Connect with us

Views

ഇതാണ് ബാറ്റിങ്..

Published

on

വിശാഖപട്ടണം: ഇംഗ്ലണ്ടിനെതിരെയുള്ള രണ്ടാം ക്രിക്കറ്റ് ടെസ്റ്റില്‍ ഇന്ത്യക്കു മികച്ച തുടക്കം. 50-ാം ടെസ്റ്റില്‍ 14-ാം ശതകം കണ്ടെത്തിയ ക്യാപ്റ്റന്‍ വിരാട് കൊഹ്‌ലിയും സെഞ്ച്വറി നേടിയ ചേതേശ്വര്‍ പൂജാരയും തകര്‍ത്താടിയ ആദ്യ ദിനത്തില്‍ സ്റ്റമ്പെടുക്കുമ്പോള്‍ ഇന്ത്യ നാലിന് 317 എന്ന നിലയിലാണ്. തന്റെ അമ്പതാമത്തെ ടെസ്റ്റ് കളിക്കുന്ന കൊഹ്്‌ലി 151 റണ്‍സുമായി ക്രീസിലുണ്ട്. ഒരു റണ്ണുമായി രവിചന്ദ്രന്‍ അശ്വിനാണ് കൂട്ട്. നേരത്തെ ടോസ് നേടി ബാറ്റിങ് തെരഞ്ഞെടുത്ത ക്യാപ്റ്റന്‍ കൊഹ്്‌ലിയുടെ തീരുമാനത്തെ വെല്ലുവിളിച്ചു കൊണ്ട് ഇംഗ്ലീഷ് ബൗളര്‍മാര്‍ മികച്ച ലൈനിലും ലങ്തിലും പന്തെറിഞ്ഞപ്പോള്‍ കഴിഞ്ഞ മത്സരത്തിലെ രണ്ടാം ഇന്നിങ്‌സിന്റെ തനിയാവര്‍ത്തനമാണെന്നു തോന്നിപ്പിച്ചു.

തുടക്കത്തില്‍ ബൗണ്‍സും പേസും പ്രകടിപ്പിച്ച പിച്ചില്‍ ഇന്ത്യന്‍ ബാറ്റ്‌സ്മാന്‍മാര്‍ നന്നെ വിയര്‍ത്തു. ഒരു ഘട്ടത്തില്‍ രണ്ടിന് 22 എന്ന നിലയില്‍ തകര്‍ന്ന ഇന്ത്യയെ മൂന്നാം വിക്കറ്റില്‍ ഒത്തു ചേര്‍ന്ന പൂജാര-കൊഹ്്‌ലി സഖ്യമാണ് കരകയറ്റിയത്. മൂന്നാം വിക്കറ്റില്‍ ഇരുവരും നങ്കൂരമിട്ടു കളിച്ചതോടെ ഇംഗ്ലീഷ് ബൗളര്‍മാരെ ക്യാപ്റ്റന്‍ കുക്ക് മാറി മാറി ഉപയോഗിച്ചെങ്കിലും കാര്യമായ ഫലം ചെയ്തില്ല. ഇരുവരും ചേര്‍ന്ന് മൂന്നാം വിക്കറ്റില്‍ 226 റണ്‍സാണ് കൂട്ടിച്ചേര്‍ത്തത്. 204 പന്തുകളില്‍ 12 ബൗണ്ടറികളും രണ്ട് സിക്‌സറുകളുടെയും അകമ്പടിയോടെ പൂജാര 119 റണ്‍സെടുത്തു. സ്‌കോര്‍ 56ല്‍ നില്‍ക്കെ കൊഹ്്‌ലിയെ ആദില്‍ റഷീദ് വിട്ടുകളഞ്ഞതിന് ഇംഗ്ലണ്ട് കനത്ത വിലയാണ് നല്‍കേണ്ടി വന്നത്. 241 പന്തില്‍ 15 ബൗണ്ടറികളുടെ സഹായത്തോടെയാണ് കൊഹ്്‌ലി 151 റണ്‍സെടുത്തത്.

അജിന്‍ക്യ രഹാനെ 23 റണ്‍സെടുത്ത് പുറത്തായി. ഇംഗ്ലണ്ടിനു വേണ്ടി ആന്‍ഡേഴ്‌സണ്‍ മൂന്നു വിക്കറ്റുകളും ബ്രോഡ് ഒരു വിക്കറ്റും വീഴ്ത്തി. കഴിഞ്ഞ മത്സരത്തില്‍ കളിച്ച ടീമില്‍ രണ്ട് മാറ്റങ്ങളോടെയാണ് ഇന്ത്യ വിശാഖപട്ടണത്തിറങ്ങിയത്. ആദ്യ ടെസ്റ്റില്‍ ഇരു ഇന്നിങ്‌സുകളിലും പരാജയപ്പെട്ട ഓപണര്‍ ഗൗതംഗംഭീറിനു പകരം കെ.എല്‍ രാഹുലിനേയും സ്പിന്നര്‍ അമിത് മിശ്രക്കു പകരം അരങ്ങേറ്റക്കാരന്‍ ജയന്ത് യാദവിനേയും ഉള്‍പ്പെടുത്തി. എന്നാല്‍ ഓപ്പണര്‍മാരായ ലോകേഷ് രാഹുലിന്റെയും മുരളി വിജയിന്റെയും വിക്കറ്റുകള്‍ ഇന്ത്യയ്ക്ക് തുടക്കത്തില്‍ തന്നെ നഷ്ടമായി. പരിക്ക് മാറി തിരിച്ചെത്തിയ രാഹുല്‍ പൂജ്യനായി മടങ്ങിയപ്പോള്‍ മുരളി വിജയ് 20 റണ്‍സെടുത്തും പുറത്തായി. പരിക്കേറ്റ് മൂന്നു മാസം കളത്തിനു പുറത്തായിരുന്ന ജയിംസ് ആന്‍ഡേഴ്‌സണ്‍ മുരളിയെ പുറത്താക്കി തന്റെ തിരിച്ചുവരവ് അറിയിച്ചു. ലോകേഷ് രാഹുലിനെ സ്റ്റുവര്‍ട്ട് ബ്രോഡുമാണ് പുറത്താക്കിയത്. സ്പിന്നിന് അനുകൂലമായ പിച്ചാണ് വിശാഖപട്ടണത്തേത്. പിച്ച് രണ്ടാം ദിവസം മുതല്‍ സ്പിന്നര്‍മാര്‍ക്ക് അനുകൂലമാകുമെന്നാണ് കരുതുന്നത്.

Continue Reading
Advertisement
Click to comment

Leave a Reply

Your email address will not be published. Required fields are marked *

kerala

ആഭ്യന്തര സഞ്ചാരികളുടെ എണ്ണം സർവകാല റെക്കോർഡിൽ; 2023ൽ കേരളത്തിലെത്തിയത് 2.18 കോടി പേർ

2022ല്‍ 1.88 കോടി (1,88,67,414) ആഭ്യന്തര സഞ്ചാരികളാണ് കേരളത്തിലെത്തിയത്.

Published

on

കേരളത്തിലെത്തുന്ന ആഭ്യന്തര സഞ്ചാരികളുടെ എണ്ണത്തില്‍ റെക്കോര്‍ഡ് വര്‍ധനവ്. 2023ല്‍ രാജ്യത്തിനകത്തുനിന്നുള്ള 2,18,71,641 (2.18 കോടി) പേര്‍ കേരളം സന്ദര്‍ശിച്ചു. 2022നെ അപേക്ഷിച്ച് ആഭ്യന്തര സഞ്ചാരികളുടെ വരവില്‍ കഴിഞ്ഞ വര്‍ഷം 15.92 ശതമാനം വര്‍ധനവാണ് ഉണ്ടായിട്ടുള്ളത്. 2022ല്‍ 1.88 കോടി (1,88,67,414) ആഭ്യന്തര സഞ്ചാരികളാണ് കേരളത്തിലെത്തിയത്.

കൊവിഡിനു മുമ്പുള്ള കണക്കുമായി താരതമ്യപ്പെടുത്തുമ്പോള്‍ ആഭ്യന്തര വിനോദ സഞ്ചാരികളുടെ വരവ് 2023ല്‍ 18.97 ശതമാനം വര്‍ധിച്ചു. ഏറ്റവും കൂടുതല്‍ ആഭ്യന്തര സഞ്ചാരികള്‍ എത്തിയത് എറണാകുളം ജില്ലയിലാണ്. ഇടുക്കി, തിരുവനന്തപുരം, വയനാട് ജില്ലകളില്‍ വലിയ മുന്നേറ്റമുണ്ടായി.

2022ല്‍ 3,45,549 വിദേശ സഞ്ചാരികളാണ് കേരളത്തില്‍ എത്തിയതെങ്കില്‍ 2023ല്‍ ഇത് 6,49,057 പേരായി വര്‍ധിച്ചു. വിദേശ സഞ്ചാരികളുടെ വരവില്‍ 87.83 ശതമാനം വര്‍ധനവാണ് ഉണ്ടായത്. ഇത് അടുത്തുതന്നെ കൊവിഡിനു മുമ്പുള്ള സ്ഥിതിയിലേക്ക് എത്തിക്കാന്‍ കഴിയുമെന്നാണ് പ്രതീക്ഷിക്കുന്നതെന്നും മന്ത്രി പറഞ്ഞു.

ഏറ്റവും കൂടുതല്‍ വിദേശികള്‍ എത്തിയ ജില്ലയിലും ഒന്നാം സ്ഥാനത്ത് എറണാകുളമാണ്. 2023ല്‍ 2,79,904 വിദേശികളാണ് ജില്ലയിലെത്തിയത്. തിരുവനന്തപുരം, ഇടുക്കി, ആലപ്പുഴ, കോട്ടയം ജില്ലകളാണ് തൊട്ടടുത്ത സ്ഥാനങ്ങളിലുള്ളതെന്നും മുഹമ്മദ് റിയാസ് അറിയിച്ചു.

 

Continue Reading

Education

സി.എച്ച്. മുഹമ്മദ് കോയ സ്കോളർഷിപ്പിന് ഇപ്പോൾ അപേക്ഷിക്കാം

കേരളത്തിൽ പഠിക്കുന്ന സ്ഥിര താമസക്കാരായ ന്യൂനപക്ഷ വിഭാഗക്കാർക്കാണ് അവസരം.

Published

on

സർക്കാർ, എയ്ഡഡ് സ്ഥാപനങ്ങളിൽ ബിരുദം, ബിരുദാനന്തര ബിരുദം, പ്രഫഷനൽ കോഴ്സുകളിൽ പഠിക്കുന്ന ന്യൂനപക്ഷ വിദ്യാർഥിനികൾക്കുള്ള സി.എച്ച്. മുഹമ്മദ് കോയ സ്കോളർഷിപ് ഹോസ്റ്റൽ സ്റ്റൈപൻഡിന് അപേക്ഷിക്കുന്നതിനുള്ള തീയതി ഇന്ന് അവസാനിക്കും. കേരളത്തിൽ പഠിക്കുന്ന സ്ഥിര താമസക്കാരായ ന്യൂനപക്ഷ വിഭാഗക്കാർക്കാണ് അവസരം. കുടുംബ വാർഷിക വരുമാനം 8 ലക്ഷം രൂപയിൽ കവിയരുത്. www.minoritywelfare.kerala.gov.in എന്ന വെബ്സൈറ്റിലൂടെ ഓൺലൈനായി അപേക്ഷിക്കാം. വിവരങ്ങൾക്ക്: 0471 2300524, 0471-2302090.

Continue Reading

Health

പൾസ് പോളിയോ ഇമ്മ്യൂണൈസേഷൻ നാളെ; മലപ്പുറത്ത്‌ 4,45,201 കുട്ടികൾ തുള്ളിമരുന്ന് സ്വീകരിക്കും

ഇതിനായി ജില്ലയില്‍ 3780 പോളിയോ തുള്ളിമരുന്ന് വിതരണ ബൂത്തുകൾ സജ്ജമാക്കിയിട്ടുണ്ട്.

Published

on

പോളിയോ രോഗം നിര്‍മാര്‍ജനം ചെയ്യുന്നതിനായുള്ള പള്‍സ് പോളിയോ ഇമ്മ്യൂണൈസേഷൻ പരിപാടി നാളെ (മാര്‍ച്ച് മൂന്നിന്) നടക്കും. മലപ്പുറം ജില്ലയില്‍ 4,45,201 കുട്ടികൾക്കാണ് തുള്ളിമരുന്ന് നൽകുക. ഇതിനായി ജില്ലയില്‍ 3780 പോളിയോ തുള്ളിമരുന്ന് വിതരണ ബൂത്തുകൾ സജ്ജമാക്കിയിട്ടുണ്ട്.

ബസ് സ്റ്റാന്റുകൾ, റെയിൽവേ സ്റ്റേഷനുകൾ തുടങ്ങി 108 പൊതു സ്ഥലങ്ങളിലും പോളിയോ തുള്ളിമരുന്ന് നൽകുന്നതിനുള്ള സജ്ജീകരണങ്ങള്‍ ഒരുക്കിയിട്ടുണ്ട്. പരിപാടിയുടെ ജില്ലാതല ഉദ്ഘാടനം നാളെ രാവിലെ എട്ടിന് മലപ്പുറം താലൂക്ക് ആശുപത്രിയിൽ നടക്കും. ആദ്യദിനം ബൂത്തിൽ എത്തി തുള്ളിമരുന്ന് നൽകാൻ സാധിക്കാത്തവർക്ക് തുടർദിനങ്ങളിൽ ആരോഗ്യപ്രവർത്തകരും വളണ്ടിയർമാരും വീടുകളിലെത്തി പോളിയോ തുള്ളിമരുന്ന് നൽകും. ഇതിനായി പ്രത്യേക പരിശീലനം നല്‍കി 458 സൂപ്പർവൈസർമാരെയും 7794 വളണ്ടിയർമാരെയും സജ്ജരാക്കിയിട്ടുണ്ട്.

സംസ്ഥാനത്ത് രണ്ടായിരത്തിന് ശേഷവും ഇന്ത്യയിൽ 2011ന് ശേഷവും പോളിയോ രോഗം റിപ്പോർട്ട് ചെയ്തിട്ടില്ല. 2014 മാർച്ചിൽ ലോകാരോഗ്യ സംഘടന ഇന്ത്യയെ പോളിയോ മുക്തരാജ്യമായി പ്രഖ്യാപിച്ചെങ്കിലും അയൽ രാജ്യങ്ങളിൽ പോളിയോ രോഗം റിപ്പോർട്ട് ചെയ്യപ്പെടുന്നതിനാൽ രോഗസാധ്യത ഒഴിവാക്കുന്നതിനായി അഞ്ചു വയസ്സിൽ താഴെയുള്ള എല്ലാ കുട്ടികൾക്കും പോളിയോ തുള്ളിമരുന്ന് നൽകണമെന്ന് ജില്ലാ മെഡിക്കല്‍ ഓഫീസര്‍ ഡോ. ആര്‍ രേണുക അറിയിച്ചു.

Continue Reading

Trending