Career
Career Chandrika | പാദരക്ഷാ മേഖലയില് കരിയര് കെട്ടിപ്പടുക്കാന് എഫ്.ഡി.ഡി.ഐ
പാദരക്ഷകളും അനുബന്ധ മേഖലയുമായി ബന്ധപ്പെട്ട രൂപകല്പ്പനയും നിര്മ്മാണവും ഇന്ത്യക്കകത്തും പുറത്തും വലിയ തൊഴില് സാധ്യതതായി വളരുന്നതായാണ് കാണുന്നത്.
പി ടി ഫിറോസ്
പാദരക്ഷകളെക്കുറിച്ചുള്ള പരമ്പരാഗത ചിന്തയും ധാരണയും തിരുത്തേണ്ടുന്ന വിധത്തിലാണ് പുതുകാലത്ത് വന്നുകൊണ്ടിരിക്കുന്ന മാറ്റങ്ങള് എത്തിനില്ക്കുന്നത്. നിറവും ആകൃതിയും ഗുണവും മാത്രമല്ല, ധരിക്കുന്നവരുടെ വ്യക്തിത്വം പോലും അടയാളപ്പെടുത്തുന്ന രീതിയിലാണ് പാദരക്ഷകള് മാറിക്കൊണ്ടിരിക്കുന്നത്. പാദരക്ഷകളും അനുബന്ധ മേഖലയുമായി ബന്ധപ്പെട്ട രൂപകല്പ്പനയും നിര്മ്മാണവും ഇന്ത്യക്കകത്തും പുറത്തും വലിയ തൊഴില് സാധ്യതതായി വളരുന്നതായാണ് കാണുന്നത്. പാദരക്ഷാ നിര്മാണത്തിലും അനുബന്ധ വസ്തുക്കളുടെ കയറ്റുമതിയിലും ലോകത്തിലെ പ്രബല ശക്തിയായി നമുക്ക് മാറാന് സാധിച്ചത് പുതിയ സാധ്യതകളിലേക്കാണ് വെളിച്ചം വീശുന്നത്. ഇന്ത്യയുടെ മൊത്തം ആഭ്യന്തര ഉത്പാദനത്തിന്റെ രണ്ട് ശതമാനം സംഭാവന ചെയ്യുന്ന ഈ മേഖലയില് രണ്ട് ദശലക്ഷത്തോളം പേര് ഇപ്പോള് ജോലി ചെയ്യുന്നുണ്ട്. 2024 ഓടു കൂടി 15.5 ബില്യണ് അമേരിക്കന് ഡോളര് കമ്പോള മൂല്യത്തിലേക്കുയരുമെന്നാണ് കണക്കാക്കപ്പെട്ടത്.
കേന്ദ്ര വാണിജ്യ, വ്യവസായ മന്ത്രാലയത്തിന് കീഴില് പ്രവര്ത്തിക്കുന്ന എഫ്.ഡി.ഡി.ഐ എന്ന ചുരുക്കപ്പേരില് അറിയപ്പെടുന്ന ഫുട്വെയര് ഡിസൈന് ആന്ഡ് ഡെവലപ്മെന്റ് ഇന്സ്റ്റിറ്റിയൂട്ട് ഇന്ത്യയിലെ പാദരക്ഷാ ലെതര് മേഖലയുടെ വളര്ച്ചക്ക് നിസ്തുലമായ സംഭാവനകളാണര്പ്പിക്കുന്നത്. ദേശീയ പ്രാധാന്യമുള്ള സ്ഥാപനങ്ങളുടെ കൂട്ടത്തിലെണ്ണുന്ന എഫ്.ഡി.ഡി.ഐ മൂന്ന് ദശാബ്ദത്തിലേറെയായി നടത്തിക്കൊണ്ടിരിക്കുന്ന വിവിധ കോഴ്സുകള് സവിശേഷ പ്രാധാന്യമുള്ളവയാണ്. പാദരക്ഷകളുടെ രൂപകല്പന, നിര്മ്മാണം, ഫാഷന് ഡിസൈന്, റീറ്റെയ്ല്, ഫാഷന് മെര്ച്ചന്ഡൈസ്, ലെതര് അനുബന്ധ ഘടകങ്ങളുടെ ഡിസൈന്, നിര്മാണം എന്നീ മേഖലകളില് പഠന പരിശീലനങ്ങള് നല്കുന്നതില് മികവ് തെളിയിച്ചിട്ടുള്ള എഫ്.ഡി.ഡി.ഐ ഈ മേഖലയിലെ ലോകത്തിലെത്തന്നെ മികച്ച മൂന്ന് സ്ഥാപനങ്ങളിലൊന്നായി പരിഗണിക്കപ്പെടുന്നുണ്ട്
ഫൂട്വെയര് ഡിസൈന് ആന്ഡ് പ്രൊഡക്ഷന്, ഫാഷന് ഡിസൈന്, റീടൈല് ആന്ഡ് ഫാഷന് മെര്ച്ചന്ഡൈസ്, ലെതര് ഗുഡ്സ് ആന്ഡ് ആക്സസറി എന്നിങ്ങനെയുള്ള മേഖലകളിലാണ് പ്രധാന കോഴ്സുകള് ഉള്ളത്. ചെന്നൈ അടക്കം ഇന്ത്യയിലൊട്ടാകെയായി 12 ക്യാമ്പസുകളാണുള്ളത്. വ്യാവസായിക മേഖലകളിലെ പ്രമുഖര് അക്കാദമിക, ഗവേര്ണിംഗ് കൗണ്സില് അംഗങ്ങളായി പ്രവര്ത്തിക്കുന്നുവെന്ന പ്രത്യേകത കൂടിയുള്ളത് കൊണ്ട് നൂതന വിഷയങ്ങള് സിലബസിന്റെ ഭാഗമായി വരുന്നുണ്ട്. പരിശീലനത്തിനും കണ്സള്ട്ടന്സിക്കുമായി വിദേശ രാജ്യങ്ങളുമായടക്കം പങ്കാളിത്തമുണ്ട്. മികവുറ്റ രീതിയില് പഠനം പൂര്ത്തിയാക്കുന്നവര്ക്ക് നല്ല പ്ലേസ്മെന്റ് സാധ്യതയുമുണ്ട്.
ഏതെങ്കിലും വിഷയത്തില് പ്ലസ്ടു പഠനം കഴിഞ്ഞവര്ക്കും ഇത്തവണ പരീക്ഷ എഴുതാനിരിക്കുന്നവര്ക്കും അപേക്ഷിക്കാവുന്ന കോഴ്സുകള്
ബി.ഡിസ് (ബാച്ചിലര് ഇന് ഡിസൈന്) 4 വര്ഷം ദൈര്ഘ്യം
A) ഫുട്വെയര് ഡിസൈന് & പ്രൊഡക്ഷന്
B) ലെതര് ഗുഡ്സ് & അക്സെസ്സറി ഡിസൈന്
C) ഫാഷന് ഡിസൈന്
ബിബിഎ (റീട്ടെയില് & ഫാഷന് മെര്ച്ചന്ഡൈസ്) 3 വര്ഷം ദൈര്ഘ്യം കൂടാതെ ബിരുദാനന്തര ബിരുദ തലത്തില് എം.ഡിസ്, എംബിഎ കോഴ്സുകളുമുണ്ട്. എട്ട് സെമസ്റ്ററുകളിലായുള്ള ബി.ഡിസ് കോഴ്സുകളില് പഠനം വിജയകരമായി പൂര്ത്തിയാക്കുന്നവര്ക്ക് തിരഞ്ഞെടുക്കുന്ന വിഷയങ്ങള്ക്ക് അനുസൃതമായി നിര്മ്മാണം, ആസൂത്രണം, ഗുണനിലവാര പരിശോധന, മെര്ച്ചന്ഡൈസിങ്, മാര്ക്കറ്റിംഗ്, കോസ്റ്റ്യൂം ഡിസൈന്, ടെക്നിക്കല് ഡിസൈന്, ഫാഷന് ജേര്ണലിസം, ഗ്രാഫിക് ഡിസൈന് തുടങ്ങിയ മേഖലകളില് തൊഴില് തേടാന് ശ്രമിക്കുകയോ സ്വയം തൊഴില് കണ്ടെത്തുകയോ ആവാം. ബിബിഎ പഠനത്തിന് ശേഷം വിശ്വല് മെര്ച്ചന്ഡൈസിങ്, റീറ്റെയ്ല് മെര്ച്ചന്ഡൈസിങ്, റീറ്റെയ്ല് മാനേജ്മെന്റ്, ഫ്ലോര് മാനേജ്മെന്റ് തുടങ്ങിയ മേഖലകളില് ജോലി കണ്ടെത്താന് ശ്രമിക്കാവുന്നതാണ്. ബി.ഡിസ്/ബിബിഎ പഠനത്തിന് ശേഷം എംഡിസ്/ എംബിഎ എന്നിങ്ങനെ തുടര്പഠന സാധ്യതകളുമുണ്ട്.
https://fddiindia.com/ എന്ന വെബ്സൈറ്റ് വഴി ഏപ്രില് 28 നകം അപേക്ഷിക്കണം. ജൂണ് 19 ന് നടക്കുന്ന ദേശീയ തല പ്രവേശന പരീക്ഷ വഴിയാണ് അഡ്മിഷന് നടക്കുന്നത്. നാലു സെക്ഷനുകളിലായി ക്വാണ്ടിറ്റേറ്റീവ് അഭിരുചി, വെര്ബല് എബിലിറ്റി, പൊതുവിജ്ഞാനം, ബിസിനസ് അഭിരുചി, ഡിസൈന് അഭിരുചി എന്നീ മേഖലകളിലുള്ള ചോദ്യങ്ങളുണ്ടാവും. കൊച്ചി, ചെന്നൈ, ബംഗളുരു അടക്കം 31 പരീക്ഷാ കേന്ദ്രങ്ങളുണ്ട്. ഓരോ ക്യാമ്പസിലും ലഭ്യമായ കോഴ്സുകള്, ഫീസ്, മറ്റു വിശദ വിവരങ്ങള് എന്നിവ അറിയുന്നതിനായി വെബ്സൈറ്റ് പരിശോധിക്കാം.
Career
പി.ടി. സഫ്വാൻ ഹുദവിക്ക് ഡോക്ടറേറ്റ്; അഞ്ച് ഭൂഖണ്ഡങ്ങളിൽ നിന്ന് മക്കയിലേക്കുള്ള യാത്രാ വിവരണങ്ങളുടെ താരതമ്യ പഠനത്തിലാണ് ഡോക്ടറേറ്റ്
നിലവിൽ നിലമ്പൂർ അമൽകോളേജ് ഓഫ് അഡ്വാൻസ്ഡ് സ്റ്റഡീസിൽ അസിസ്റ്റൻ്റ് പ്രൊഫസറായ സഫ്വാൻ ദേശീയ അന്തർദേശീയ കം പാരറ്റീവ് അസോസിയേഷൻ അംഗമാണ്.
റഹൂഫ് കൂട്ടിലങ്ങാടി
മലപ്പുറം: പി.ടി.സഫ് വാൻ ഹുദവി ഹൈദരാബാദ് ഇഫ്ളു സർവകലാശാലയിൽ നിന്ന് ഡോക്ടറേറ്റ് നേടി. ദി വേ ആൻ്റ് ദ വോയേജ്, എ കംപാരറ്റീവ് എൻക്വയറി ഇൻ ടു ജിയോ പൊയറ്റിക്സ് ആൻ്റ് ഇൻ്റർ സ്പെഷ്യാലിറ്റി ഇൻ ദ ട്രാവലോഗ്സ് ഓൺ മെക്ക (പഥവും സഞ്ചാരവും: അഞ്ച് ഭൂഖണ്ഡങ്ങളിൽ നിന്ന് മക്കയിലേക്കുള്ള യാത്രാവിവരണങ്ങളിലെ വൈവിധ്യങ്ങൾ സബന്ധിച്ചുള്ള താരതമ്യ പഠനം ഒരു അന്വേഷണം എന്ന വിഷയത്തിലാണ് ഹൈദരാബാദിലെ ഇംഗ്ലീഷ് ആൻ്റ് ഫോറിൻ ലാംഗ്വേജ് യൂണിവേഴ്സിറ്റി (ഇഫ്ളു)
യിൽ നിന്ന് ഡോക്ടറേറ്റ് ലഭിച്ചത്.
ചെമ്മാട് ദാറുൽ ഹുദാ ഇസ്ലാമിക് യൂനിവേഴ്സിറ്റിയിൽ നിന്ന് 2012 ൽ ഹുദവി ബിരുദം നേടിയ സഫ്വാൻ അതേ വർഷം തന്നെ കാലിക്കറ്റ് യൂനിവേഴ്സിറ്റിയിൽ നിന്ന് ഇംഗ്ലീഷ് ലാംഗ്വേജ് ആൻ്റ് ലിറ്ററേച്ചറിൽ ബിരുദവും നേടിയ ശേഷം ഇഫ്ളുവിൽ നിന്ന് ഇംഗ്ലീഷിൽ ബിരുദാനന്തര ബിരുദവും ഹൈദരാബാദ് സർവകലാശാലയിൽ നിന്ന് കംപാരറ്റീവ് ലിറ്ററേച്ചറിൽ എം ഫില്ലും നേടി. നേരത്തെ ഇഫ്ളുവിൽ നിന്ന് തന്നെ അറബിക് ഇംഗ്ലീഷ് ട്രാൻസലേഷനിൽ ഡിപ്ലോമയും നേടിയിട്ടുണ്ട്. തുടർന്നാണ് ഇഫ്ളുവിലെ ഡിപ്പാർട്മെൻ്റ് ഓഫ് കംപാരറ്റീവ് ലിറ്ററേച്ചറിൽ പി.എച്ച്.ഡിക്ക് ചേർന്നത്.
നിലവിൽ നിലമ്പൂർ അമൽകോളേജ് ഓഫ് അഡ്വാൻസ്ഡ് സ്റ്റഡീസിൽ അസിസ്റ്റൻ്റ് പ്രൊഫസറായ സഫ്വാൻ ദേശീയ അന്തർദേശീയ കം പാരറ്റീവ് അസോസിയേഷൻ അംഗമാണ്. ഐ.സി.എസ്.എസ്.ആർ ഡോക്ടറൽ ഫെലോഷിപ്പ്, മൗലാനാ ആസാദ് നാഷണൽ ഫെലോഷിപ് എന്നിവക്ക് അർഹത നേടിയിട്ടുണ്ട്.
നിലമ്പൂർ അമൽ കോളേജ് ഇഗ്നോ സ്റ്റഡി സെൻ്റർ അസിസ്റ്റൻ്റ് കോർഡിനേറ്റർ, ശ്രീനാരായണഗുരു ഓപ്പൺ സർവകലാശാല അക്കാഡമിക് കൗൺസിലർ, ന്യൂനപക്ഷ വിദ്യാർത്ഥികൾക്കുള്ള യു.ജി.സി.നെറ്റ് ഇംഗ്ലീഷ് പരിശീലനത്തിൻ്റെ സംസ്ഥാനതല കോർഡിനേറ്റർ, കോളേജ് അധ്യാപക സംഘടനയായ സി.കെ.സി.ടി മലപ്പുറം ജില്ലാ ജോ: സെക്രട്ടറി എന്നീ നിലകളിൽ പ്രവർത്തിക്കുന്നു.
നേരത്തെ, ഹൈദരാബാദ് മൗലാനാ ആസാദ് നാഷണൽ ഉർദു യൂനിവേഴ്സിറ്റി, മൗലാനാ ആസാദ് നാഷണൽ ഉറുദു സർവകലാശാല, മലപ്പുറം ഗവണ്മെന്റ് ആർട്സ് ആൻ്റ് സയന്സ് കോളേജ്, കുറ്റ്യാടി ഐഡിയൽ ആർട്സ് ആൻ്റ് സയൻസ് കോളേജ് എന്നിവിടങ്ങളിൽ
ഗസ്റ്റ് അധ്യാപകനായി ജോലി ചെയ്തിട്ടുണ്ട്.
ദേശീയ തലത്തിൽ ശ്രദ്ധേയമായ എജ്യുക്കേഷൻ ആൻ്റ് സൊസൈറ്റി ജേർണലിൽ ഫാദർ ഫിഗർ ഇൻ മാട്രിലിനി, ഹിസ് റ്റോ റൈസിംഗ് ഫാദർഹുഡ് ഇൻ ദ സോഷ്യോ കൾച്ചറൽ മില്യു ഓഫ് കേരള, ഇൻ്ററോഗേറ്റിംഗ് ദ ന്യു ട്രെൻഡ്സ് ഇൻ ട്രാൻസ് ലേഷൻ സ്റ്റഡീസ്, ദി ഷിഫ്റ്റ് ഫ്രം ലിംഗ്വിസ്റ്റിക് ടേൺ ഇൻ ടു കൾച്ചറൽ ടേൺ തുടങ്ങി ഇരുപതോളം പഠന പ്രബന്ധങ്ങൾ പ്രസിദ്ധീകരിക്കുകയും ദേശീയ അന്തർദേശീയ സെമിനാറുകളിലും ശിൽപ്പശാലകളിലും അവതരിപ്പിക്കുകയും ചെയ്തിട്ടുണ്ട്.
മലപ്പുറം കൂട്ടിലങ്ങാടി ചെലൂരിലെ പുളിക്കത്തൊടി മോയിൻ കുട്ടിയുടെയും കുട്ടശ്ശേരി നഫീസയുടെയും മകനാണ്. ഭാര്യ: കാട്ടിൽ പീടികക്കൽ ശഫ്ന. (മങ്കട പള്ളിപ്പുറം ഹൈസ്കൂൾ അധ്യാപിക). മകൻ: അയ്മൻ അഹമ്മദ് (മൂന്ന് വയസ്). നസീമ, ഫസീന, സുനീറ, നസീറ എന്നിവർ സഹോദരങ്ങളാണ്.
Career
ഡിപ്ലോമ ഇന് എയര്ലൈന് ആന്ഡ് എയര്പോര്ട്ട് മാനേജ്മെന്റ് കോഴ്സിന് അപേക്ഷിക്കാം
അംഗീകൃത പഠന കേന്ദ്രങ്ങളുടെ നേതൃത്വത്തിലാണ് സമ്പര്ക്ക ക്ലാസ്സുകള് ക്രമീകരിച്ചിട്ടുള്ളത്.
സംസ്ഥാന പൊതുവിദ്യാഭ്യാസവകുപ്പിന് കീഴിലുള്ള സ്റ്റേറ്റ് റിസോഴ്സ് സെന്ററിന്റെ നേതൃത്വത്തില് പ്രവര്ത്തിക്കുന്ന എസ്.ആര്.സി കമ്മ്യൂണിറ്റി കോളേജ് ജൂലൈ സെഷനില് ആരംഭിക്കുന്ന ഡിപ്ലോമ ഇന് എയര്ലൈന് ആന്ഡ് എയര്പോര്ട്ട് മാനേജ്മെന്റിന് (DAM) പ്രോഗ്രാമിലേക്ക് പ്ലസ്ടു അഥവാ തത്തുല്യ യോഗ്യതയോ ഉള്ളവര്ക്ക് അപേക്ഷിക്കാം.
അംഗീകൃത പഠന കേന്ദ്രങ്ങളുടെ നേതൃത്വത്തിലാണ് സമ്പര്ക്ക ക്ലാസ്സുകള് ക്രമീകരിച്ചിട്ടുള്ളത്. വിവിധ എയര്പോര്ട്ടുകളില് ഇന്റേണ്ഷിപ്പ് ഉള്പ്പെടുത്തിയിട്ടുണ്ട്. https://app.srccc.in/register എന്ന ലിങ്കിലൂടെ ഓണ്ലൈനായി അപേക്ഷിക്കാം. https://srccc.in/download എന്ന ലിങ്കില് നിന്നും അപേക്ഷാഫാറം ഡൗണ്ലോഡ് ചെയ്തും അപേക്ഷിക്കാം. ആഗസ്റ്റ് പത്തിനുള്ളില് അപേക്ഷ സമര്പ്പിക്കണം. വിശദ വിവരങ്ങള് തിരുവനന്തപുരം നന്ദാവനത്തുള്ള എസ്.ആര്.സി ഓഫീസില് നിന്ന് നേരിട്ടും ലഭിക്കും. വിലാസം: ഡയറക്ടര്, സ്റ്റേറ്റ് റിസോഴ്സ് സെന്റര്, നന്ദാവനം, വികാസ് ഭവന് പി.ഒ, തിരുവനന്തപുരം-33. ഫോണ്: 0471 2570471, 9846033009. വിശദാംശങ്ങള് www.srccc.in എന്ന വെബ്സൈറ്റിലും ലഭിക്കും.
Career
ചന്ദ്രിക തൊണ്ണൂറാം വാർഷികാഘോഷത്തിൻ്റെ ഭാഗമായി സംഘടിപ്പിക്കുന്ന വിദ്യഭ്യാസ പ്രദർശനവും സെമിനാറുകളും Edu Excel Education Expo ഇന്നും നാളെയും
ചന്ദ്രിക തൊണ്ണൂറാം വാർഷികാഘോഷത്തിൻ്റെ ഭാഗമായി സംഘടിപ്പിക്കുന്ന വിദ്യഭ്യാസ പ്രദർശനവും സെമിനാറുകളും Edu Excel Education Expo ഇന്നും നാളെയുമായി കോട്ടക്കൽ പിഎം ഓഡിറ്റോറിയത്തിൽ നടക്കും. മലപ്പുറം ജില്ലയിൽ നിന്ന് ഈ വർഷം എസ്.എസ്.എൽ.സി, പ്ലസ്.ടു പരീക്ഷകളിൽ മുഴുവൻ വിഷയങ്ങളിലും എ പ്ലസ് നേടിയ വിദ്യാർത്ഥികളെ ആദരിക്കുന്ന വിജയമുദ്ര 2023 പരിപാടിയും ഈ അവസരത്തിൽ നടക്കും. പങ്കെടുക്കാൻ മുകളിൽ നൽകിയ QR code scan ചെയ്യുകയോ,https://chandrikanavathi.in/ ഈ ലിങ്ക് ഉപയോഗിച്ച് രജിസ്റ്റർ ചെയ്യുകയോ ചെയ്യുക.
-
india2 days ago‘ബിഹാർ തെരഞ്ഞെടുപ്പിൽ വൻ അഴിമതിയും ക്രമക്കേടും’; തെളിവുകൾ പുറത്തുവിട്ട് ധ്രുവ് റാഠി
-
Environment3 days agoആകാശഗംഗയെക്കാള് നാലിരട്ടി വലുപ്പമുള്ള ഭീമന് നെബുല കണ്ടെത്തി; മലപ്പുറം സ്വദേശിനി ഡോ. രഹന പയ്യശ്ശേരി ശാസ്ത്രലോകത്തെ വിസ്മയിപ്പിച്ചു
-
india2 days ago‘ബിജെപിയും തെരഞ്ഞെടുപ്പ് കമ്മീഷനും ചേർന്ന് വോട്ടെടുപ്പിനെ ഹൈജാക്ക് ചെയ്യുന്നു’; എസ്ഐആറിനെതിരെ അഖിലേഷ് യാദവ്
-
india3 days ago‘പൗരത്വം നിര്ണ്ണയിക്കാന് ബിഎല്ഒയ്ക്ക് അധികാരമില്ല’; സുപ്രീംകോടതിയോട് സിബലും സിങ്വിയും
-
india2 days agoആധാർ ജനന രേഖയായി കണക്കാക്കാനാവില്ല; പുതിയ നടപടിയുമായി മഹാരാഷ്ട്രയും ഉത്തർപ്രദേശും
-
kerala1 day agoകൊയിലാണ്ടി എംഎല്എ കാനത്തില് ജമീല അന്തരിച്ചു
-
kerala1 day agoകോഴിക്കോട് ബസ് സ്കൂട്ടറില് ഇടിച്ച് വിദ്യാര്ഥിനി മരിച്ചു
-
kerala2 days agoസംസ്ഥാനത്ത് അഞ്ച് ദിവസം മഴ തുടരും; ‘ദിത്വ ചുഴലിക്കാറ്റ്’ തമിഴ്നാട്-ആന്ധ്രാ തീരത്തേക്ക്