Connect with us

More

പ്രമേഹ സര്‍വേയില്‍ ഇനി പ്രവാസികളും

Published

on

ദോഹ: അടുത്തവര്‍ഷം രാജ്യത്ത് നടക്കുന്ന പ്രമേഹ സര്‍വേയില്‍ ഖത്തരികള്‍ക്കൊപ്പം പ്രവാസികളെയും ഉള്‍പ്പെടുത്തും. ഹമദ് മെഡിക്കല്‍ കോര്‍പറേഷന്‍ ഇന്റേര്‍ണല്‍ മെഡിസിന്‍ ഡിപ്പാര്‍ട്ട്‌മെന്റ് ചെയര്‍മാന്‍ ഡോ. അബ്ദുല്‍ ബാദി അബൂ സംറയാണ് ഇക്കാര്യം പ്രഖ്യാപിച്ചത്. രണ്ടാമത് വാര്‍ഷിക അറബ് പ്രമേഹ മെഡിക്കല്‍ കോണ്‍ഗ്രസിനോടനുബന്ധിച്ച് സംസാരിക്കുകയായിരുന്നു അദ്ദേഹം. കഴിഞ്ഞ പ്രാവശ്യം ഖത്തരികള്‍ക്ക് മാത്രമായാണ് പ്രമേഹ സര്‍വേ നടത്തിയിരുന്നത്. 17 ശതമാനം പ്രമേഹ വ്യാപനമായിരുന്നു ആ സര്‍വേയില്‍ വെളിപ്പെട്ടത്. എന്നാല്‍ അടുത്ത സര്‍വേയില്‍ ഇത് 18 ശതമാനം മുതല്‍ 20 ശതമാനം വരെ എത്തുമെന്നാണ് കരുതുന്നതെന്നും അബൂ സംറ പറഞ്ഞു. ഇത്തവണത്തെ സര്‍വേയില്‍ ഖത്തരികളെയും ഖത്തരികളല്ലാത്തവരെയും ഉള്‍പ്പെടുത്തി വിപുലമായ പദ്ധതിയാണ് ആലോചിക്കുന്നതെന്നും അദ്ദേഹം വെളിപ്പെടുത്തു.
ലോകത്ത് മറ്റ് മേഖലകളെ അപേക്ഷിച്ച് ഇരട്ടി അളവിലാണ് ഗള്‍ഫ് മേഖലയില്‍ പ്രമേഹരോഗം വ്യാപിക്കുന്നത്. ആഗോള പ്രമേഹ വ്യാപന നിരക്ക് എട്ടുമുതല്‍ ഒമ്പത് ശതമാനം വരെയാണ്. എന്നാല്‍ ഖത്തറിലും മറ്റ് ഗള്‍ഫ് രാജ്യങ്ങളിലും ഇത് 17 മതുല്‍ 30 ശതമാനം വരെയാണ്. മേഖലയിലെ ജനങ്ങളുടെ ജീനുകളിലെ സാമ്യതയും അത് പ്രമേഹത്തിലേക്ക് അവരെ നയിക്കുകയും ചെയ്യുന്നത് കൊണ്ടല്ല ഗള്‍ഫ് മേഖലയില്‍ പ്രമേഹം ഉയര്‍ന്ന തോതില്‍ വ്യാപിക്കുന്നത്. മറിച്ച് ജീവത ശീലങ്ങള്‍ മാറിയതും വ്യായാമം കുറഞ്ഞതുമാണ് രോഗത്തിലേക്ക് നിയിക്കുന്ന പ്രധാന കാരണം. ജനങ്ങളില്‍ ഭൂരിഭാഗവും വാഹനത്തെ ആശ്രയിച്ചാണ് കഴിയുന്നത്. ഫ്രിഡ്ജുകളില്‍ നിറയെ വിവിധ തരം ഭക്ഷണ പദാര്‍ഥങ്ങള്‍ സുലഭമാണെന്നും ഇതിനാല്‍ തന്നെ പൊണ്ണത്തടിയും വ്യാപകമാവുകയാണെന്നും അബുസംറ പറഞ്ഞു.
പ്രമേഹത്തെ ചെറുക്കാനുള്ള ബോധവല്‍ക്കരണം ശക്തമാകേണ്ടതുണ്ട്. സ്‌കുള്‍ വിദ്യാര്‍ഥികള്‍, രക്ഷിതാക്കള്‍, മസ്ജിദുകള്‍, മാളുകള്‍, തൊഴില്‍ സ്ഥലങ്ങള്‍ തുടങ്ങി എല്ലാ മേഖലയിലും ബോധവല്‍ക്കരണം എത്തേണ്ടതുണ്ട്. ആരോഗ്യ കരമായ ജീവിത ശൈലി തുടരുകയാണെങ്കില്‍ രാജ്യത്തെ കൂടിയ പ്രമേഹ വ്യപാന നിരക്ക് വര്‍ഷങ്ങള്‍ കൊണ്ട് തന്നെ കുറച്ച് കൊണ്ട് വരാന്‍ കഴിയുമെന്നും അദ്ദേഹം പറഞ്ഞു. പ്രമേഹ രോഗം വരുന്നതില്‍ ജീന്‍ സ്വഭാവ സാമ്യതകള്‍ ഒരു കാരണമായിരിക്കാം. എന്നാല്‍ ആരോഗ്യ കരമായ ജീവിത ശൈലിയിലൂടെ ഇതിനെ മറികടക്കാമെന്ന് പഠനങ്ങള്‍ തെളിയിച്ചതാണെന്ന് അദ്ദേഹം പറഞ്ഞു. ഒരാള്‍ക്ക് ജനിതക കാരണത്താല്‍ പ്രമേഹത്തിന് സാധ്യതയുണ്ടെങ്കില്‍ കൂടി ആരോഗ്യ കരമായ ജീവിതം ശീലിക്കുന്നതിലൂടെ രോഗ സാധ്യത 50 ശമതാനം കുറക്കാന്‍ കഴിയുമെന്നും ഡോ. അബൂ സംറ പറഞ്ഞു.
അറബ് ഡയബറ്റിസ് മെഡിക്കല്‍ കോണ്‍ഗ്രസില്‍ 470ഓളം വിദഗ്ധരാണ് പങ്കെടുത്തത്. രോഗ പരിപാലന പഠനവും പരിശോധനയുമായും ബന്ധപ്പെട്ട അനുഭവങ്ങള്‍ പരസ്പരം പങ്കുവെയ്ക്കുക എന്നതാണ് കോണ്‍ഗ്രസിലൂടെ ഉദ്ദേശിക്കുന്നത്.
ലോകം മുഴുവന്‍ കണ്ടുവരുന്ന പഴക്കമേറിയ സാധാരണമായ ഒരു രോഗമാണ് പ്രമേഹമെന്ന്് കോണ്‍ഗ്രസില്‍ പങ്കെടുത്ത ഖത്തര്‍ ഡയബറ്റിസ് അസോസിയേഷന്‍ എക്‌സിക്യൂട്ടീവ് ഡയരക്ടര്‍ അബ്ദുല്ല അല്‍ഹമക് പറഞ്ഞു. 2015ലെ കണക്കുകള്‍ അനുസരിച്ച് ലോകത്ത് 415 മില്യണ്‍ പ്രമേഹ രോഗികളുണ്ടെന്നും ഇത് 2040 ആകുന്നതോടെ 642 മില്യാണായി ഉയരുമെന്നാണ് പ്രതീക്ഷിക്കുന്നതെന്നും അദ്ദേഹം വെളിപ്പെടുത്തി.

Continue Reading
Advertisement
Click to comment

Leave a Reply

Your email address will not be published. Required fields are marked *

News

പിരിച്ചുവിടല്‍ വഴിയെ ഷെയര്‍ചാറ്റും; നൂറിലധികം ജീവനക്കാരെ പിരിച്ചുവിട്ടു

2300 ജീവനക്കാരില്‍ 100 ലധികം ജീവനക്കാരെയാണ് പിരിച്ചുവിടല്‍ ബാധിച്ചിരിക്കുന്നത്

Published

on

ഇന്ത്യന്‍ സോഷ്യല്‍ മീഡിയ കമ്പനിയായ ഷെയര്‍ചാറ്റും ജീവനക്കാരെ പിരിച്ചുവിടുന്നു. ഏകദേശം 5 ശതമാനത്തോളം ജീവനക്കാരെ ഇതിനോടകം പിരിച്ചുവിട്ടു. കമ്പനിയില്‍ ഏകദേശം 2300 ജീവനക്കാരാണ് ഉണ്ടായിരുന്നത്.

2300 ജീവനക്കാരില്‍ 100 ലധികം ജീവനക്കാരെയാണ് പിരിച്ചുവിടല്‍ ബാധിച്ചിരിക്കുന്നത്.
മോജ്, മോജ് ലൈറ്റ് പ്ലസ് തുടങ്ങിയ ആപ്ലിക്കേഷനുകളുടെ മാതൃ കമ്പനിയാണ് ഷെയര്‍ചാറ്റ്. നിലവില്‍ ഷെയര്‍ചാറ്റിന് ഇന്ത്യയില്‍ 400 ദശലക്ഷത്തിലധികം ഉപയോക്താക്കളുണ്ട്.

Continue Reading

kerala

സ്വരലയ കലാമണ്ഡലം രാമന്‍കുട്ടി നായര്‍ പുരസ്‌കാരം കലാമണ്ഡലം സരസ്വതിക്ക്

അമ്പതു വര്‍ഷത്തോളമായി അരങ്ങിലും കളരിയിലും അവര്‍ തെളിയിച്ച വൈദഗ്ദ്ധ്യവും കണക്കിലെടുത്താണ് പുരസ്‌കാരം

Published

on

കലാരംഗത്തെ സമഗ്ര സംഭാവനയ്ക്കുള്ള ഈ വര്‍ഷത്തെ സ്വരലയ കലാമണ്ഡലം രാമന്‍കുട്ടി നായര്‍ പുരസ്‌കാരത്തിനു കലാമണ്ഡലം സരസ്വതിയെ തെരഞ്ഞെടുത്തു. മോഹിനിയാട്ടം, ഭരതനാട്യം, കുച്ചുപ്പുടി തുടങ്ങിയ നൃത്തരൂപങ്ങളുടെ അവതരണത്തില്‍ അവര്‍ പ്രകടിപ്പിച്ച പ്രാവീണ്യവും നൃത്താചാര്യ എന്ന നിലയില്‍ അമ്പതു വര്‍ഷത്തോളമായി അരങ്ങിലും കളരിയിലും അവര്‍ തെളിയിച്ച വൈദഗ്ദ്ധ്യവും കണക്കിലെടുത്താണ് പുരസ്‌കാരം നല്‍കാന്‍ തീരുമാനിച്ചത്.

പദ്മശ്രീ കലാമണ്ഡലം ശിവന്‍ നമ്പൂതിരി , എന്‍.രാധാകൃഷ്ണന്‍ നായര്‍, കരിവെള്ളൂര്‍ മുരളി, അപ്പുകുട്ടന്‍ സ്വരലയം, എന്‍.എന്‍.കൃഷ്ണദാസ്, ടി.ആര്‍.അജയന്‍ എന്നിവരടങ്ങിയ പുരസ്‌കാര നിര്‍ണ്ണയ സമിതിയാണ് കലാണ്ഡലം സരസ്വതിക്ക് പുരസ്‌കാരം നല്‍കാന്‍ തീരുമാനിച്ചത്. 25000 രൂപയും പ്രശസ്തിപത്രവും പുരസ്‌കാരഫലകവും അടങ്ങിയതാണ് പുരസ്‌കാരം.

കേരള സംഗീത നാടക അക്കാദമി അവാര്‍ഡ്, നൃത്തനാട്യ പുരസ്‌കാരം, കലാമണ്ഡലം പുരസ്‌കാരം, റോട്ടറി പ്രൊഫഷണല്‍ എക്‌സലന്‍സ് അവാര്‍ഡ്, കലാദര്‍പ്പണം നാട്യശ്രീ പുരസ്‌കാരം എന്നിവക്ക് നേരത്തെ അര്‍ഹയായിട്ടുണ്ട്. സ്വരലയ നൃത്ത സംഗീതോത്സവ വേദിയില്‍ വെച്ച് ഡിസംബര്‍ 29ന് പൊതുമരാമത്തു വിനോദ സഞ്ചാര വകുപ്പ് മന്ത്രി പി.എ.മുഹമ്മദ് റിയാസ് പുരസ്‌കാരം സമര്‍പ്പിക്കും

Continue Reading

Article

ധൂര്‍ത്തിനു പണമുണ്ട്, പെന്‍ഷന് പണമില്ല

RPWD Act 2016 അതതു സര്‍ക്കാറുകള്‍ പൂര്‍ണാര്‍ത്ഥത്തില്‍ പ്രാവര്‍ത്തികമാക്കുകയാണെങ്കില്‍ 21 വിഭാഗങ്ങളായി തരം തിരിക്കപ്പെട്ടവരില്‍ ഏതൊരു ഭിന്നശേഷിക്കാര്‍ക്കും ഭിന്നശേഷിക്കാരുടെ പ്രതിനിധികള്‍ക്കും തങ്ങളുടെ ആനുകൂല്യങ്ങള്‍ക്ക് വേണ്ടിയും അവകാശ നിഷേധങ്ങള്‍ക്കെതിരെയും ശബ്ദിക്കേണ്ടി വരില്ല. മറിച്ച് ഇവരോരോരുത്തരും സന്തോഷവാന്‍മാരും സംതൃപ്തരുമായിരിക്കും.

Published

on

ബഷീര്‍ മമ്പുറം

ഡിസംബര്‍ മൂന്ന് അന്താരാഷ്ട്ര ഭിന്നശേഷി ദിനം. രാജ്യമൊട്ടുക്കും ഭിന്നശേഷിക്കാര്‍ക്ക്‌വേണ്ടി വിവിധ ആഘോഷ പരിപാടികളും മറ്റും അരങ്ങേറുന്ന പ്രത്യേക ദിനം. കലാ, കായിക ആഘോഷപരിപാടികള്‍ ഒരു പരിധിവരെ ഭിന്നശേഷിക്കാര്‍ക്ക് മാനസിക ഉല്ലാസവും സന്തോഷവും നല്‍കുമെന്നതില്‍ അഭിപ്രായവ്യത്യാസമില്ലായെങ്കിലും ഭിന്നശേഷിക്കാരുടെ ആനുകൂല്യങ്ങളെ കുറിച്ചും അവകാശ നിഷേധങ്ങളെ കുറിച്ചും എത്രപേര്‍ ഓര്‍ക്കാറുണ്ട്. ഈ വിഷയവുമായി ബന്ധപ്പെട്ട് ബോധവത്കരണ ക്ലാസുകളോ സെമിനാറുകളോ ക്യാമ്പയിനുകളോ നടത്തുകയാണ് ഏറെ അഭികാമ്യവും അനിവാര്യവും. 2016 ന്റെ ആരംഭത്തില്‍ കേന്ദ്ര സര്‍ക്കാര്‍ പുറത്തിറക്കിയ ഞജണഉ RPWD Act 2016 അതതു സര്‍ക്കാറുകള്‍ പൂര്‍ണാര്‍ത്ഥത്തില്‍ പ്രാവര്‍ത്തികമാക്കുകയാണെങ്കില്‍ 21 വിഭാഗങ്ങളായി തരം തിരിക്കപ്പെട്ടവരില്‍ ഏതൊരു ഭിന്നശേഷിക്കാര്‍ക്കും ഭിന്നശേഷിക്കാരുടെ പ്രതിനിധികള്‍ക്കും തങ്ങളുടെ ആനുകൂല്യങ്ങള്‍ക്ക് വേണ്ടിയും അവകാശ നിഷേധങ്ങള്‍ക്കെതിരെയും ശബ്ദിക്കേണ്ടി വരില്ല. മറിച്ച് ഇവരോരോരുത്തരും സന്തോഷവാന്‍മാരും സംതൃപ്തരുമായിരിക്കും.

RPWD Act 2016 സെക്ഷന്‍ 24 സബ് സെക്ഷന്‍ 1 ഭിന്നശേഷിക്കാരുടെ ജീവിത ഉന്നമനത്തിനും സമത്വത്തിനും സര്‍ക്കാറുകള്‍ പ്രത്യേക സ്‌കീമുകള്‍ നടപ്പാക്കുകവഴി ഭിന്നശേഷിക്കാര്‍ക്ക് സമൂഹത്തില്‍ സ്വാതന്ത്ര്യത്തോടെയുള്ള തുല്യ അവസരവും നീതിയും ഉറപ്പാക്കാന്‍ ഉതകുംവിധത്തില്‍ ഭിന്നശേഷിക്കാരുടെ പ്രായം, സാമ്പത്തികം, സാമൂഹിക ചുറ്റുപാട്, ശാരീരിക പരിമിതിയുടെ തരം, ശതമാനം എന്നിവ പരിഗണിച്ചുകൊണ്ട് മറ്റിതര വിഭാഗങ്ങള്‍ക്ക് നല്‍കുന്ന ഇത്തരം സ്‌കീമുകളേക്കാള്‍ ചുരുങ്ങിയത് 25 ശതമാനം വര്‍ധനവോടുകൂടിയായിരിക്കണം നല്‍കേണ്ടത് എന്നു പ്രത്യേകം നിഷ്‌കര്‍ഷിക്കുന്നുണ്ട്. ഇത്തരത്തിലുള്ള പാക്കേജുകളും സ്‌കീമുകളുമെല്ലാം നിലവിലുണ്ടെന്നിരിക്കെ അവ പ്രാവര്‍ത്തികമാക്കി നല്‍കുന്നതിനു പകരം ലഭിച്ചുകൊണ്ടിരുന്ന പല ആനുകൂല്യങ്ങളും വെട്ടിച്ചുരുക്കാനും നിഷേധിക്കാനുമാണ് സര്‍ക്കാര്‍ ശ്രമിക്കുന്നത്.

ഈ അവസരത്തില്‍ പ്രതിഷേധ സൂചകമായി കളക്ട്രേറ്റ് പരിസരത്ത് ഉഅജഘ മലപ്പുറം ജില്ലാ കമ്മിറ്റിയുടെ നേതൃത്വത്തില്‍ ധര്‍ണ നടത്തുകയാണ്. താല്‍ക്കാലിക ഭിന്നശേഷി സര്‍ട്ടിഫിക്കറ്റ് മാത്രമുള്ളവരുടെ ആനുകൂല്യങ്ങള്‍ നിഷേധിക്കുന്ന ഉത്തരവ് പിന്‍വലിക്കുക, സാമൂഹ്യക്ഷേമ പെന്‍ഷനുള്ള വരുമാന സിര്‍ട്ടിഫിക്കറ്റില്‍ പെന്‍ഷനറുടെ വരുമാനം മാത്രം ബാധകമാക്കുക, ആശ്വാസ കിരണം തുക കുടിശ്ശിക തീര്‍ത്തു നല്‍കുക, 2004 മുതല്‍ താല്‍ക്കാലിക തസ്തികയില്‍ ജോലി ചെയ്തവര്‍ക്ക് സ്ഥിര നിയമനം നല്‍കുക, സാമൂഹ്യ പെന്‍ഷന്‍ വിഭാഗത്തില്‍ നിന്നും ഭിന്നശേഷിക്കാരെ വേര്‍തിരിച്ചു പെന്‍ഷന്‍ നിശ്ചയിക്കുക എന്നീ ആവശ്യങ്ങളുന്നയിച്ചാണ് ‘ധൂര്‍ത്തടിക്കാന്‍ പണമുണ്ട് പെന്‍ഷന്‍ നല്‍കാന്‍ പണമില്ല’ എന്ന ശീര്‍ഷകത്തില്‍ ഭിന്നശേഷിക്കാരോടുള്ള നീതി നിഷേധങ്ങള്‍ക്കെതിരെ ധര്‍ണ നടത്തുന്നത്.

ഭിന്നശേഷിക്കാരുടെ വിദ്യാഭ്യാസം തൊഴില്‍ പുനരധിവാസം അതോടൊപ്പം തന്നെ അവരെ സാമൂഹ്യ ജീവകാരുണ്യ മേഖലയില്‍ ഇടപെട്ടു പ്രവര്‍ത്തിക്കാന്‍ പ്രാപ്തരാക്കുക എന്നീ ലക്ഷ്യത്തിലൂന്നി രൂപം നല്‍കി ഇന്ത്യന്‍ യൂണിയന്‍ മുസ്‌ലിംലീഗിന്റെ അനുബന്ധ സംഘടനയായി പ്രവര്‍ത്തിച്ചു പോരുന്ന ഡിഫറെന്റ്‌ലി ഏബ്ള്‍ഡ് പീപ്പിള്‍സ് ലീഗ് സമാനമായ ഒട്ടനവധി അവകാശ സമരപരിപാടികളുള്‍പ്പെടെ ഭിന്നശേഷിക്കാരുടെ വിദ്യാഭ്യാസ പുരോഗതിക്കും പുനരധിവാസത്തിനും ജീവകാരുണ്യ പ്രവര്‍ത്തനങ്ങള്‍ക്കും നേതൃത്വം നല്‍കി പ്രവര്‍ത്തിച്ചുവരുന്നു. ഭിന്നശേഷിക്കാര്‍ സമൂഹത്തിന്റെ ഭാഗമാണെന്നും അവര്‍ക്കും സമത്വം തുല്യനീതി എന്നിവ ഉറപ്പാക്കേണ്ട ഉത്തരവാദിത്തം സമൂഹത്തിനുണ്ട് എന്നും അനുകമ്പയോ സഹതാപമോ അല്ല മറിച്ച് പരിഗണനയാണ് ഭിന്നശേഷിക്കാര്‍ ആഗ്രഹിക്കുന്നതെന്നുമുള്ള സന്ദേശം അന്താരാഷ്ട്ര ഭിന്നശേഷി ദിനത്തോടനുബന്ധിച്ച് സമൂഹത്തിലേക്ക് സമര്‍പ്പിക്കുന്നു.
(ഡിഫറെന്റ്‌ലി ഏബ്ള്‍ഡ് പീപ്പിള്‍സ് ലീഗ് സംസ്ഥാന പ്രസിഡന്റാണ് ലേകകന്‍)

 

 

Continue Reading

Trending