Connect with us

kerala

ട്രാക്കില്‍ അറ്റകുറ്റപ്പണി; ട്രെയിന്‍ സര്‍വീസുകള്‍ ഭാഗികമായി റദ്ദാക്കി

വടക്കാഞ്ചേരി യാര്‍ഡില്‍ റെയില്‍വെ ട്രാക്കില്‍ അറ്റകുറ്റപ്പണി നടക്കുന്നതിനാല്‍ 16, 17, 23, 24 ദിവസങ്ങളില്‍ ട്രെയിന്‍ സര്‍വീസ് ഭാഗികമായി റദ്ദാക്കുകയോ നിയന്ത്രിക്കുകയോ ചെയ്യുമെന്ന് ദക്ഷിണ റെയില്‍വേ

Published

on

തിരുവനന്തപുരം : വടക്കാഞ്ചേരി യാര്‍ഡില്‍ റെയില്‍വെ ട്രാക്കില്‍ അറ്റകുറ്റപ്പണി നടക്കുന്നതിനാല്‍ 16, 17, 23, 24 ദിവസങ്ങളില്‍ ട്രെയിന്‍ സര്‍വീസ് ഭാഗികമായി റദ്ദാക്കുകയോ നിയന്ത്രിക്കുകയോ ചെയ്യുമെന്ന് ദക്ഷിണ റെയില്‍വേ. തിരുവനന്തപുരം സെന്‍ട്രല്‍ ന്യൂഡല്‍ഹി സൂപ്പര്‍ ഫാസ്റ്റ് ഈ ദിവസങ്ങളില്‍ ഒരു മണിക്കൂര്‍ 20 മിനിറ്റ് പിടിച്ചിടും.

എംജിആര്‍ ചെന്നൈ സെന്‍ട്രല്‍ ആലപ്പുഴ പ്രതിദിന സൂപ്പര്‍ ഫാസ്റ്റ് 15, 16, 22, 23 ദിവസങ്ങളില്‍ പാലക്കാട് ജങ്ഷനില്‍ യാത്ര അവസാനിപ്പിക്കും. മടക്ക ട്രെയിന്‍ 16, 17, 23, 24 ദിവസങ്ങളില്‍ ആലപ്പുഴ മുതല്‍ പാലക്കാടുവരെ സര്‍വീസ് നടത്തില്ല. ആലപ്പുഴ കണ്ണൂര്‍ പ്രതിദിന സ്‌പെഷ്യല്‍ 16, 17, 23, 24 ദിവസങ്ങളില്‍ ആലപ്പുഴ മുതല്‍ ഷൊര്‍ണൂര്‍ ജങ്ഷന്‍ വരെ സര്‍വീസ് നടത്തില്ല. ഷൊര്‍ണൂരില്‍ നിന്ന് യാത്ര പുനരാരംഭിക്കും. മടക്ക ട്രെയിന്‍ ഇതേ ദിവസം ഷൊര്‍ണൂരില്‍ യാത്ര അവസാനിപ്പിക്കും.

കണ്ണൂര്‍ എറണാകുളം ജങ്ഷന്‍ പ്രതിദിന സ്‌പെഷ്യല്‍ 16, 17, 23, 24 ദിവസങ്ങളില്‍ ഷൊര്‍ണൂരില്‍ യാത്ര അവസാനിപ്പിക്കും. തിരുനെല്‍വേലി പാലക്കാട് ജങ്ഷന്‍ പ്രതിദിന സ്‌പെഷ്യല്‍ 16, 22, 23 ദിവസങ്ങളില്‍ തൃശൂര്‍ മുതല്‍ പാലക്കാടു വരെ സര്‍വീസ് നടത്തില്ല. മടക്ക ട്രെയിന്‍ 16, 17, 23, 24, പാലക്കാട് ജങ്ഷന്‍ മുതല്‍ തൃശൂര്‍ വരെ യാത്ര നടത്തില്ല. എറണാകുളം ജങ്ഷന്‍ ഷൊര്‍ണൂര്‍ ജങ്ഷന്‍ മെമു 16, 17, 23, 24 ദിവസങ്ങളില്‍ മുളങ്കുന്നത്തുകാവില്‍ യാത്ര അവസാനിപ്പിക്കും.

 

Continue Reading
Advertisement
Click to comment

Leave a Reply

Your email address will not be published. Required fields are marked *

Film

ലാഭവിഹിതം വാഗ്ദാനം ചെയ്ത് കബളിപ്പിച്ചതായി പരാതി; ‘മഞ്ഞുമ്മല്‍ ബോയ്‌സ്’ നിര്‍മ്മാതാക്കളുടെ ബാങ്ക് അക്കൗണ്ട് മരവിപ്പിച്ചു

സിനിമയ്ക്കായി 7 കോടി രൂപ മുടക്കിയിട്ടു ലാഭവിഹിതമോ മുടക്കുമുതലോ നൽകിയില്ലെന്നു പരാതിയിൽ പറയുന്നു

Published

on

കൊച്ചി: കലക്‌‍ഷനിൽ റെക്കോർഡുകൾ സൃഷ്ടിച്ച ‘മഞ്ഞുമ്മൽ ബോയ്സ്’ സിനിമയുടെ നിർമാതാക്കളുടെ ബാങ്ക് അക്കൗണ്ടുകൾ മരവിപ്പിക്കാൻ ഉത്തരവ്. അരൂർ സ്വദേശി സിറാജ് സമർപ്പിച്ച ഹർജിയിലാണ് എറണാകുളം സബ് കോടതി ഉത്തരവിട്ടത്. സിനിമയ്ക്കായി 7 കോടി രൂപ മുടക്കിയിട്ടു ലാഭവിഹിതമോ മുടക്കുമുതലോ നൽകിയില്ലെന്നു സിറാജ് പരാതിയിൽ പറയുന്നു.

ചിത്രത്തിന്റെ നിർമാണ കമ്പനിയായ പറവ ഫിലിംസ്സിന്റെയും പാർട്ണർ ഷോൺ ആന്റണിയുടെയും 40 കോടിരൂപയുടെ ബാങ്ക് അക്കൗണ്ടാണ് സബ് കോടതി ജഡ്ജി സുനിൽ വർക്കി മരവിപ്പിച്ചത്. 40 ശതമാനം ലാഭ വിഹിതം വാഗ്ദാനം ചെയ്തു നിർമാതകൾ പണം കൈപ്പറ്റിയ ശേഷം ലാഭവിഹിതമോ മുതൽമുടക്കോ നൽകാതെ കബളിപ്പിച്ചതെന്നാണ് ഹരജി.

ആഗോള തലത്തിൽ ഇതുവരെ 220 കോടി രൂപ ചിത്രം കലക്ഷൻ നേടിയിട്ടുണ്ടെന്നും ഒ.ടി.ടി പ്ലാറ്റ്‍ഫോമുകള്‍ മുഖേനയും ചിത്രം 20 കോടിയോളം രൂപ നേടിയിട്ടുണ്ടെന്നും ഹരജിയിൽ പറയുന്നു. ചിത്രത്തിന്റെ നിർമാതാക്കളായ സൗബിൻ ഷാഹിർ, ബാബു ഷാഹിർ എന്നിവർക്കു കോടതി നോട്ടിസ് അയച്ചു. ഹർജി ഭാഗത്തിന് വേണ്ടി അഡ്വ. സൈബി ജോസ് കിടങ്ങൂർ ഹാജരായി.

Continue Reading

kerala

‘മോദിജിയെ ഞങ്ങള്‍ കാത്തിരിക്കുകയാണ്’; മന്ത്രി റിയാസിന്റെ വീഡിയോയുമായി ബിജെപിയുടെ പ്രചാരണം

ബി.ജെ.പിയുടെ കേരള സംസ്ഥാന കമ്മിറ്റിയാണ് ഈ വീഡിയോ നിര്‍മ്മിച്ചിരിക്കുന്നത്

Published

on

മന്ത്രി മുഹമ്മദ് റിയാസിന്റെ മോദിയെ പ്രശംസിക്കുന്ന പ്രചാരണ വീഡിയോയുമായി ബി.ജെ.പിയുടെ തെരഞ്ഞെടുപ്പ് പ്രചാരണം. കേരള സര്‍ക്കാരിനെ എപ്പോഴും പോസിറ്റീവായി കണ്ട മന്ത്രിയാണ് നിധിന്‍ ഗഡ്കരിയെന്നും അദ്ദേഹത്തിന് നന്ദി പറയുന്നതായും റിയാസ് പ്രസംഗിക്കുന്ന വീഡിയോ ആണ് പരസ്യ ചിത്രത്തിനായി ഉപയോഗിച്ചിരിക്കുന്നത്.

മോദിജിയെ ഞങ്ങള്‍ കാത്തുനില്‍ക്കുകയാണെന്നും എത്രയും പെട്ടെന്ന് കേരളത്തിലേക്ക് വരണമെന്നും റിയാസ് പറയുന്നുണ്ട്. ബി.ജെ.പിയുടെ കേരള സംസ്ഥാന കമ്മിറ്റിയാണ് ഈ വീഡിയോ നിര്‍മ്മിച്ചിരിക്കുന്നത്. ബി.ജെ.പിയുമായി ഈ തെരഞ്ഞെടുപ്പില്‍ സി.പി.എമ്മിനുള്ള ബാന്ധവത്തിന്റെ തെളിവായിട്ടാണ് ഈ വീഡിയോ പ്രചരിക്കുന്നതെന്ന നിലയില്‍ വലിയ വിമര്‍ശനങ്ങള്‍ ജനങ്ങള്‍ക്കിടയില്‍ നിന്നും ഉയര്‍ന്നിട്ടുണ്ട്.

Continue Reading

kerala

ഒരാഴ്ചക്ക് ശേഷം സംസ്ഥാനത്ത് സ്വർണവിലയിൽ കുറവ്; പവന് 560 രൂപ കുറഞ്ഞു

Published

on

സംസ്ഥാനത്ത് സ്വർണവിലയിൽ കുറവ്. ഒരാഴ്ചക്ക് ശേഷമാണ് സ്വർണവില കുറയുന്നത്. ഇന്നലെ സർവകാല റെക്കോർഡിലെത്തിയ സ്വർണവിലയിൽ പവന് 560 രൂപ ഇന്ന് കുറഞ്ഞു. നിലവിൽ ഒരു പവൻ സ്വർണത്തിന്റെ വില 53,200 രൂപയാണ്.

ഇന്നലെ അന്താരാഷ്ട്ര സ്വർണവില 2400 ഡോളർ കടന്നിരുന്നു. പിന്നീട്  2343 ഡോളറിലേക്ക് കുറഞ്ഞു. ഇതാണ് സംസ്ഥാനത്തെ വിലയിലും മാറ്റമുണ്ടാകാൻ കാരണമായത്.

ഒരു ഗ്രാം സ്വർണത്തിന്റെ വിപണി വില 6650 രൂപയാണ്. 18 കാരറ്റ് സ്വർണത്തിന്റെ വില ഗ്രാമിന് 5560 രൂപയാണ്.

Continue Reading

Trending