന്ധിച്ച ഉത്തരവ് വന്നത്. യമനിലെ പബ്ലിക് പ്രോസിക്യൂട്ടർ ഓഫീസിൽ നിന്നാണ് ഉത്തരവ് ലഭിച്ചത്.
പാലക്കാട് സ്വദേശിയായ നിമിഷ പ്രിയ യമനിൽ ജോലി ചെയ്യുന്നതിനിടെ അവിടുത്തെ പൗരനെ കൊലപ്പെടുത്തി എന്നാണ് കേസ്. വധശിക്ഷ ഒഴിവാക്കാനുള്ള നിയമപരമായ വഴികളെല്ലാം അടഞ്ഞതായും സൻആയിലെ മഹ്ദിയുടെ കുടുംബം മാപ്പ് നല്കുക മാത്രമാണ് നിമിഷപ്രിയയെ രക്ഷിക്കാനുള്ള ഏകമാര്ഗമെന്നും മനുഷ്യാവകാശപ്രവര്ത്തകന് സാമുവല് ജെറോം പറഞ്ഞിരുന്നു.
വധശിക്ഷ നടപ്പാക്കാന് യമന് പ്രസിഡന്റ് റഷാദ് അല് അലീമി നേരത്തേ അനുമതി നൽകിയിരുന്നു. യമന്റെ തലസ്ഥാനമായ സൻആയിലെ ജയിലിലാണ് ഇപ്പോൾ നിമിഷ പ്രിയയുള്ളത്. 2017 ജൂലൈയിലാണ് കേസിനാസ്പദമായ സംഭവം നടന്നത്. ആഗസ്റ്റില് നിമിഷ പ്രിയയെ പോലീസ് അറസ്റ്റ് ചെയ്തു.
kerala
‘സമരത്തിന്റെ പേരിൽ നടന്നത് കോപ്രായം’; എസ്എഫ്ഐ യൂണിവേഴ്സിറ്റി സമരത്തെ വിമർശിച്ച് ഓർത്തഡോക്സ് സഭാധ്യക്ഷൻ

കോട്ടയം: എസ്എഫ്ഐയുടെ യൂണിവേഴ്സിറ്റി സമരത്തിൽ വിമർശനവുമായി ഓർത്തഡോക്സ് സഭ അധ്യക്ഷൻ മാർത്തോമ മാത്യൂസ് ത്രിതീയൻ കാതോലിക്ക ബാവ. സമരത്തിന്റെ പേരിൽ അവിടെ നടന്നത് കോപ്രായങ്ങളാണെന്നും ആൺ പെൺ വ്യത്യാസമില്ലാതെ നടത്തിക്കൊണ്ടിരിക്കുന്നത് കണ്ടപ്പോൾ ദുഃഖം തോന്നിയെന്നും കാതോലിക്ക ബാവ പറഞ്ഞു.
അത് കണ്ടപ്പോൾ ഓർമ്മ വന്നത് സ്വാമി വിവേകാനന്ദൻ പറഞ്ഞത്. ഒരു ഭ്രാന്താലയത്തിൽ ആണോ നമ്മൾ ജീവിക്കുന്നത് എന്ന് ചിന്തിച്ചു. ഉന്നത വിദ്യാഭ്യാസം നേടി മക്കൾ ഉയർന്ന നിലയിൽ എത്തും എന്ന് പ്രതീക്ഷിച്ച മാതാപിതാക്കൾക്ക് സങ്കടം ഉണ്ടാകുമെന്നും കാതോലിക്ക ബാവ കൂട്ടിച്ചേർത്തു.
കോട്ടയത്ത് പഴയ സെമിനാരിയിൽ വെച്ച് എംഡി സ്കൂളിന്റെ സ്ഥാപകസ്മൃതി സംഗമത്തിൽ വെച്ചായിരുന്നു ഓർത്തഡോക്സ് സഭാധ്യക്ഷൻ എസ്എഫ്ഐ സമരത്തെ തള്ളി രംഗത്തെത്തിയത്.
-
india2 days ago
ഗുജറാത്തില് പാലം തകര്ന്ന് അപകടം; രണ്ട് മരണം; അഞ്ച് വാഹനങ്ങള് നദിയില് വീണു
-
News3 days ago
ചെങ്കടലില് ഗ്രീക്ക് കപ്പലിനു നേരെ ഡ്രോണ് സ്പീഡ് ബോട്ട് ആക്രമണം; നാല് ജീവനക്കാര് കൊല്ലപ്പെട്ടു
-
kerala2 days ago
കീം പരീക്ഷ ഫലം റദ്ദാക്കി ഹൈകോടതി
-
india2 days ago
1400 ഓളം മുസ്ലിം കുടുംബങ്ങളെ കുടിയൊഴിപ്പിച്ച് അസം സർക്കാർ
-
kerala2 days ago
കോട്ടക്കലില് നിപ സമ്പര്ക്ക പട്ടികയില് ഉള്പ്പെട്ട സ്ത്രീ മരിച്ചു
-
Football3 days ago
ഫ്ലൂമിനെൻസിനെ വീഴ്ത്തി ചെൽസി ക്ലബ് ലോകകപ്പ് ഫൈനലിൽ
-
GULF2 days ago
റഹീമിന് തടവ് 20 വർഷം തന്നെ; കീഴ്ക്കോടതി വിധി അപ്പീൽ കോടതി ശരിവെച്ചു
-
kerala3 days ago
സംസ്ഥാനത്ത് ദേശീയ പണിമുടക്ക് തുടരുന്നു; കെഎസ്ആര്ടിസി ബസുകള് വ്യാപകമായി തടഞ്ഞു