അമേരിക്കന് കൊടുംകുറ്റവാളിയായ ലിത്വാനിയന് പൗരനെ തിരുവനന്തപുരത്തുനിന്ന് കേരള പൊലീസ് പിടികൂടി. ക്രിപ്റ്റോ കറന്സി തട്ടിപ്പുകാരനും ലഹരിക്കച്ചവടക്കാരനുമായ അലക്സാസ് ബെസിയോക്കോവ് (46) ആണ് വര്ക്കലയിലെ ഹോംസ്റ്റേയില്നിന്ന് ചൊവ്വാഴ്ച പിടിയിലായത്. വിദേശത്തേക്ക് രക്ഷപ്പെടാന് പദ്ധതിയിടുന്നതിനിടെയാണ് ഇയാളെ സി.ബി.ഐയുമായി സഹകരിച്ച് പൊലീസ് പിടികൂടിയത്.
കള്ളപ്പണം വെളുപ്പിക്കല് കേസില് ഇയാള്ക്കെതിരെ ഇന്റര്പോള് വാറന്റ് പുറപ്പെടുവിച്ചിരുന്നു. രാജ്യത്ത് വിവിധ സ്ഥലങ്ങളിലായി ഇയാള്ക്കെതിരെ കേസുകളുണ്ട്. സൈബര് ആക്രമണം, കമ്പ്യൂട്ടര് ഹാക്കിങ്, മയക്കുമരുന്ന് ഇടപാട് കേസുകളില് പ്രതിയാണ്. യു.എസ്.എ സമര്പ്പിച്ച അപേക്ഷപ്രകാരം 1962ലെ കൈമാറ്റ നിയമപ്രകാരം വിദേശകാര്യ മന്ത്രാലയം പട്യാല ഹൗസ് കോടതിയില്നിന്ന് പ്രതിക്കെതിരെ താല്ക്കാലിക അറസ്റ്റ് വാറന്റ് പുറപ്പെടുവിച്ചിരുന്നു. പ്രതിയെ പൊലീസ് പട്യാല ഹൗസ് കോടതിയില് ഹാജരാക്കും.