main stories
സംസ്ഥാനത്ത് കോവിഡ് മരണനിരക്ക് കുതിച്ചുയരുന്നു; യുവാക്കളുടെ മരണനിരക്ക് ഒരുമാസത്തിനിടെ ഇരട്ടിയായി
കോവിഡ് ബാധിച്ച് ഏറ്റവും കൂടുതല് പേര് മരിച്ചത് തിരുവനന്തപുരം ജില്ലയിലാണ്. എന്നാല് പത്തനംതിട്ടയിലും ഇടുക്കിയിലും മുന്നുപേര്മാത്രമാണ് മരിച്ചത്.
ദാവുദ് മുഹമ്മദ്
കണ്ണൂര് :കോവിഡ് ബാധിച്ചു മരിക്കുന്നവരുടെ എണ്ണം സംസ്ഥാനത്ത് കുത്തനെ ഉയരുന്നു. കഴിഞ്ഞ ഒരാഴ്ചയ്ക്കിടെ മാത്രം 14 പേരാണ് മരിച്ചത്. ഇതിനകം 613പേര് കോവിഡ് ബാധിച്ചു മരിച്ചെന്നാണ് സര്ക്കാര് കണക്ക്. എന്നാല് ഇതിനെക്കാള് ഇരട്ടിയാണ് ഒരു കണക്കിലും ഉള്പ്പെടാത്തവര്. വൈറസ് ബാധിച്ചുമരിക്കുന്നതില് കൂടുതല് അറുപത് വയസിന് മുകളിലുള്ളവരാണെങ്കിലും മധ്യവയസ്കരുടെയും യുവാക്കളുടെയും മരണനിരക്ക് ഒരു മാസത്തിനിടെ ഇരട്ടിയായിട്ടുണ്ട്. ഇത് ഏറെ ഗൗരവത്തോടെയാണ് ആരോഗ്യവകുപ്പ് കാണുന്നത്. കഴിഞ്ഞ ഒരാഴ്ചക്കിടെ മാത്രം തിരുവനന്തപുരം ജില്ലയില് എട്ട് പേരാണ് കോവിഡ് ബാധിച്ചു മരിച്ചതായി സ്ഥിരികരിച്ചത്. മലപ്പുറത്ത് 19 പേരും കോഴിക്കോട്ട് 15 പേരും മരിച്ചിട്ടുണ്ട്. എന്നാല് മറ്റു ചികിത്സക്കിടെ മരിച്ച കോവിഡ് സ്ഥിരീകരിച്ചവരുടെ എണ്ണം ഇതിനെക്കാള് കൂടും.
കോവിഡ് ബാധിച്ച് ഏറ്റവും കൂടുതല് പേര് മരിച്ചത് തിരുവനന്തപുരം ജില്ലയിലാണ്. എന്നാല് പത്തനംതിട്ടയിലും ഇടുക്കിയിലും മുന്നുപേര്മാത്രമാണ് മരിച്ചത്. വയനാട് അഞ്ചും കോട്ടയത്ത് എട്ടുപേരും മരിച്ചിട്ടുണ്ട്. പതിനേഴ് വയസ് വരെയുള്ള മുന്നു പേരും 18 നും 40 നും ഇടയിലുള്ള 30 പേരും സര്ക്കാര് കണക്ക് പ്രകാരം മരിച്ചിട്ടുണ്ട്. 41നും 59നും ഇടയില് പ്രായമുളള വരില് 143 പേരും അറുപത് കടന്നവരില് 437 പേരുമാണ് ഇതിനകം മരിച്ചത്. കോവിഡ് ബാധിതരുടെ എണ്ണം വര്ധിക്കുന്നതിനിടയിലാണ് രാജ്യം മുഴുവന് നിയന്ത്രണം ഒഴിവാക്കാന് കേന്ദ്രം തീരുമാനിച്ചത്. ഇതുകൊണ്ടുതന്നെ സംസ്ഥാനത്ത് ഉള്പ്പെടെ മരണനിരക്ക് വര്ധിക്കാനാണ് സാധ്യത. സംസ്ഥാനത്ത് ഇന്നലെ 6324 പേര്ക്ക്കൂടി രോഗം സ്ഥിരികരിച്ചതോടെ രോഗബാധിതരുടെ എണ്ണം 154456ആയി ഉയര്ന്നു. ഇതില് 107850 പേര് രോഗമുക്തരായി. നിലവില് ചികിത്സയിലുള്ളത് 45919 പേരാണ്. ഈ മാസം ഒന്നിന് നാലുപേര് മാത്രമാണ് മരിച്ചതെങ്കില് സെപ്തംബര് 10ന് പ്രതിദിന മരണനിരക്ക് 12 ആയി ഉയര്ന്നു. 20ന് മരണനിരക്ക് 16 ആയും 23ന് 20 ആയും ഉയര്ന്നു. എന്നാല് ഇന്നലെ കോവിഡ് മരണം സ്ഥിരീകരിച്ചത് 21 ആണ്. നിയന്ത്രണത്തില് ഇളവ് നല്കുമെങ്കിലും ജാഗ്രത കുറക്കാനാവില്ലെന്നാണ് ആരോഗ്യവകുപ്പിന്റെ നിഗമനം.
തിരുവനന്തപുരം-200, എറണാകുളം-60, കോഴിക്കോട്-60, മലപ്പുറം-60, കൊല്ലം-45, തൃശൂര്-40, ആലപ്പുഴ-26, കണ്ണൂര്-40, കോട്ടയം-08, പാലക്കാട്-26, കാസര്കോട്-41, പത്തനംതിട്ട-03, ഇടുക്കി-03, വയനാട്-05 എന്നിങ്ങനെയാണ് ജില്ല തിരിച്ചുള്ള മരണ നിരക്ക്.
kerala
‘പിണറായി സര്ക്കാര് കൊള്ളക്കാരുടെ സര്ക്കാര്; ശബരിമല സ്വര്ണ്ണ കൊളളയിലൂടെ അത് തെളിഞ്ഞു’; വി ഡി സതീശന്
സ്വര്ണ്ണം കൊള്ളയടിച്ചതിന് ജയിലില് പോയവര്ക്കതിരെ സിപിഎം നടപടിയെടുക്കുന്നില്ലെന്നും അദ്ദേഹം കൂട്ടിച്ചേര്ത്തു.
പിണറായി സര്ക്കാര് കൊള്ളക്കാരുടെ സര്ക്കാരാണെന്ന് പ്രതിപക്ഷ നേതാവ് വിഡി സതീശന്. ശബരിമല സ്വര്ണ്ണ കൊളളയിലൂടെ അത് തെളിഞ്ഞുവെന്നും വി ഡി സതീശന് പറഞ്ഞു. സ്വര്ണ്ണം കൊള്ളയടിച്ചതിന് ജയിലില് പോയവര്ക്കതിരെ സിപിഎം നടപടിയെടുക്കുന്നില്ലെന്നും അദ്ദേഹം കൂട്ടിച്ചേര്ത്തു. ജയിലിലേക്കുള്ള ഘോഷയാത്ര തുടങ്ങിയിട്ടേ ഉള്ളൂവെന്നും വിഡി സതീശന് പറഞ്ഞു.
ഉണ്ണികൃഷ്ണന് പോറ്റിയെ അയച്ചത് കടകംപള്ളി സുരേന്ദ്രനാണെന്നും തെളിവുകള് പത്മകുമാറിന്റെയും വാസുവിന്റെയും കയ്യിലുണ്ടെന്നും വി ഡി സതീശന് പറഞ്ഞു. സ്വര്ണ്ണം കട്ടത് പൊളിറ്റിക്കല് തീരുമാനമാണെന്നും അദേഹം പറഞ്ഞു.
കോടതി ഇടപെട്ടിരുന്നില്ലെങ്കില് ശബരിമലയിലെ തങ്കവിഗ്രഹം വരെ ഈ സംഘം അടിച്ചുമാറ്റുമെന്നും വിഡി സതീശന് പറഞ്ഞു. അറസ്റ്റിലായ നേതാക്കന്മര്ക്കെതിരെ സിപിഎം നടപടി എടുക്കാത്തത് ഭയന്നിട്ടാണെന്നും അദേഹം കുറ്റപ്പെടുത്തി. തന്ത്രിയുടെ ബന്ധം എസ്ഐടി പരിശോധിക്കണമെന്നും വിഡി സതീശന് പറഞ്ഞു.
india
‘ദലിത്-ഒബിസി വോട്ടുകള് വെട്ടിമാറ്റുന്നു’: എസ്ഐആര് രാഷ്ട്രീയ ഫില്ട്രേഷന് ഡ്രൈവ് ആയതായി രാഹുല് ഗാന്ധി
ജനാധിപത്യത്തെ തകര്ക്കുന്ന ഈ നടപടികള്ക്ക് പൂര്ണ ഉത്തരവാദിത്തം തെരഞ്ഞെടുപ്പ് കമ്മീഷനാണെന്നും രാഹുല് ഗാന്ധി വ്യക്തമാക്കി.
ന്യൂഡല്ഹി: വോട്ടര് പട്ടിക പുതുക്കലെന്ന പേരില് സമുദായങ്ങളെ ലക്ഷ്യമിട്ട് പേരുകള് നീക്കം ചെയ്യപ്പെടുകയാണെന്ന് പ്രതിപക്ഷ നേതാവ് രാഹുല് ഗാന്ധി വീണ്ടും തെരഞ്ഞെടുപ്പ് കമ്മീഷനെതിരെ ശക്തമായി രംഗത്തെത്തി. രാജ്യത്ത് നടപ്പാക്കുന്ന സ്പെഷ്യല് ഇന്റന്സീവ് റിവിഷന് (എസ്ഐആര്) പ്രക്രിയ ബിജെപിക്ക് ഗുണകരമാക്കാനുള്ള രാഷ്ട്രീയ ഫില്ട്രേഷന് ഡ്രൈവായി മാറിയിരിക്കുകയാണെന്നാണ് രാഹുല് ഗാന്ധിയുടെ ചൂണ്ടിക്കാട്ടി. ബൂത്ത് ലെവല് ഓഫീസര്മാരെ ഭീഷണിപ്പെടുത്തി ഒബിസി, ദലിത്, പിന്നോക്ക വിഭാഗങ്ങള് ഉള്പ്പെട്ട വോട്ടര്മാരുടെ പേരുകള് ലക്ഷ്യമിട്ട് നീക്കം ചെയ്യാന് നിര്ദേശമുണ്ടെന്നാണ് അദ്ദേഹം ആരോപിച്ചത്. ഉത്തര്പ്രദേശിലെ ഗോണ്ടയില് ബിഎല്ഒ ആയിരുന്ന വിപിന് യാദവിന്റെ ആത്മഹത്യയ്ക്കു പിന്നിലും ഇതേ സമ്മര്ദ്ദമാണെന്ന് അദ്ദേഹം ചൂണ്ടിക്കാട്ടി. ഒബിസി വിഭാഗക്കാരുടെ പേരുകള് നീക്കം ചെയ്യണമെന്ന സമ്മര്ദ്ദം പാലിക്കാത്ത പക്ഷം ജോലിയില് നിന്നും പുറത്താക്കുമെന്നും പൊലീസ് നടപടി നേരിടുമെന്നും യാദവ് നേരിട്ട ഭീഷണിയുണ്ടായിരുന്നുവെന്നാണ് ആരോപണം. വിവിധ സംസ്ഥാനങ്ങളില് 19 ദിവസത്തിനിടെ 16-ഓളം ബിഎല്ഒമാര് മരണമടഞ്ഞുവെന്ന കോണ്ഗ്രസിന്റെ ആരോപണവും രാഹുല് ഗാന്ധി ഉയര്ത്തിപ്പിടിച്ചു. അമിത സമ്മര്ദ്ദവും നിര്ബന്ധിത സാഹചര്യങ്ങളുമാണ് പല മരണങ്ങള്ക്കുമുള്ള കാരണമെന്ന് പാര്ട്ടി വ്യക്തമാക്കി. പ്രതിപക്ഷത്തെ പിന്തുണയ്ക്കുന്ന സമുദായങ്ങളില്നിന്ന് വോട്ടര്മാരുടെ പേരുകള് വന്തോതില് ഒഴിവാക്കുന്ന പ്രവണതയും കോണ്ഗ്രസ് ആരോപിച്ചു. രാജസ്ഥാനില് മാത്രം കോണ്ഗ്രസിന് ശക്തമായ മണ്ഡലങ്ങളില് 20,000 മുതല് 25,000 വരെ പേരുകള് പട്ടികയില് നിന്ന് നീക്കം ചെയ്തിട്ടുണ്ടെന്ന് സംസ്ഥാന പ്രസിഡന്റ് ഗോവിന്ദ് സിംഗ് ദോത്താസ്ര ആരോപിച്ചു. വോട്ടര് പട്ടിക പുതുക്കലെന്ന പേരില് നടക്കുന്നത് അസാധുവായ രാഷ്ട്രീയ ഇടപെടലാണെന്നും ജനാധിപത്യത്തെ തകര്ക്കുന്ന ഈ നടപടികള്ക്ക് പൂര്ണ ഉത്തരവാദിത്തം തെരഞ്ഞെടുപ്പ് കമ്മീഷനാണെന്നും രാഹുല് ഗാന്ധി വ്യക്തമാക്കി.
kerala
ടിവി റേറ്റിങ് അട്ടിമറിക്കാന് മലയാളത്തിലെ ഒരു ചാനല് ഉടമ കോടികള് കോഴ നല്കി; പരാതി ലഭിച്ചതായി ഡിജിപി
സംഭവത്തില് കേരള ടെലിവിഷന് ഫെഡറേഷന് (കെ.ടി.എഫ്) പ്രസിഡന്റ് ആര്. ശ്രീകണ്ഠന് നായര് മുഖ്യമന്ത്രിക്ക് പരാതി നല്കി.
ടെലിവിഷന് റേറ്റിങ് അട്ടിമറിക്കാന് ബാര്ക്കിലെ ജീവനക്കാരെ കോടികള് കോഴ നല്കി മലയാളത്തിലെ ഒരു ചാനല് സ്വാധീനിച്ചതായി റിപ്പോര്ട്ട്. സംഭവത്തില് കേരള ടെലിവിഷന് ഫെഡറേഷന് (കെ.ടി.എഫ്) പ്രസിഡന്റ് ആര്. ശ്രീകണ്ഠന് നായര് മുഖ്യമന്ത്രിക്ക് പരാതി നല്കി. മുഖ്യമന്ത്രി, പരാതി സംസ്ഥാന പൊലീസ് മേധാവിക്ക് കൈമാറുകയും അന്വേഷണത്തിനായി സൈബര് ടീമിനെ ചുമതലപ്പെടുത്തുകയും ചെയ്തു.
ബാര്ക്കിലെ ഉദ്യോഗസ്ഥനായ പ്രേംനാഥ് എന്നയാളുടെ നേതൃത്വത്തില് മുംബൈ കേന്ദ്രീകരിച്ചുള്ള സംഘത്തെ സ്വാധീനിച്ചാണ് മലയാളം ചാനല് തട്ടിപ്പ് നടത്തിയതെന്ന് റിപ്പോര്ട്ടില് പറയുന്നു. ഇതുസംബന്ധിച്ച് നിരവധി തെളിവുകള് 24 ന്യൂസ് ചാനല് പുറത്തുവിട്ടു. നേരത്തെ ബാര്ക്ക് റേറ്റിങ്ങില് വന് തട്ടിപ്പ് നടക്കുന്നതായി മീഡിയവണ്ണും ചൂണ്ടിക്കാട്ടിയിരുന്നു.
കേരളത്തിലെ ഒരു ചാനല് ഉടമയുടെ അക്കൗണ്ടില് നിന്നും ബാര്ക്ക് ജീവനക്കാരനിലേക്ക് എത്തിയെന്നാണ് ശ്രീകണ്ഠന് നായരുടെ പരാതി. ക്രിപ്റ്റോ കറന്സി വഴിയാണ് ചാനല് ഉടമ പണം കൈമാറ്റം ചെയ്തതെന്നും ആരോപണമുണ്ട്. ബാര്ക്ക് ജീവനക്കാരനും ആരോപണവിധേയനായ ചാനല് ഉടമയും തമ്മില് നടന്ന വാട്സ് ആപ്പ് ചാറ്റുകളടക്കം ട്വന്റിഫോര് ചാനല് പുറത്തുവിട്ടു. കൂടാതെ യൂട്യൂബ് വ്യൂവര്ഷിപ്പില് തട്ടിപ്പു നടത്താനും ആരോപണവിധേയനായ ചാനല് ഉടമ ഉപയോഗിച്ചതായി ട്വന്റി ഫോര് ആരോപിച്ചു.
ബാര്ക്കിലെ ചില ജീവനക്കാര്, ഡാറ്റകള് അട്ടിമറിക്കാന് കോടികള് കൈക്കൂലി വാങ്ങിയതിന്റെ തെളിവുകളാണ് ട്വന്റിഫോര് ന്യാസ് ചാനല് പുറത്തുവിട്ടത്. സ്വന്തം ചാനലിന്റെ റേറ്റിംഗ് വര്ധിപ്പിച്ച് പരസ്യ വരുമാനം വര്ദ്ധിപ്പിക്കുന്നതിനോടൊപ്പം മറ്റ് ചാനലുകളുടെ റേറ്റിംഗ് താഴ്ത്താനുമുള്ള ഗൂഢതന്ത്രമാണ് ഇവിടെ വെളിവാകുന്നത്.
-
india2 days ago‘ബിഹാർ തെരഞ്ഞെടുപ്പിൽ വൻ അഴിമതിയും ക്രമക്കേടും’; തെളിവുകൾ പുറത്തുവിട്ട് ധ്രുവ് റാഠി
-
Environment2 days agoആകാശഗംഗയെക്കാള് നാലിരട്ടി വലുപ്പമുള്ള ഭീമന് നെബുല കണ്ടെത്തി; മലപ്പുറം സ്വദേശിനി ഡോ. രഹന പയ്യശ്ശേരി ശാസ്ത്രലോകത്തെ വിസ്മയിപ്പിച്ചു
-
india2 days ago‘ബിജെപിയും തെരഞ്ഞെടുപ്പ് കമ്മീഷനും ചേർന്ന് വോട്ടെടുപ്പിനെ ഹൈജാക്ക് ചെയ്യുന്നു’; എസ്ഐആറിനെതിരെ അഖിലേഷ് യാദവ്
-
india2 days agoആധാർ ജനന രേഖയായി കണക്കാക്കാനാവില്ല; പുതിയ നടപടിയുമായി മഹാരാഷ്ട്രയും ഉത്തർപ്രദേശും
-
india3 days ago‘പൗരത്വം നിര്ണ്ണയിക്കാന് ബിഎല്ഒയ്ക്ക് അധികാരമില്ല’; സുപ്രീംകോടതിയോട് സിബലും സിങ്വിയും
-
kerala1 day agoകൊയിലാണ്ടി എംഎല്എ കാനത്തില് ജമീല അന്തരിച്ചു
-
kerala1 day agoകോഴിക്കോട് ബസ് സ്കൂട്ടറില് ഇടിച്ച് വിദ്യാര്ഥിനി മരിച്ചു
-
kerala2 days agoമണിക്കൂറുകളായി സ്കൈ ഡൈനിംങ്ങില് കുടുങ്ങിക്കിടന്ന വിനോദ സഞ്ചാരികളില് ഒരാളെ രക്ഷപ്പെടുത്തി