Culture
പ്രീമിയര് ലീഗില് ചെല്സി ഗണ്ണേഴ്സിനെ തരിപ്പണമാക്കി

ലണ്ടന്: ഇംഗ്ലീഷ് പ്രീമിയര് ലീഗില് സീസണില് 14 മത്സരങ്ങള് മാത്രം അവശേഷിക്കെ കിരീടത്തിലേക്ക് ഒരടി കൂടി മുന്നോട്ട് വെച്ച് ചെല്സി. ക്ലാസിക് പോരാട്ടത്തില് മൂന്നാം സ്ഥാനക്കാരായ ഗണ്ണേഴ്സിനെ 3-1ന് തകര്ത്തു വിട്ട ചെല്സി രണ്ടാം സ്ഥാനക്കാരായ ടോട്ടന്ഹാം ഹോട്സ്പറുമായുള്ള പോയിന്റ് വ്യത്യാസം 12 ആക്കി ഉയര്ത്തി.
ആദ്യ പകുതിയുടെ 13-ാം മിനിറ്റില് റഫറി സംശയത്തിന്റെ ആനുകൂല്യം ചെല്സി താരം മാര്കോസ് അലന്സോക്ക് നല്കിയതോടെ ഗണ്ണേഴ്സിനെതിരെ ചെല്സി മുന്നിലെത്തി. ആഴ്സണല് താരം ഹെക്ടര് ബെല്ലറിനെ തള്ളിമാറ്റിക്കൊണ്ടായിരുന്നു അലന്സോ ഗോള് സ്കോര് ചെയ്തത്. സ്കോര് 1-0. എന്നാല് ചെല്സിയുടെ ആദ്യ ഗോളിന്റെ ആധികാരികതയെ കുറിച്ചുള്ള സംശയമുന്നയിച്ചവര്ക്ക് അതിശക്തമായ മറുപടിയായിരുന്നു രണ്ടാം പകുതിയുടെ 53-ാം മിനിറ്റില് ബെല്ജിയം താരം ഏദന് ഹസാര്ഡ് നേടിയ മനോഹര ഗോള്.
തന്റെ മുന് ക്ലബ്ബിനെതിരെ കളിച്ച സെസ്ക് ഫാബ്രിഗസ് 85-ാം മിനിറ്റില് മുന് ചെല്സി ഗോള്കീപ്പര് പീറ്റര് ചെകിന്റെ പിഴവില് നിന്നും ഗോള് കണ്ടെത്തിയതോടെ ചെല്സിയുടെ ലീഡ് 3-0 ആയി ഉയര്ന്നു. നാലു മാസം മുമ്പ് ചെല്സിയെ നാണം കെടുത്തിയ ഗണ്ണേഴ്സിന് അതേ നാണയത്തില് മറുപടി നല്കാന് വിജയത്തിലൂടെ അന്റോണിയോ കോന്റേയുടെ സംഘത്തിനായി.
മോശം പെരുമാറ്റത്തിന് ടച്ച് ലൈന് വിലക്കുള്ളതിനാല് സ്റ്റേഡിയത്തിലിരുന്നു കളി കാണേണ്ടി വന്ന ആഴ്സണല് കോച്ച് ആഴ്സന് വെംഗര്ക്ക് തനിക്കു ചുറ്റും ആര്ത്തു വിളിച്ച ചെല്സി ആരാധകര്ക്കിടയില് ഇത്തവണ തല താഴ്ത്തി ഇരിക്കാനേ ആയുള്ളൂ. ആഴ്സണലിന്റെ ഗോളെന്നുറച്ച രണ്ട് അവസരങ്ങള് തട്ടിയകറ്റാന് ചെല്സി ഗോള്കീപ്പര് കോര്ട്ടോയിസിനായത് മത്സരത്തിന്റെ ആധിപത്യം നിലനിര്ത്താന് ചെല്സിയെ സഹായിക്കുകയും ചെയ്തു.
ഒടുവില് ഇഞ്ചുറി ടൈമില് നാച്ചോ മോണ്റിയലിന്റെ ക്രോസില് നിന്നും പകരക്കാരനായി ഇറങ്ങിയ ഒലിവര് ഗിറൗഡ് ഗണ്ണേഴ്സിന്റെ ആശ്വാസ ഗോള് കണ്ടെത്തിയപ്പോഴേക്കും ആഴ്സണലിന്റെ ആരാധകരില് ഏറിയ പങ്കും സ്റ്റേഡിയം വിട്ടിരുന്നു. സ്വന്തം തട്ടകത്തില് ചെല്സിയുടെ തുടര്ച്ചയായ 11-ാം വിജയമാണിത്. ഇതോടൊപ്പം 18 ലീഗ് മത്സരങ്ങളില് 16-ാം വിജയവും. ഒരാഴ്ചക്കിടെ രണ്ട് പരാജയങ്ങള് നേരിടേണ്ടി വന്നതോടെ ആഴ്സണലിന്റെ കിരീട മോഹം ഏറെക്കുറെ അവസാനിക്കുകയും ചെയ്തു.
Film
‘മിസ്റ്റര് ആന്ഡ് മിസ്സിസ് ബാച്ചിലര്’ തിയറ്ററുകളിലേക്ക്

ഇന്ദ്രജിത്ത് സുകുമാരനും അനശ്വര രാജനും പ്രധാന വേഷങ്ങളിലെത്തുന്ന ‘മിസ്റ്റര് ആന്ഡ് മിസ്സിസ് ബാച്ചിലറി’ന്റെ റിലീസ് തീയതി പ്രഖ്യാപിച്ച് നിര്മാതാക്കള്. ചിത്രം മേയ് 23 ന് തിയറ്ററില് എത്തുമെന്ന് സ്ഥിരീകരിച്ച് നിര്മാതാക്കള്.
ചിത്രത്തിന്റെ റിലീസ് പലതവണ വ്യക്തമല്ലാത്ത കാരണങ്ങളാല് വൈകിയിരുന്നു. അടുത്തിടെ അനശ്വരയും ചിത്രത്തിന്റെ സംവിധായകന് ദീപു കരുണാകരനും തമ്മില് ചെറിയ തര്ക്കവും ഉണ്ടായിരുന്നു. എന്നാല്, പ്രശ്നങ്ങളെല്ലാം പരിഹരിക്കപ്പെട്ടെന്നാണ് വിവരം.
രാഹുല് മാധവ്, സോഹന് സീനുലാല്, ബിജു പപ്പന്, ദീപു കരുണാകരന്, ദയാന ഹമീദ് എന്നിവര് ചിത്രത്തില് അഭിനയിക്കുന്നുണ്ട്. ഹൈലൈന് പിക്ചേഴ്സിന്റെ ബാനറില് പ്രകാശ് ഹൈലൈന് ആണ് മിസ്റ്റര് & മിസിസ് ബാച്ചിലര് നിര്മിക്കുന്നത്. തിരക്കഥ എഴുതിയത് അര്ജുന് ടി. സത്യനാണ്. പി. എസ്. ജയഹരിയാണ് ചിത്രത്തിന്റെ ശബ്ദട്രാക്കും പശ്ചാത്തല സംഗീതവും ഒരുക്കിയിരിക്കുന്നത്.
Film
ആഗോള തലത്തിൽ വമ്പൻ റിലീസിനൊരുങ്ങി ടോവിനോ ചിത്രം ‘നരിവേട്ട’; വിതരണം ചെയ്യാൻ വമ്പൻ ബാനറുകൾ
മെയ് 23 ന് ആഗോള റിലീസായി എത്താൻ ഒരുങ്ങുന്ന ചിത്രത്തിൻ്റെ ട്രെയ്ലർ, ഗാനങ്ങൾ എന്നിവയെല്ലാം സമൂഹ മാധ്യമങ്ങളിൽ സൂപ്പർ ഹിറ്റാണ്.

ടോവിനോ തോമസിനെ നായകനാക്കി അനുരാജ് മനോഹർ ഒരുക്കിയ പുതിയ ചിത്രം ‘നരിവേട്ട’ റിലീസിന് ഒരുങ്ങുന്നു. മെയ് 23 ന് ആഗോള റിലീസായി എത്താൻ ഒരുങ്ങുന്ന ചിത്രത്തിൻ്റെ ട്രെയ്ലർ, ഗാനങ്ങൾ എന്നിവയെല്ലാം സമൂഹ മാധ്യമങ്ങളിൽ സൂപ്പർ ഹിറ്റാണ്. മലയാളത്തിന് പുറമെ മറ്റു ഭാഷകളിലും റിലീസ് ചെയ്യുന്ന ചിത്രം ഗംഭീര പാൻ ഇന്ത്യൻ റിലീസാണ് ലക്ഷ്യമിടുന്നത്. തമിഴിൽ എ ജി എസ് എൻ്റർടൈൻമെൻ്റ് വിതരണം ചെയ്യുന്ന ചിത്രം തെലുങ്കിൽ വിതരണം ചെയ്യുന്നത് മൈത്രി മൂവി മേക്കേഴ്സ് ആണ്. ഹിന്ദിയിൽ വൈഡ് ആംഗിൾ മീഡിയ പ്രൈവറ്റ് ലിമിറ്റഡ് ചിത്രം പ്രദർശനത്തിന് എത്തിക്കുമ്പോൾ, കന്നഡയിൽ എത്തിക്കുന്നത് ബാംഗ്ലൂർ കുമാർ ഫിലിംസ് ആണ്. ഐക്കൺ സിനിമാസ് ആണ് ചിത്രം കേരളത്തിൽ പ്രദർശനത്തിന് എത്തിക്കുന്നത്. ഇന്ത്യൻ സിനിമാ കമ്പനിയുടെ ബാനറിൽ ഇന്ത്യ ജിസിസി ട്രേഡ് അംബാസിഡർ ഷിയാസ് ഹസ്സൻ, യു .എ .ഇ യിലെ ബിൽഡിങ് മെറ്റീരിയൽ എക്സ്പോർട്ട് ബിസിനസ് സംരംഭകൻ ടിപ്പു ഷാൻ എന്നിവർ ചേർന്നാണ് നരിവേട്ട നിർമ്മിക്കുന്നത്. ഫാർസ് ഫിലിംസ് ഗൾഫിൽ വിതരണം ചെയ്യുന്ന ചിത്രത്തിൻ്റെ, റെസ്റ്റ് ഓഫ് ദ് വേൾഡ് വിതരണം ബർക്ക്ഷെയർ ആണ്.
വളരെ പ്രസക്തമായ ഒരു വിഷയമാണ് ചിത്രം ചർച്ച ചെയ്യുന്നത് എന്നും ടോവിനോ തോമസിൻ്റെ ഗംഭീരമായ പ്രകടനമാണ് ചിത്രത്തിൽ ഉള്ളതെന്നുമാണ് അണിയറ പ്രവർത്തകർ സൂചിപ്പിക്കുന്നത്. കേന്ദ്ര സാഹിത്യ ആക്കാദമി അവാർഡ് ജേതാവ് അബിൻ ജോസഫ് ആണ് ചിത്രത്തിൻ്റെ തിരക്കഥ രചിച്ചിരിക്കുന്നത്. പ്രേക്ഷകരിൽ ഏറെ ആകാംഷയും ആവേശവും നിറക്കുന്ന രീതിയിലാണ് ചിത്രം ഒരുക്കിയിരിക്കുന്നതെന്നാണ് ട്രെയ്ലർ കാണിച്ചു തരുന്നത്. കേരള ചരിത്രത്തിൽ നടന്ന യഥാർത്ഥ സംഭവങ്ങളിൽ നിന്ന് പ്രചോദനമുൾക്കൊണ്ടാണ് ചിത്രം ഒരുക്കിയിരിക്കുന്നതെന്നും ട്രെയ്ലർ പറയുന്നുണ്ട്. ബിഗ് ബഡ്ജറ്റ് ചിത്രമായി ഒരുക്കിയ നരിവേട്ടയിലൂടെ പ്രശസ്ത തമിഴ് നടനായ ചേരൻ ആദ്യമായി മലയാള സിനിമയിൽ എത്തുന്നു. ടോവിനോ തോമസ്, ചേരൻ എന്നിവർ കൂടാതെ സുരാജ് വെഞ്ഞാറമൂട്, പ്രിയംവദ കൃഷ്ണ, ആര്യ സലിം, റിനി ഉദയകുമാർ, എന്നിവരും ഈ ചിത്രത്തിന്റെ താരനിരയിലുണ്ട്. തന്റെ വ്യത്യസ്തമായ സിനിമാ തിരഞ്ഞെടുപ്പുകളിലൂടെയും വേഷപ്പകർച്ചകളിലൂടെയും ഒരു നടനെന്ന നിലയിലും, വമ്പൻ ബോക്സ് ഓഫീസ് ഹിറ്റുകളിലൂടെ ഒരു താരമെന്ന നിലയിലും ഇന്ന് മലയാള സിനിമയിൽ തിളങ്ങി നിൽക്കുന്ന ടോവിനോ തോമസിന്റെ കരിയറിലെ മറ്റൊരു പൊൻതൂവലായി നരിവേട്ട മാറുമെന്ന പ്രതീക്ഷയിലും വിശ്വാസത്തിലുമാണ് അണിയറ പ്രവർത്തകർ. എൻ എം ബാദുഷയാണ് നരിവേട്ടയുടെ എക്സിക്യൂട്ടീവ് പ്രൊഡ്യൂസർ.
ഛായാഗ്രഹണം – വിജയ്, സംഗീതം- ജേക്സ് ബിജോയ്, എഡിറ്റർ- ഷമീർ മുഹമ്മദ്, ആർട്ട് – ബാവ, കോസ്റ്യൂം ഡിസൈൻ – അരുൺ മനോഹർ, മേക്കപ്പ് – അമൽ സി ചന്ദ്രൻ, പ്രൊഡക്ഷൻ എക്സിക്യൂട്ടീവ് – സക്കീർ ഹുസൈൻ, പ്രതാപൻ കല്ലിയൂർ, പ്രൊജക്റ്റ് ഡിസൈനർ -ഷെമി ബഷീർ, സൗണ്ട് ഡിസൈൻ – രംഗനാഥ് രവി, പി ആർ ഒ & മാർക്കറ്റിംഗ് – വൈശാഖ് വടക്കേവീട്, ജിനു അനിൽകുമാർ, സ്റ്റീൽസ്- ഷൈൻ സബൂറ, ശ്രീരാജ് കൃഷ്ണൻ, ഡിസൈൻസ്- യെല്ലോടൂത്ത്, മ്യൂസിക് റൈറ്റ്സ്- സോണി മ്യൂസിക് സൗത്ത്.
kerala
പുലിപല്ലിലെ കേസുമായി ബന്ധപ്പെട്ട അറസ്റ്റില് കോടനാട് റേഞ്ച് ഓഫീസര്ക്ക് സ്ഥലം മാറ്റവും ഡ്യൂട്ടി മാറ്റവും

തിരുവനന്തപുരം: റാപ്പര് വേടന്റെ അറസ്റ്റ് വിവാദങ്ങള്ക്ക് പിന്നാലെ കോടനാട് റേഞ്ച് ഓഫീസര്ക്ക് സ്ഥലം മാറ്റവും ഡ്യൂട്ടി മാറ്റവും. റേഞ്ച് ഓഫീസര് ആര്.അതീഷിനെ ടെക്നിക്കല് അസിസ്റ്റ് പദവിയിലേക്കാണ് മാറിയത്. കേസില് ഉദ്യോസ്ഥര് തെറ്റായ നിലപാട് സ്വീകരിച്ചതായി വനംവകുപ്പ് കണ്ടെത്തിയിരുന്നു. റേഞ്ചിലെ മറ്റ് ചുമതലകള് അതീഷിന് മന്ത്രി വിലക്കിയിട്ടുണ്ട്. തുടര്ന്നാണ് എറണാക്കുളത്ത് ഡിഎഫ്ഒ ഓഫീസിലെത്തി ടെക്നിക്കല് പദവി ഏറ്റെടുക്കാന് നിര്ദേശം നല്കിയത്. ഈ നടപടി ഫീല്ഡ് ഡ്യൂട്ടിയില് നിന്ന് പൂര്മായും മാറ്റി നിര്ത്തുന്നു. റാപ്പര് വേടനെ വനംവകുപ്പ് പുലിപ്പല്ല് കേസില് അറസ്റ്റ് ചെയ്തത് കഞ്ചാവ് കേസില് കസ്റ്റഡിയിലെടുത്ത് ജാമ്യം ലഭിച്ചതിന് പിന്നാലെയാണ്. പ്രതിയുടെ ശ്രീലങ്കന് ബന്ധം ഉള്പ്പെടെ സ്ഥിരീകരിക്കാത്ത പ്രസ്താവനകള് അന്വേഷണ ഉദ്യോഗസ്ഥര് നാധ്യമങ്ങള്ക്ക് മുന്നില് വെളിപ്പെടുത്തിയത് വലിയ വിവാദം ആയിരുന്നു. ഇതിനെതിരെ വേടനും പ്രതികരിച്ചിരുന്നു.
-
news3 days ago
ഹോങ്കോങ്ങിലും സിംഗപ്പൂരിലും കോവിഡ് കേസുകള് വര്ധിക്കുന്നതായി റിപ്പോര്ട്ട്
-
kerala3 days ago
സംസ്ഥാനത്ത് അതിശക്തമായ മഴ; വിവിധ ജില്ലകളില് ഓറഞ്ച് അലര്ട്ട്
-
india3 days ago
48 മണിക്കൂറിനിടെ രണ്ട് ഓപ്പറേഷനുകള്; ജമ്മു കശ്മീരില് 6 ഭീകരരെ വധിച്ചെന്ന് സുരക്ഷാസേന
-
kerala3 days ago
മുതലപ്പൊഴിയില് സംഘര്ഷാവസ്ഥ തുടരുന്നു; എഞ്ചിനീയറിംഗ് ഓഫീസിന്റെ ജനാല അടിച്ചു തകര്ത്തു
-
kerala3 days ago
മേപ്പാടിയില് ബോബി ചെമ്മണ്ണൂരിന്റെ ബോച്ചെ തൗസന്റ് ഏക്കറില് തീപ്പിടിത്തം’ സ്ഥാപനങ്ങള് കത്തി നശിച്ചു
-
kerala3 days ago
ഇഡിയുടെ കേസൊതുക്കാന് വ്യാപാരിയില് നിന്ന് കോഴ ആവശ്യപ്പെട്ടവര് അറസ്റ്റില്
-
kerala3 days ago
‘ഒരു കാര്യം ഓര്ത്തോളു മലപ്പട്ടത്ത് ഗാന്ധി സ്തൂപം ഉയര്ന്നിരിക്കും’: സിപിഎമ്മിന് മറുപടിയുമായി രാഹുല് മാങ്കൂട്ടത്തില്
-
india2 days ago
ഒഡിഷയില് ഇടിമിന്നലേറ്റ് 10 മരണം