Connect with us

Culture

പാര്‍ലമെന്റ് സമ്മേളനം ഇന്ന് മുതല്‍: മുത്തലാഖ് ബില്‍, ബാങ്ക് തട്ടിപ്പ്; സഭ പ്രക്ഷുബ്ദമാവും

Published

on

സ്വന്തം ലേഖകന്‍

ന്യുഡല്‍ഹി: ഒരു മാസ കാലത്തെ ഇടവേളക്ക് ശേഷം പാര്‍ലമെന്റിന്റെ ഇരു സഭകളും ഇന്ന് സമ്മേളിക്കും. ബജറ്റ് സമ്മേളനത്തിന്റെ ആദ്യ പകുതിക്ക് ശേഷം ചേരുന്ന സമ്മേളനം വിവിധ നിയമനിര്‍മ്മാണങ്ങളടക്കം നിരവധി രാഷട്രീയ നീക്കങ്ങള്‍ക്ക് സാക്ഷിയാവും. സാമ്പത്തിക തട്ടിപ്പു തടയുന്ന ഫ്യുജിറ്റിവ് എക്കണോമിക്ക് ഒഫന്‍ഡേര്‍സ് ബില്ലും, മുത്തലാഖ് ബില്ലും സഭ പരിഗണിക്കും. ധനമന്ത്രി അവതരിപ്പിച്ച ബജറ്റിന് സഭ അംഗീകാരം നല്‍കുന്നതോടപ്പം ഒബിസി കമ്മീഷന് ഭരണഘടന പരിരക്ഷ നല്‍കുന്ന ഒബിസി ബില്ലും ബജറ്റ് സെഷന്‍ രണ്ടാം പകുതിയില്‍ പാസ്സായേക്കും.

വടക്ക് കിഴക്കന്‍ സംസ്ഥാനങ്ങളിലെ ബിജെപി മുന്നേറ്റത്തിന്റെ ആത്മവിശ്വാസത്തിലാണ് കേന്ദ്ര സര്‍ക്കാര്‍ ബജറ്റ് ചര്‍ച്ചയിലേക്ക് കടക്കുക. എന്നാല്‍ രാജ്യത്തെ ബാങ്കിംഗ് മേഖലയടക്കം നേരിടുന്ന സാമ്പത്തിക പ്രതിസന്ധിയും സാമ്പത്തിക കുറ്റകൃത്യങ്ങളുടെ വര്‍ധനയും പ്രതിപക്ഷം ആയുധമാക്കുമെന്നുറപ്പാണ്. ഡയമണ്ട് വ്യാപാരി നീരവ് മോദിയുടെതടക്കം സാമ്പത്തിക തട്ടിപ്പുകള്‍ക്ക് കേന്ദ്ര സര്‍ക്കാര്‍ മൗനാനുവാദം നല്‍കിയെന്ന പ്രതിപക്ഷ ആരോപണത്തിന് സര്‍ക്കാര്‍ സഭയില്‍ മറുപടി പറയേണ്ടി വരും. ജനുവരിയില്‍ സ്വിറ്റ്‌സര്‍ലാന്റിലെ ദാവോസില്‍ നടന്ന ലോക സാമ്പത്തിക ഉച്ചകോടിയില്‍ പ്രധാനമന്ത്രിക്കൊപ്പം നീരവ് മോദി ഫോട്ടോ എടുത്തത് സര്‍ക്കാര്‍ സാമ്പത്തിക തട്ടിപ്പിന് സഹായം നല്‍കുന്നതിന് തെളിവാണന്ന് കോണ്‍ഗ്രസ് അധ്യക്ഷന്‍ രാഹുല്‍ ഗാന്ധി ആരോപിച്ചിരുന്നു. പഞ്ചാബ് നാഷണല്‍ ബാങ്ക് അഴിമതി സഭയില്‍ ചുടെറിയ ചര്‍ച്ചകള്‍ക്ക് വഴിവെച്ചേക്കും. അഴിമതി അടിയന്തര പ്രാധാന്യത്തോടെ ചര്‍ച്ച ചെയ്യണമെന്നാവശ്യപെട്ട് കോണ്‍ഗ്രസ് നോട്ടീസ് സമര്‍പ്പിച്ചിട്ടുണ്ട്.

എന്നാല്‍ വടക്ക് കിഴക്കന്‍ സംസ്ഥാനങ്ങളിലെ വിജയം നല്‍കുന്ന ആത്മവിശ്വാസം ഭരണപക്ഷത്തെ കൂടുതല്‍ ആക്രമോത്സുകമാക്കാന്‍ സാധ്യതയുള്ളതായി വിലയിരുത്തപ്പെടുന്നുണ്ട്. മുന്‍ കേന്ദ്ര മന്ത്രിയും കോണ്‍ഗ്രസ് എം പിയുമായ പി.ചിദംബരത്തിന്റെ മകന്‍ കാര്‍ത്തി ചിദംബരത്തിനെ ഐഎന്‍എക്‌സ് മാധ്യമ കൈക്കൂലി കേസില്‍ സിബിഐ ധൃതിപ്പെട്ട് അറസ്റ്റ് ചെയ്തത് കോണ്‍ഗ്രസിനെ സഭാ സമ്മേളന കാലത്ത് പ്രതിരോധത്തിലാക്കാനാണന്നാണ് കരുതപ്പെടുന്നത്. മുത്തലാഖ് ബില്ല് ലോക്‌സഭ പാസ്സാക്കിയിരുന്നു. മുസ്ലിം പുരുഷന്‍മാരെ അന്യായമായി തടവില്‍ പാര്‍പ്പിക്കാന്‍ ദുരപയോഗം ചെയ്യപ്പെടാവുന്ന ബില്ലാണിതന്ന് മുസ്ലിം ലീഗ് അടക്കമുള്ള കക്ഷികള്‍ സഭയില്‍ ആരോപിച്ചിരുന്നു. രാജ്യസഭയില്‍ ശക്തമായ പ്രതിഷേധമാണ് ബില്ലിനെതിരെ ഉയര്‍ന്നത്. ബില്ല് സഭാ സമിതിക്ക് വിടണമെന്ന ആവശ്യത്തില്‍ പ്രതിപക്ഷ കക്ഷികള്‍ ഉറച്ചു നില്‍ക്കുകയാണ്. പ്രതിപക്ഷ കക്ഷികളുമായി ഒത്തുതീര്‍പ്പിലെത്തി മുത്തലാഖ് ബില്ല് പാസാക്കാന്‍ സര്‍ക്കാര്‍ ശ്രമിക്കുമെന്നാണ് കണക്കാക്കപ്പെടുന്നത്.

Continue Reading
Advertisement
Click to comment

Leave a Reply

Your email address will not be published. Required fields are marked *

Film

ലാഭവിഹിതം വാഗ്ദാനം ചെയ്ത് കബളിപ്പിച്ചതായി പരാതി; ‘മഞ്ഞുമ്മല്‍ ബോയ്‌സ്’ നിര്‍മ്മാതാക്കളുടെ ബാങ്ക് അക്കൗണ്ട് മരവിപ്പിച്ചു

സിനിമയ്ക്കായി 7 കോടി രൂപ മുടക്കിയിട്ടു ലാഭവിഹിതമോ മുടക്കുമുതലോ നൽകിയില്ലെന്നു പരാതിയിൽ പറയുന്നു

Published

on

കൊച്ചി: കലക്‌‍ഷനിൽ റെക്കോർഡുകൾ സൃഷ്ടിച്ച ‘മഞ്ഞുമ്മൽ ബോയ്സ്’ സിനിമയുടെ നിർമാതാക്കളുടെ ബാങ്ക് അക്കൗണ്ടുകൾ മരവിപ്പിക്കാൻ ഉത്തരവ്. അരൂർ സ്വദേശി സിറാജ് സമർപ്പിച്ച ഹർജിയിലാണ് എറണാകുളം സബ് കോടതി ഉത്തരവിട്ടത്. സിനിമയ്ക്കായി 7 കോടി രൂപ മുടക്കിയിട്ടു ലാഭവിഹിതമോ മുടക്കുമുതലോ നൽകിയില്ലെന്നു സിറാജ് പരാതിയിൽ പറയുന്നു.

ചിത്രത്തിന്റെ നിർമാണ കമ്പനിയായ പറവ ഫിലിംസ്സിന്റെയും പാർട്ണർ ഷോൺ ആന്റണിയുടെയും 40 കോടിരൂപയുടെ ബാങ്ക് അക്കൗണ്ടാണ് സബ് കോടതി ജഡ്ജി സുനിൽ വർക്കി മരവിപ്പിച്ചത്. 40 ശതമാനം ലാഭ വിഹിതം വാഗ്ദാനം ചെയ്തു നിർമാതകൾ പണം കൈപ്പറ്റിയ ശേഷം ലാഭവിഹിതമോ മുതൽമുടക്കോ നൽകാതെ കബളിപ്പിച്ചതെന്നാണ് ഹരജി.

ആഗോള തലത്തിൽ ഇതുവരെ 220 കോടി രൂപ ചിത്രം കലക്ഷൻ നേടിയിട്ടുണ്ടെന്നും ഒ.ടി.ടി പ്ലാറ്റ്‍ഫോമുകള്‍ മുഖേനയും ചിത്രം 20 കോടിയോളം രൂപ നേടിയിട്ടുണ്ടെന്നും ഹരജിയിൽ പറയുന്നു. ചിത്രത്തിന്റെ നിർമാതാക്കളായ സൗബിൻ ഷാഹിർ, ബാബു ഷാഹിർ എന്നിവർക്കു കോടതി നോട്ടിസ് അയച്ചു. ഹർജി ഭാഗത്തിന് വേണ്ടി അഡ്വ. സൈബി ജോസ് കിടങ്ങൂർ ഹാജരായി.

Continue Reading

Film

മലയാളത്തിന്റെ വേ​ഗമേറിയ 100 കോടി; റെക്കോർഡ് സ്വന്തമാക്കി ‘ആടുജീവിതം’

100 കോടി ക്ലബില്‍ ഇടം നേടുന്ന ആറാമത്തെ മലയാള സിനിമയാണ് ആടുജീവിതം

Published

on

ആഗോള തലത്തില്‍ 100 കോടി കളക്ഷന്‍ സ്വന്തമാക്കിപ്രിത്വിരാജിന്റെ ആടുജീവിതം. മാര്‍ച്ച് 28ന് റിലീസിനെത്തിയ ചിത്രം ഒന്‍പത് ദിവസം കൊണ്ടാണ് 100 കോടി ക്ലബില്‍ ഇടം നേടിയതെന്ന് ട്രേന്‍ഡ് അനലിസ്റ്റുകള്‍ വ്യക്തമാക്കുന്നു. പൃഥ്വിവിരാജ് നായകനാകുന്ന 100 കോടി ചിത്രമാണ് ആടുജീവിതം.

100 കോടി ക്ലബില്‍ ഇടം നേടുന്ന ആറാമത്തെ മലയാള സിനിമയാണ് ആടുജീവിതം. ‘പുലിമുരുകന്‍’ 36 ദിവസം കൊണ്ടും, ‘ലൂസിഫര്‍’ 12 ദിവസം കൊണ്ടും, ‘2018’ 11 ദിവസം കൊണ്ടും, പ്രേമലു 36 ദിവസം കൊണ്ടും, മഞ്ഞുമ്മല്‍ ബോയ്‌സ് 12 ദിവസം കൊണ്ടുമായിരുന്നു 100 കോടി ക്ലബില്‍ ഇടം നേടിയത്.

Continue Reading

Film

‘ഇന്ത്യയുടെ ആദ്യ പ്രധാനമന്ത്രി സുഭാഷ് ചന്ദ്ര ബോസ് ആണെന്ന് കങ്കണ റണാവത്ത്’

നടിക്കെതിരെ സമൂഹ മാധ്യമങ്ങളിലൂടെ നിരവധിപ്പേര്‍ വിമര്‍ശനങ്ങളുമായി രംഗത്തെത്തിയിട്ടുണ്ട്.

Published

on

സുഭാഷ് ചന്ദ്ര ബോസ് ഇന്ത്യയുടെ ആദ്യ പ്രധാനമന്ത്രിയാണെന്ന പരാമര്‍ശവുമായി നടിയും ബിജെപി ലോക്‌സഭാ സ്ഥാനാര്‍ത്ഥിയുമായ കങ്കണ റണാവത്ത്. ടൈംസ് നൗ നടത്തിയ ഒരു പരിപാടിക്കിടയിലാണ് കങ്കണയുടെ വിവാദ പരാമര്‍ശം. ‘ഒരു കാര്യം വ്യക്തമാക്കൂ, നമുക്ക് സ്വാതന്ത്ര്യം ലഭിച്ചപ്പോള്‍ നമ്മുടെ ആദ്യത്തെ പ്രധാനമന്ത്രിയായിരുന്ന സുഭാഷ് ചന്ദ്ര ബോസ് എവിടെ പോയി?,’ എന്നായിരുന്നു നടി പറഞ്ഞത്.

https://twitter.com/i/status/1775892221344288951

കങ്കണയുടെ ഈ പരാമര്‍ശം ഏറെ വിവാദമായിരിക്കുകയാണ്. നടിക്കെതിരെ സമൂഹ മാധ്യമങ്ങളിലൂടെ നിരവധിപ്പേര്‍ വിമര്‍ശനങ്ങളുമായി രംഗത്തെത്തിയിട്ടുണ്ട്. ‘വിദ്യാസമ്പന്നരും വിവേകികളുമായ ആളുകള്‍ക്ക് വോട്ട് ചെയ്യുക,’ എന്നാണ് വീഡിയോ പങ്കുവെച്ചുകൊണ്ട് ഡല്‍ഹി മുന്‍ വനിതാ കമ്മീഷന്‍ അധ്യക്ഷയും എഎപി രാജ്യസഭാ എംപിയുമായ സ്വാതി മലിവാള്‍ പ്രതികരിച്ചത്.

നടന്‍ പ്രകാശ് രാജും വിഷയത്തില്‍ പ്രതികരിച്ചു. ‘സുപ്രീം ജോക്കര്‍ നയിക്കുന്ന പാര്‍ട്ടിയിലെ കോമാളികള്‍… എന്തൊരു നാണക്കേടാണ്,’ എന്നാണ് അദ്ദേഹം പ്രതികരിച്ചത്. ‘കങ്കണ റണാവത്തിന്റെ ഐക്യു 110 ആണ്’, ‘അവര്‍ ക്വാണ്ടം ഹിസ്റ്ററിയില്‍ ബിരുദധാരിയാണ്’, ‘കങ്കണ അറിവിന്റെ പ്രതിരൂപമാണ്’ എന്നിങ്ങനെ പോകുന്നു മറ്റു പ്രതികരണങ്ങള്‍.

 

Continue Reading

Trending