ആലപ്പുഴ: ആലപ്പുഴ ഇഎസ്ഐ മുക്കിന് പടിഞ്ഞാറുവശം അമ്മയോടൊപ്പം നിന്ന മൂന്ന് വയസുള്ള കുട്ടിയെ കടലില് കാണാതായി. തൃശൂരില് നിന്ന് എത്തിയ കുടുംബത്തോടൊപ്പമുണ്ടായിരുന്ന അതുല് കൃഷ്ണ എന്ന കുട്ടിയെയാണ് കാണാതായത്. തൃശൂര് പുതിയ പറമ്പ് ലക്ഷമണന്റെ മകനാണ്. ആലപ്പുഴയിലെ ബന്ധുവീട്ടിലെത്തിയിട്ട് ബീച്ച് കാണാന് പോയതായിരുന്നു. കളിക്കുന്നതിനിടെ അമ്മയുടെ കയ്യില് നിന്ന് പിടിവിട്ടുപോവുകയായിരുന്നു.