Connect with us

Culture

നോട്ട് അസാധു: ആറ് ദിവസം കൊണ്ട് മരണം 25 കടന്നു

Published

on

ന്യൂഡല്‍ഹി: 1000, 500 രൂപ നോട്ടുകള്‍ പിന്‍വലിക്കാനുള്ള കേന്ദ്ര സര്‍ക്കാര്‍ തീരുമാനവുമായി ബന്ധപ്പെട്ട് രാജ്യത്ത് ഇതുവരെ 25 പേര്‍ മരിച്ചതായി ഔദ്യോഗിക കണക്ക്. നോട്ടുമാറാന്‍ വരിനില്‍ക്കുന്നതിനിടെ കുഴഞ്ഞുവീണാണ് ഭൂരിഭാഗം മരണങ്ങളും. ചികിത്സ കിട്ടാതെ ആളുകള്‍ മരിച്ച സംഭവവും ആത്മഹത്യ ചെയ്ത സംഭവവും റിപ്പോര്‍ട്ട് ചെയ്തിട്ടുണ്ട്.

കഴിഞ്ഞ ആറു ദിവസത്തിനിടെ സര്‍ക്കാര്‍ രേഖകളില്‍ വന്ന മരണത്തിന്റെ കണക്കാണിത്. യഥാര്‍ത്ഥ മരണ സംഖ്യ ഇതിനേക്കാള്‍ കൂടുതലാണെന്ന് റിപ്പോര്‍ട്ടുകള്‍ പറയുന്നു.

ഉത്തര്‍പ്രദേശിലെ ബുലന്ദേശ്വര്‍, ഷാംലി, മെയിന്‍പുരി, കുശിനഗരം, ഫൈസാബാദ്, കാണ്‍പൂരില്‍ രണ്ടുപേര്‍, വടക്കു കിഴക്കന്‍ ഡല്‍ഹി, ഗുജറാത്തിലെ സൂറത്ത്, താരാപൂര്‍, ലിംബഡി, കര്‍ണാടകയിലെ ചിക്കബല്ലാപൂര്‍, ഛത്തീസ്ഗഡിലെ രാജ്ഗഡ്, മുംബൈയില്‍ രണ്ടുപേര്‍, ആന്ധ്രയിലെ വിശാഖപട്ടണം, രാജസ്ഥാനിലെ പാലി, തെലുങ്കാനയിലെ കണ്ടുകുരി, പശ്ചിമബംഗാളിലെ ഹൗറ, ബിഹാറിലെ ഖൈമൂര്‍, കേരളത്തിലെ തലശ്ശേരി, ആലപ്പുഴ, കര്‍ണാടകയിലെ ഉടുപ്പി, മധ്യപ്രദേശിലെ സാഗര്‍, ഭോപാല്‍ എന്നിവിടങ്ങളിലാണ് മരണങ്ങള്‍ റിപ്പോര്‍ട്ട് ചെയ്തത്.

http-%2f%2fo-aolcdn-com%2fhss%2fstorage%2fmidas%2f32d4793915fcf87be41c450381596fff%2f204583876%2f623013552ചികിത്സ കിട്ടാതെ മരിച്ചവരില്‍ രണ്ട് നവജാത ശിശുക്കളും പത്തു മാസം പ്രായമുള്ള മറ്റൊരു കുഞ്ഞും മരിച്ചു. ജനങ്ങള്‍ക്ക് തീരാ ദുരിതം സമ്മാനിച്ച നോട്ടു പിന്‍വലിക്കല്‍ തീരുമാനത്തില്‍ നിന്ന് പിന്നോട്ടില്ലെന്ന് കേന്ദ്ര സര്‍ക്കാര്‍ വ്യക്തമാക്കിയതോടെ വരും ദിവസങ്ങളില്‍ മരണസംഖ്യ ഇനിയും ഉയര്‍ന്നേക്കും.

Continue Reading
Advertisement
Click to comment

Leave a Reply

Your email address will not be published. Required fields are marked *

Culture

‘നന്‍പകല്‍ നേരത്ത് മയക്കം’ പ്രീമിയര്‍ ഐഎഫ്എഫ്‌കെയില്‍; തീയതി പുറത്തുവിട്ട് മമ്മൂട്ടി

മൂന്ന് ദിവസമാണ് ‘നന്‍പകല്‍ നേരത്ത് മയക്കം’ ഐഎഫ്എഫ്‌കെയില്‍ പ്രദര്‍ശിപ്പിക്കുക.

Published

on

ലിജോ ജോസ് പെല്ലിശ്ശേരിയുടെ സംവിധാനത്തില്‍ മമ്മൂട്ടി നായകനായി എത്തുന്ന ചിത്രം ‘നന്‍പകല്‍ നേരത്ത് മയക്കം’.ഐഎഫ്എഫ്‌കെയില്‍ പ്രദര്‍ശിപ്പിക്കുമെന്ന് നേരത്തെ വാര്‍ത്തകള്‍ വന്നിരുന്നു.  ഇപ്പോള്‍ ചിത്രം മേളയില്‍ പ്രദര്‍ശിപ്പിക്കുന്ന തീയ്യതി മമ്മുട്ടി പങ്കുവെച്ചു.

May be an image of 5 people and text

മൂന്ന് ദിവസമാണ് ‘നന്‍പകല്‍ നേരത്ത് മയക്കം’ ഐഎഫ്എഫ്‌കെയില്‍ പ്രദര്‍ശിപ്പിക്കുക.  12-ാം തിയതി ടാഗോര്‍ തിയറ്ററില്‍ 3. 30നും 13-ാം തിയതി ഉച്ചയ്ക്ക് 12 മണിക്ക് ഏരീസ് പ്ലക്‌സിലും 14ന് രാവിലെ 9. 30ക്ക് അജന്ത തിയറ്ററിലും ആണ് ചിത്രത്തിന്റെ പ്രദര്‍ശനം നടക്കുക.  പ്രീമിയര്‍ തീയതികള്‍ പുറത്തുവിട്ട് കൊണ്ട് പുതിയ പോസ്റ്ററും അണിയറ പ്രവര്‍ത്തകര്‍ പങ്കുവച്ചിട്ടുണ്ട്.

Continue Reading

Culture

iffk ഡെലിഗേറ്റ് സെല്ലും ആദ്യപാസ് വിതരണവും ഉദ്ഘാടനം ചെയ്തു

iffk ഡെലിഗേറ്റ് സെല്‍ ഉദ്ഘാടനവും ആദ്യപാസ് വിതരണവും വഴുതക്കാട് ടാഗോര്‍ തിയറ്ററില്‍ മന്ത്രി വി.എന്‍ വാസവന്‍ ഉദ്ഘാടനം ചെയ്തു.

Published

on

ഇരുപത്തേഴാം രാജ്യാന്തര ചലച്ചിത്ര മേളയുടെ iffk ഡെലിഗേറ്റ് സെല്‍ ഉദ്ഘാടനവും ആദ്യപാസ് വിതരണവും വഴുതക്കാട് ടാഗോര്‍ തിയറ്ററില്‍ മന്ത്രി വി.എന്‍ വാസവന്‍ ഉദ്ഘാടനം ചെയ്തു. ആദ്യ ഡെലിഗേറ്റ് പാസ് ചലച്ചിത്രതാരം ആനിക്ക് മന്ത്രി നല്‍കി.

‘നോ ടു ഡ്രഗ്സ്’ സന്ദേശം രേഖപ്പെടുത്തിയ ഡെലിഗേറ്റ് കിറ്റ് മന്ത്രി എംബി രാജേഷ് നടന്‍ ഗോകുല്‍ സുരേഷിന് നല്‍കി. ചടങ്ങില്‍ ചലച്ചിത്ര അക്കാദമി ചെയര്‍മാനും സംവിധായകനുമായ രഞ്ജിത് അധ്യക്ഷത വഹിച്ചു.

 

Continue Reading

Culture

ഒരേ യുവാവിനെ വിവാഹം ചെയ്ത് ഐടി എഞ്ചിനീയര്‍മാരായ ഇരട്ട സഹോദരിമാര്‍

എന്നാല്‍ ഈ വിവാഹത്തിനെതിരെ സമൂഹമാധ്യമങ്ങളില്‍ വിമര്‍ശനങ്ങളും ഉയരുന്നുണ്ട്. ഇന്ത്യയില്‍ ഇത്തരത്തിലുള്ള വിവാഹം നിയമപരമാണോയെന്നാണ് പലരും സംശയിക്കുന്നത്.

Published

on

ഒരേ യുവാവിനെ വിവാഹം കഴിച്ച്‌ ഇരട്ട സഹോദരിമാര്‍. മഹാരാഷ്ട്രയിലെ സോലാപൂരിലാണ് സംഭവം. ഐടി എഞ്ചിനീയര്‍മാരായ പിങ്കി, റിങ്കി എന്നിവരാണ് അതുല്‍ എന്ന സുഹൃത്തിനെ വിവാഹം കഴിച്ചത്.ഇവരുടെ വീഡിയോ സോഷ്യല്‍ മീഡിയയില്‍ വൈറലായിക്കൊണ്ടിരിക്കുകയാണ്.ഒപ്പം വിമർശനങ്ങളും.

മുംബൈയില്‍ ഐടി എഞ്ചിനീയര്‍മാരായ ഇവര്‍ വെള്ളിയാഴ്ച മഹാരാഷ്ട്രയിലെ സോലാപൂര്‍ ജില്ലയിലെ മല്‍ഷിറാസ് താലൂക്കിലെ അക്ലൂജില്‍ വച്ചാണ് ഒരേ പുരുഷനെ വിവാഹം കഴിച്ചത്. കുട്ടിക്കാലം മുതല്‍ ഒരുമിച്ച്‌ വളര്‍ന്ന ഇവര്‍ക്ക്, പരസ്പരം പിരിയാനുള്ള ബുദ്ധിമുട്ടാണ് ഇത്തരം ഒരു തീരുമാനമെടുക്കുവാന്‍ കാരണമായത് എന്ന് പറയുന്നു. വിവാദമായ വിവാഹത്തിന് യുവതികളുടെയും പുരുഷന്റെയും വീട്ടുകാര്‍ സമ്മതിച്ചു. അമ്മയ്ക്കൊപ്പമാണ് അച്ഛന്‍ മരിച്ച പെണ്‍കുട്ടികള്‍ താമസിച്ചിരുന്നത്. അതുലിന്റെ കാറിലാണ് അമ്മയുടെ ചികിത്സയ്ക്കായി ഇവര്‍ ആശുപത്രിയില്‍ പോയിരുന്നത്. ഇങ്ങനെ പരസ്പരം അടുക്കുകയായിരുന്നു.

എന്നാല്‍ ഈ വിവാഹത്തിനെതിരെ സമൂഹമാധ്യമങ്ങളില്‍ വിമര്‍ശനങ്ങളും ഉയരുന്നുണ്ട്. ഇന്ത്യയില്‍ ഇത്തരത്തിലുള്ള വിവാഹം നിയമപരമാണോയെന്നാണ് പലരും സംശയിക്കുന്നത്.

Continue Reading

Trending