Connect with us

More

ത്രിപുരയില്‍ കോണ്‍ഗ്രസ് നേതാക്കളെ ചാക്കിട്ടുപിടിക്കാന്‍ ബി.ജെ.പി

Published

on

 

അഗര്‍ത്തല: ബി.ജെ.പിയില്‍ ചേര്‍ന്നാല്‍ മുഖ്യമന്ത്രി സ്ഥാനമോ, രാജ്യസഭാ സീറ്റോ നല്‍കാമെന്ന് വാഗ്ദാനം ചെയ്തതായി ത്രിപുര പ്രദേശ് കോണ്‍ഗ്രസ് വര്‍ക്കിങ് പ്രസിഡന്റും രാജകുടുംബാംഗവുമായ പ്രദ്യോത് മാണിക്യ ദേബ് ബര്‍മ. ഇതുസംബന്ധിച്ച് നേരത്തെ രണ്ട് തവണ ബി.ജെ.പി നേതാക്കള്‍ തന്നെ സമീപിച്ചിരുന്നതായും അദ്ദേഹം പറഞ്ഞു.
സംസ്ഥാനത്തിന്റെ ചുമതലയുള്ള ബി.ജെ.പി നേതാവ് ഹിമന്ദ ബിശ്വ ശര്‍മ ഉള്‍പ്പെടെ നിരവധി നേതാക്കള്‍ തന്നെ സമീപി ച്ചു. വിശ്വാസ്യതയും ആശയവും അടിയറവെക്കാന്‍ തയ്യാറല്ലെന്നു പറഞ്ഞ ദേബ് ബര്‍മ ബി.ജെ.പിയുടെ ആശയം തനിക്ക് യോജിക്കുന്നതല്ലെന്നും വ്യക്തമാക്കി. കോണ്‍ഗ്രസിന്റേതായ രീതിയിലാണ് തനിക്ക് സുരക്ഷ തോന്നുന്നത്. ത്രിപുര നിയമസഭാ തെരഞ്ഞെടുപ്പിന് മൂന്നു ദിവസം മുമ്പാണ് ബര്‍മ ബി.ജെ.പി നേതാക്കള്‍ക്കെതിരെ ഗുരുതര ആരോപണവുമായി രംഗത്തെത്തുന്നത്.
കോണ്‍ഗ്രസിന്റെ 10 സിറ്റിങ് എം.എല്‍. എമാരില്‍ ഏഴു പേര്‍ ആദ്യം തൃണമൂലിലും പിന്നീട് ബി.ജെ.പിയിലും ചേര്‍ന്നിരുന്നു. ബി.ജെ.പിയില്‍ ചേരുന്നതിനായി വന്‍തോതിലുള്ള പണവും വാഗ്ദാനവുമാണ് ലഭിക്കുന്നതെന്ന് ദേബ് ബര്‍മന്‍ പറഞ്ഞു. ബി.ജെ.പി പണം നല്‍കി ആളുകളെ വാടകക്കെടുക്കുകയാണ്. 2019ല്‍ കേന്ദ്ര ഭരണത്തില്‍ മാറ്റം വന്നാല്‍ ഇപ്പോള്‍ ബി.ജെ.പിയില്‍ ചേര്‍ന്നവര്‍ തിരികെ വരുമെന്നും അദ്ദേഹം പറഞ്ഞു.
ബി.ജെ.പി മത്സര രംഗത്തിറക്കിയ 51 പേരില്‍ 46 പേര്‍ മുന്‍ കോണ്‍ഗ്രസുകാരോ അല്ലെങ്കില്‍ മുന്‍ എം.എല്‍.എമാരോ ആണ്. 55 പിന്നിട്ടവര്‍ പെട്ടെന്ന് ബി.ജെ. പിയില്‍ ചേരുന്നത് ആശയം കാരണമല്ലെന്നും പണവും സ്ഥാനവും മാത്രം മോഹിച്ചാണെന്നും അദ്ദേഹം ആരോപിച്ചു. ബി.ജെ. പി ചെലവിടുന്ന പണം പ്രാദേശികമായി സ്വരൂപിക്കുന്നതല്ല. ഇത്രയധികം പണം ത്രിപുര തെരഞ്ഞെടുപ്പില്‍ ചെലവിടുന്നത് താന്‍ ആദ്യമായി കാണുകയാണെന്നും അദ്ദേഹം കൂട്ടിച്ചേര്‍ത്തു. അവസരവാദികളെ കൂടെക്കൂട്ടിയ ബി.ജെ.പി തെരഞ്ഞെടുപ്പിന് ശേഷം ഇതിന്റെ വില മനസിലാക്കും. ബി.ജെ.പിയെ പിന്തുണക്കുന്ന മാധ്യമങ്ങള്‍ ഉയര്‍ത്തിക്കാട്ടുന്നതു പോലുള്ള തരത്തില്‍ ഇവിടെ ബി.ജെ.പിക്ക് യാതൊരു മുന്നേറ്റവും ഉണ്ടാക്കാനാവില്ലെന്നും ബര്‍മ പറഞ്ഞു. മാര്‍ച്ച് മൂന്നിന് ഫല പ്രഖ്യാപനത്തിന് ശേഷം വന്നാല്‍ പുറമെ നിന്നു വന്നവര്‍ ഒഴിഞ്ഞ പെട്ടിയും പൂട്ടി പോകുന്നത് കാണാമെന്നും അദ്ദേഹം പരിഹസിച്ചു.

Continue Reading
Advertisement
Click to comment

Leave a Reply

Your email address will not be published. Required fields are marked *

GULF

കെഎംസിസി ഖത്തർ പാലക്കാട് ബീറ്റ് ദി ഹീറ്റ് ആരോഗ്യ ബോധവൽക്കരണം സംഘടിപ്പിച്ചു

Published

on

ദോഹ : കനത്ത ചൂടിന്റെ പശ്ചാത്തലത്തിൽ പ്രവാസികൾ ശ്രദ്ധിക്കേണ്ട കരുതലിനെ കുറിച്ചുള്ള അവബോധം നൽകി, കെഎംസിസി ഖത്തർ പാലക്കാട് ജില്ലാ മെഡിക്കൽ വിങ്ങിന്റെ നേതൃത്വത്തിൽ സംഘടിപ്പിച്ച ബീറ്റ് ദി ഹിറ്റ് ” പരിപാടി യിൽ പ്രവാസി സമൂഹം ശ്രദ്ധിക്കേണ്ട നിർജലീകരണം, ചർമ്മ സംരക്ഷണം, ഭക്ഷണ ക്രമീകരണം, അലർജി, വ്യായാമം, ജീവിത ശൈലി രോഗങ്ങൾ എന്നിവയെ അടിസ്ഥാനമാക്കിയാണ് സെഷൻ നിർവഹിച്ചത്. കെഎംസിസി ഖത്തർ പാലക്കാട് ജില്ലാ കൗൺസിൽ അംഗങ്ങളുടെ യോഗത്തിലാണ് പരിപാടി സംഘടിപ്പിച്ചത്. കെഎംസിസി സംസ്ഥാന സെക്രട്ടറി വിടിഎം.സാദിഖ് ഉത്ഘാടനം ചെയ്തു. മിസമീർ ക്ലിനിക് സ്റ്റാഫ് നേഴ്സ് ആയ ആസാദ് കളത്തിൽ ആരോഗ്യ സെഷന് നേതൃത്വം നൽകി.

ജില്ലാ പ്രസിഡണ്ട് ജാഫർ സാദിഖ് അധ്യക്ഷത വഹിച്ച യോഗം ജനറൽ സെക്രട്ടറി അമീർ തലക്കശ്ശേരി സ്വാഗതം ആശംസിക്കുകയും സംസ്ഥാന സെക്രട്ടറി ഷമീർ മുഹമ്മദ് ആശംസകൾ അർപ്പിച്ച് സംസാരിക്കുകയും ചെയ്തു. മൽഖാ റൂഹി ധന സമാഹരണ യജ്ഞങ്ങളായ ബിരിയാണി ചലഞ്ച് ഉൾപ്പെടെ പ്രവർത്തനങ്ങളിൽ സഹകരിച്ച മണ്ഡലം കമ്മിറ്റികളെയും കോർഡിനേറ്റര്മാരെയും കെഎംസിസി അംഗങ്ങളെയും ജില്ലാ കമ്മിറ്റി അഭിനന്ദിച്ചു. കഴിഞ്ഞ ദിവസം വിടപറഞ്ഞ സമസ്ത മുശാവറ അംഗം കെപിസി.തങ്ങൾ പ്രാർത്ഥന സദസ്സും അനുശോചനവും ജില്ലാ വൈസ് പ്രസിഡണ്ട് നാസർ ഫൈസി നിർവഹിച്ചു.

സംഘടന വിഷയങ്ങളിൽ ജില്ലാ സെക്രട്ടറി ചർച്ചകൾക്ക് തുടക്കം കുറിക്കുകയും മണ്ഡലങ്ങളെ പ്രതിനിധീകരിച്ച് സുഹൈൽ കുമ്പിടി, യൂസുഫ് പനം കുറ്റി, ഉമ്മർ ഒറ്റപ്പാലം, അനസ് യമാനി, റിഷാഫ് എടത്തനാട്ടുകര, ജലീൽ വളരാണി , സുലൈമാൻ ആലത്തൂർ എന്നിവർ സംസാരിച്ചു. ജില്ലാ ഭാരവാഹികളായ റസാഖ് ഒറ്റപ്പാലം, മഖ്ബൂൽ തച്ചോത്ത്, അഷ്‌റഫ് പുളിക്കൽ, സിറാജുൽ മുനീർ, മൊയ്‌തീൻ കുട്ടി ,അസർ പള്ളിപ്പുറം, ഷാജഹാൻ കരിമ്പനക്കൽ, നസീർ പാലക്കാട്, ജില്ലാ വിംഗ് അംഗങ്ങളായ അമീർ കുസ്റു, മുസമ്മിൽ, ബി എഫ് അംഗങ്ങളായ മുജീബ് സി, ജെൻസർ നേതൃത്വം നൽകി.

Continue Reading

india

അങ്കോല മണ്ണിടിച്ചിൽ: അർജുനെ കണ്ടെത്താനുള്ള ഇന്നത്തെ തിരച്ചിൽ അവസാനിപ്പിച്ചു

ശക്തമായ മഴയും പുഴയുടെ ഒഴുക്ക് വർധിച്ചതിനാലുമാണ് ഇന്നത്തെ തിരച്ചിൽ അവസാനിപ്പിച്ചത്

Published

on

അർജുന് വേണ്ടിയുള്ള തെരച്ചിൽ എട്ടാം ദിവസവും വിഫലം. ഗാംഗാവതി പുഴയിലെ തെരച്ചിൽ അവസാനിപ്പിച്ചു. ഗം​ഗാവലി പുഴയിൽ സിഗ്നൽ കിട്ടിയ സ്ഥലത്താണ് പരിശോധന നടത്തുന്നത്. രക്ഷാദൗത്യം സൈന്യം താൽക്കാലികമായി നിർത്തിവെച്ചിരിക്കുകയാണ്.

കര- നാവികസേനകൾ നടത്തിവന്ന തിരച്ചിലാണ് അവസാനിപ്പിച്ചത്. ഡിങ്കി ബോട്ടുകൾ ഉപയോഗിച്ചായിരുന്നു ഇന്നത്തെ തിരച്ചിൽ നടന്നത്. കാലാവസ്ഥ അനുകൂലമല്ലാത്തതിനാൽ പല സമയത്തും ഇന്ന് തിരച്ചിൽ നിർത്തിവയ്ക്കേണ്ട സാഹചര്യമുണ്ടായിരുന്നു. ശക്തമായ മഴയും പുഴയുടെ ഒഴുക്ക് വർധിച്ചതിനാലുമാണ് ഇന്നത്തെ തിരച്ചിൽ അവസാനിപ്പിച്ചത്. നാളെ കൂടുതൽ ആധുനിക യന്ത്രങ്ങൾ ഉപയോ​ഗിച്ച് തിരച്ചിൽ ശക്തിപ്പെടുത്തുമെന്ന് കർവാർ എം.എൽ.എ സതീഷ് കൃഷ്ണ സെയ്ൽ അറിയിച്ചു.

ഷിരൂരിലെ മണ്ണിടിച്ചിലില്‍ അര്‍ജുന്‍ ഉള്‍പ്പടെയുള്ളവരെ കാണാതായ സംഭവത്തില്‍ ഇടപെട്ട് കര്‍ണാടക ഹൈക്കോടതി. അപകടം ഗൗരവമേറിയതെന്ന് കര്‍ണാടക ഹൈക്കോടതി പറഞ്ഞു. കേന്ദ്ര സര്‍ക്കാരിനോടും കര്‍ണാടക സര്‍ക്കാരിനോടും ഹൈക്കോടതി റിപ്പോര്‍ട്ട് തേടി.

Continue Reading

kerala

വാഹനങ്ങളില്‍ ഇന്ധനം നിറയ്ക്കുന്നതിനിടെ പെട്രോള്‍ പമ്പില്‍ തീപിടിത്തം

വെള്ളം കലർന്ന ഇന്ധനം പമ്പ് ചെയ്തു മാറ്റിവെച്ച ക്യാനുകൾക്കാണ് തീപിടിച്ചത്

Published

on

തൃശ്ശൂര്‍: ചെറുതുരുത്തിയിൽ പെട്രോൾ പമ്പിൽ വൻ തീപിടുത്തം. ചെറുതുരുത്തി വാഴക്കോട് ഇന്ന് രാവിലെയാണ് അപകടമുണ്ടായത്. വാഹനങ്ങളിൽ ഇന്ധനം നിറയ്ക്കുന്നതിനിടയിലാണ് തീപ്പിടിത്തമുണ്ടായത്. വെള്ളം കലർന്ന ഇന്ധനം പമ്പ് ചെയ്തു മാറ്റിവെച്ച ക്യാനുകൾക്കാണ് തീപിടിച്ചത്. ക്യാൻ ലീക്കായി ഇന്ധനം പുറത്തേക്ക് ഒഴുകിയിരുന്നു.

പമ്പില്‍ തീപിടിത്തമുണ്ടായതോടെ തൃശൂര്‍ -ഷൊര്‍ണൂര്‍ സംസ്ഥാനപാതയിലൂടെയുള്ള എല്ലാ വാഹനങ്ങളും പല സ്ഥലങ്ങളിലായി വഴിതിരിച്ചുവിട്ടു. സ്ഥലത്തേക്ക് ആളുകള്‍ക്കും നിയന്ത്രണം ഏര്‍പ്പെടുത്തി.

രണ്ട് യൂണിറ്റ് ഫയർ ഫോഴ്‌സ് സംഘം സ്ഥലത്തെത്തി തീ അണച്ചു. വൻ അപകടമാണ് തലനാരിഴയ്ക്ക് ഒഴിവായത്.  തീ പടരാതിരിക്കാനുള്ള നടപടികള്‍ സ്വീകരിച്ചിരുന്നു. പമ്പിലെ ടാങ്കിലേക്ക് ഉള്‍പ്പെടെ തീ പടരുമോ എന്ന ഭയവുമുണ്ടായിരുന്നു. സമീപത്ത് തുണിക്കടകളും മറ്റുമുണ്ടായിരുന്നെങ്കിലും തീ പടര്‍ന്നുപിടിക്കാഞ്ഞതിനാല്‍ വന്‍നാശനഷ്ടം ഒഴിവായി. തീപിടിക്കാനുള്ള കാരണം വ്യക്തമായിട്ടില്ല.

 

Continue Reading

Trending