തിരുവനന്തപുരം: ബംഗളൂരു ലഹരി മരുന്നു കേസില്‍ ആരോപണവിധേയനായ ബിനീഷ് കോടിയേരിയുടെ വിഷയത്തില്‍ പ്രതികരിച്ച് കോടിയേരി ബാലകൃഷ്ണന്‍. കേന്ദ്ര ഏജന്‍സി എല്ലാ കാര്യങ്ങളും അന്വേഷിക്കട്ടെ. ബിനീഷ് തെറ്റുകാരനാണെങ്കില്‍ ശിക്ഷിക്കപ്പെടണമെന്ന് കോടിയേരി പറഞ്ഞു. തൂക്കിക്കൊല്ലേണ്ട കുറ്റമാണെങ്കില്‍ തൂക്കിക്കൊല്ലട്ടെ എന്നും അദ്ദേഹം പറഞ്ഞു.

ബിനീഷിനെതിരായ ആരോപണ വിവരങ്ങള്‍ അറിയില്ലെന്നും അദ്ദേഹം പറയുന്നു. എന്തും നേരിടാൻ തയാറാണ്​. കേസിൽ പ്രതിപക്ഷം കള്ളക്കഥ പ്രചരിപ്പിക്കുകയാണ്​.​ വ്യാജപ്രചാരണമാണ്​ ഉണ്ടാവുന്നതെന്നും അന്വേഷണം നടക്ക​ട്ടെയെന്നും അദ്ദേഹം പറഞ്ഞു.

വെഞ്ഞാറമൂട്​ രക്​തസാക്ഷികളെ കോൺഗ്രസ്​ ഗുണ്ടകളെന്ന്​ പറഞ്ഞ്​ ആക്ഷേപിക്കുകയാണ്​. ​കൊലപാതകത്തെ തള്ളിപ്പറയാൻ കോൺഗ്രസ്​ തയാറാവുന്നില്ല. കോൺഗ്രസ്​ നിലപാട്​ അപലപനീയമാണെന്നും കോടിയേരി പറഞ്ഞു.

കൊലപാതക രാഷ്​ട്രീയത്തിനെതിരെ സി.പി.എം ബഹുജന പ്രക്ഷോഭം സംഘടിപ്പിക്കും. ഇതി​െൻറ ഭാഗമായി ഏരിയ കേന്ദ്രങ്ങളിൽ പരിപാടികൾ സംഘടിപ്പിക്കുമെന്നും കോടിയേരി അറിയിച്ചു. കേരളത്തിൽ അരക്ഷിതാവസ്ഥ സൃഷ്​ടിക്കാനാണ്​ കോൺഗ്രസ്​ ശ്രമമെന്നും അദ്ദേഹം ആരോപിച്ചു.