Connect with us

kerala

തൃശൂര്‍ പോര്‍ക്കുളത്ത് പള്ളിപ്പെരുന്നാള്‍ കണ്ട് മടങ്ങിയ യുവാവിന് കുത്തേറ്റു

ഇന്ന് പുലര്‍ച്ചെ രണ്ടരയ്ക്കാണ് സംഭവം നടന്നത്. ബൈക്കിലെത്തിയ സംഘമാണ് ആക്രമിച്ചത്.

Published

on

തൃശൂര്‍ കുന്നംകുളം പോര്‍ക്കുളത്ത് യുവാവിന് കുത്തേറ്റു. പോര്‍ക്കുളം സ്വദേശി രാഹുലി(23)നാണ് പരിക്കേറ്റത്. പള്ളിപ്പെരുന്നാള്‍ കണ്ടു മടങ്ങുമ്പോഴാണ് യുവാവിന് കുത്തേറ്റത്. ഇന്ന് പുലര്‍ച്ചെ രണ്ടരയ്ക്കാണ് സംഭവം നടന്നത്. ബൈക്കിലെത്തിയ സംഘമാണ് ആക്രമിച്ചത്.

രാഹുലിനെ സ്വകാര്യ ആശുപത്രിയിലെത്തിച്ച് പ്രാഥമിക ചികിത്സ നല്‍കിയ ശേഷം തൃശൂര്‍ മെഡിക്കല്‍ കോളജില്‍ പ്രവേശിപ്പിച്ചു. പോര്‍ക്കുളം സ്വദേശി നിബിനാണ് കുത്തിയതെന്ന് മൊഴിയുണ്ട്. പൊലീസ് കേസെടുത്ത് അന്വേഷണം ആരംഭിച്ചു.

Continue Reading
Advertisement
Click to comment

Leave a Reply

Your email address will not be published. Required fields are marked *

kerala

കോവളത്ത് വിദേശവനിതയെ മയക്കുമരുന്ന് നല്‍കി ബലാത്സംഗം ചെയ്തു കൊലപ്പെടുത്തിയ കേസ്: രണ്ടു പ്രതികളും കുറ്റക്കാര്‍; ശിക്ഷ തിങ്കളാഴ്ച

.പ്രതികള്‍ക്കെതിരെ നിലവില്‍ ബലാല്‍സംഗം, കൊലപാതകം, മയക്കുമരുന്ന് ഉപയോഗം തുടങ്ങിയ കുറ്റകൃത്യങ്ങള്‍ തെളിഞ്ഞതായി കോടതി പറയുന്നത്.

Published

on

കോവളത്ത് വിദേശ വനിതയെ പീഡിപ്പിച്ചു കൊലപ്പെടുത്തിയ കേസില്‍ പ്രതികള്‍ കുറ്റക്കാരെന്ന് കോടതി. തിരുവനന്തപുരം ഒന്നാം അഡീഷണല്‍ ജില്ലാ സെക്ഷന്‍ കോടതിയാണ് പ്രതികളെ കുറ്റക്കാര്‍ ആണെന്ന് കണ്ടെത്തിയത്.

പ്രതികളുടെ ശിക്ഷ തിങ്കളാഴ്ച വിധിക്കും. പ്രതികളായ തിരുവനന്തപുരം വാഴമുട്ടം സ്വദേശികളായ ഉദയന്‍,ഉമേഷ് എന്നിവരാണ് കുറ്റക്കാരാണെന്ന് കോടതി വിധിച്ചത്.

2018 മാര്‍ച്ച് 14ന് യുവതിയെ കാണാതായതോടെയാണ് സംഭവം പുറം ലോകം അറിയുന്നത്. ഏപ്രില്‍ 20ന് അഴുകിയ നിലയില്‍ മൃതദേഹം കണ്ടെത്തുകയായിരുന്നു. പോത്തന്‍ കോട്ട ആയുര്‍വേദ കേന്ദ്രത്തില്‍ സഹോദരിക്കൊപ്പം ചികിത്സയ്ക്ക് എത്തിയ 42 കാരിയായ ലാത്വയിന്‍ വനിതയാണ് കൊല്ലപ്പെട്ടത്.

കോവളത്ത് എത്തിയ യുവതിയെ പ്രതികള്‍ ടൂറിസ്റ്റ് ഗൈഡ് എന്ന വ്യാജനെ കണ്ടല്‍കാട്ടില്‍ എത്തിച്ച് ലഹരി മരുന്ന് നല്‍കി പീഡിപ്പിച്ച് കഴുത്ത് ഞെരിച്ച് കൊലപ്പെടുത്തുകയായിരുന്നു.പ്രതികള്‍ക്കെതിരെ നിലവില്‍ ബലാല്‍സംഗം, കൊലപാതകം, മയക്കുമരുന്ന് ഉപയോഗം തുടങ്ങിയ കുറ്റകൃത്യങ്ങള്‍ തെളിഞ്ഞതായി കോടതി പറയുന്നത്.

Continue Reading

kerala

സംസ്ഥാന സര്‍ക്കാറിനെ താഴെയിറക്കാന്‍ മോദിക്ക് 5 മിനിറ്റ് പോലും വേണ്ടെന്ന് കെ സുരേന്ദ്രന്‍

കെ.ടി ജയകൃഷ്ണന്‍ അനുസ്മരണ യോഗത്തിലാണ് ഭീഷണിയുമായി കെ സുരേന്ദ്രന്‍ രംഗത്തെത്തിയത്.

Published

on

സംസ്ഥാന സര്‍ക്കാരിനെതിരെ ഭീഷണിയുമായി ബിജെപി അധ്യക്ഷന്‍ കെ സുരേന്ദ്രന്‍. കെ.ടി ജയകൃഷ്ണന്‍ അനുസ്മരണ യോഗത്തിലാണ് ഭീഷണിയുമായി കെ സുരേന്ദ്രന്‍ രംഗത്തെത്തിയത്.

വേണ്ടിവന്നാല്‍ സര്‍ക്കാരിനെ വലിച്ചു താഴെ ഇടുമെന്ന് അദ്ദേഹം പറഞ്ഞു. മോദിക്ക് സര്‍ക്കാറിനെ താഴെ ഇറക്കാന്‍ 5 മിനിറ്റ് പോലും സമയം വേണ്ടെന്നും ബിജെപി അയച്ച ഗവര്‍ണര്‍ ആണ് ആരിഫ് മുഹമ്മദ് ഖാന്‍ എന്ന് ഓര്‍മ്മ വേണമെന്നും അദ്ദേഹം പറഞ്ഞു.

Continue Reading

kerala

മുഖ്യമന്ത്രിയും സംഘവും ലണ്ടനില്‍ താമസിക്കാന്‍ ചെലവിട്ടത് 43.14 ലക്ഷം രൂപ

വിമാനയാത്ര ഒഴിച്ചുള്ള കണക്കാണ് നിലവില്‍ പുറത്തുവന്നിരിക്കുന്നത്.

Published

on

കഴിഞ്ഞ ഒക്ടോബറില്‍ മുഖ്യമന്ത്രിയും സംഘവും ലണ്ടനില്‍ തങ്ങിയപ്പോള്‍ ഹോട്ടല്‍ താമസത്തിനും ഭക്ഷണത്തിനും നഗര യാത്രകള്‍ക്കുമായി ആകെ ചെലവിട്ടത് 43.14 ലക്ഷം രൂപ.

ലണ്ടന്‍ ഹൈ കമ്മീഷനില്‍ നിന്ന് വിവരാവകാശ നിയമപ്രകാരം ആവശ്യപ്പെട്ടപ്പോഴാണ് ഇക്കാര്യം പുറത്തുവന്നത്. ഹോട്ടല്‍ താമസത്തിന് 18.54 ലക്ഷം രൂപയും യാത്രകള്‍ക്കായി 22.38 ലക്ഷം രൂപയും വിമാനത്താവളത്തിലെ ലോഞ്ചിലെ ഫീസ് ആയി 2.21 ലക്ഷം രൂപയുമാണ് ചിലവായത്. ലണ്ടനിലെ ഇന്ത്യന്‍ ഹൈ കമ്മീഷന്‍ ആണ് ഈ തുക ചെലവഴിച്ചത് പിന്നീട് അത് സംസ്ഥാന സര്‍ക്കാരില്‍ നിന്ന് കൈപ്പറ്റുകയും ചെയ്തു.

മുഖ്യമന്ത്രി പിണറായി വിജയന്‍, മന്ത്രിമാരായ വി ശിവന്‍കുട്ടി, പി രാജീവ്, വീണ ജോര്‍ജ്, ആസൂത്രണ ബോര്‍ഡ് വൈസ് ചെയര്‍മാന്‍ വി കെ രാമചന്ദ്രന്‍, ചീഫ് സെക്രട്ടറി വി പി ജോയ്, ഓഫീസര്‍ ഓണ്‍ സപെഷ്യല്‍ ഡ്യൂട്ടി വേണു രാജാമണി, വ്യവസായ സെക്രട്ടറി സുമന്‍ ബില്ല, പൊതു വിദ്യാഭ്യാസ സെക്രട്ടറി എ പി എം മുഹമ്മദ് ഹനീഷ്, മുഖ്യമന്ത്രിയുടെ പി എ സുനീഷ് എന്നിവരാണ് ഔദ്യോഗിക സംഘത്തില്‍ ഉണ്ടായിരുന്നത്. കുടുംബാംഗങ്ങളും ഒപ്പം ഉണ്ടായിരുന്നു.

വിമാനയാത്ര ഒഴിച്ചുള്ള കണക്കാണ് നിലവില്‍ പുറത്തുവന്നിരിക്കുന്നത്. ഒക്ടോബര്‍ 2 മുതല്‍ 12 വരെയായിരുന്നു ലണ്ടന്‍ സന്ദര്‍ശനം.

Continue Reading

Trending