News
18 വയസ്സില് താഴെയുള്ളവര്ക്ക് ‘ടീന് ഇന്സ്റ്റ’
കുട്ടികളുടെ സുരക്ഷിതത്വം പ്രധാനമെന്ന് ഇന്സ്റ്റ മേധാവി

പതിനെട്ട് വയസ്സിന് താഴെയുള്ള ഉപഭോക്താക്കളുടെ സുരക്ഷ ലക്ഷ്യംവെച്ച് പുതിയ നടപടിയുമായി ഇന്സ്റ്റഗ്രാം. ഇത്തരം അക്കൗണ്ടുകള് ഇനി ടീന് അക്കൗണ്ട് സെറ്റിങ്സിലേക്കാണ് മാറുക. സാമൂഹ്യ മാധ്യമങ്ങളുടെ ഉപയോഗം കാരണം ഉണ്ടാകുന്ന മാനസിക ആരോഗ്യ വെല്ലുവിളികളില് നിന്ന് സംരക്ഷിക്കാനാണ് ടീന് അക്കൗണ്ടുകള് വരുന്നത്.
കുട്ടികള് സമൂഹ മാധ്യമങ്ങള് ഉപയോഗിക്കുമ്പോള് രക്ഷിതാക്കളില് ഉണ്ടാകുന്ന ആശങ്ക തനിക്ക് മനസിലാകുമെന്ന് ഇന്സ്റ്റ മേധാവി ആദം മൊസേരി പറഞ്ഞു. ‘ഗുഡ് മോണിങ് അമേരിക്ക’യിലാണ് അദ്ദേഹം ഇന്സ്റ്റ ലോഞ്ചിനെപ്പറ്റി പറഞ്ഞത്. ആര്ക്കൊക്കെ അക്കൗണ്ട് ഉടമയുമായി ആശയവിനിമയം നടത്താനാകും, എന്തൊക്കെ കണ്ടന്റുകള് കാണാനാകും, എത്ര സമയം ഇന്സ്റ്റയില് ചെലവഴിക്കുന്നു എന്നീ വിവരങ്ങള് ആവശ്യപ്പെട്ടില്ലെങ്കിലും മാതാപിതാക്കള്ക്ക് ലഭ്യമാകും. നിലവിലെ യൂസേഴ്സിന്റെ അക്കൗണ്ട് 60 ദിവസത്തിനകം ടീന് അക്കൗണ്ടുകളായി മാറുമെന്നും അദ്ദേഹം പറഞ്ഞു. 16 വയസില് താഴെയുള്ളവര്ക്ക് അക്കൗണ്ട് സെറ്റിങ്സ് മാറ്റണമെങ്കില് മാതാപിതാക്കളുടെ അനുമതി ആവശ്യമായിരിക്കും.
13നും 17നുമിടയില് പ്രായമുള്ള ഉപഭോക്താകള്ക്ക് അവരുടെ അക്കൗണ്ട് പ്രൈവറ്റ് ആക്കേണ്ടി വരും. സന്ദേശങ്ങള് അയക്കുന്നതിന് കൂടുതല് നിയന്ത്രണങ്ങളുള്ള അക്കൗണ്ടുകളായിരിക്കും ടീന് അക്കൗണ്ടുകള്. സെന്സിറ്റീവ് ആയ കണ്ടന്റുകള്ക്കും നിയന്ത്രണം ഉണ്ടാകും.
പുതിയതായി തുടങ്ങുന്ന 18 വയസ്സിന് താഴെയുള്ളവരുടെ അക്കൗണ്ടുകളും നിലവിലുള്ള ഉപഭോക്താക്കളുടെ അക്കൗണ്ടുകളും അപ്ഡേറ്റ് എത്തുന്നതോടെ ടീന് അക്കൗണ്ട് ആയി മാറും. യുഎസിലാണ് ഈ അപ്ഡേറ്റ് ആദ്യം നടപ്പിലാക്കുക. ശേഷം അടുത്ത 60 ദിവസങ്ങള്ക്കുള്ളില് യുകെ, കാനഡ, ഓസ്ട്രേലിയ എന്നിവിടങ്ങളിലായിരിക്കും ഈ അപ്ഡേറ്റ് വരുക. കൂടുതല് രാജ്യങ്ങളിലേക്ക് അപ്ഡേറ്റ് പിന്നീട് എത്തും.
india
പഹല്ഗാം ഭീകരാക്രമണം; ‘സുരക്ഷാ വീഴ്ചയുണ്ടായി, ഉത്തരവാദിത്തം ഏറ്റെടുക്കുന്നു’: ജമ്മു കശ്മീര് ലഫ്. ഗവര്ണര് മനോജ് സിന്ഹ
സുരക്ഷാ ജീവനക്കാരുടെ സാന്നിധ്യം മേഖലയില് ഉണ്ടായിരുന്നില്ലെന്നും വിനോദസഞ്ചാരികളെ ഭീകരര് ലക്ഷ്യമിടില്ലെന്നാണ് കരുതിയതെന്നും മനോജ് സിന്ഹ പറഞ്ഞു.

പഹല്ഗാം ഭീകരാക്രമണം നടന്ന സംഭവത്തില് സുരക്ഷാ വീഴ്ചയുണ്ടായെന്ന് ജമ്മു കശ്മീര് ലഫ്റ്റനന്റ് ഗവര്ണര് മനോജ് സിന്ഹ. സുരക്ഷാ ജീവനക്കാരുടെ സാന്നിധ്യം മേഖലയില് ഉണ്ടായിരുന്നില്ലെന്നും വിനോദസഞ്ചാരികളെ ഭീകരര് ലക്ഷ്യമിടില്ലെന്നാണ് കരുതിയതെന്നും മനോജ് സിന്ഹ പറഞ്ഞു. പൂര്ണ ഉത്തരവാദിത്തം താന് ഏറ്റെടുക്കുന്നതായും അദ്ദേഹം കൂട്ടിച്ചേര്ത്തു.
അതേസമയം മനോജ് സിന്ഹ രാജിവെക്കണമെന്ന് ആവശ്യപ്പെട്ട് കോണ്ഗ്രസ് രംഗത്തെത്തി. ഉത്തരവാദിത്തം ഏറ്റെടുക്കാന് 82 ദിവസം വേണ്ടി വന്നുവെന്നും കോണ്ഗ്രസ് വിമര്ശിച്ചു.
‘പഹല്ഗാമില് നടന്നത് നിര്ഭാഗ്യകരമായ കാര്യമാണ്. നിഷ്കളങ്കരായ മനുഷ്യര് ക്രൂരമായി കൊല്ലപ്പെട്ടു. നടന്നത് സുരക്ഷാവീഴ്ചയാണ്. എല്ലാ ഉത്തരവാദിത്തവും ഞാന് ഏറ്റെടുക്കുന്നു. തീവ്രവാദികള് വിനോദസഞ്ചാരികളെ ആക്രമിക്കില്ലെന്നായിരുന്നു ഇവിടുത്തെ പൊതുവെയുള്ള വിശ്വാസം. ആക്രമണം നടന്ന സ്ഥലം തുറസായ ഒരു മൈതാനമായിരുന്നു. സുരക്ഷാ ഉദ്യോഗസ്ഥര്ക്ക് നില്ക്കാനുള്ള മുറിയോ സൗകര്യമോ അവിടെയില്ല’, എന്നായിരുന്നു മനോജ് സിന്ഹയുടെ പ്രതികരണം.
kerala
സംസ്ഥാനത്ത് സ്വര്ണവിലയില് വീണ്ടും വര്ധനവ്
പവന് 120 രൂപ വര്ധിച്ചതോടെ സ്വര്ണവില ഈ മാസത്തെ ഏറ്റവും ഉയര്ന്ന നിരക്കിലെത്തി.

സംസ്ഥാനത്ത് സ്വര്ണവിലയില് വീണ്ടും വര്ധനവ്. പവന് 120 രൂപ വര്ധിച്ചതോടെ സ്വര്ണവില ഈ മാസത്തെ ഏറ്റവും ഉയര്ന്ന നിരക്കിലെത്തി. പവന് ഇന്ന് 73,240 രൂപയാണ് വില. ട്രംപിന്റെ താരിഫ് നയങ്ങളിലെ അനശ്ചിതത്വത്തിന്റെ പശ്ചാത്തലത്തിലാണ് സ്വര്ണവില കുതിച്ചുയരുന്നത്.
ഇന്ന് ഗ്രാമിന് 15 രൂപയും വര്ധിച്ചു. ഇതോടെ ഗ്രാമിന് 9155 എന്ന നിരക്കിലാണ് ഇന്നത്തെ സ്വര്ണവ്യാപാരം പുരോഗമിക്കുന്നത്. കഴിഞ്ഞ അഞ്ച് ദിവസത്തിനിടെ മാത്രം സ്വര്ണവില 1240 രൂപയാണ് വര്ധിച്ചത്. ഈ മാസത്തിന്റെ തുടക്കത്തില് പവന് 72160 രൂപയായിരുന്നു വില.
ലോകത്തെ ഏറ്റവും വലിയ സ്വര്ണ ഉപഭോക്താക്കളാണ് ഇന്ത്യ. ഓരോ വര്ഷവും ടണ് കണക്കിന് സ്വര്ണം രാജ്യത്ത് ഇറക്കുമതി ചെയ്യപ്പെടുന്നു. അതുകൊണ്ട് ആഗോള വിപണിയില് സംഭവിക്കുന്ന ചെറിയ ചലനങ്ങള് പോലും അടിസ്ഥാനപരമായി ഇന്ത്യയിലെ സ്വര്ണവിലയില് പ്രതിഫലിക്കും.
അതേസമയം, രാജ്യാന്തര വിപണിയില് സ്വര്ണത്തിന് വില കുറഞ്ഞാല് ഇന്ത്യയില് വില കുറയണമെന്ന് നിര്ബന്ധമില്ല. രൂപയുടെ മൂല്യം, പ്രാദേശികമായ ആവശ്യകത, ഇറക്കുമതി തീരുവ എന്നീ ഘടകങ്ങള് ഇന്ത്യയിലെ സ്വര്ണവില നിശ്ചയിക്കുന്നതില് പ്രധാന പങ്കുവഹിക്കും.
kerala
എറണാകുളം ടൗണ്ഹാളിനോട് ചേര്ന്നുള്ള കെട്ടിടത്തിന് തീപിടിച്ചു
പുലര്ച്ചെ മൂന്ന് മണിയോടെയാണ് തീപിടുത്തമുണ്ടായത്.

എറണാകുളം ടൗണ്ഹാളിനോട് ചേര്ന്നുള്ള കെട്ടിടത്തിന് തീപിടിച്ചു. പുലര്ച്ചെ മൂന്ന് മണിയോടെയാണ് തീപിടുത്തമുണ്ടായത്. ഉപയോഗിച്ച ഫര്ണിച്ചറുകള് വില്ക്കുന്ന കടയ്ക്കാണ് തീപിടിച്ചത്. സമീപത്ത് മൂന്നോളം പെട്രോള് പമ്പുകളുണ്ടായിരുന്നത് ആശങ്കയിലാക്കുകയായിരുന്നു. പരിസരത്തുണ്ടായിരുന്ന താമസക്കാരെ ഒഴിപ്പിച്ച ശേഷം ഫയര്ഫോഴ്സ് തീ മറ്റൊരിടത്തേയ്ക്ക് പടരുന്നത് നിയന്ത്രിക്കുകയായിരുന്നു.
-
kerala2 days ago
മലക്കം മറിഞ്ഞ് മന്ത്രി; പ്രതിഷേധം ശക്തമായപ്പോള് സ്കൂള് സമയമാറ്റത്തില് ചര്ച്ചക്ക് തയ്യാറാണെന്ന് മന്ത്രി ശിവന്കുട്ടി
-
kerala3 days ago
നിമിഷ പ്രിയയുടെ മോചന ഫണ്ടിലേക്ക് ഒരു കോടി രൂപ നൽകും: ബോബി ചെമ്മണ്ണൂർ
-
kerala3 days ago
കൈക്കൂലിക്കേസ്; പാലക്കാട് ഫയര് സ്റ്റേഷന് ഓഫീസര്ക്ക് സസ്പെന്ഷന്
-
kerala3 days ago
സുരേഷ് ഗോപിയുടെ പുലിപ്പല്ല് മാല; അന്വേഷണം ആരംഭിച്ച് വനംവകുപ്പ്
-
kerala3 days ago
നിര്മാണത്തിലിരിക്കുന്ന വീടിന്റെ സണ്ഷെയ്ഡ് തകര്ന്ന് വീണ് ഒരാള് മരിച്ചു
-
kerala2 days ago
കാസർഗോഡിന് പിന്നാലെ കണ്ണൂരിലും സ്കൂളിൽ പാദപൂജ; റിപ്പോർട്ട് തേടി മന്ത്രി വി. ശിവൻകുട്ടി
-
kerala2 days ago
അമിത് ഷാ പങ്കെടുത്ത ബി.ജെ.പിയുടെ ഓഫിസ് ഉദ്ഘാടനത്തില് പങ്കെടുക്കാതെ സുരേഷ്ഗോപി
-
kerala3 days ago
തിരുവനന്തപുരത്ത് പൊലീസ് ടെലികമ്യൂണിക്കേഷന് ഇന്സ്പെക്ടറെ വീടിനുള്ളില് മരിച്ച നിലയില് കണ്ടെത്തി