Culture
‘ഞാനും ശിഹാബ് തങ്ങളും ചെയ്തത് ഒരേ കാര്യം’: കെ.ടി ജലീല്, മന്ത്രിക്ക് സോഷ്യല് മീഡിയയുടെ പരിഹാസം
‘വാട്ട്സാപ്പ് ഹര്ത്താലി’നെ തുടര്ന്ന് മലപ്പുറം ജില്ലയിലെ താനൂരിലുണ്ടായ അക്രമ സംഭവങ്ങളെ വര്ഗീയമായി ചിത്രീകരിച്ച മന്ത്രി കെ.ടി ജലീല്, വിമര്ശനങ്ങള് ശക്തമായപ്പോള് പാണക്കാട് സയ്യിദ് മുഹമ്മദലി ശിഹാബ് തങ്ങളുടെ പേര് ഉയര്ത്തിക്കാട്ടി രക്ഷപ്പെടാനുള്ള ശ്രമത്തില്. താനൂരിലുണ്ടായ അക്രമ സംഭവങ്ങളില് ഒരു മതവിഭാഗത്തില്പ്പെട്ട ആളുകളുടെ സ്ഥാപനങ്ങള്ക്കു മാത്രമാണ് നഷ്ടമുണ്ടായത് എന്നു വരുത്തിത്തീര്ക്കാന് ശ്രമിച്ച് പണപ്പിരിവിനിറങ്ങിയ ജലീല്, മതഭേദമന്യേ നിരവധി കടകള് തകര്ക്കപ്പെട്ടിരുന്നു എന്ന റിപ്പോര്ട്ടുകള് പുറത്തു വന്നതോടെ പ്രതിരോധത്തിലായിരുന്നു. ഇതോടെയാണ്, 2007-ല് അങ്ങാടിപ്പുറം തളി ക്ഷേത്രം ആക്രമിക്കപ്പെട്ടപ്പോള് സയ്യിദ് മുഹമ്മദലി ശിഹാബ് തങ്ങള് നടത്തിയ ഇടപെടലും തന്റെ പ്രവൃത്തിയും സമാനമാണെന്ന് സമര്ത്ഥിക്കാന് ജലീല് ശ്രമിക്കുന്നത്.
‘അന്ന് ശിഹാബ് തങ്ങള് ചെയ്തു; ഇന്ന് ഞങ്ങള് ചെയ്തു: രണ്ടിനും ഒരേലക്ഷ്യം’ എന്ന് തലക്കെട്ട് നല്കിയ ലേഖനത്തിലുടനീളം തന്റെ നേതൃത്വത്തില് നന്ന വര്ഗീയ ധ്രുവീകരണത്തെ ശിഹാബ് തങ്ങളുടെ പ്രവൃത്തിയുമായി സമീകരിക്കാനാണ് ജലീല് ശ്രമിക്കുന്നത്. ഇതിനായി, ശിഹാബ് തങ്ങളും പി.കെ കുഞ്ഞാലിക്കുട്ടിയും അടക്കമുള്ളവര് ക്ഷേത്രം സന്ദര്ശിക്കുന്നതിന്റെ ചിത്രവും ദുരുപയോഗം ചെയ്യുന്നുണ്ട്.
തളി ക്ഷേത്രത്തിനു നേരെ അജ്ഞാതര് നടത്തിയ ആക്രമണത്തെ തുടര്ന്ന് രൂപപ്പെടാമായിരുന്ന സംഘര്ഷം നേര്പ്പിക്കാന് ശിഹാബ് തങ്ങള് നടത്തിയ സമയോചിത ഇടപെടല് ഏറെ ശ്ലാഘിക്കപ്പെട്ടിരുന്നു. താനൂരില് ഹര്ത്താലിനെ തുടര്ന്നുണ്ടായ അക്രമ സംഭവങ്ങളെ തുടര്ന്ന് ജലീല് നടത്തിയതാകട്ടെ ഒരു മതവിഭാഗത്തെ പ്രതിക്കൂട്ടില് നിര്ത്തുന്നതിനുള്ള നീക്കമായിരുന്നു. ഹര്ത്താലിന്റെ മറവില് അക്രമികള് അഴിഞ്ഞാടുന്നതു തടയുന്നതില് സര്ക്കാര് പരാജയപ്പെട്ടപ്പോള്, പ്രദേശത്തെ ന്യൂനപക്ഷങ്ങള്ക്ക് സംരക്ഷണം നല്കേണ്ടത് ഭൂരിപക്ഷ വിഭാഗത്തിന്റെ ഉത്തരവാദിത്തമാണ് എന്നാണ് മന്ത്രി ജലീല് പ്രതികരിച്ചത്.
ജലീലിന്റെ പുതിയ ഫേസ്ബുക്ക് പോസ്റ്റിനു കീഴില് നിരവധി പേരാണ് പ്രതിഷേധം രേഖപ്പെടുത്തുന്നത്. മതേതര മൂല്യങ്ങള്ക്ക് ഉദാഹരണമായ ശിഹാബ് തങ്ങളുടെ പ്രവൃത്തിയും മതത്തിന്റെ പേരില് ഭിന്നിപ്പിക്കാന് ഉദ്ദേശിച്ചു കൊണ്ടുള്ള തന്റെ പ്രവൃത്തിയും ഒന്നാണെന്ന് സ്ഥാപിക്കാന് ശ്രമിച്ചുകൊണ്ടുള്ള ജലീലിന്റെ പോസ്റ്റ് മന്ത്രിയുടെ ഇരട്ടത്താപ്പ് തുറന്നു കാട്ടുന്നതാണെന്ന് സോഷ്യല് മീഡിയ അഭിപ്രായപ്പെടുന്നു.
Film
‘ദൃശ്യം 3’യുടെ വിതരണം പനോരമ സ്റ്റുഡിയോസ് ഏറ്റെടുത്തു; റിലീസ് തീയതി സംബന്ധിച്ച് ആശങ്കയിൽ ആരാധകർ
ആശിർവാദ് സിനിമാസ് നിർമ്മിക്കുന്ന ഈ വലിയ ചിത്രത്തിന്റെ തീയറ്റർ, ഡിജിറ്റൽ, എയർബോൺ എന്നീ മുഴുവൻ അവകാശങ്ങളും പനോരമ സ്റ്റുഡിയോസ് ഏറ്റെടുത്തതായി കമ്പനി ഔദ്യോഗികമായി പ്രഖ്യാപിച്ചു.
കൊച്ചി: ജീത്തു ജോസഫ്–മോഹൻലാൽ കൂട്ടുകെട്ടിന്റെ ഏറെ പ്രതീക്ഷയുണർത്തുന്ന ‘ദൃശ്യം 3’യുടെ ചിത്രീകരണം അവസാനഘട്ടത്തിലേക്ക് കടക്കുന്നതിനിടെ, ചിത്രത്തിന്റെ പ്രധാന വിതരണാവകാശങ്ങൾ പ്രമുഖ പ്രൊഡക്ഷൻ–വിതരണ സ്ഥാപനമായ പനോരമ സ്റ്റുഡിയോസ് സ്വന്തമാക്കി. ആശിർവാദ് സിനിമാസ് നിർമ്മിക്കുന്ന ഈ വലിയ ചിത്രത്തിന്റെ തീയറ്റർ, ഡിജിറ്റൽ, എയർബോൺ എന്നീ മുഴുവൻ അവകാശങ്ങളും പനോരമ സ്റ്റുഡിയോസ് ഏറ്റെടുത്തതായി കമ്പനി ഔദ്യോഗികമായി പ്രഖ്യാപിച്ചു.
ആശിർവാദ് സിനിമാസിൽ നിന്ന് ഇന്ത്യയിലും വിദേശത്തുമുള്ള എക്സ്ക്ലൂസീവ് വേൾഡ്വൈഡ് തീയറ്റർ അവകാശങ്ങൾ സ്വന്തമാക്കിയതായും സോഷ്യൽ മീഡിയയിൽ പങ്കുവെച്ച പ്രസ്താവനയിൽ പനോരമ സ്റ്റുഡിയോസ് വ്യക്തമാക്കി.
വിതരണാവകാശങ്ങൾ വിറ്റതോടെ ‘ദൃശ്യം 3’യുടെ മലയാളം റിലീസ് വൈകുമോ എന്ന ആശങ്കയിലാണ് ആരാധകർ. ഹിന്ദി, തെലുങ്ക് റീമേക്കുകൾക്കൊപ്പം ചിത്രം ഒരുമിച്ച് റിലീസ് ചെയ്യുമോ എന്നതും ചോദ്യം. നേരത്തെ പുറത്തുവന്ന റിപ്പോർട്ടുകൾ പ്രകാരം എല്ലാ ഭാഷാ പതിപ്പുകളും ഒരേ സമയം തീയറ്ററുകളിൽ എത്താനാണ് സാധ്യതയെന്ന് സൂചനയുണ്ടായിരുന്നുവെങ്കിലും, മറ്റ് പതിപ്പുകളുടെ നിർമ്മാണം ഇതുവരെ ആരംഭിച്ചിട്ടില്ല. മലയാളം പതിപ്പ് ആദ്യം എത്തും, റീമേക്കുകൾ പിന്നീട്—എന്ന അഭ്യൂഹങ്ങളും പ്രചരിച്ചുവരുന്നു. എന്നാൽ നിർമാതാക്കളോ സംവിധായകനോ ഇതുസംബന്ധിച്ച് ഔദ്യോഗിക സ്ഥിരീകരണം നടത്തിയിട്ടില്ല.
ജീത്തു ജോസഫ് എഴുതിയും സംവിധാനം ചെയ്ത ‘ദൃശ്യം’ പരമ്പര മലയാള സിനിമയിലെ ഏറ്റവും വിജയം നേടിയ ത്രില്ലർ ഫ്രാഞ്ചൈസികളിൽ ഒന്നാണ്. 2013ൽ പുറത്തിറങ്ങിയ ആദ്യഭാഗം ബോക്സ് ഓഫീസിൽ വൻ വിജയം നേടി; 2021ൽ രണ്ടാം ഭാഗം ആമസോൺ പ്രൈം വീഡിയോയിലൂടെ OTT റിലീസായിരുന്നു. കുടുംബത്തെ സംരക്ഷിക്കാൻ കേബിൾ ടിവി നെറ്റ്വർക്കുടമ ജോര്ജുകുട്ടി (മോഹൻലാൽ) നടത്തുന്ന കഠിന പോരാട്ടമാണ് കഥയുടെ പ്രമേയം.
Film
ഭൂട്ടാന് കാര് കള്ളക്കടത്ത് കേസ്: നടന് അമിത് ചക്കാലക്കലിന്റെ പിടിച്ചെടുത്ത ലാന്ഡ് ക്രൂയിസര് കസ്റ്റംസ് വിട്ടു നല്കി
കൊച്ചി: ഭൂട്ടാനില് നിന്ന് ആഡംബര കാറുകള് കടത്തുന്ന കേസുമായി ബന്ധപ്പെട്ട് കസ്റ്റംസ് പിടിച്ചെടുത്ത നടന് അമിത് ചക്കാലക്കലിന്റെ ലാന്ഡ് ക്രൂയിസര് വാഹനം തിരികെ വിട്ടു നല്കി. ‘ ഓപ്പറേഷന് നുംഖോര് ‘ പരിശോധനയുടെ ഭാഗമായി പിടിച്ചെടുത്ത മധ്യപ്രദേശ് രജിസ്ട്രേഷനിലുള്ള വാഹനമാണ് കസ്റ്റംസ് അഡീഷണല് കമ്മീഷണറുടെ ഉത്തരവിനെ തുടര്ന്ന് വിട്ടുനല്കിയത്. അമിത് നല്കിയ അപേക്ഷ പരിഗണിച്ചാണ് തീരുമാനം. ബോണ്ടില് ഒപ്പുവെക്കുകയും 20 ശതമാനം ബാങ്ക് ഗ്യാരണ്ടി സമര്പ്പിക്കുകയും ചെയ്തതോടെയാണ് വാഹനം താല്ക്കാലികമായി വിട്ടു നല്കിയത്. എന്നാല് വാഹനം ഉപയോഗിക്കരുത് കേരളത്തിന് പുറത്തേക്ക് കൊണ്ടുപോകാന് പാടില്ല തുടങ്ങിയ കര്ശന വ്യവസ്ഥകള് തുടരും.
ഭൂട്ടാനില് നിന്ന് നികുതി വെട്ടിച്ച് വാഹനങ്ങള് കേരളത്തിലേക്ക് കടത്തിയതുമായി ബന്ധപ്പെട്ട കസ്റ്റംസ് റെയ്ഡിനിടെയാണ് അമിത്തിന്റെ വാഹനങ്ങളും ഗാരേജിലുള്ള മറ്റ് വാഹനങ്ങളും പിടിച്ചെടുത്തത്. അമിത് ചക്കാലക്കല് ഒന്നിലധികം തവണ കസ്റ്റംസ് മുന്നില് ഹാജരായി രേഖകള് സമര്പ്പിച്ചിരുന്നു. ഗാരേജില് നിന്നുള്ള വാഹനങ്ങള് അറ്റകുറ്റപ്പണിക്കെത്തിച്ചതാണെന്ന് അമിത് വ്യക്തമാക്കി. വാഹനങ്ങളുടെ യഥാര്ത്ഥ ഉടമകളും നേരത്തെ കസ്റ്റംസ് ഉദ്യോഗസ്ഥരോട് ഹാജരായിരുന്നു. ഭൂട്ടാന്, നേപ്പാള് റൂട്ടുകളിലൂടെ ലാന്ഡ് ക്രൂയിസര്, ഡിഫന്ഡര് പോലുള്ള ആഡംബര കാറുകള് വ്യാജ രേഖകളുടെ സഹായത്തോടെ ഇന്ത്യയില് കടത്തുകയും പിന്നീട് താരങ്ങള്ക്കുള്പ്പെടെ വിലകുറച്ച് വില്ക്കുകയും ചെയ്ത ഒരു സിന്ഡിക്കേറ്റിന്റെ പ്രവര്ത്തനമാണ് അന്വേഷണത്തില് പുറത്തുവന്നത്.
ഇന്ത്യന് ആര്മി, യുഎസ് എംബസി, വിദേശകാര്യ മന്ത്രാലയം എന്നിവയുമായി ബന്ധപ്പെട്ടതാണെന്ന് തോന്നിക്കുന്ന വ്യാജ രേഖകളും, വ്യാജ ആര്ടിഒ രജിസ്ട്രേഷനുകളും ഉപയോഗിച്ചിരുന്നതായി പ്രാഥമിക അന്വേഷണത്തില് കണ്ടെത്തി. ഈ കേസിന്റെ ഭാഗമായി ദുല്ഖര് സല്മാന്, പൃഥ്വിരാജ്, അമിത് ചക്കാലക്കല് തുടങ്ങിയ നടന്മാരുടെ വീടുകള് ഉള്പ്പെടെ കേരളത്തിലെ 17 ഇടങ്ങളില് കസ്റ്റംസ് കഴിഞ്ഞ സെപ്റ്റംബറില് റെയ്ഡ് നടത്തിയിരുന്നു. വാഹന ഡീലര്മാരുടെ വീടുകളിലും പരിശോധന നടന്നു. വ്യാജ രേഖകള് വഴി ഇറക്കുമതി ചെയ്ത വാഹനങ്ങളുമായി ബന്ധപ്പെട്ട ഇടപാടുകള്, സാമ്പത്തിക കള്ളപ്പണം എന്നിവയാണ് എന്ഫോഴ്സ്മെന്റ് ഡയറക്ടറേറ്റിന്റെ നിലവിലെ അന്വേഷണത്തിന്റെ കേന്ദ്രീകരണം. കസ്റ്റംസിനൊപ്പം ഇഡിയും കേസില് അന്വേഷണം തുടരുകയാണ്.
Film
‘പൊതുവേദിയില് സംസാരിക്കാന് കഴിയില്ല; തുറന്ന് പറഞ്ഞ് നടന് വിനായകന്
ചിത്രത്തില് പോലീസ് വേഷത്തിലാണ് വിനായകന് പ്രത്യക്ഷപ്പെടുന്നത്.
ഡാന്സിലൂടെ സിനിമാ രംഗത്തെത്തിയ വിനായകന് ഇന്ന് പാന്ഇന്ത്യന് ശ്രദ്ധ നേടിയ നടനാണ്. മമ്മൂട്ടി കേന്ദ്രകഥാപാത്രമായി എത്തുന്ന കളങ്കാവല് ആണ് റിലീസിനൊരുങ്ങുന്ന അദ്ദേഹത്തിന്റെ പുതിയ ചിത്രം. ചിത്രത്തില് പോലീസ് വേഷത്തിലാണ് വിനായകന് പ്രത്യക്ഷപ്പെടുന്നത്. നായകവേഷം തന്നെയാണെന്ന് പറയപ്പെടുന്ന കഥാപാത്രത്തെ സംബന്ധിച്ച അന്തിമ മറുപടി ഡിസംബര് 5ന് പ്രേക്ഷകര്ക്ക് ലഭിക്കും.
സിനിമകളില് സജീവമായിരുന്നെങ്കിലും പൊതുവേദികളില് വിനായകനെ അപൂര്വ്വം മാത്രമേ കാണാറുള്ളൂ. അതിന്റെ കാരണത്തെക്കുറിച്ചുള്ള ചോദ്യത്തിന് അദ്ദേഹം കളങ്കാവല് പ്രമോഷന് ഇന്റര്വ്യൂവില് മറുപടി പറഞ്ഞു.’സിനിമയും അതിന്റെ ബിസിനസുമാണ് ഞാന് പ്രധാനമായി ശ്രദ്ധിക്കുന്നത്. ജനങ്ങള്ക്ക് മുന്നില് സംസാരിക്കാന് അറിയില്ല. പൊതുവേദിയില് സംസാരിക്കാന് പറ്റുന്നില്ല’ അതിന്റെ പ്രശ്നങ്ങളും അനുഭവിച്ചിട്ടുണ്ട്. പൊതുവേദികളില് പങ്കെടുക്കാന് താല്പര്യമില്ലെന്നല്ല, താല്പര്യമുണ്ട്’പക്ഷേ കഴിയുന്നില്ല. പിന്നെ പത്ത് പേരില് രണ്ടുപേര് എനിക്കു ചൊറിയും എന്റെ സ്വഭാവത്തിന് അനുസരിച്ച് ഞാന് എന്തെങ്കിലുമൊക്കെ പറയാം, അതാണ് പിന്നെ പ്രശ്നമാകുന്നത്. അതിനേക്കാള് നല്ലത് വീടിനുള്ളില് ഇരിക്കുക തന്നെയാണ്, എന്നാണ് വിനായകന് വ്യക്തമാക്കിയത്.
-
india2 days ago‘ബിഹാർ തെരഞ്ഞെടുപ്പിൽ വൻ അഴിമതിയും ക്രമക്കേടും’; തെളിവുകൾ പുറത്തുവിട്ട് ധ്രുവ് റാഠി
-
Environment3 days agoആകാശഗംഗയെക്കാള് നാലിരട്ടി വലുപ്പമുള്ള ഭീമന് നെബുല കണ്ടെത്തി; മലപ്പുറം സ്വദേശിനി ഡോ. രഹന പയ്യശ്ശേരി ശാസ്ത്രലോകത്തെ വിസ്മയിപ്പിച്ചു
-
india2 days ago‘ബിജെപിയും തെരഞ്ഞെടുപ്പ് കമ്മീഷനും ചേർന്ന് വോട്ടെടുപ്പിനെ ഹൈജാക്ക് ചെയ്യുന്നു’; എസ്ഐആറിനെതിരെ അഖിലേഷ് യാദവ്
-
india3 days ago‘പൗരത്വം നിര്ണ്ണയിക്കാന് ബിഎല്ഒയ്ക്ക് അധികാരമില്ല’; സുപ്രീംകോടതിയോട് സിബലും സിങ്വിയും
-
india2 days agoആധാർ ജനന രേഖയായി കണക്കാക്കാനാവില്ല; പുതിയ നടപടിയുമായി മഹാരാഷ്ട്രയും ഉത്തർപ്രദേശും
-
kerala1 day agoകൊയിലാണ്ടി എംഎല്എ കാനത്തില് ജമീല അന്തരിച്ചു
-
kerala1 day agoകോഴിക്കോട് ബസ് സ്കൂട്ടറില് ഇടിച്ച് വിദ്യാര്ഥിനി മരിച്ചു
-
kerala2 days agoസംസ്ഥാനത്ത് അഞ്ച് ദിവസം മഴ തുടരും; ‘ദിത്വ ചുഴലിക്കാറ്റ്’ തമിഴ്നാട്-ആന്ധ്രാ തീരത്തേക്ക്