Connect with us

More

ഇമ്രാന്‍ റാലി: പാകിസ്താനില്‍ കൂട്ട അറസ്റ്റ്

Published

on

ഇസ്്ലാമാബാദ്: പാകിസ്താന്‍ പ്രധാനമന്ത്രി നവാസ് ശരീഫിന്റെ രാജി ആവശ്യപ്പെട്ട് തലസ്ഥാന നഗരി സ്തംഭിപ്പിക്കാനുള്ള പാകിസ്താന്‍ തെഹ്‌രീകെ ഇന്‍സാഫ് നേതാവ് ഇമ്രാന്‍ ഖാന്റെ പദ്ധതിക്ക് തടയിടാന്‍ പാക് ഭരണകൂടം ശ്രമം തുടരുന്നു. നാളെ നടത്തുന്ന റാലിക്കു മുന്നോടിയായി ഇമ്രാന്‍ഖാന്റെ പാര്‍ട്ടി പ്രവര്‍ത്തകരെ രാജ്യവ്യാപാകമായി പൊലീസ് കസ്റ്റഡിയിലെടുത്തു കൊണ്ടിരിക്കുകയാണ്. ഇന്നലെ 1800 പേരെ അറസ്റ്റുചെയ്തു. റാലി അക്രമാസക്തമായേക്കുമെന്ന റിപ്പോര്‍ട്ടിനെ തുടര്‍ന്നാണ് പൊലീസ് നടപടി. ഇസ്്‌ലാമാബാദില്‍ യോഗവും റാലിയും നടത്തുന്നതിന് രണ്ടു മാസത്തേക്ക് വിലക്കേര്‍പ്പെടുത്തിയിട്ടുണ്ട്.

തലസ്ഥാനത്തെ സ്തംഭിപ്പിച്ചുകൊണ്ടുള്ള പ്രക്ഷോഭത്തില്‍നിന്ന് പിന്മാറാന്‍ ഇസ്്‌ലാമാബാദ് ഹൈക്കോടതിയും ഇമ്രാന്‍ഖാനോട് ആവശ്യപ്പെട്ടു. പ്രതിഷേധ പരിപാടികള്‍ ഏതെങ്കിലും സ്ഥലത്തെ കുത്തിയിരുപ്പ് ധര്‍ണയില്‍ ഒതുക്കാന്‍ കോടതി നിര്‍ദേശംനല്‍കി. ഇസ്്‌ലാമാദിലെ പരേഡ് ഗ്രൗണ്ടിനു സമീപം റാലി നടത്താവുന്നതാണെന്ന് ജസ്റ്റിസ് ഷൗഖത്ത് അസീസ് സിദ്ധീഖി പറഞ്ഞു. എന്നാല്‍ പ്രക്ഷോഭം അടിച്ചമര്‍ത്താനുള്ള സര്‍ക്കാര്‍ നീക്കത്തെ കോടതി അംഗീകരിച്ചില്ല. പാക് നിയമപ്രകാരം പൗരന്മാരുടെ മൗലികാവകാശമാണ് പ്രതിഷേധമെന്ന് അദ്ദേഹം ചൂണ്ടിക്കാട്ടി.

തലസ്ഥാനത്തെ ബലമായി സ്തംഭിപ്പിക്കാനുള്ള ഏത് നീക്കവും തടയുന്നതിന് നിയമപരമായ മാര്‍ഗം സ്വീകരിക്കണമെന്ന് സിദ്ധീഖി നിര്‍ദേശിച്ചു. കോടതിയില്‍ നേരിട്ട് ഹാജരാകാന്‍ കോടതി ഇമ്രാന്‍ഖാന് നിര്‍ദേശം നല്‍കിയിട്ടുണ്ട്. അദ്ദേഹത്തിന് സുരക്ഷയൊരുക്കാന്‍ പൊലീസിനോടും ആവശ്യപ്പെട്ടു. നവാസ് ശരീഫിന്റെ കുടുംബത്തിന് വിദേശത്ത് അനധികൃത നിക്ഷേപമുണ്ടെന്ന പനാമ രേഖകളിലെ വെളിപ്പെടുത്തലിന്റെ പശ്ചാത്തലത്തിലാണ് പ്രധാനമന്ത്രിയുടെ രാജി ആവശ്യപ്പെട്ട് ഇമ്രാന്‍ഖാന്‍ പ്രക്ഷോഭ റാലിക്ക് ആഹ്വാനം ചെയ്തിരിക്കുന്നത്.

Continue Reading
Advertisement
Click to comment

Leave a Reply

Your email address will not be published. Required fields are marked *

crime

ക്രിമിനൽ കേസ് പ്രതി തോക്കുമായി മെഡിക്കൽ കോളജിൽ; പിടികൂടാനായില്ല

സുഹൃത്തിനെ കാണാനെന്ന വ്യാജേനയാണ് ആശുപത്രിയിലെത്തിയത്

Published

on

തിരുവനന്തപുരം: തോക്കുമായി തിരുവനന്തപുരം മെഡിക്കല്‍ കോളേജില്‍ പരിഭ്രാന്തി സൃഷ്ടിച്ച് യുവാവ്. എയര്‍ഗണ്ണുമായി അത്യാഹിത വിഭാഗത്തില്‍ ഓടിക്കയറുകയായിരുന്നു. കല്ലമ്പലം സ്വദേശി സതീഷ് സാവണ്‍ ആണ് മെഡിക്കല്‍ കോളേജില്‍ പരിഭ്രാന്തി സൃഷ്ടിച്ചത്.

സുരക്ഷാ ജീവനക്കാർ പിടികൂടാൻ ശ്രമിച്ചെങ്കിലും ഇയാൾ ഓടി രക്ഷപ്പെട്ടു. ഒരു കേസിൽ ജയിലിലായിരുന്ന സതീഷ് ഈയിടെയാണ് ജാമ്യത്തിലിറങ്ങിയത്. നാലരയോടെയാണ് ഇയാൾ ആശുപത്രിക്കുള്ളിൽ എത്തിയത്. സുഹൃത്തിനെ കാണാനെന്ന വ്യാജേനയാണ് ആശുപത്രിയിലെത്തിയത്.

എയര്‍ ഗണ്‍ പൊലീസ് കസ്റ്റഡിയില്‍ എടുത്തു. കല്ലമ്പലം പൊലീസ് സ്റ്റേഷനില്‍ റൗഡി ലിസ്റ്റില്‍ ഉള്‍പ്പെട്ടയാളാണ് സതീഷ്. മെഡിക്കല്‍ കോളേജ് പൊലീസ് അന്വേഷണം ആരംഭിച്ചിട്ടുണ്ട്.

Continue Reading

EDUCATION

ഇത്തവണ എസ്​.എസ്​.എൽ.സി പരീക്ഷ എഴുതുന്നത് 4.27 ലക്ഷം പേർ; പ്ലസ്​ ടുവിന്​ 4,44,097 പേരും

2971 പ​രീ​ക്ഷ കേ​ന്ദ്ര​ങ്ങ​ളി​ലാ​യാ​ണ്​ എ​സ്.​എ​സ്.​എ​ൽ.​സി പ​രീ​ക്ഷ ന​ട​ക്കു​ക

Published

on

മാർച്ച്​ നാ​ലി​ന്​ ആ​രം​ഭി​ക്കു​ന്ന എ​സ്.​എ​സ്.​എ​ൽ.​സി പ​രീ​ക്ഷ എ​ഴു​താ​ൻ 4,27,105 പേ​ർ. മാ​ർ​ച്ച്​ ഒ​ന്നി​ന്​ തു​ട​ങ്ങു​ന്ന ഒ​ന്നാം വ​ർ​ഷ ഹ​യ​ർ​സെ​ക്ക​ൻ​ഡ​റി പ​രീ​ക്ഷ​ 4,15,044 പേ​രും ര​ണ്ടാം വ​ർ​ഷ പ​രീ​ക്ഷ 4,44,097 പേ​രും എ​ഴു​തും. 27,770 പേ​ർ ഒ​ന്നാം വ​ർ​ഷ വി.​എ​ച്ച്.​എ​സ്.​ഇ പ​രീ​ക്ഷ​ക്കും 29,337 പേ​ർ ര​ണ്ടാം വ​ർ​ഷ പ​രീ​ക്ഷ​ക്കും ഹാ​ജ​രാ​കും.
2971 പ​രീ​ക്ഷ കേ​ന്ദ്ര​ങ്ങ​ളി​ലാ​യാ​ണ്​ എ​സ്.​എ​സ്.​എ​ൽ.​സി പ​രീ​ക്ഷ ന​ട​ക്കു​ക. 2017 കേ​ന്ദ്ര​ങ്ങ​ളി​ലാ​യാ​ണ്​ ഹ​യ​ർ​സെ​ക്ക​ൻ​ഡ​റി പ​രീ​ക്ഷ. വി.​എ​ച്ച്.​എ​സ്.​ഇ പ​രീ​ക്ഷ​ക്ക്​ 389 കേ​ന്ദ്ര​ങ്ങ​ളാ​ണു​ള്ള​ത്. എ​സ്.​എ​സ്.​എ​ൽ.​സി, ഹ​യ​ർ​സെ​ക്ക​ൻ​ഡ​റി​പ​രീ​ക്ഷ​ക​ൾ കേ​ര​ളം, ല​ക്ഷ​ദ്വീ​പ്, ഗ​ൾ​ഫ് മേ​ഖ​ല​ക​ളി​ലെ വി​വി​ധ സെ​ന്റ​റു​ക​ളി​ൽ ന​ട​ക്കു​ന്നു​ണ്ട്. വി.​എ​ച്ച്.​എ​സ്.​ഇ പ​രീ​ക്ഷ​ക​ൾ​ക്ക് കേ​ര​ള​ത്തി​ൽ മാ​ത്ര​മേ സെ​ന്റ​റു​ക​ൾ ഉ​ള്ളൂ.
എ​സ്.​എ​സ്.​എ​ൽ.​സി​യി​ൽ കൂ​ടു​ത​ൽ പേ​ർ പ​രീ​ക്ഷ എ​ഴു​തു​ന്ന​ത്​ മ​ല​പ്പു​റം എ​ട​രി​ക്കോ​ട്​ പി.​കെ.​എം.​എം ഹ​യ​ർ​സെ​ക്ക​ൻ​ഡ​റി സ്കൂ​ളി​ലാ​ണ്​; 2085 പേ​ർ. ഏ​റ്റ​വും കു​റ​വ്​ പേ​ർ പ​രീ​ക്ഷ​യെ​ഴു​തു​ന്ന​ത്​ മൂ​വാ​റ്റു​പു​ഴ ശി​വ​ൻ​കു​ന്ന്​ ഗ​വ.​എ​ച്ച്.​എ​സ്.​എ​സ്, മൂ​വാ​റ്റു​പു​ഴ എ​ൻ.​എ​സ്.​എ​സ്.​എ​ച്ച്.​എ​സ്, തി​രു​വ​ല്ല കു​റ്റൂ​ർ ഗ​വ. എ​ച്ച്.​എ​സ്, ഹ​സ​ൻ​ഹാ​ജി ഫൗ​ണ്ടേ​ഷ​ൻ ഇ​ന്‍റ​ർ​നാ​ഷ​ന​ൽ എ​ച്ച്.​എ​സ്, ഇ​ട​നാ​ട്​ എ​ൻ.​എ​സ്.​എ​സ്​ എ​ച്ച്.​എ​സ്​ എ​ന്നീ സ്കൂ​ളു​ക​ളി​ലാ​ണ്​; ഒ​രു കു​ട്ടി വീ​തം.

Continue Reading

kerala

സ്ത്രീകൾക്ക് ഹജ്ജ്‌ പഠന ക്ലാസ് 28ന്

28ന് രാവിലെ 9ന് മലപ്പുറം ഹാജിയാർ പള്ളി കോൽമണ്ണ കളപ്പാടൻ ഓഡിറ്റോറിയത്തിലാണ് ക്ലാസ്

Published

on

മലപ്പുറം: ഈ വർഷം ഹജ്ജിനു പോകുന്ന വനിതകൾക്കായി വനിതാ ലീഗ് ജില്ലാ കമ്മിറ്റിയുടെ നേതൃത്വത്തിൽ പ്രത്യേക ഹജ് പഠന ക്ലാസ് നടത്തുന്നു. 28ന് രാവിലെ 9ന് മലപ്പുറം ഹാജിയാർ പള്ളി കോൽമണ്ണ കളപ്പാടൻ ഓഡിറ്റോറിയത്തിലാണ് ക്ലാസ്.

ലീഗ് സംസ്ഥാന പ്രസിഡന്റ് പാണക്കാട് സാദിഖലി ശിഹാബ് തങ്ങളുടെ ഭാര്യ സയ്യിദത്ത് സുൽഫത്ത് ബീവി ഉദ്ഘാടനം ചെയ്യും. ഡോ.ആമിന നൗഷാദ്, ഉമ്മു ഹബീബ എന്നിവർ ക്ലാസെടുക്കും. 9496467275

Continue Reading

Trending