kerala
ഇന്ന് സെക്രട്ടറിയേറ്റിനു മുന്നില് ആശ വര്ക്കര്മാരുടെ മഹാസംഗമം
സംസ്ഥാനത്തെ എല്ലാ ആശാവര്ക്കര്മാരും സമരത്തിന് എത്തണമെന്നാണ് സമര സമിതിയുടെ ആഹ്വാനം.
ഇന്ന് സെക്രട്ടറിയേറ്റിനു മുന്നില് ആശ വര്ക്കര്മാരുടെ മഹാസംഗമം നടക്കും. സംസ്ഥാനത്തെ എല്ലാ ആശാവര്ക്കര്മാരും സമരത്തിന് എത്തണമെന്നാണ് സമര സമിതിയുടെ ആഹ്വാനം. ആവശ്യങ്ങള് അംഗീകരിക്കും വരെ സമരം ശക്തമായി തുടരുമെന്നും കേരള ആശ ഹെല്ത്ത് വര്ക്കേഴ്സ് അസോസിയേഷന് അറിയിച്ചു. ഓണറേറിയം വര്ധിപ്പിക്കുക, പെന്ഷന് ആനുകൂല്യം നല്കുക തുടങ്ങിയ ആവശ്യങ്ങള് ഉന്നയിച്ചാണ് ആശ വര്ക്കര്മാര് സെക്രട്ടറിയേറ്റിനു മുന്നില് സമരം നടത്തുന്നത്. രണ്ടുമാസത്തെ കുടിശ്ശിക അനുവദിച്ചും, ഓണറേറിയത്തിനുള്ള മാനദണ്ഡങ്ങള് ഒഴിവാക്കിയും ആരോഗ്യവകുപ്പ് സമരത്തില് അനുനയനീക്കം തുടരുകയാണ്. എന്നാല് ഓണറേറിയം വര്ധിപ്പിക്കാതെ മുന്നോട്ടുപോകാന് ആകില്ലെന്ന് ആശ വര്ക്കര്മാര് നിലപാട് അറിയിച്ചു.
സെക്രട്ടേറിയേറ്റിനു മുന്നില് ആശ വര്ക്കര്മാരുടെ രാപ്പകല് സമരത്തിനെതിരെ നല്കിയ കോടതിയലക്ഷ്യ ഹര്ജി ഹൈക്കോടതി ഇന്ന് പരിഗണിക്കും. ചീഫ് ജസ്റ്റിസ് നിതിന് ജംദര്, ജസ്റ്റിസ് എസ് മനു എന്നിവരുള്പ്പെട്ട ഡിവിഷന് ബെഞ്ചാണ് കോടതിയലക്ഷ്യ ഹര്ജി പരിഗണിക്കുന്നത്.
ഓണറേറിയം വര്ധിപ്പിക്കണമെന്ന ആശ വര്ക്കര്മാരുടെ പ്രധാന ആവശ്യം സര്ക്കാര് ഇതുവരെ അംഗീകരിച്ചിട്ടില്ല. അതേസമയം മുഴുവന് ആവശ്യങ്ങളും അംഗീകരിക്കാതെ സമരത്തില് നിന്ന് പിന്നോട്ടില്ലെന്നാണ് ആശ വര്ക്കര്മാരുടെ നിലപാട്. കുടിശ്ശിക ലഭ്യമാക്കുക എന്നതുമാത്രമല്ല തങ്ങളുടെ ആവശ്യം. ഓണറേറിയം വര്ധിപ്പിക്കുക എന്നതും പ്രധാന ആവശ്യമാണെന്നും കേരള ആശ ഹെല്ത്ത് വര്ക്കേഴ്സ് സംസ്ഥാന അധ്യക്ഷന് വി കെ സദാനന്ദന് പറഞ്ഞിരുന്നു.
kerala
എസ്ഐആറില് സംസ്ഥാനത്ത് കൂടുതല് പരാതികള്
പട്ടികയില് ഉള്പ്പെട്ട എല്ലാ ബന്ധുക്കളുടെയും വിവരങ്ങള് ബിഎല്ഒ ആപ്പില് എന്റര് ചെയ്യാന് കഴിയുന്നില്ലെന്നാണ് പരാതി.
എസ്ഐആറില് സംസ്ഥാനത്ത് കൂടുതല് പരാതികള്. തീവ്ര വോട്ടര് പട്ടിക പരിഷ്കരണത്തിന്റെ ഭാഗമായി 2002 ലെ വോട്ടര് പട്ടികയില് ഉള്പ്പെട്ട എല്ലാ ബന്ധുക്കളുടെയും വിവരങ്ങള് ബിഎല്ഒ ആപ്പില് എന്റര് ചെയ്യാന് കഴിയുന്നില്ലെന്നാണ് പരാതി. പിതാവ് , മാതാവ്, മുത്തച്ഛന് , മുത്തശ്ശി എന്നിവരുടെ വിവരങ്ങള് മാത്രമാണ് എന്റര് ചെയ്യാന് കഴിയുന്നത്.
നേരത്തെ, ഏതെങ്കിലും അടുത്ത ബന്ധുവിന്റെ വിവരങ്ങള് നല്കിയാല് മതിയെന്നാണ് തെരഞ്ഞെടുപ്പ് കമ്മീഷന് പറഞ്ഞിരുന്നത്. എന്നാല്, 2002ല് മാതാപിതാക്കളോ അവരുടെ മതാപിതാക്കളോ പട്ടികയില് ഇല്ലാത്തവരുടെ പേര് ഇപ്പോള് എസ്ഐആറില് ചേര്ക്കാന് കഴിയുന്നില്ല. സഹോദരങ്ങള് , മാതാപിതാക്കളുടെ സഹോദരങ്ങള് എന്നിവരുടെ വിവരങ്ങള് നല്കിയവരുടെ ഫോമുകള് ബിഎല്ഒമാര് മാറ്റിവെക്കുകയാണെന്നും ആളുകള് പറയുന്നു.
kerala
ശബരിമല സ്വര്ണക്കൊള്ള; ദേവസ്വം മുന്മന്ത്രി കടകംപള്ളി സുരേന്ദ്രനെ ചോദ്യം ചെയ്തേക്കും
ഉണ്ണികൃഷ്ണന് പോറ്റി സര്ക്കാരിന് നല്കിയ അപേക്ഷയിലാണോ കട്ടിളപ്പാളികള് കൊണ്ടുപോകാനുള്ള തീരുമാനത്തിലേക്ക് കടന്നത് എന്നാണ് പരിശോധിക്കുന്നത്.
ശബരിമല സ്വര്ണക്കൊള്ള കേസില് ദേവസ്വംബോര്ഡ് മുന്മന്ത്രി കടകംപള്ളി സുരേന്ദ്രനെ ചോദ്യം ചെയ്തേക്കും. ഇന്നലെ അറസ്റ്റിലായ പത്മകുമാറിനെ വിശദമായി ചോദ്യം ചെയ്ത ശേഷമായിരിക്കും നടപടി. ഉണ്ണികൃഷ്ണന് പോറ്റി സര്ക്കാരിന് നല്കിയ അപേക്ഷയിലാണോ കട്ടിളപ്പാളികള് കൊണ്ടുപോകാനുള്ള തീരുമാനത്തിലേക്ക് കടന്നത് എന്നാണ് പരിശോധിക്കുന്നത്.
ഉദ്യേഗസ്ഥര്ക്കാണ് വീഴ്ച പറ്റിയതെന്നും ഫയല് നീക്കിയത് ഉദ്യോഗസ്ഥരെന്നും പത്മകുമാര് മൊഴി നല്കി. ഒരു ഫയലും തന്റെ മുന്നിലെത്തിയിട്ടില്ലെന്നായിരുന്നു കടകംപള്ളി സുരേന്ദ്രന്റെ വാദം. എന്നാല്, പോറ്റി സര്ക്കാരിന് നല്കിയ അപേക്ഷയിലാണ് ഫയല് നീക്കം നടന്നത്. പത്മകുമാറിന്റെ മൊഴിയില് വിശദമായ അന്വേഷണത്തിന് എസ്ഐടി. എ പത്മകുമാറിനെ ചോദ്യം ചെയ്യലിനായി വൈകാതെ കസ്റ്റഡി അപേക്ഷ നല്കും.
തിരുവനന്തപുരത്തെ രഹസ്യ കേന്ദ്രത്തില് വെച്ച് മണിക്കൂറുകള് നീണ്ട ചോദ്യം ചെയ്യലിന് പിന്നാലെയായിരുന്നു 2019ല് ദേവസ്വം ബോര്ഡ് പ്രസിഡന്റായിരുന്ന എ.പത്മകുമാറിനെ എസ്ഐടി അറസ്റ്റ് ചെയ്തത്. സ്വര്ണക്കൊള്ളയിലെ ആറാമത്തെ അറസ്റ്റാണിത്. സിപിഎം പത്തനംതിട്ട ജില്ലാ കമ്മിറ്റി അംഗമാണ് പത്മകുമാര്.
kerala
വിദ്യാഭ്യാസ ഓഫീസുകളിലെ മിന്നല്പ്പരിശോധന; വ്യാപക ക്രമക്കേട് കണ്ടെത്തി വിജിലന്സ്
വിദ്യാഭ്യാസ വകുപ്പ് ഉദ്യോഗസ്ഥര് ഗൂഗിള് പേ വഴി കൈക്കൂലി കൈപ്പറ്റിയതായാണ് കണ്ടെത്തല്.
പൊതുവിദ്യാഭ്യാസ വകുപ്പിനു കീഴിലെ വിദ്യാഭ്യാസ ഓഫീസുകളില് വിജിലന്സ് നടത്തിയ മിന്നല്പ്പരിശോധനയില് വ്യാപക ക്രമക്കേട് കണ്ടെത്തി. വിദ്യാഭ്യാസ വകുപ്പ് ഉദ്യോഗസ്ഥര് ഗൂഗിള് പേ വഴി കൈക്കൂലി കൈപ്പറ്റിയതായാണ് കണ്ടെത്തല്. അധ്യാപകര്ക്കും അനധ്യാപകര്ക്കും സര്വീസ് ആനുകൂല്യം അനുവദിക്കുന്നതിനാണ് വിദ്യാഭ്യാസ വകുപ്പ് ഉദ്യോഗസ്ഥര് ഗൂഗിള് പേ വഴി കൈക്കൂലി കൈപ്പറ്റിയത്.
ആലപ്പുഴ വിദ്യാഭ്യാസ ഓഫീസിലെ ഒരു ഉദ്യോഗസ്ഥന്റെ ഗൂഗിള് പേ അക്കൗണ്ടിലേക്ക് സംശയാസ്പദമായി എത്തിയത് 1,40,000 രൂപയാണ്. കുട്ടനാട് വിദ്യാഭ്യാസ ഓഫീസിലെ എയ്ഡഡ് നിയമനാംഗീകാരവുമായി ബന്ധപ്പെട്ട സെക്ഷനിലെ സീനിയര് ക്ലര്ക്കിന്റെ ഗൂഗിള് പേ അക്കൗണ്ടിലേക്ക് രണ്ട് എയ്ഡഡ് സ്കൂളുകളിലെ ക്ലര്ക്കുമാരുടെ അക്കൗണ്ടില്നിന്ന് 77,500 രൂപ ലഭിച്ചതിന്റെ തെളിവാണ് വിജിലന്സ് കണ്ടെത്തിയത്.
മലപ്പുറം മേഖലാ ഡെപ്യൂട്ടി ഡയറക്ടര് ഓഫീസിലെ ഒരു ഉദ്യോഗസ്ഥന് എയ്ഡഡ് സ്കൂള് അധ്യാപകനില്നിന്ന് 2000 രൂപ ഗൂഗിള് പേ വഴി വാങ്ങി. ഇതുകൂടാതെ 20,500 രൂപയുടെ ഇടപാടുകളും കണ്ടെത്തി. തിരുവനന്തപുരം മേഖലാ ഡെപ്യൂട്ടി ഡയറക്ടറുടെ കീഴിലെ സ്കൂളില് ഭിന്നശേഷി സംവരണം പാലിക്കാതെ 11 അധ്യാപകരെ നിയമിച്ചു.
തളിപ്പറമ്പ് ജില്ലാ വിദ്യാഭ്യാസ ഓഫീസിന് കീഴിലെ എയ്ഡഡ് സ്കൂളില് അധ്യാപക തസ്തിക നലനിര്ത്താന് അവിടെയില്ലാത്ത മൂന്നുകുട്ടികള്ക്ക് പ്രവേശനം എടുത്തതായി കാണിച്ച് ഹാജര് അനുവദിച്ചു. ഇതില് ഒരു കുട്ടി കേന്ദ്രീയവിദ്യാലയത്തില് പഠിക്കുകയാണ്. തലശ്ശേരി വിദ്യാഭ്യാസ ഓഫീസിനു കീഴിലെ എയ്ഡഡ് സ്കൂളില് സമാനരീതിയില് ഒരു ക്ലാസില് 28 കുട്ടികള് പഠിക്കുന്നതായി കാണിച്ച് ഹാജര് അനുവദിച്ചിരുന്നു. പരിശോധനയില് ഈ ക്ലാസില് ഒന്പത് കുട്ടികള് മാത്രമാണുള്ളതെന്നും പുറമേയുള്ള 19 കുട്ടികള് പ്രവേശനം നേടിയതായി കാണിച്ച് ഹാജര് നല്കുകയായിരുന്നെന്നും കണ്ടെത്തി.
-
india3 days agoപഴയ വാഹനങ്ങള്ക്ക് ഫിറ്റ്നസ് ടെസ്റ്റ് ഫീസ് 10 ഇരട്ടി; കേന്ദ്ര സര്ക്കാരിന്റെ പുതിയ നിയമം പ്രാബല്യത്തില്
-
kerala2 days agoമലപ്പുറത്ത് എല്ഡിഎഫില് ഭിന്നത; സിപിഎമ്മിനെതിരെ സിപിഐ രംഗത്ത്
-
kerala15 hours agoശബരിമല സ്വര്ണ്ണക്കൊള്ളയുടെ പൂര്ണ്ണ ഉത്തരവാദിത്വം ഇടത് സര്ക്കാരിന്, പത്മകുമാറിന്റെ അറസ്റ്റിലൂടെ സിപിഎം ബന്ധം തെളിഞ്ഞു: പി.കെ കുഞ്ഞാലിക്കുട്ടി
-
kerala2 days agoതദ്ദേശ തെരഞ്ഞടുപ്പില് വൈഷ്ണയ്ക്ക് മത്സരിക്കാം; വോട്ടര് പട്ടികയില് നിന്ന് പേര് നീക്കിയ നടപടി റദ്ദാക്കി
-
kerala12 hours agoശബരിമല സ്വര്ണ്ണക്കൊള്ള; കടകംപള്ളി സുരേന്ദ്രന് കുരുക്കായി പത്മകുമാറിന്റെ മൊഴി
-
kerala2 days agoശബരിമലയില് സ്പോട്ട് ബുക്കിങ് കുറച്ച് ഹൈക്കോടതി; ദിവസേന 5000 പേര്ക്ക് മാത്രം അവസരം
-
kerala14 hours agoശബരിമല സ്വര്ണക്കൊള്ള സിപിഎമ്മിന്റെ അറിവോടെ, ഇനി ചോദ്യം ചെയ്യേണ്ടത് കടകംപള്ളി സുരേന്ദ്രനെയെന്ന് വി.ഡി സതീശന്
-
kerala2 days agoബീമാപള്ളി ഉറൂസ്; ശനിയാഴ്ച പ്രാദേശിക അവധി പ്രഖ്യാപിച്ച് തിരുവനന്തപുരം ജില്ലാ കളക്ടര്