Connect with us

News

മുടി മുറിച്ചും ഹിജാബ് കത്തിച്ചും പ്രതിഷേധം; ആയിരങ്ങള്‍ തെരുവില്‍, ഇറാനില്‍ മരണം 50 ആയി

പ്രതിഷേധം ശക്ത മാകുന്നതോടെ ഇറാന്‍ ഇന്‍സ്റ്റാഗ്രാമിനും വാട്ട്‌സ്ആപ്പിനും വിലക്കേര്‍പ്പെടുത്തിയിരുന്നു.

Published

on

തെഹ്‌റാന്‍: ഇറാനില്‍ മതകാര്യ പൊലീസിന്റെ കസ്റ്റഡിയില്‍ 22കാരി മരിച്ചതുമായി ബന്ധപ്പെട്ട് തുടരുന്ന പ്രക്ഷോഭങ്ങളില്‍ കൊല്ലപ്പെട്ടവരുടെ എണ്ണം അമ്പതായി. ഔദ്യോഗിക കണക്കുപ്രകാരം അഞ്ച് പൊലീസുകാരടക്കം 17 പേര്‍ കൊല്ലപ്പെട്ടിട്ടുണ്ട്. ശരിയായി ഹിജാബ് ധരിക്കാത്തതിന്റെ പേരിലാണ് മഹ്‌സ അമിനി എന്ന യുവതിയെ പൊലീസ് കസ്റ്റഡിയിലെടുത്തത്. തുടര്‍ന്ന് മൂന്ന് ദിവസം കോമയില്‍ കഴിഞ്ഞ ശേഷം മഹ്‌സ മരണത്തിന് കീഴടങ്ങുകയായിരുന്നു. തുടര്‍ന്നുണ്ടായ പ്രക്ഷോഭം എണ്‍പതോളം നഗരങ്ങളില്‍ വ്യാപിച്ചിട്ടുണ്ട്.

രാത്രി പ്രതിഷേധവുമായി തെരുവിലിറങ്ങുന്ന ജനക്കൂട്ടത്തെ നിയന്ത്രിക്കാനുള്ള സുരക്ഷാ സേനയുടെ ശ്രമം വിജയിച്ചിട്ടില്ല. പ്രതിഷേധം ശക്ത മാകുന്നതോടെ ഇറാന്‍ ഇന്‍സ്റ്റാഗ്രാമിനും വാട്ട്‌സ്ആപ്പിനും വിലക്കേര്‍പ്പെടുത്തിയിരുന്നു. രാജ്യത്തിന്റെ വിവിധ ഭാഗങ്ങളില്‍ ഇന്റര്‍നെറ്റ് സേവനങ്ങള്‍ ലഭ്യമല്ലെന്നാണ് റിപ്പോര്‍ട്ട്.

എന്നാല്‍ ഇറാന്‍ ഭരണകൂടത്തിന്റെ വിലക്കുകള്‍ മറികടക്കാന്‍ ഉപരോധങ്ങളുടെ ഭാഗമായുള്ള ഇന്റര്‍നെറ്റ് നിയന്ത്രണങ്ങള്‍ നീക്കുമെന്ന് അമേരിക്ക പ്രഖ്യാപിച്ചു. സ്റ്റാര്‍ലിങ്ക് സാറ്റലൈറ്റ് സര്‍വീസിനെ ഉപരോധ പരിധിയില്‍നിന്ന് ഒഴിവാക്കാന്‍ ആവശ്യപ്പെട്ടതായി സ്‌പേസ് എക്‌സ് ഉടമ എലോണ്‍ മസ്‌ക് ആവശ്യപ്പെട്ടിരുന്നു. പ്രതിഷേധങ്ങളെ അടിച്ചമര്‍ത്താനും അഭിപ്രായ സ്വാതന്ത്ര്യം സെന്‍സര്‍ ചെയ്യാനുമുള്ള ഇറാന്‍ ഭരണകൂടത്തിന്റെ ശ്രമങ്ങളെ പരാജയപ്പെടുത്താന്‍ നിയന്ത്രണങ്ങള്‍ ഇളവു ചെയ്യുന്നത് സഹായകമാകുമെന്ന് അമേരിക്കന്‍ സ്റ്റേറ്റ് സെക്രട്ടറി ആന്റണി ബ്ലിങ്കന്‍ പറഞ്ഞു.

Continue Reading
Advertisement
Click to comment

Leave a Reply

Your email address will not be published. Required fields are marked *

kerala

ഗവിയിലേക്കു പോവാം കെഎസ്ആര്‍ടിസിയില്‍; ടൂറിസം പാക്കേജിനു തുടക്കം

മലയാളികള്‍ക്ക് ഏറെ ഇഷ്ടമുള്ള സ്ഥലമാണ് പത്തനംതിട്ട ഗവി.

Published

on

മലയാളികള്‍ക്ക് ഏറെ ഇഷ്ടമുള്ള സ്ഥലമാണ് പത്തനംതിട്ട ഗവി. പക്ഷെ യാത്രയും താമസവുമെല്ലാം സാധാരണക്കാര്‍ക്ക് പലപ്പോഴും മനോഹരമായ ഗവി ഒരു സ്വപ്നമാകുന്നു. ഇതിനൊരു പരിഹാരമായിരിക്കുകയാണ്. പത്തനംതിട്ടയില്‍ നിന്ന് ഗവിയിലേക്കുള്ള കെഎസ്ആര്‍ടിസിയുടെ വിനോദയാത്രാ പാക്കേജിന്റെ ഉദ്ഘാടനം കഴിഞ്ഞ ദിവസം മന്ത്രി വീണ ജോര്‍ജ് നിര്‍വഹിച്ചു.

ബജറ്റ് ടൂറിസം പ്രോജക്ടിന്റെ ഭാഗമായി ദിവസവും മൂന്ന് കെഎസ്ആര്‍ടിസി ബസുകളാണ് കേരളത്തിലെ പല ഡിപ്പോകളില്‍ നിന്നായി സര്‍വീസ് നടത്തുന്നത്. തിരുവനന്തപുരം, എറണാകുളം, കോഴിക്കോട് എന്നിവിടങ്ങളില്‍ നിന്നുള്ളവരെ പത്തനംതിട്ടയിലെത്തിച്ച് ഇവിടെ നിന്നുള്ള ബസിലാണ് ഗവിയിലേക്ക് കൊണ്ടുപോകുക.

പത്തനംതിട്ടയില്‍ നിന്നും പുറപ്പെടുന്ന യാത്രയ്ക്ക് പ്രവേശനഫീസ്, ബോട്ടിംഗ്, ഉച്ചഊണ്, യാത്രാ നിരക്ക് ഉള്‍പ്പെടെ 1300 രൂപയാണ്. ജില്ലയിലെ പ്രധാന അണക്കെട്ടുകളായ മൂഴിയാര്‍, കക്കി, ആനത്തോട്, പമ്പ, ഗവി തുടങ്ങിയവയും മൊട്ടക്കുന്നുകളും പുല്‍മൈതാനങ്ങളും അടങ്ങിയ പ്രകൃതിയുടെ മനോഹാരിതയും കാനനഭംഗിയും ആസ്വദിച്ച് ഗവിയില്‍ എത്താം. തുടര്‍ന്ന് ബോട്ടിംഗും ഉച്ച ഊണും കഴിഞ്ഞ് വണ്ടിപ്പെരിയാര്‍ വഴി പാഞ്ചാലിമേടും കണ്ട് തിരിച്ച് പത്തനംതിട്ടയില്‍ എത്തുന്നതാണ് പാക്കേജ്. ദിവസവും രാവിലെ ഏഴിന് പത്തനംതിട്ടയില്‍ നിന്ന് യാത്ര തുടങ്ങും. രാത്രി എട്ടരയോടെ മടങ്ങിയെത്തും. നിലവില്‍ ഗവിയിലേക്ക് രണ്ട് ഓര്‍ഡിനറി സര്‍വീസ് പത്തനംതിട്ടയില്‍ നിന്നും ദിവസവുമുണ്ട്. രാവിലെ അഞ്ചരയ്ക്കും ആറരയ്ക്കും. ഈ സര്‍വീസിന് മാറ്റമില്ല

അതേസമയം പത്തനംതിട്ട കെഎസ്ആര്‍ടിസി ഡിപ്പോയില്‍ രാത്രി താമസത്തിനുള്ള സൗകര്യം ഒരുക്കും. ശബരിമല തീര്‍ഥാടകര്‍ക്കും മറ്റ് യാത്രക്കാരും ഉള്‍പ്പെടെ മുപ്പത്തിയേഴ് പേര്‍ക്ക് രാത്രി താമസിക്കാനുള്ള ഡോര്‍മിറ്ററി സൗകര്യങ്ങളും ഉടന്‍ ഒരുക്കും.

Continue Reading

gulf

ലഹരിക്കെതിരെ ബോധവല്‍ക്കരണവുമായി അബുാദബി ഇന്ത്യന്‍ ഇസ്ലാഹി സെന്റര്‍; ഉന്നത ഉദ്യോഗസ്ഥര്‍ സംബന്ധിക്കും

ലഹരി വസ്തുക്കളുടെ ഉപയോഗത്തില്‍നിന്നും വളര്‍ന്നുവരുന്ന തലമുറയെ മോചിപ്പിക്കുകയെന്ന ലക്ഷ്യത്തോടെ അബുദാബി ഇന്ത്യന്‍ ഇസ്ലാഹി സെന്റര്‍ ബോധവല്‍ക്കരണ പരിപാടി സംഘടിപ്പിക്കുന്നു.

Published

on

അബുദാബി: ലഹരി വസ്തുക്കളുടെ ഉപയോഗത്തില്‍നിന്നും വളര്‍ന്നുവരുന്ന തലമുറയെ മോചിപ്പിക്കുകയെന്ന ലക്ഷ്യത്തോടെ അബുദാബി ഇന്ത്യന്‍ ഇസ്ലാഹി സെന്റര്‍ ബോധവല്‍ക്കരണ പരിപാടി സംഘടിപ്പിക്കുന്നു.ഡിസംബര്‍ രണ്ടിന് രാത്രി എട്ടുമണിക്ക് അബുദാബി ഇന്ത്യന്‍ ഇസ്ലാമിക് സെന്ററില്‍ നടക്കുന്ന പരിപാടിയില്‍ അബുദാബിയിലെ ഉന്നത പൊലീസ് ഉദ്യോഗസ്ഥര്‍ സംബന്ധിക്കും.

വര്‍ത്തമാനകാലത്തെ യുവതികള്‍ പോലും മയക്കുമരുന്നിന് അടിപ്പെട്ടുകൊണ്ടിരിക്കുന്ന വിഷമകരമായ ആഗോള ചുറ്റുപാടില്‍ ഇതിനെതിരെ മതാപിതാക്കളെയും കുട്ടികളെയും ബോധവല്‍ക്കരിക്കുയെന്നതാണ് പരിപാടികൊണ്ട് ലക്ഷ്യമിടുന്നതെന്ന് ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു.

‘മാറുന്നലോകം മയങ്ങുന്ന മക്കള്‍’ എന്ന വിഷയം ആസ്പദമാക്കി ഡോ.ജൗഹര്‍ മുനവ്വറും ധാര്‍മ്മികതയുടെവീണ്ടെടുപ്പിന് എന്ന വിഷയത്തില്‍ ഷാര്‍ജ അല്‍അസീസ് മസ്ജിദ് ഇമാം ഹുസൈന്‍ സലഫിയും സംസാരിക്കും.

പ്രവാസികള്‍ തങ്ങളുടെ മക്കളുടെ ജീവിത രീതിയും സൗഹൃദങ്ങളും പരിശോധിക്കുകയും സമൂഹത്തിന് നന്മ പകരുന്ന മക്കളായി വളരുകയും ചെയ്യേണ്ടതിന്റെ ആവശ്യകത പരിപാടിയില്‍ പ്രമുഖര്‍ അവതരിപ്പിക്കും. അബുദാബി പൊലീസിലെ ഉന്നതരും ലഹരിവിരുദ്ധ വിഭാഗം ഉദ്യോഗസ്ഥരും പരിപാടിയില്‍ം സംബന്ധിക്കും.

അബുദാബി ഇസ്ലാഹി സെന്റര്‍ പ്രസിഡണ്ട് ഡോ.ബഷീര്‍, സെക്രട്ടറി അബ്ദുല്‍റഹ്മാന്‍ സെയ്ദുട്ടി, മാലിക് ബിന്‍ അനസ് ഖുര്‍ആന്‍ സെന്റര്‍ പ്രിന്‍സിപ്പള്‍ സായിദ് അല്‍ഹകമി എന്നിവര്‍ വാര്‍ത്താസമ്മേളനത്തില്‍ പങ്കെടുത്തു.

Continue Reading

india

രാജ്യത്ത് വിമാനത്താവളങ്ങളില്‍ ഇനി മുഖം മതി

ഏഴു വിമാനത്താവളങ്ങളിലാണ് ആദ്യ ഘട്ടത്തില്‍ പദ്ധതി നടപ്പാക്കുന്നത്.

Published

on

ന്യൂഡല്‍ഹി: വിമാന യാത്രികര്‍ക്ക് എയര്‍പോര്‍ട്ടിലെ ചെക്ക് ഇന്‍ നടപടികള്‍ വേഗത്തിലാക്കാനായി ആവിഷ്‌കരിച്ച ഫേഷ്യല്‍ റക്കഗ്നിഷന്‍ സംവിധാനം രാജ്യത്ത് പ്രവര്‍ത്തനം ആരംഭിച്ചു. ബോര്‍ഡിങ് പാസുമായി ബന്ധിപ്പിച്ചാണ് ഇതിന്റെ പ്രവര്‍ത്തനം. ആദ്യ ചെക്ക് ഇന്‍ പോയിന്റില്‍ നിന്ന് യാത്രക്കാരനക്കുറിച്ചുള്ള ഡിജിറ്റല്‍ വിവരങ്ങള്‍ ശേഖരിച്ചാല്‍ ഇത് ബോര്‍ഡിങ് പാസുമായി ബന്ധിപ്പിക്കും. തുടര്‍ന്നുള്ള ചെക്ക് ഇന്‍ പോയിന്റില്‍ യാത്രക്കാരന്‍ രേഖകള്‍ അനുമതിക്കായി സമര്‍പ്പിക്കുകയോ കാത്തിരിക്കുകയോ ചെയ്യേണ്ടി വരില്ല. പകരം ചെക്ക് ഇന്‍ കൗണ്ടറില്‍ എത്തുമ്പോള്‍ തന്നെ ഫേഷ്യല്‍ റക്കഗ്നിഷന്‍ സംവിധാനം വഴി യാത്രക്കാരനെ തിരിച്ചറിയുന്നതിനാല്‍ നേരിട്ട് കടന്നുപോകാനാകും.

ഏഴു വിമാനത്താവളങ്ങളിലാണ് ആദ്യ ഘട്ടത്തില്‍ പദ്ധതി നടപ്പാക്കുന്നത്. ഇതില്‍ മൂന്ന് വിമാനത്താവളങ്ങളിലാണ് ഇന്നലെ സംവിധാനം നിലവില്‍ വന്നത്. ഡല്‍ഹി, മുംബൈ, വരാണസി വിമാനത്താവളങ്ങളിലാണിത്. ആഭ്യന്തര വിമാന യാത്രക്കാരെ മാത്രമാണ് ആദ്യ ഘട്ടത്തില്‍ ഇത്തരത്തില്‍ അനുവദിക്കുക. പരീക്ഷണം വിജയകരമായാല്‍ മുഴുവന്‍ വിമാനത്താവളങ്ങളിലേക്കും രാജ്യാന്തര യാത്രക്കാര്‍ക്കുമായി പദ്ധതി വ്യാപിപ്പിക്കും.ഹൈദരാബാദ്, കൊല്‍ക്കത്ത, പുനെ, വിജയവാഡ വിമാനത്താവളങ്ങളാണ് ആദ്യഘട്ടത്തില്‍ പദ്ധതി നടപ്പാക്കാന്‍ തിരഞ്ഞെടുത്തിരിക്കുന്നത.് 2023 മാര്‍ച്ചിനു മുമ്പായി ഈ വിമാനത്താവളങ്ങളിലും എഫ്.ആര്‍.ടി നിലവില്‍ വരും.

 

Continue Reading

Trending