india
അബദ്ധത്തില് മിസൈല് തൊടുക്കല്; പാകിസ്താന് പ്രത്യാക്രമണത്തിന് ഒരുങ്ങിയെന്ന് റിപ്പോര്ട്ട്
സംഭവത്തില് ഇന്ത്യ ഖേദം പ്രകടിപ്പിച്ചിട്ടുണ്ട്.
ന്യൂഡല്ഹി: ഇന്ത്യയുടെ മിസൈല് അബദ്ധത്തില് പാകിസ്താനില് പതിക്കാനിടയായ സംഭവത്തില് പാകിസ്താന് തിരിച്ചടിക്ക് ഒരുങ്ങിയതായി റിപ്പോര്ട്ട്. സമാനമായ രീതിയില് മിസൈല് വിക്ഷേപിക്കാനായിരുന്നു പാക് നീക്കമെന്ന് ബ്ലൂംബര്ഗ് റിപ്പോര്ട്ട് ചെയ്തു.മിസൈല് പതിച്ചതുമായി ബന്ധപ്പെട്ട പ്രാഥമിക വിലയിരുത്തലില് ചില കാര്യങ്ങള് കണ്ടെത്തിയതിനാല് പാകിസ്താന് ഈ നീക്കത്തില്നിന്ന് പിന്മാറുകയായിരുന്നു എന്നും റിപ്പോര്ട്ടില് പറയുന്നു.
പഞ്ചാബിലെ അംബാലയില് നിന്നുമാണ് ഇന്ത്യന് എയര്ഫോഴ്സ് ബ്രഹ്മോസ് മധ്യദൂര ക്രൂസ് മിസൈല് അബദ്ധത്തില് വിക്ഷേപിച്ചത്. പാകിസ്താനിലെ ചില വീടുകള്ക്ക് കേടുപാടുകള് സംഭവിച്ചെങ്കിലും ആര്ക്കും പരുക്കേറ്റില്ല. എന്നാല് ഇന്ത്യന് എയര് ഫോഴ്സ് മിസൈല് വിക്ഷേപണ സംവിധാനങ്ങളെല്ലാം താല്ക്കാലികമായി നിര്ത്തിവച്ചു. പാക് പഞ്ചാബ് പ്രവിശ്യയിലെ മിയാന് ചന്നു നഗരത്തിലാണ് മിസൈല് പതിച്ചത്. മിസൈലിന്റെ സഞ്ചാരപാത നീരീക്ഷിച്ചുകണ്ടെത്തിയെന്ന് പാക് സൈനിക വക്താവ് ജനറല് ബാബര് ഇഫ്തികര് അറിയിച്ചിരുന്നു.
അതേസമയം സംഭവത്തില് ഇന്ത്യ ഖേദം പ്രകടിപ്പിച്ചിട്ടുണ്ട്. ഇതേക്കുറിച്ച് ഉന്നത തലത്തില് സമഗ്ര അന്വേഷണം നടക്കുകയാണെന്ന് പ്രതിരോധ മന്ത്രി രാജ്നാഥ് സിങ് ചൊവ്വാഴ്ച പാര്ലമെന്റിന്റെ ഇരു സഭകളെയും അറിയിച്ചിരുന്നു. എന്നാല് രാജ്നാഥിന്റെ പ്രസ്താവന അപൂര്ണവും അപര്യാപ്തവുമാണെന്ന് പാക് വിദേശകാര്യ മന്ത്രി ഷാ മുഹമ്മദ് ഖുറേഷി പ്രതികരിച്ചു. സംഭവത്തെക്കുറിച്ച് ഇരു രാജ്യങ്ങളുടെയും സംയുക്ത അന്വേഷണം വേണമെന്നും അദ്ദേഹം ആവര്ത്തിച്ചു.
india
പ്രതിപക്ഷത്തിനുമുന്നില് മുട്ട് മടക്കി കേന്ദ്രം; എസ്ഐആർ വിഷയത്തിൽ പാർലമെന്റിൽ ചർച്ച വേണമെന്ന ആവശ്യം അംഗീകരിച്ചു
ഇന്ന് നടന്ന കാര്യോപദേശക സമിതിയിലാണ് (ബിഎസി) തീരുമാനം.
പ്രതിപക്ഷത്തിനുമുന്നില് മുട്ട് മടക്കി കേന്ദ്ര സര്ക്കാര്. പാര്ലമെന്റില് എസ്ഐആര് ചര്ച്ച ചെയ്യണമെന്ന പ്രതിപക്ഷ ആവശ്യം കേന്ദ്ര സര്ക്കാര് അംഗീകരിച്ചു. 9,10 തീയതികളില് ലോക്സഭയില് ചര്ച്ച നടക്കും. ഇന്ന് നടന്ന കാര്യോപദേശക സമിതിയിലാണ് (ബിഎസി) തീരുമാനം. നിയമമന്ത്രി അര്ജുന്റാം മേഘ്വാള് 2 ദിവസത്തെ ചര്ച്ചയ്ക്കു പിന്നാലെ സഭയില് മറുപടി നല്കും. 10 മണിക്കൂറാണ് രണ്ടു ദിവസത്തെ ചര്ച്ചയ്ക്കായി ആകെ മാറ്റിവച്ചിരിക്കുന്നത്.
കഴിഞ്ഞ സമ്മേളനത്തില് പ്രതിപക്ഷം ആവര്ത്തിച്ച് വിഷയം ചര്ച്ച ചെയ്യാന് ആവശ്യപ്പെട്ടിരുന്നു. എന്നാല് സര്ക്കാര് ഇതിനു വഴങ്ങിയിരുന്നില്ല. ഇതിനു പിന്നാലെ പ്രതിപക്ഷത്തിനുമുന്നില് കേന്ദ്ര സര്ക്കാര് മുട്ടുമടക്കുകയായിരുന്നു. ‘വന്ദേ മാതര’ത്തിന്റെ 150ാം വാര്ഷികത്തിന്റെ ഭാഗമായി ഡിസംബര് 8ന് പ്രത്യേക ചര്ച്ചയുമുണ്ടാകും.
india
ഡിറ്റ് വാ ചുഴലിക്കാറ്റ് ന്യൂനമര്ദമായി; മഴ തുടരും, 4 ജില്ലകളില് റെഡ് അലര്ട്ട്
24 മണിക്കൂറിനുള്ളില് ന്യൂനമര്ദം ദുര്ബലമാകും.
ശ്രീലങ്കയില് നാശം വിതച്ച ഡിറ്റ് വാ ചുഴലിക്കാറ്റ് ന്യൂനമര്ദമായി മാറി.തമിഴ്നാടിന്റെ വടക്കന് തീരത്തേയ്ക്ക് സഞ്ചരിയ്ക്കുന്ന ഡിറ്റ് വാ, ഇന്ന് പുലര്ച്ചെ അഞ്ചരയോടെയാണ് ന്യൂനമര്ദമായി മാറിയത്. 24 മണിക്കൂറിനുള്ളില് ന്യൂനമര്ദം ദുര്ബലമാകും. തമിഴ്നാടിന്റെ തീരദേശ മേഖലകളില് മഴ തുടരുകയാണ്. ചെന്നൈ,ചെങ്കല്പേട്ട്,തിരുവള്ളൂര്,കാഞ്ചീപുരം ജില്ലകളിലാണ് റെഡ് അലേര്ട്ട്. ഈ ജില്ലകളിലെ മുഴുവന് വിദ്യഭ്യാസ സ്ഥാപനങ്ങള്ക്കും ഇന്ന് അവധിയാണ്.
അതേസമയം, ഇന്നലെ രാവിലെ മുതല് പെയ്യുന്ന കനത്ത മഴയില് ചെന്നൈയിലെ പലയിടങ്ങളിലും വെള്ളക്കെട്ട് രൂപപ്പെട്ടിരുന്നു. ഇന്ന് രാവിലെയോടെ ഭൂരിഭാഗം ഇടങ്ങളിലെയും വെള്ളം കോര്പറേഷന് ജീവനക്കാര് പമ്പ് ചെയ്ത് ഒഴിവാക്കി. ന്യൂനമര്ദത്തിന്റെ പ്രഭാവത്താല് മഴ തുടരുമെന്നാണ് കാലാവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പ്.
india
വിവാഹം വൈകിപ്പിക്കാന് കുടുംബനിര്ദേശം; 19കാരന് ആത്മഹത്യ ചെയ്തു
വിവാഹത്തെ കുറിച്ചുള്ള കുടുംബനിര്ദ്ദേശമാണ് യുവാവില് മാനസിക സമ്മര്ദമുണ്ടാക്കിയതെന്ന് പൊലീസ് പറയുന്നു.
മഹാരാഷ്ട്രയിലെ താനെ ജില്ലയില് 19കാരന് ആത്മഹത്യ ചെയ്ത് മരിച്ച സംഭവത്തില് വിവാഹത്തെ കുറിച്ചുള്ള കുടുംബനിര്ദ്ദേശമാണ് യുവാവില് മാനസിക സമ്മര്ദമുണ്ടാക്കിയതെന്ന് പൊലീസ് പറയുന്നു. നവംബര് 30നാണ് ദുരന്തം വെളിവായത്.
ഝാര്ഖണ്ഡില് നിന്നുള്ള യുവാവ് അവിടെയുള്ള ഒരു പെണ്കുട്ടിയുമായി പ്രണയത്തിലായിരുന്നു. എന്നാല് ആണ്കുട്ടികള്ക്ക് വിവാഹത്തിനുള്ള നിയമപരമായ പ്രായപരിധിയായ 21 വയസ്സ് വരെ കാത്തിരിക്കണമെന്നായിരുന്നു കുടുംബത്തിന്റെ നിര്ദേശം. ഈ തീരുമാനം യുവാവില് കടുത്ത സമ്മര്ദമുണ്ടാക്കിയെന്നാണ് പ്രാഥമിക വിലയിരുത്തല്.
നവംബര് 30ന് വീട്ടിലെ സീലിങില് തൂങ്ങിയ നിലയില് മൃതദേഹം കണ്ടെത്തി. കുടുംബാംഗങ്ങള് ഉടന് ആശുപത്രിയിലെത്തിച്ചെങ്കിലും ജീവന് രക്ഷിക്കാനായില്ല.
-
kerala1 day ago‘ഇത് പുരുഷന്മാര്ക്ക് വേണ്ടിയുള്ള സ്വാതന്ത്ര്യ സമരം, മഹാത്മാഗാന്ധിയുടെ പാതയില് ജയിലില് നിരാഹാര സമരമിരിക്കും’:രാഹുല് ഈശ്വര്
-
kerala1 day agoമുഖ്യമന്ത്രിക്ക് പുതിയ വാഹനം; 1.10 കോടി അനുവദിച്ച് ഉത്തരവിറക്കി
-
india1 day ago‘ദ്രോഹിക്കുന്നതിനും പരിധിയുണ്ട്, കോണ്ഗ്രസിനെ ഞെരുക്കാനുള്ള ശ്രമം വിലപ്പോവില്ല’ കേന്ദ്രസര്ക്കാറിന്റേത് ധാര്മിക മൂല്യത്തകര്ച്ച: ഡി.കെ.ശിവകുമാര്
-
kerala12 hours agoകെഎസ്ആര്ടിസി ബസ് ഓടിച്ചു എന്ന കുറ്റമേ ഞാന് ചെയ്തിട്ടുള്ളൂ, കമ്മ്യൂണിസ്റ്റ് പാര്ട്ടി എന്നെ ഒരുപാട് ദ്രോഹിച്ചു; ഡ്രൈവര് യദു
-
kerala2 days agoനിയുക്ത ഫാ. മെത്രാന് ആന്റണി കാട്ടിപ്പറമ്പിലിനെ സന്ദര്ശിച്ച് അഡ്വ. ഹാരിസ് ബീരാന് എം.പി
-
india13 hours agoപ്രതിപക്ഷത്തിനുമുന്നില് മുട്ട് മടക്കി കേന്ദ്രം; എസ്ഐആർ വിഷയത്തിൽ പാർലമെന്റിൽ ചർച്ച വേണമെന്ന ആവശ്യം അംഗീകരിച്ചു
-
More2 days agoമരണം 1000 കടന്നു, ദുരിതപ്പെയ്ത്തിൽ വിറങ്ങലിച്ച് ഇന്തൊനീഷ്യയും ശ്രീലങ്കയും
-
kerala11 hours agoകൊല്ലത്ത് എല്ഡിഎഫ് സ്ഥാനാര്ഥിയുടെ സ്വീകരണത്തിനായി കുടുംബശ്രീയില് പണപ്പിരിവ്