News
2023 സാമ്പത്തിക ബുദ്ധിമുട്ടുകളുടെ വര്ഷമാകുമെന്ന് സര്വ്വേ
വാഷിങ്ടണ്: ചൊവ്വാഴ്ച പുറത്തുവിട്ട മുതിര്ന്നവര്ക്കുള്ള ഗാലപ്പ് വോട്ടെടുപ്പില് പ്രതികരിച്ചവരില് 79 ശതമാനം പേരും ഈ വര്ഷം സാമ്പത്തികമായി ബുദ്ധിമുട്ടുള്ളതായിരിക്കുമെന്ന് വിശ്വസിക്കുന്നു, അതേസമയം 21 ശതമാനം പേര് ഇത് സാമ്പത്തിക അഭിവൃദ്ധിയുടെ വര്ഷമാകുമെന്ന് വിശ്വസിക്കുന്നു. 80 ശതമാനത്തിലധികം പേര് ഉയര്ന്ന നികുതി പ്രതീക്ഷിക്കുന്നു, 65 ശതമാനം പേര് വില ഉയരുമെന്ന് വിശ്വസിക്കുന്നു.
തൊഴിലില്ലായ്മ വര്ധിക്കുമെന്ന് പകുതിയിലേറെപ്പേരും പറഞ്ഞു, എന്നാല് 46 ശതമാനം പേര് 2023 തൊഴില് ലഭ്യതയില് പുരോഗതിയുണ്ടാകുമെന്നു വിശ്വസിക്കുന്നു. റിപ്പബ്ലിക്കന്മാരേക്കാള് ഡെമോക്രാറ്റുകള് ഭാവിയെക്കുറിച്ച് കൂടുതല് ശുഭാപ്തിവിശ്വാസമുള്ളവരാണെന്ന് കണ്ടെത്തി, ഇത് ഇപ്പോഴത്തെ പ്രസിഡന്റിന്റെ പാര്ട്ടിയെ അടിസ്ഥാനമാക്കിയുള്ള ഒരു സാധാരണ പ്രതിഭാസമാണെന്ന് ഗാലപ്പ് പറഞ്ഞു.
70 ശതമാനം ഡെമോക്രാറ്റുകളും പുതിയ തൊഴില് പ്രതീക്ഷിക്കുന്നു, അതേസമയം റിപ്പബ്ലിക്കന്മാരില് 23 ശതമാനം മാത്രമേ അങ്ങിനെ വിശ്വസിക്കുന്നുള്ളു. ഡെമോക്രാറ്റുകളില് പകുതിയിലധികം പേരും ഓഹരി വിപണി ഉയരുമെന്നും ന്യായമായ നിരക്കില് വില ഉയരുമെന്നും പ്രതീക്ഷിക്കുന്നു, എന്നാല് റിപ്പബ്ലിക്കന്മാരില് 20 ശതമാനത്തില് താഴെ മാത്രമാണ് ഇങ്ങനെ വിധിയെഴുതിയത്.
അമേരിക്കക്കാര് 2023 നെ സന്ദേഹത്തോടെയാണ് അഭിവാദ്യം ചെയ്യുന്നതെന്നും കഴിഞ്ഞ വര്ഷം നേരിട്ട സാമ്പത്തിക പ്രശ്നങ്ങള് ഈ വര്ഷം അവസാനിക്കുമെന്ന് പ്രതീക്ഷിക്കുന്നില്ലെന്നും ഗാലപ്പിന്റെ വിശകലനം പറയുന്നു.
News
ഏകദിന പരമ്പരയില് ഇന്ത്യക്കെതിരെ ദക്ഷിണാഫ്രിക്കക്ക് 350 റണ്സ് വിജയലക്ഷ്യം
120 പന്തില് 11 ഫോറും 7 സിക്സുമുള്പ്പടെ 135 റണ്സാണ് വിരാട് നേടിയത്. ഏകദിനത്തില് താരത്തിന്റെ 52ാം സെഞ്ച്വറിയാണിത്. 51 പന്തില് 5 ഫോറും 3 സിക്സുമടക്കം 57 റണ്സാണ് രോഹിതിന്റെ സമ്പാദ്യം.
ഇന്ത്യക്കെതിരായ ഏകദിന പരമ്പരയിലെ ആദ്യ മത്സരത്തില് ദക്ഷിണാഫ്രിക്കക്ക് 350 റണ്സ് വിജയലക്ഷ്യം. ആദ്യം ബാറ്റ് ചെയ്ത ഇന്ത്യ 50 ഓവറില് എട്ട് വിക്കറ്റ് നഷ്ടത്തില് 349 റണ്സ് നേടി. ഇന്ത്യക്കായി വിരാട് കൊഹ്ലി സെഞ്ച്വറിയും, കെ.എല് രാഹുലും രോഹിത്തും അര്ധസെഞ്ച്വറിയും നേടി. 120 പന്തില് 11 ഫോറും 7 സിക്സുമുള്പ്പടെ 135 റണ്സാണ് വിരാട് നേടിയത്. ഏകദിനത്തില് താരത്തിന്റെ 52ാം സെഞ്ച്വറിയാണിത്. 51 പന്തില് 5 ഫോറും 3 സിക്സുമടക്കം 57 റണ്സാണ് രോഹിതിന്റെ സമ്പാദ്യം.
നേരത്തെ നാലാം ഓവറില് യശസ്വി ജയ്സ്വാളിനെ നഷ്ട്ടമായ ഇന്ത്യ രോഹിത് വിരാട് കൂട്ടുകെട്ടിന്റെ ബലത്തിലാണ് മികച്ച ടോട്ടല് പടുത്തുയര്ത്തിയത്. ഇരുവരും ചേര്ന്ന് രണ്ടാം വിക്കറ്റില് 136 കൂട്ടിച്ചേര്ത്ത ശേഷമാണ് പിരിഞ്ഞത്. കെ.എല് രാഹുലും 60 (56) അര്ധ സെഞ്ച്വറി കുറിച്ചു.
ദക്ഷിണാഫ്രിക്കക്കായി മാര്ക്കോ യാന്സന്, നാന്ഡ്രെ ബര്ഗര്, കോര്ബിന് ബോഷ്, ഓട്ട്നീല് ബാര്ട്ടമാന് എന്നിവര് രണ്ട് വിക്കറ്റ് വീതം നേടി.
india
ദലിത് സ്ത്രീയെ സ്കൂളില് പാചകം ചെയ്യുന്നത് തടഞ്ഞ സംഭവം; ആറുപേര്ക്ക് ജയില് ശിക്ഷ
ഗൗണ്ഡംപാളയത്ത് തിരുമലൈ ഗവ. ഹയര് സെക്കന്ഡറി സ്കൂളില് 2018 ല് ആയിരുന്നു സംഭവം.
തമിഴ്നാട്ടിലെ തിരുപ്പൂരില് സര്ക്കാര് സ്കൂളിലെ പാചകത്തൊഴിലാളിയായ ദലിത് സ്ത്രീയെ സ്കൂളില് പാചകം ചെയ്യുന്നതില് നിന്ന് തടഞ്ഞ ആറുപേര്ക്ക് കോടതി രണ്ടു വര്ഷത്തെ ജയില് ശിക്ഷ വിധിച്ചു. ഗൗണ്ഡംപാളയത്ത് തിരുമലൈ ഗവ. ഹയര് സെക്കന്ഡറി സ്കൂളില് 2018 ല് ആയിരുന്നു സംഭവം. കുട്ടികള്ക്ക് ആഹാരമുണ്ടാക്കുന്നത് ദലിത് സ്ത്രീയായതിനാല് അനുവദിക്കില്ലെന്ന തീരുമാനമെടുത്ത് നാട്ടുകാരായ നിരവധിയാളുകള് ചേര്ന്ന് ഇവരെ തടയുകയായിരുന്നു.
35 പേരായിരുന്നു കേസില് പ്രതികളായത്. ഇതില് 25 പേരെ എസ്.സിഎസ്.ടി പ്രത്യേക കോടതി വെറുതെവിട്ടു. നാലുപേര് കേസിന്റെ വിചാരണക്കിടെ മരണപ്പെട്ടു. സ്കൂളിലെ വിദ്യാര്ഥികളുടെ രക്ഷിതാക്കളായ ആറുപേരെയാണ് കോടതി രണ്ടു വര്ഷത്തെ തടവിന് ശിക്ഷിച്ചത്. പളനിസ്വാമി ഗൗണ്ടര്, എന്. ശക്തിവേല്, ആര്. ഷണ്മുഖം, എ. ദുരൈസ്വാമി, സി. വെള്ളിങ്കിരി, വി. സീതാലകഷ്മി എന്നിവരെയാണ് കോടതി രണ്ടുവര്ഷത്തെ തടവിന് ശിക്ഷിച്ചത്.
സ്കൂളില് സംഭവം ഉണ്ടായതോടെ ദലിത് സ്?ത്രീയെ സ്കൂള് അധികൃതര് സ്ഥലം മാറ്റിയിരുന്നു. ഇതിനെതിരെയും ജാതീയ അധിക്ഷേപത്തിനെതിരെയും തമിഴ്നാട് തൊട്ടുകൂടായ്മ നിര്മാര്ജന സമിതി സമരവുമായി രംഗത്ത് വന്നിരുന്നു. പിന്നീട് തിരുമല സ്വദേശിയായ പപ്പല് എന്നയാളാണ് കോടതിയില് കേസ് നല്കിയത്. ഇതെത്തുടര്ന്ന് ചേവായുര് പൊലീസ് കേസെടുത്തു. എസ്.സിഎസ്.ടി നിയമത്തിലെ വിവിധ വകുപ്പുകള് ചേര്ത്ത് 35 പേര്ക്കെതിരെയാണ് കേസെടുത്തത്. ഇതില് നാലുപേര് മരണമടഞ്ഞു.
kerala
സംസ്ഥാനത്ത് മഴ മുന്നറിയിപ്പില് മാറ്റം; ഇന്ന് മൂന്ന് ജില്ലകളില് യെല്ലോ അലര്ട്ട്
ഇടുക്കി, മലപ്പുറം, വയനാട് എന്നീ ജില്ലകളിലാണ് യെല്ലോ അലര്ട്ട് പ്രഖ്യാപിച്ചിട്ടുള്ളത്.
സംസ്ഥാനത്ത് മഴ മുന്നറിയിപ്പില് മാറ്റം. ഇന്ന് മൂന്ന് ജില്ലകളില് യെല്ലോ അലര്ട്ട് പ്രഖ്യാപിച്ചു. ഇടുക്കി, മലപ്പുറം, വയനാട് എന്നീ ജില്ലകളിലാണ് യെല്ലോ അലര്ട്ട് പ്രഖ്യാപിച്ചിട്ടുള്ളത്.
ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് പ്രവചിക്കപ്പെട്ടിരിക്കുന്നത്. 24 മണിക്കൂറില് 64.5 മില്ലിമീറ്റര് മുതല് 115.5 മില്ലിമീറ്റര് വരെ മഴ ലഭിക്കുന്ന സാഹചര്യത്തെയാണ് ശക്തമായ മഴ എന്നത് കൊണ്ട് അര്ത്ഥമാക്കുന്നത്.
-
india2 days ago‘ബിഹാർ തെരഞ്ഞെടുപ്പിൽ വൻ അഴിമതിയും ക്രമക്കേടും’; തെളിവുകൾ പുറത്തുവിട്ട് ധ്രുവ് റാഠി
-
Environment2 days agoആകാശഗംഗയെക്കാള് നാലിരട്ടി വലുപ്പമുള്ള ഭീമന് നെബുല കണ്ടെത്തി; മലപ്പുറം സ്വദേശിനി ഡോ. രഹന പയ്യശ്ശേരി ശാസ്ത്രലോകത്തെ വിസ്മയിപ്പിച്ചു
-
india2 days ago‘ബിജെപിയും തെരഞ്ഞെടുപ്പ് കമ്മീഷനും ചേർന്ന് വോട്ടെടുപ്പിനെ ഹൈജാക്ക് ചെയ്യുന്നു’; എസ്ഐആറിനെതിരെ അഖിലേഷ് യാദവ്
-
india2 days agoആധാർ ജനന രേഖയായി കണക്കാക്കാനാവില്ല; പുതിയ നടപടിയുമായി മഹാരാഷ്ട്രയും ഉത്തർപ്രദേശും
-
india2 days ago‘പൗരത്വം നിര്ണ്ണയിക്കാന് ബിഎല്ഒയ്ക്ക് അധികാരമില്ല’; സുപ്രീംകോടതിയോട് സിബലും സിങ്വിയും
-
kerala3 days agoലേബര് കോഡും പിഎം ശ്രീ പോലെ എല്ഡിഎഫിലറിയിക്കാതെ ഒളിച്ചുകടത്തി; വി.ഡി സതീശന്
-
kerala21 hours agoകൊയിലാണ്ടി എംഎല്എ കാനത്തില് ജമീല അന്തരിച്ചു
-
kerala23 hours agoകോഴിക്കോട് ബസ് സ്കൂട്ടറില് ഇടിച്ച് വിദ്യാര്ഥിനി മരിച്ചു

