Connect with us

india

പൗരത്വ പരിശോധന ട്രൈബ്യൂണലില്‍ നിന്ന് മുസ്‌ലിം അഭിഭാഷകരെ പുറത്താക്കി അസം സര്‍ക്കാര്‍

നടപടിക്കെതിരെ വ്യാപക പ്രതിഷേധമാണ് ഉയരുന്നത്

Published

on

ഗുവാഹത്തി: അസം ബോര്‍ഡര്‍ പൊലീസ് ഓര്‍ഗനൈസേഷന്‍ പൗരത്വം സംശയിക്കപ്പെടുന്നതായി രേഖപ്പെടുത്തിയവരുടേയും എന്‍ആര്‍സി പട്ടികയില്‍ നിന്ന് വിട്ടുപോയവരുടെയും കേസുകള്‍ അവലോകനം ചെയ്യുന്ന ജുഡീഷ്യല്‍ ബോഡികളായ ട്രൈബ്യൂണലുകളില്‍ നിന്ന് മുസ്‌ലിം അഭിഭാഷകരെ പുറത്താക്കി. സെപ്റ്റംബര്‍ എട്ട് ചൊവ്വാഴ്ച ദുബ്രിയിലെ എഫ്.ടികളുടെ സേവനത്തില്‍ നിന്ന് നീക്കം ചെയ്ത ഏഴ് മുസ്ലിം എ.ജി.പികളില്‍ ദുബ്രി ജില്ലയിലെ വിദേശ െ്രെടബ്യൂണലില്‍ (എഫ്.ടി) അസിസ്റ്റന്റ് ഗവണ്‍മെന്റ് പ്ലീഡറായ കമാല്‍ ഹുസൈന്‍ അഹമ്മദും ഉള്‍പ്പെടുന്നു.

നടപടിക്കെതിരെ വ്യാപക പ്രതിഷേധമാണ് ഉയരുന്നത്. ‘ഇത് വ്യക്തമായ വിവേചനമാണ്. മതത്തിന്റെ അടിസ്ഥാനത്തിലാണ് ഇത് ചെയ്തിട്ടുള്ളത്,’ഹുസൈന്‍ അഹമ്മദ് പറയുന്നു. ‘ഒരു വിശദീകരണവും നല്‍കാതെ ഡെപ്യൂട്ടി കമ്മീഷണര്‍ക്ക് ഞങ്ങളുടെ സേവനങ്ങള്‍ അവസാനിപ്പിക്കുന്നതിന് പേരുകള്‍ ശുപാര്‍ശ ചെയ്യാന്‍ കഴിയില്ല. ഉത്തരവ് പുറപ്പെടുവിക്കുന്നതിന് മുമ്പ് ബന്ധപ്പെട്ട ഉദ്യോഗസ്ഥനില്‍ നിന്ന് അഭിപ്രായം തേടുന്നത് ആഭ്യന്തര സെക്രട്ടറിയോ ഗോഹത്തി ഹൈക്കോടതിയോ ആണ്’.അദ്ദേഹം കൂട്ടിച്ചേര്‍ത്തു.

2016 മാര്‍ച്ച് മുതല്‍ ദുബ്രിയിലെ എഫ് ടി നമ്പര്‍ രണ്ടില്‍ സേവനമനുഷ്ഠിക്കുന്നയാളാണ് അഹമ്മദ്. സംസ്ഥാന ജോയിന്റ് സെക്രട്ടറി ഒപ്പിട്ട ഉത്തരവില്‍ അമീനുല്‍ ഇസ്ലാം, കമാല്‍ ഹുസൈന്‍ അഹമ്മദ്, റബീഅല്‍ ഹഖ് മണ്ഡല്‍, അഫ്താബുദ്ദീന്‍ അഹമ്മദ്, സഹാബുല്‍ അഹമ്മദ്, മൊതീഉറഹ്മാന്‍ എന്നിവരെയാണ് നീക്കം ചെയ്തിരിക്കുന്നത്. ഇവര്‍ക്ക് പകരം റിതുപര്‍ണ ഗുഹ, ഗോകുല്‍ ചന്ദ്ര കര്‍മ്മകര്‍, ആദിര്‍ ചന്ദ്ര റോയ്, അനിന്ദ പോള്‍, ശങ്കര്‍ പ്രസാദ് ചക്രബര്‍ത്തി, ആനന്ദ കുമാര്‍ റായ്, സംഗീത കൊയിരി എന്നിവരെയാണ് നിയമിച്ചിരിക്കുന്നത്.

india

എം.എസ്.എഫ് ദേശീയ കമിറ്റിയുടെ ആവശ്യപ്രകാരം പ്രീമെട്രിക് സ്‌കോളര്‍ഷിപ്പ് വിഷയം പാര്‍ലെമെന്റില്‍ ഉന്നയിച്ച് ഇ.ടി മുഹമ്മദ് ബഷീര്‍ എം.പി

പാവങ്ങളായ ലക്ഷകണക്കിന് വിദ്യാര്‍ത്ഥികള്‍ക്ക് കാലങ്ങളായി ലഭിച്ചു കൊണ്ടിരുന്ന പ്രീമെട്രിക്ക് സ്‌കോളര്‍ഷിപ്പ് നിര്‍ത്തലാക്കിയ കേന്ദ്ര ഗവണ്മെന്റ് നിലപാട് ക്രൂരമാണെന്നും അത് ഉടനെ പുനഃ പരിശോധിച്ച് അവരോട് കാണിച്ച ക്രൂരത തിരുത്തണമെന്നും മുസ്ലിം ലീഗ് പാര്‍ലമെന്റ് പാര്‍ട്ടി ലീഡറും ദേശീയ ഓര്‍ഗനൈസിങ് സെക്രട്ടറിയുമായ ഇ.ടി മുഹമ്മദ് ബഷീര്‍ എം.പി

Published

on

പാവങ്ങളായ ലക്ഷകണക്കിന് വിദ്യാര്‍ത്ഥികള്‍ക്ക് കാലങ്ങളായി ലഭിച്ചു കൊണ്ടിരുന്ന പ്രീമെട്രിക്ക് സ്‌കോളര്‍ഷിപ്പ് നിര്‍ത്തലാക്കിയ കേന്ദ്ര ഗവണ്മെന്റ് നിലപാട് ക്രൂരമാണെന്നും അത് ഉടനെ പുനഃ പരിശോധിച്ച് അവരോട് കാണിച്ച ക്രൂരത തിരുത്തണമെന്നും മുസ്ലിം ലീഗ് പാര്‍ലമെന്റ് പാര്‍ട്ടി ലീഡറും ദേശീയ ഓര്‍ഗനൈസിങ് സെക്രട്ടറിയുമായ ഇ.ടി മുഹമ്മദ് ബഷീര്‍ എം.പി ഇന്ന് പാര്‍ലമെന്റില്‍ ശൂന്യവേളയില്‍ ആവശ്യപ്പെട്ടു. എം എസ് എഫ് ദേശീയ സെക്രട്ടറി അഡ്വ. പി.ഇ സജല്‍ ഇന്നലെ അദ്ദേഹത്തെ ഡല്‍ഹിയിലെ വസതിയിലെത്തി വിഷയത്തില്‍ ചര്‍ച്ച നടത്തിയിരുന്നു.

പരമ ദരിദ്രരായ വിദ്യാര്‍ത്ഥികള്‍ക്ക് ലഭിച്ചു കൊണ്ടിരുന്ന സ്‌കോളര്‍ഷിപ് സാമൂഹ്യ നീതി ട്രൈബല്‍ വകുപ്പ് മന്ത്രാലയത്തിന്റെ കീഴിയില്‍ നടന്ന് വരുന്ന പദ്ധതി പ്രകാരമാണ്.ഒന്ന് മുതല്‍ എട്ട് വരെയുള്ള ക്ലാസ്സുകളില്‍ പഠിക്കുന്നവര്‍ക്ക് ഈ സ്‌കോളര്‍ഷിപ്പ് ഇനി മുതല്‍ കൊടുക്കുകയില്ലെന്ന ഗവണ്മെന്റ് തീരുമാനം അക്ഷരാര്‍ത്ഥത്തില്‍ ഞെട്ടിപ്പിക്കുന്നതാണ്.അതില്‍ ഏറ്റവും വിചിത്രമായ ഒരു കാര്യം ഈ സ്‌കോളര്‍ഷിപ്പുകള്‍ക്ക് വേണ്ടിയുള്ള അപേക്ഷ ഇക്കൊല്ലവും എല്ലാ വിദ്യാര്‍ത്ഥികളും സമര്‍പ്പിക്കുകയും അതിന്റെ സൂക്ഷ്മ പരിശോധനയടക്കം പൂര്‍ത്തിയാക്കുകയും ചെയ്തിരിക്കുന്നു വെന്നുവെന്നുള്ളതാണ്.ഈ തുച്ഛമായ സ്‌കോളര്‍ഷിപ്പ് കൊണ്ട് പഠിച്ച് രക്ഷപ്പെട്ടു പോകുന്നവരായിരുന്നു ഈ പാവങ്ങള്‍. ഇവരുടെ ഈ ആനുകൂല്യം തട്ടിപ്പറിച്ചെടുത്തത് കൊണ്ട് ഈ സര്‍ക്കാരിന് എന്ത് ലാഭമാണ് കിട്ടാന്‍ പോകുന്നതെന്ന് എം.പി ചോദിച്ചു.

ഗവണ്മെന്റ് വളരെ അടിയന്തിരമായി മാനുഷിക മൂല്യങ്ങളുടെ അടിസ്ഥാനത്തില്‍ തന്നെ ഈ തീരുമാനം പുനഃ പരിശോധിച്ച് ഈ സ്‌കോളര്‍ഷിപ്പ് പുനഃ സ്ഥാപിക്കണമെന്നും ഇപ്പോള്‍ കെട്ടി കിടക്കുന്ന അപേക്ഷകള്‍ പെട്ടന്ന് തന്നെ അനുവദിച്ചു നല്‍കണമെന്നും എം.പി ആവശ്യപ്പെട്ടു.

Continue Reading

india

ഹിമാചലില്‍ തിരഞ്ഞെടുപ്പ് ഫലം വരുംമുമ്പ് 30 നേതാക്കളെ കോണ്‍ഗ്രസില്‍നിന്ന് പുറത്താക്കി

ഹിമാചല്‍ പ്രദേശില്‍ 30 നേതാക്കളെ പുറത്താക്കി കോണ്‍ഗ്രസ്.

Published

on

ഹിമാചല്‍ പ്രദേശില്‍ 30 നേതാക്കളെ പുറത്താക്കി കോണ്‍ഗ്രസ്. സംസ്ഥാനത്തെ തിരഞ്ഞെടുപ്പ് ഫലം നാളെ പുറത്തു വരാനിരിക്കെയാണ് പാര്‍ട്ടിയുടെ ഈ നടപടി. തെരഞ്ഞെടുപ്പ് സമയത്ത് പാര്‍ട്ടി വിരുദ്ധ പ്രവര്‍ത്തനങ്ങള്‍ നടത്തിയതായി കണ്ടെത്തിയതിനെത്തുടര്‍ന്നാണ് നടപടി സ്വീകരിച്ചിരിക്കുന്നത്. 30 പേരെയും അടുത്ത ആറു വര്‍ഷത്തേക്ക് പാര്‍ട്ടിയുടെ പ്രാഥമിക അംഗത്വത്തില്‍ നിന്ന് സസ്‌പെന്‍ഡ് ചെയ്തു.

നവംബര്‍ 12ന് നടന്ന ഹിമാചല്‍ പ്രദേശ് നിയമസഭാ തെരഞ്ഞെടുപ്പിന്റെ ഫലപ്രഖ്യാപനം നാളെ അറിയും. കനത്ത പോരാട്ടമാണ് കോണ്‍ഗ്രസും ബിജെപിയും തമ്മില്‍ സംസ്ഥാനത്ത് നടക്കുന്നത്.

Continue Reading

india

സ്‌കീം വര്‍ക്കര്‍മാരെ തൊഴിലാളികളായി അംഗീകരിക്കണം: ഇ. ടി മുഹമ്മദ് ബഷീര്‍ എം പി

: സ്‌കീം വര്‍ക്കര്‍മാരായ അങ്കണവാടി ജീവനക്കാര്‍, ആശാ പ്രവര്‍ത്തകര്‍, തൊഴിലുറപ്പ് തൊഴിലാളികള്‍ എന്നിവരെ തൊഴിലാളികളായി അംഗീകരിക്കാന്‍ സര്‍ക്കാര്‍ തയ്യാറാവണമെന്ന് മുസ്ലിം ലീഗ് ദേശീയ ഓര്‍ഗനൈസിങ് സെക്രട്ടറി ഇ. ടി മുഹമ്മദ് ബഷീര്‍ എം പി.

Published

on

ന്യൂ ഡല്‍ഹി: സ്‌കീം വര്‍ക്കര്‍മാരായ അങ്കണവാടി ജീവനക്കാര്‍, ആശാ പ്രവര്‍ത്തകര്‍, തൊഴിലുറപ്പ് തൊഴിലാളികള്‍ എന്നിവരെ തൊഴിലാളികളായി അംഗീകരിക്കാന്‍ സര്‍ക്കാര്‍ തയ്യാറാവണമെന്ന് മുസ്ലിം ലീഗ് ദേശീയ ഓര്‍ഗനൈസിങ് സെക്രട്ടറി ഇ. ടി മുഹമ്മദ് ബഷീര്‍ എം പി പറഞ്ഞു. സര്‍ക്കാറിന്റെ വിവിധ പദ്ധതികള്‍ നടപ്പിലാക്കുന്നതുമായി ബന്ധപ്പെട്ട് ജനങ്ങളോട് അടുത്തിടപഴകുന്ന സ്‌കീം വര്‍ക്കര്‍മാരുടെ ദയനീയമായ സ്ഥിതി പരിഹരിക്കാന്‍ ഇവരെ തൊഴിലാളികളായി അംഗീകരിക്കണമെന്നും ഇ.എസ്.ഐ, പെന്‍ഷന്‍ ഉള്‍പ്പെടെയുള്ള ആനു കൂല്യങ്ങള്‍ അനുവദിച്ച് അവരുടെ സാമൂഹ്യ സുരക്ഷ ഉറപ്പ് വരുത്തണമെന്നും സ്‌കീം വര്‍ക്കര്‍മാരുടെ ഇത്തരം ആവശ്യങ്ങള്‍ പാര്‍ലമെന്റില്‍ അവതരിപ്പിക്കുമെന്നും അദ്ദേഹം പറഞ്ഞു.

എസ്. ടി യു സ്‌കീം വര്‍ക്കേഴ്‌സ് കോര്‍ഡിനേഷന്‍ കമ്മറ്റിയുടെ നേതൃത്വത്തില്‍ പാര്‍ലമെന്റിലേക്ക് നടത്തിയ മാര്‍ച്ചിനെ തുടര്‍ന്നുള്ള ധര്‍ണ്ണ ഉല്‍ഘാടനം ചെയ്ത് സംസാരിക്കുകയായിരുന്നു അദ്ദേഹം. സ്‌കീം വര്‍ക്കര്‍മാരെ ജീവനക്കാരായി അംഗീകരിക്കുക, പ്രതിമാസ വേതനം 25000 രൂപ നല്‍കുക,തൊഴിലുറപ്പ് പദ്ധതിയെ സംരക്ഷിക്കുക, റിസ്‌ക് അലവന്‍സ് പ്രതിമാസം 10000 രൂപ നല്‍കുക,സ്‌കീം വര്‍ക്കര്‍മാര്‍ക്ക് പെന്‍ഷന്‍ പദ്ധതി നടപ്പിലാക്കുക,സ്‌കീം വര്‍ക്കര്‍മാര്‍ക്ക് ഇ.എസ്.ഐ നടപ്പിലാക്കുക,പദ്ധതി പ്രവര്‍ത്തനങ്ങള്‍ക്ക് ആവശ്യമായ ഫണ്ട് അനുവദിക്കുക,സ്‌കീം വര്‍ക്കര്‍മാരോടുള്ള അവഗണന അവസാനിപ്പിക്കുക, എന്നീ ആവശ്യങ്ങള്‍ ഉന്നയിച്ചാണ് പാര്‍ലമെന്റ് മാര്‍ച്ച് നടത്തിയത്.

എസ്. ടി. യു കേരള സംസ്ഥാന പ്രസിഡണ്ട് അഡ്വ.എം.റഹ്മത്തുള്ള അദ്ധ്യക്ഷത വഹിച്ചു. എം.പി.മാരായ ഡോ.എം.പി.അബ്ദുസമദ് സമദാനി, കെ.നവാസ്‌കനി, ഡല്‍ഹി കെ.എം.സി.സി. പ്രസിഡണ്ട് അഡ്വ.ഹാരിസ് ബീരാന്‍, എസ്.ടി.യു ദേശീയ പ്രസിഡണ്ട് അഹമ്മദ് കുട്ടി ഉണ്ണിക്കുളം, കേരള സംസ്ഥാന ജനറല്‍ സെക്രട്ടറി യു.പോക്കര്‍, ട്രഷറര്‍ കെ.പി.മുഹമ്മദ് അഷ്‌റഫ് , എസ്.ടി.യു ദേശീയ വൈസ് പ്രസിഡണ്ടുമാരായ അഡ്വ.പി.എം.ഹനീഫ, സി.എച്ച്. ജമീല ടീച്ചര്‍, സെക്രട്ടറി എ.സെയ്താലി, സംസ്ഥാന വൈസ് പ്രസിഡണ്ട് എ.മുനീറ, സെക്രട്ടറി കല്ലടി അബൂബക്കര്‍ ,സെക്രട്ടേറിയറ്റ് അംഗം എന്‍.കെ.സി.ബഷീര്‍, കോര്‍ഡിനേഷന്‍ നേതാക്കളായ എ.അഹമ്മദ് ഹാജി, മന്‍സൂര്‍ എന്ന കുഞ്ഞിപ്പു, കെ.എസ്.ഹലീല്‍ റഹ്മാന്‍, റഫീഖ പാറോക്കോട്, ബുഷറ പൂളോട്ടുമ്മല്‍, ഫൗസിയ വയനാട്, ബിന്ദു പന്തലൊടി, അസീസ് കോട്ടയം, താഷ്‌കാന്റ് കാട്ടിശേരി,എം.ഖാലിദ് റഹ്മാന്‍ പ്രസംഗിച്ചു.

Continue Reading

Trending