kerala
ബാഗില് മദ്യക്കുപ്പിയും പണവും; എസ്എസ്എല്സി പരീക്ഷയെഴുതാന് വിദ്യാര്ഥിയെത്തിയത് മദ്യലഹരിയില്
പരീക്ഷയ്ക്ക് ശേഷം ആഘോഷം നടത്താന് ശേഖരിച്ച പണമാണ് കുട്ടിയുടെ പക്കലുണ്ടായിരുന്നതെന്ന് പൊലീസ് പറഞ്ഞു

പത്തനംതിട്ടയില് എസ്എസ്എല്സി പരീക്ഷയെഴുതാന് വിദ്യാര്ത്ഥി സ്കൂളിലെത്തിയത് മദ്യലഹരിയില്. പരീക്ഷക്കെത്തിയ കുട്ടിയെ കണ്ട് അധ്യാപകന് സംശയം തോന്നിയതിനെ തുടര്ന്ന് ബാഗ് പരിശോധിച്ചപ്പോഴാണ് മദ്യക്കുപ്പിയും പതിനായിരം രൂപയും കണ്ടെത്തിയത്. ക്ലാസിന് പുറത്തിറക്കിയ വിദ്യാര്ത്ഥിയെ രക്ഷിതാക്കളെത്തി വീട്ടിലേക്ക് കൊണ്ടുപോയി. കുട്ടി പരീക്ഷയെഴുതിയില്ല. കോഴഞ്ചേരിയിലെ സ്കൂളിലാണ് സംഭവം.പരീക്ഷയ്ക്ക് ശേഷം ആഘോഷം നടത്താന് ശേഖരിച്ച പണമാണ് കുട്ടിയുടെ പക്കലുണ്ടായിരുന്നതെന്ന് പൊലീസ് പറഞ്ഞു.
kerala
അമ്പൂരിയില് മയക്കുവെടി വച്ച് പിടികൂടിയ പുലി ചത്തു
ആന്തരിക അവയവങ്ങള്ക്കേറ്റ പരിക്കാണ് മരണകാരണമെന്ന് പോസ്റ്റ്മോര്ട്ടം റിപ്പോര്ട്ട്

തിരുവനന്തപുരം: അമ്പൂരിയില്നിന്നു മയക്കുവെടി വെച്ച് പിടികൂടിയ പുലി ചത്തു. ഇന്നലെ നെയ്യാറിലെ പരിചരണ കേന്ദ്രത്തിലേക്കാണു പുലിയെ മാറ്റിയത്. പുലിയെ നിരീക്ഷിക്കാനായി രണ്ടു വാച്ചര്മാരെയും നിയോഗിച്ചിരുന്നു. ഇന്ന് ഉച്ചയോടെയാണ് പുലിയെ കൂട്ടിനുള്ളില് ചത്ത നിലയില് കണ്ടെത്തിയത്.
റബര് ടാപ്പിങ്ങിന് പോയ പ്രദേശവാസിയാണ് കാട്ടുവള്ളിയില് കുരുങ്ങിയ നിലയില് ഇന്നലെ പുലിയെ കണ്ടത്. തുടര്ന്ന് ഇന്നലെ ഉച്ചയോടെ ഡോക്ടര് അരുണ് കുമാറിന്റെ നേതൃത്വത്തില് പുലിയെ മയക്കു വെടി വച്ചു. പിന്നാലെ പുലിയെ വലയിലാക്കി മലയില് നിന്നും താഴെയിറക്കി നെയ്യാറിലെ പരിചരണ കേന്ദ്രത്തിലേക്ക് മാറ്റിയിരുന്നു. ആന്തരിക അവയവങ്ങള്ക്കേറ്റ പരിക്കാണ് മരണകാരണമെന്ന് പോസ്റ്റ്മോര്ട്ടം റിപ്പോര്ട്ട്.
kerala
ചിറ്റൂര് പുഴയില് ഒഴുക്കില്പ്പെട്ട് രണ്ട് വിദ്യാര്ഥികള്ക്ക് ദാരുണാന്ത്യം
ചിറ്റൂര് ഷണ്മുഖം കോസ് വേയിലാണ് അപകടം ഉണ്ടായത്.

പാലക്കാട്: ചിറ്റൂര് പുഴയില് ഒഴുക്കില്പ്പെട്ട് വിദ്യാര്ഥികള്ക്ക് ദാരുണാന്ത്യം. കോയമ്പത്തുര് കര്പ്പകം കോളേജ് വിദ്യാര്ഥികളാണ് അപകടത്തില്പ്പെട്ടത്. രാമേശ്വരം സ്വദേശി ശ്രീഗൗതം, കോയമ്പത്തുര് സ്വദേശി അരുണ് എന്നിവരാണ് മരിച്ചത്. ചിറ്റൂര് ഷണ്മുഖം കോസ് വേയിലാണ് അപകടം ഉണ്ടായത്.
തമിഴ്നാട്ടില് നിന്നെത്തിയ വിദ്യാര്ഥികള് പുഴയില് കുളിക്കുന്നതിനിടെ ഒഴുക്കില്പ്പെടുകയായിരുന്നു. കോസ്വേയുടെ ഓവില് കുടുങ്ങിയാണ് അപകടം. ഒഴുക്കില്പ്പെട്ട ശ്രീഗൗതമിനെ രക്ഷപ്പടുത്തി പുറത്തെത്തിച്ചെങ്കിലും ആശുപത്രിലെത്തിയപ്പോഴേക്കും മരിച്ചു. മണിക്കൂറുകള്ക്ക് ശേഷമാണ് അരുണിനെ കണ്ടെത്തിയത്. ഫയര്ഫോഴ്സിന്റെ സ്കൂബ ടീം ഉള്പ്പെടെ തിരച്ചിലിന്റെ ഭാഗമായി.
Film
സാന്ദ്ര തോമസിന്റേത് വെറും ഷോ, പിന്നെ വന്നപ്പോള് പര്ദ്ദ കിട്ടിയില്ലേ?; ലിസ്റ്റിന് സ്റ്റീഫന്
ബൈലോ നിയമാവലി പ്രകാരമാണ് സാന്ദ്ര മത്സരിക്കരുതെന്ന് പറയുന്നതെന്നും എന്നാല് പറയുന്നത് നുണയാണെന്ന് തെളിയിക്കേണ്ട ബാധ്യത തനിക്കുണ്ടെന്നും ലിസ്റ്റിന് പറഞ്ഞു.

സാന്ദ്രാ തോമസിന്റേത് വെറും ഷോ ആണെന്ന് നിര്മാതാവ് ലിസ്റ്റിന് സ്റ്റീഫന്. ബൈലോ നിയമാവലി പ്രകാരമാണ് സാന്ദ്ര മത്സരിക്കരുതെന്ന് പറയുന്നതെന്നും എന്നാല് പറയുന്നത് നുണയാണെന്ന് തെളിയിക്കേണ്ട ബാധ്യത തനിക്കുണ്ടെന്നും ലിസ്റ്റിന് പറഞ്ഞു.
സാന്ദ്ര ആദ്യം അസോസിയേഷനിലേക്ക് പര്ദ ധരിച്ച് എത്തി. എന്നാല് രണ്ടാമത് വന്നപ്പോള് പര്ദ കിട്ടിയില്ലേയെന്നും ലിസ്റ്റിന് പരിഹസിച്ചു. സംഘടനയിലെ പ്രസിഡന്റ്, സെക്രട്ടറി മുതലുള്ള സ്ഥാനങ്ങളിലേക്ക് മത്സരിക്കാന് കുറഞ്ഞത് മൂന്ന് സിനിമകള് എങ്കിലും നിര്മിച്ചിരിക്കണം. സാന്ദ്രയുടെ പേരിലുള്ള സിനിമകള് പാര്ട്ണര്ഷിപ്പ് ആണെന്നുമായിരുന്നു ലിസ്റ്റിന്റെ ആരോപണം. സാന്ദ്രയുടെ പ്രൊഡക്ഷന് ഹൗസിന്റെ പേരിലുള്ള സെന്സര് സര്ട്ടിഫിക്കറ്റ് ആണ് വേണ്ടതെന്നും അത് ആകെ രണ്ടെണ്ണമേ ഉള്ളൂവെന്നും ലിസ്റ്റിന് പറഞ്ഞു. മത്സരിക്കാമെന്ന് കോടതി പറയുകയാണെങ്കില് ഞങ്ങള്ക്ക് എതിര്പ്പൊന്നും ഇല്ലെന്നും ലിസ്റ്റിന് വ്യക്തമാക്കി.
അതേസമയം പര്ദ ധരിച്ചു വന്നത് പ്രതിഷേധമെന്ന രീതിയിലായിരുന്നുവെന്നും പ്രതിഷേധത്തിന്റെ ഭാഗമായി കറുത്ത വസ്ത്രം ധരിച്ചെന്ന് കരുതി ജീവിത കാലം മുഴുവന് ആ വസ്ത്രം തന്നെ ധരിക്കണമെന്ന് നിര്ബന്ധമുണ്ടോയെന്നും സാന്ദ്ര ചോദിച്ചു. താന് പറയുന്ന ഏതെങ്കിലും ഒരു കാര്യം കള്ളമാണെന്ന് തെളിയിച്ചാല് സിനിമ ഇന്ഡസ്ട്രി വിട്ടുപോകാന് തയാറാണെന്നും സാന്ദ്രാ തോമസ് മറുപടി നല്കി. അങ്ങനെ സംഭവിച്ചില്ലെങ്കില് സിനിമ ഇന്ഡസ്ട്രി വിട്ടുപോകാന് ലിസ്റ്റിന് തയാറാകുമോയെന്നും സാന്ദ്ര വെല്ലുവിളിച്ചു.
പ്രൊഡ്യൂസേഴ്സ് അസോസിയേഷന് തെരഞ്ഞെടുപ്പിലേക്ക് സാന്ദ്രാ തോമസ് സമര്പ്പിച്ച നാമനിര്ദേശ പത്രിക സൂക്ഷ്മപരിശോധനയില് തള്ളിയിരുന്നു. പ്രസിഡന്റ്, ട്രഷറര് സ്ഥാനത്തേക്കായിരുന്നു സാന്ദ്ര തോമസ് നാമനിര്ദേശ പത്രിക സമര്പ്പിച്ചത്. എന്നാല് പത്രിക തള്ളിയത് ഗൂഢാലോചനയാണെന്നായിരുന്നു സാന്ദ്രയുടെ വാദം.
-
india2 days ago
തെരഞ്ഞെടുപ്പ് കമ്മീഷന് ബിജെപിയുമായി ചേര്ന്ന് അട്ടിമറി നടത്തി രാഹുല് ഗാന്ധി
-
kerala3 days ago
കണ്ണൂര് സര്വകലാശാല യൂണിയന് തെരഞ്ഞെടുപ്പ്: കോട്ട പൊളിച്ച് എം.എസ്.എഫ്
-
kerala3 days ago
ചേര്ത്തല തിരോധാനക്കേസ്; സെബാസ്റ്റ്യന്റെ വീട്ടില് നിന്ന് കത്തിക്കരിഞ്ഞ ലേഡീസ് വാച്ച് കണ്ടെത്തി
-
Film3 days ago
‘ജയിക്കാന് സാധ്യതയുള്ളവര്ക്കെതിരെ വലിയ ആരോപണങ്ങളാണ് സൃഷ്ഠിക്കുന്നത്, ശ്വേതയും കുക്കുവും ഗൂഢാലോചനയ്ക്കെതിരെ കേസ് കൊടുക്കണം’: മാലാ പാര്വതി
-
india3 days ago
ഇന്ത്യക്കെതിരെ കടുത്ത നടപടിയുമായി ട്രംപ്; തീരുവ 50 ശതമാനമാക്കി ഉയര്ത്തി
-
india3 days ago
ട്രംപിന്റെ 50% താരിഫ് സാമ്പത്തിക ബ്ലാക്ക് മെയിലിംഗ്, അന്യായമായ വ്യാപാര ഇടപാടിലേക്ക് ഇന്ത്യയെ ഭീഷണിപ്പെടുത്താനുള്ള ശ്രമമാണ്: രാഹുല് ഗാന്ധി
-
main stories3 days ago
‘അന്യായവും ന്യായരഹിതവും യുക്തിരഹിതവും’, ട്രംപിന്റെ 50% താരിഫുകള്ക്കെതിരെ ഇന്ത്യ
-
india2 days ago
വോട്ടര്പട്ടിക ക്രമക്കേട്; രാഹുല്ഗാന്ധിയുടെ നേതൃത്വത്തില് ഇന്ഡ്യ സഖ്യത്തിന്റെ പ്രതിഷേധങ്ങള്ക്ക് ഇന്ന് തുടക്കം