മണ്ണാര്‍ക്കാട് കോഴിക്കൂട്ടില്‍ ചത്ത പുലിയുടെ ശരീരത്തില്‍ റബ്ബര്‍ ബുള്ളറ്റ്

പാലക്കാട് മണ്ണാര്‍ക്കാട് കോഴിക്കൂട്ടില്‍ ചത്ത പുലിയുടെ ശരീരത്തില്‍ റബ്ബര്‍ ബുള്ളറ്റ് കണ്ടെത്തി . പോസ്റ്റ്‌മോര്‍ട്ടത്തിനിടെയാണ് പുലിയുടെ ശരീരത്തില്‍ നിന്ന് ബുള്ളറ്റ് കണ്ടെടുത്തത്. പുലിക്ക് ഹൃദയാഘാതം സംഭവിച്ചിട്ടുണ്ടെന്നും റിപ്പോര്‍ട്ടില്‍ പറയുന്നു. പുലിയുടെ ജഡം മണ്ണാര്‍ക്കാട് ഫോറസ്റ്റ് റേഞ്ച് ഓഫീസിലേക്ക് മാറ്റി. കോട്ടോപ്പാടം പഞ്ചായത്തിലെ കുന്തിപ്പാടത്തെ ഫിലിപ്പ് എന്നയാളുടെ വീട്ടിലെ കോഴിക്കൂട്ടിലാണ് ഇന്നലെ രാത്രിയോടുകൂടി പുലി അകപ്പെട്ടത്. കൂട്ടില്‍ നിന്ന് കോഴികള്‍ ശബ്ദമുണ്ടാക്കുന്നത് കേട്ട് നായ്ക്കളാണെന്ന് കരുതിയാണ് വീട്ടുകാര്‍ പുറത്തിറങ്ങിയത്. മണ്ണാർക്കാട് തത്തേങ്ങലം ഭാഗത്തു കുറച്ചു നാളുകൾ ആയി പുലി ഭീതിപടർന്നു കൊണ്ടിരിക്കുകയാണ്.