kerala
ആശങ്കക്കടല്
EDITORIAL

അറബിക്കടലില് കേരള തീരത്തിനോട് ചേര്ന്ന് ആഴച്ചകളുടെ ഇടവേളയില് രണ്ടുകപ്പല് ദുരന്തങ്ങളുണ്ടായത്. സംസ്ഥാനത്തെ ആശങ്കയുടെ മുള്മുനയില് നിര്ത്തുകയാണ്. കൊച്ചി പുറങ്കടലില് മുങ്ങിയ ചരക്കുകപ്പല് എം.എസ്.സി എല്സ് 3 ക്ക് പിന്നാലെ കൊളംബോയില് നിന്ന് മുംബൈയിലേക്ക് പോവുകയായിരുന്ന ചരക്കുകപ്പലിനാണ് കഴിഞ്ഞ ദിവസം തീപ്പിടിച്ചത്. ബേപ്പൂര് അഴിക്കല് തുറമുഖങ്ങളുടെ പടിഞ്ഞാറു ഭാഗത്തായി 145 കിലോമീറ്ററോളം അകലെ ഉള്ക്കടലില് വെച്ച് സിംഗപ്പൂര് പതാക വഹിക്കുന്ന വാന് ഹായ് 503 എന്ന ചൈനീസ് കപ്പലാണ് അപകടത്തില്പ്പെട്ടത്. തീപിടുത്തത്തെ തുടര്ന്ന് കപ്പലില് പൊട്ടിത്തെറികള് ഉണ്ടാവുകയും ചെയ്തിട്ടുണ്ട്. കപ്പലിലെ 22 ജീവനക്കാരില് 18 പേരെ രക്ഷപ്പെടുത്തിയെങ്കിലും നാലു പേരെ കണ്ടെത്താനായിട്ടില്ല. ബേപ്പൂരില് നിന്ന് 78 നോട്ടിക്കല് മൈല് ദൂരെയാണ് കപ്പലുള്ളത്. അഴിക്കല് തുറമുഖവുമായി അടുത്ത് കിടക്കുന്ന പ്രദേശത്താണ് അപകടം നടന്നിരിക്കുന്നത്. രണ്ട് ദിവസം മുമ്പാണ് കപ്പല് കൊളംബോയില് നിന്ന് പുറപ്പെട്ടത്.
എംവി വാന് ഹായ് 503 എന്ന തായ്വാന് കമ്പനിയുടെ കപ്പലില് 157 കണ്ടെയ്നറുകളിലായി അപകടകരമായ വസ്തുക്കള് ഉണ്ടായിരുന്നുവെന്ന് ഡയറക്ടര് ജനറല് ഓഫ് ഷിപ്പിങങ് പുറത്തുവിട്ട പട്ടികയില് പറയുന്നു. പൊട്ടിത്തെറിക്കാന് ഇടയുള്ളതും അല്ലാത്തതുമായ ആയിരക്കണക്കിന് ലിറ്റര് രാസവസ്തുക്കളും ഇന്ധനവും ഇവയില്പെടുന്നു. പരിസ്ഥിതിക്കും ജീവജാലങ്ങള്ക്കും കടുത്ത ആഘാത മേല്പ്പിക്കുന്നവയടക്കം ഇതിലുണ്ട്. ട്രൈക്ലോറോബെന് സിന്, ട്രൈഈഥൈലിന് ടെട്രാമൈന്, ഡയാസ്റ്റോണ് ആല്ക്കഹോള്, ബെന്സോഫിനോണ്, നൈട്രോസെല്ലു ലോസ്, തീപിടിക്കുന്ന റെസിന്, കീടനാശിനികള്, പെയിന്റ് തുടങ്ങിയ വസ്തുക്കള് ടണ് കണക്കിനാണ് കണ്ടെയ്നറുകളിലുള്ളത്. ഈ വസ്തുക്കള് കടലില് കലരുമ്പോഴും തീരത്തോട്ട് എത്തുമ്പോഴും ഉണ്ടാകുന്ന പ്രത്യാഘാതങ്ങള് സംബന്ധിച്ച് വിദഗ്ധര് മുന്നറിയിപ്പ് നല്കുന്നുണ്ട്. എന്നാല് കപ്പലിലെ തീയണക്കാനുള്ള ശ്രമങ്ങള് സങ്കീര്ണ്ണമായി തന്നെ തുടരുന്നത് ഏറെ ആശങ്കാജനകമാണ്. കപ്പലിന്റെ മധ്യഭാഗം മുതല് ജീവനക്കാര് താമസിക്കുന്ന ബ്ലേക്കിന് മുന്നിലുള്ള കണ്ടെയ്നര് ഭാഗം വരെ തീയും സ്ഫോടനങ്ങളും ഇന്നലെയും തുടരുകയായിരുന്നു. മുന്ഭാഗത്തെ തീപിടുത്തം ഇന്നലെ തന്നെ നിയന്ത്രണവിധേയമായിരുന്നുവെങ്കിവും കടുത്തപുക വിട്ടൊഴിയാത്ത അവസ്ഥയാണുള്ളത്. കപ്പല് ഏകദേശം 10 മുതല് 15 ഡിഗ്രി ഇടത് വശത്തേക്ക് ചരിഞ്ഞിരിക്കുന്നതും കൂടുതല് കണ്ടെയ്നറുകള് കടലിലേക്ക് വീണതായുള്ള റിപ്പോര്ട്ടുകളും സാഹചര്യത്തിന്റെ ഗൗരവം വ്യക്തമാക്കുന്നുണ്ട്.
നേരത്തെ അപകടത്തില് പെട്ട എം.എസ്.സി എല്സി 3 യില്നിന്ന് ഇന്ധനം വിണ്ടെടുക്കുന്ന ദൗത്യത്തിലെ രണ്ടാം ഘട്ടത്തിന് തുടക്കമായ ദിവസത്തില്തന്നെയാണ് മറ്റൊരു അപകടത്തിന് കൂടി അറബിക്കടല് സാക്ഷ്യംവഹിച്ചത്. കപ്പലിലെ ഇന്ധന ടാങ്കുകളുടെ വാല്വുകളിലൂടെ ഉണ്ടായേക്കാവുന്ന എണ്ണച്ചോര്ച്ച്ക്ക് തടയിടാനുള്ള ദൗത്യമായിരുന്നു ഇന്നലെ ആരംഭിച്ചത്. അമേരിക്കയിലെ ടി ആന്ഡ് ട സാല്വേജ് കമ്പനി 12 മുങ്ങല് വിദഗ്ധരെയാണ് ഇതിനായി കൊച്ചിയില് എത്തിച്ചിരുന്നത്. എം.എസ്.സി എല് യുടെ മുങ്ങലിലൂടെയുണ്ടായ പാരിസ്ഥിതിക പ്രശ്നങ്ങള് കാരണം സംസ്ഥാനത്തിന്റെ തീരപ്രദേശങ്ങള് പൊറുതിമു ട്ടുമ്പോഴാണ് അതിനേക്കാള് ഗൗരവതരമായ മറ്റൊരു അപകടം കൂടി സംഭവിച്ചിരിക്കുന്നത്. കടലിന് അടിയില് അടിഞ്ഞ് കൂടിയ മാലിന്യങ്ങള് കടല് അപ്രതീക്ഷിതമായി ദിശമാറിയതിനെ തുടര്ന്ന് തീരമേഖലയില് കൂട്ടത്തോടെ വന്നടിയുകയാണ്. കടലിന്റെ അടിത്തട്ടിലെ മത്സ്യങ്ങളെ പിടികൂടുന്നതിനായി ഉപയോഗിക്കുന്ന വലകളില് പോലും ഇപ്പോള് പ്ലാസ്റ്റിക് മാലിന്യങ്ങളാണ് നിറയുന്നതെന്നാണ് മത്സ്യബന്ധന തൊഴിലാളികള് പറയുന്നത്. ട്രോളിങ് നിരോധനം ആരംഭിക്കാനിരിക്കെയുണ്ടായ ഒന്നാമത്തെ കപ്പല് ദുരന്തംതന്നെ മത്സ്യബന്ധന മേഖലയുടെ നടുവൊടിച്ചുകളഞ്ഞിരുന്നു. അപ്രതീക്ഷിതമായുണ്ടായ വിലക്കുകള് അവരുടെ കണക്കുകൂട്ടലുകളെല്ലാം തെറ്റിച്ചുകളയുന്നതരത്തിലുള്ളതായിരുന്നു. അതിന്റെ ഞെട്ടല് മാറുന്നതിനു മുമ്പാണ് അതിനേക്കാള് വലിയ മറ്റൊരു ദുരന്തംകൂടി തീരമേഖലയുടെ നടുവൊടിച്ചിരിക്കുന്നത്. എം.വി വാന്ഹായിലുണ്ടായിരുന്ന കണ്ടെയിനറിലെ വസ്തുക്കള് കൂടുതല് അപക ടംവിതക്കുന്നതാണെന്നാണ് വിദഗ്ധരുടെ റിപ്പോര്ട്ടുകള്. കപ്പല് കൂടുതല് ചരിയുന്ന പക്ഷം കണ്ടെയിനറുകള് കൂട്ടത്തോടെ കടലില് പതിക്കുന്ന ഭീതിതമായ സാഹചര്യമാണ് നിലനില്ക്കുന്നത്. ഇത്രമേല് ഗൗരവതരമായ അവസ്ഥാ വിശേഷത്തിലൂടെ കടലും തീരവും കടന്നുപോകുമ്പോള് സംസ്ഥാനസര്ക്കാറിന്റെ ഭാഗത്തുനിന്നുണ്ടാവുന്നത് പതിവു നിസംഗതയാണെന്നതാണ് ഏറെ ഖേദകരം. സാമ്പത്തികമായി ശതകോടികളുടെയും പാരിസ്ഥിതികമായി ഒരിക്കലും കണക്കുകൂട്ടാനാവാത്തതുമായ നഷ്ടമുണ്ടായിട്ടും കമ്പനിക്കെതിരെ ക്രിമിനല് കേസ് വേണ്ടെന്ന തീരുമാനത്തിലാണ് ഇപ്പോഴും സര്ക്കാറുള്ളത്. അതോടൊപ്പം മര്ക്കന്റൈല് മറൈന് ഡിപ്പാര്ട്മെന്റിന്റെ സര്വേ പുറത്തു വിടുകയോ, നിര്ണായക വിവരങ്ങള് കംസ്റ്റംസോ തയാറായിട്ടില്ല. നഷ്ടപരിഹാരം കണക്കാക്കുന്നതില് ഈ റിപ്പോര്ട്ടുകളെല്ലാം മര്മ പ്രധാനമാണെന്നിരിക്കെയാണ് വിവിധ വകുപ്പുകളുടെ ഒളിച്ചുകളി ലോകത്തിലെ ഏറ്റവും വലിയ ചരക്ക് കപ്പല് എം.എസ്.സി ഐറിന വിഴിഞ്ഞം അന്താരാഷ്ട്ര തുറമുഖത്ത് നങ്കൂരമിട്ടു നില്ക്കുകയാണ്. ഈ കപ്പലെത്തുന്ന രാജ്യത്തെ ആദ്യത്തെ തുറമുഖമാണ് വിഴിഞ്ഞം. വിഴിഞ്ഞത്തിന്റെ പേരില് അവകാശവാദങ്ങളുടെ പെരുമ്പറ മുഴക്കുന്ന കേന്ദ്ര സംസ്ഥാന സര്ക്കാറുകളാകട്ടേ അപകടകരമായ ഈ സാഹചര്യത്തിനുനേരെ കണ്ണടക്കുകയാണ് ചെയ്യുന്നത്.
film
‘ഒന്നും മനഃപൂര്വം ചെയ്തതല്ല’; വിന്സിയോട് പരസ്യമായി ക്ഷമ ചോദിച്ച് ഷൈന്
ഷൂട്ടിങ് ലൊക്കേഷനില് ലഹരി ഉപയോഗിച്ച് അപമര്യാദയായി പെരുമാറിയെന്ന പരാതിയില് നടി വിന്സി അലോഷ്യസിനോട് പരസ്യമായി ക്ഷമ ചോദിച്ച് നടന് ഷൈന് ടോം ചാക്കോ.

ഷൂട്ടിങ് ലൊക്കേഷനില് ലഹരി ഉപയോഗിച്ച് അപമര്യാദയായി പെരുമാറിയെന്ന പരാതിയില് നടി വിന്സി അലോഷ്യസിനോട് പരസ്യമായി ക്ഷമ ചോദിച്ച് നടന് ഷൈന് ടോം ചാക്കോ. സൂത്രവാക്യം സിനിമയുടെ പ്രൊമോഷന് പരിപാടിയില് ഇരുവരും മാധ്യമങ്ങളെ കണ്ടപ്പോഴാണ് സംഭവം. ഞങ്ങള് തമ്മില് പ്രശ്നങ്ങളില്ലെന്നും പരസ്പരം പറഞ്ഞ് തീര്ത്തെന്നും ഇരുവരും പറഞ്ഞു.
ആളുകളെ എന്റര്ടൈന് ചെയ്യാനായി ഫണ് തീരിയിലുള്ള സംസാരങ്ങള് ചിലപ്പോള് മറ്റുള്ളവരെ ഹേര്ട്ട് ചെയ്യുന്നത് പലപ്പോഴും അറിയാറില്ലെന്നും എല്ലാവരും ഒരേ പോലെയല്ല കാണുന്നതും മനസിലാക്കുന്നതെന്നും ഷൈന് പറഞ്ഞു. പിന്നാലെ വിന്സിയോട് മാപ്പ് പറഞ്ഞു.
താന് ആരാധിച്ച വ്യക്തിയില് നിന്ന് അപ്രതീക്ഷിതമായ അനുഭവം ഉണ്ടായതുകൊണ്ടാണ് പരാതിയുമായി എത്തിയതെന്നും ഷൈനിന്റെ കുടുംബത്തെ വേദനപ്പെടുത്തിയതില് ദുഃഖമുണ്ടെന്നും വിന്സിയും പറഞ്ഞു.
സൂത്രവാക്യം സിനിമയുടെ ചിത്രീകരണത്തിനിടെ ഷൈന് ടോം ചാക്കോ ലഹരി ഉപയോഗിച്ച് തന്നോട് മോശമായി പെരുമാറിയെന്നായിരുന്നു വിന്സിയുടെ പരാതി. എന്നാല് സിനിമയ്ക്ക് പുറത്തേയ്ക്ക് ഇത് കൊണ്ടുപോകുന്നില്ലെന്നും വിന്സി അന്ന് പറഞ്ഞിരുന്നു.
വിവാദങ്ങള്ക്കു ശേഷം ആദ്യമായാണ് ഷൈനും വിന്സിയും ഒരുമിച്ച് വേദി പങ്കിടുന്നത്. മനപൂര്വമായി ഒന്നും ചെയ്തിട്ടില്ലെന്നായിരുന്നു ഷൈനിന്റെ തുറന്നുപറച്ചില്.
സൂത്രവാക്യം എന്ന സിനിമയുടെ ലൊക്കേഷനില് വെച്ച് ലഹരിയുപയോഗിച്ച ഷൈന് ടോം ചാക്കോ മോശമായി പെരുമാറിയെന്ന് കാണിച്ചാണ് വിന്സി ഫിലിം ചേംബറിനും സിനിമയിലെ ആഭ്യന്തര കമ്മിറ്റിക്കും പരാതി നല്കിയത്. സിനിമ പൂര്ത്തിയാക്കാന് സംവിധായകന് ഉള്പ്പെടെയുള്ളവര് ബുദ്ധിമുട്ടന്നതു കണ്ടതുകൊണ്ടുമാത്രമാണ് സെറ്റില് തുടര്ന്നത്. നടന് ലഹരി ഉപയോഗിച്ചുവെന്നും പരാതിയിലുണ്ടായിരുന്നു. ആദ്യം നടന്റെ പേര് വെളിപ്പെടുത്തിയിരുന്നില്ല. ലഹരി ഉപയോഗിക്കുന്നവര്ക്കൊപ്പം ഇനി സിനിമചെയ്യില്ലെന്നും വിന്സി പ്രഖ്യാപിച്ചിരുന്നു.
kerala
നിപ; ഐസൊലേഷനിലുള്ള മൂന്ന് പേരുടെ കൂടി സാമ്പിള് പരിശോധനാ ഫലം നെഗറ്റീവ്
പാലക്കാട് മെഡിക്കല് കോളജിലെ ഐസൊലേഷനിലുള്ള മൂന്നുപേരുടെ കൂടി സാമ്പിള് പരിശോധന ഫലം നെഗറ്റീവായി.

സംസ്ഥാനത്ത് നിപ ആശങ്ക ഒഴിയുന്നു. പാലക്കാട് മെഡിക്കല് കോളജിലെ ഐസൊലേഷനിലുള്ള മൂന്നുപേരുടെ കൂടി സാമ്പിള് പരിശോധന ഫലം നെഗറ്റീവായി. ഇക്കഴിഞ്ഞ ആറിന് ആശുപത്രിയില് പ്രവേശിപ്പിച്ച കുട്ടിയുടെയും കൂട്ടിരിപ്പുകാരുടെയും പരിശോധന ഫലമാണ് നെഗറ്റീവായത്.
നിപ ബാധിച്ച 38 കാരിയുടെ സമ്പര്ക്ക പട്ടികയില് രോഗ ലക്ഷണങ്ങള് കണ്ടെത്തിയ മുഴുവന് പേരുടെയും സാമ്പിള് പരിശോധന ഫലം നെഗറ്റീവായി. മലപ്പുറം, പാലക്കാട് ജില്ലകളിലായി 461 പേരാണ് സമ്പര്ക്കപ്പട്ടികയിലുള്ളത്. ഇതില് 27 പേര് ഹൈറിസ്ക് വിഭാഗത്തിലാണ്. പാലക്കാടും മലപ്പുറത്തും കണ്ടെയ്ന്മെന്റ് സോണുകളിലെ നിയന്ത്രണം തുടരും.
പാലക്കാട് ജില്ലയില് മാത്രം മുവായിരത്തോളം വീടുകളില് ആരോഗ്യപ്രവര്ത്തകര് പരിശോധന നടത്തി. ഭോപ്പാലിലേക്കയച്ച വവ്വാലുകളുടെ വിസര്ജ്യ സാമ്പിളുകളുടെ ഫലം ഉടന് ലഭിച്ചേക്കും.
kerala
കേരള സര്വകലാശാല രജിസ്ട്രാറുടെ സസ്പെന്ഷന് തുടരും; സിന്ഡിക്കേറ്റ് തീരുമാനം റദ്ദാക്കാന് ഗവര്ണര്
വൈസ് ചാന്സലര് മോഹനന് കുന്നുമ്മല് സസ്പെന്ഡ് ചെയ്ത കേരള സര്വകലാശാല രജിസ്ട്രാര് കെ എസ് അനില്കുമാറിനെ തിരിച്ചെടുത്ത സിന്ഡിക്കേറ്റ് തീരുമാനം റദ്ദാക്കാന് ഗവര്ണര്.

വൈസ് ചാന്സലര് മോഹനന് കുന്നുമ്മല് സസ്പെന്ഡ് ചെയ്ത കേരള സര്വകലാശാല രജിസ്ട്രാര് കെ എസ് അനില്കുമാറിനെ തിരിച്ചെടുത്ത സിന്ഡിക്കേറ്റ് തീരുമാനം റദ്ദാക്കാന് ഗവര്ണര്. ഇതിനായുള്ള നടപടി ക്രമങ്ങള് രാജ്ഭവന് ആരംഭിച്ചു. സിന്ഡിക്കേറ്റ് തീരുമാനം റദ്ദാക്കുമ്പോള് ഫലത്തില് രജിസ്ട്രാറുടെ സസ്പെന്ഷന് തുടരും. ജോയിന്റ് രജിസ്ട്രാര് പി ഹരികുമാറിനെ സസ്പെന്ഡ് ചെയ്യാനും ഗവര്ണര് തീരുമാനിച്ചിട്ടുണ്ട്.
ചാന്സലര് കൂടിയായ ഗവര്ണര് ജോയിന്റ് രജിസ്ട്രാറെ സസ്പെന്ഡ് ചെയ്യാനുള്ള തീരുമാനം വൈസ് ചാന്സലറെ അറിയിക്കും. വിസിയാണ് സസ്പെന്ഡ് ചെയ്യാനുള്ള നടപടികള് സ്വീകരിക്കുക. നിലവില് സിസ തോമസിനാണ് വിസിയുടെ ചുമതല. യോഗം കഴിഞ്ഞ് സിസ തോമസ് പുറത്ത് പോയതിന് ശേഷവും സിന്ഡിക്കേറ്റ് യോഗം തുടര്ന്നതിലാണ് നടപടി.
സംഭവത്തില് ഹരികുമാറിനെ സിസ തോമസ് ജോയിന്റ് രജിസ്ട്രാര് സ്ഥാനത്ത് നിന്ന് മാറ്റിയിരുന്നു. അതേസമയം സിന്ഡിക്കേറ്റിനെ പിരിച്ചു വിടേണ്ട സാഹചര്യം നിലവില് ഇല്ലെന്നാണ് ഗവര്ണറുടെ അഭിപ്രായം. അതേസമയം കോടതിയലക്ഷ്യ നടപടി നേടുന്ന സിന്ഡിക്കേറ്റ് അംഗവും മുന് എംഎല്എയുമായ ആര് രാജേഷിനെ സസ്പെന്ഡ് ചെയ്യാനുള്ള നീക്കം നടക്കുന്നുണ്ടെന്നാണ് സൂചന.
രജിസ്ട്രാര് കെ എസ് അനില്കുമാറിന്റെ സസ്പെന്ഷന് നടപടി റദ്ദാക്കുന്നത് സംബന്ധിച്ച് നടന്ന ചര്ച്ചയില് നിന്ന് താത്കാലിക വി സി സിസ തോമസ് ഇറങ്ങിപ്പോയിരുന്നു. തുടര്ന്ന് മറ്റൊരു മുതിര്ന്ന സിന്ഡിക്കേറ്റ് അംഗത്തിന്റെ നേതൃത്വത്തില് ഇടത് സിന്ഡിക്കേറ്റ് അംഗങ്ങള് കെ എസ് അനില്കുമാറിന്റെ സസ്പെന്ഷന് പിന്വലിച്ചതായി അറിയിച്ചിരുന്നു. പിന്നാലെ രജിസ്ട്രാര് വീണ്ടും ചുമതലയേല്ക്കുകയായിരുന്നു.
-
kerala3 days ago
സംസ്ഥാനത്ത് നാളെയും മഴയ്ക്ക് സാധ്യത; രണ്ടു ജില്ലകളിൽ മാത്രം യെല്ലോ അലർട്ട്
-
india2 days ago
ഇന്ത്യയില് റോയിട്ടേഴ്സ് എക്സ് അക്കൗണ്ട് ബ്ലോക്ക് ചെയ്തു
-
kerala3 days ago
നിപ; സമ്പര്ക്കപ്പട്ടികയില് ആകെ 425 പേര്
-
kerala3 days ago
സംസ്ഥാന സ്കൂള് കലോത്സവം തൃശൂരില്
-
GULF3 days ago
പ്രവാസി മലയാളികള്ക്ക് ആശ്വാസം; കോഴിക്കോട്ടേക്ക് അധിക സര്വീസുമായി എയര് ഇന്ത്യ എക്സ്പ്രസ്
-
crime3 days ago
ജോലി വാഗ്ദാനം ചെയ്ത് കോടികളുടെ തട്ടിപ്പ്: കൊല്ലം സ്വദേശിനി പിടിയിൽ
-
kerala3 days ago
മുഹറം അവധി തിങ്കളാഴ്ചത്തേക്ക് മാറ്റില്ല; ആവശ്യം തള്ളി സര്ക്കാര്
-
kerala3 days ago
ആരോഗ്യമന്ത്രിക്കെതിരെ യൂത്ത് കോൺഗ്രസ് പ്രതിഷേധം; പ്രവർത്തകർക്ക് നേരെ പൊലീസ് ലാത്തി വീശി