Culture
ആരോപണ വിധേയര്, എങ്കിലും ഭരണത്തണലില് ഇവര് സുരക്ഷിതര്
ന്യൂഡല്ഹി: ചില പ്രത്യേക രാഷ്ട്രീയ നേതാക്കള്ക്കെതിരെ മാത്രം മോദി സര്ക്കാറും, കേന്ദ്ര അന്വേഷണ ഏജന്സികളും റെയ്ഡും അന്വേഷണവുമായി മുന്നോട്ടു പോകുമ്പോള് അഴിമതി ആരോപണങ്ങളില് മുങ്ങിക്കിടക്കുന്ന ബി.ജെ.പി നേതാക്കന്മാര് ഭരണ ചക്രം തിരിക്കുന്നു. ഇതോടെ മുന് ആഭ്യന്തര മന്ത്രിയും മുതിര്ന്ന കോണ്ഗ്രസ് നേതാവുമായ പി ചിദംബരത്തിന്റെ അറസ്റ്റ് രാഷ്ട്രീയ വേട്ടയാണെന്ന ആരോപണം കൂടുതല് ശക്തമാകുകയാണ്.
സൊഹ്റാബുദ്ദീന് ഷെയ്ഖ് വ്യാജ ഏറ്റുമുട്ടല് കേസില് ഇപ്പോഴത്തെ ആഭ്യന്തര മന്ത്രിയായ അമിത് ഷായെ സി.ബി.ഐ കൊലക്കുറ്റം ചുമത്തി അറസ്റ്റു ചെയ്യുമ്പോള് അന്ന് കേന്ദ്ര ആഭ്യന്തര മന്ത്രിയായിരുന്നു പി. ചിദംബരം. 2014ല് ഒന്നാം മോദി സര്ക്കാര് വന്നതിന് പിന്നാലെയാണ് രാഷ്ട്രീയ എതിരാളികള്ക്കെതിരെ നിരന്തര റെയ്ഡുകളും അന്വേഷണവും ആരംഭിച്ചത്. അതേ സമയം തന്നെ ബി.ജെ.പി നേതാക്കള്ക്കെതിരായ അഴിമതി കേസുകളില് സര്ക്കാര് മൗനം തുടരുകയുമാണ്. ഇതോടെ മോദി സര്ക്കാറിന്റേത് അഴിമതി വിരുദ്ധ പോരാട്ടമല്ല, രാഷ്ട്രീയ പകപോക്കലാണെന്നത് പകല് പോലെ വ്യക്തവുമാണ്.
മോദി സര്ക്കാറിനെതിരെ നിരവധി അഴിമതി ആരോപണങ്ങള് ഉയര്ന്നിട്ടും ഒന്നില് പോലും അന്വേഷണം നടത്താന് സര്ക്കാര് തയാറാവാത്തതും എടുത്തു പറയേണ്ട വസ്തുതയാണ്. ചിദംബരത്തേക്കാളും ഗുരുതരമായ അഴിമതി ആരോപണം നേരിടുന്ന ബി.ജെ.പി നേതാക്കള്ക്കെതിരെ സി.ബി.ഐയും അന്വേഷണ ഏജന്സികളും മൃതു സമീപനമാണെടുക്കുന്നത്.
ഇത്തരത്തില് അഴിമതി ആരോപണം നേരിടുന്ന പ്രധാന ബി.ജെ.പി നേതാക്കള് ഇവരാണ്.
- യെദിയൂരപ്പ
അഴിമതിക്കേസില് ഒരിക്കല് മുഖ്യമന്ത്രി പദം പോലും നഷ്ടമായ യെദിയൂരപ്പ നിലവില് കര്ണാടക മുഖ്യമന്ത്രിയാണ്. ഇദ്ദേഹത്തിനെതിരെ ഭൂമി കുംഭകോണം, ഖനന അഴിമതി തുടങ്ങിയ കേസുകള് നിലവിലുണ്ട്. ഇതു സംബന്ധിച്ച നിര്ണായക വിവരങ്ങളടങ്ങിയ ഡയറിയും യെദിയൂരപ്പയില് നിന്നും കണ്ടെടുത്തിട്ടുണ്ട്. മുതിര്ന്ന ബി.ജെ.പി നേതാക്കള്ക്കും, ജഡ്ജിമാര്ക്കും, അഭിഭാഷകര്ക്കും പണം നല്കിയതിന്റെ രേഖകള് ഡയറിക്കുറിപ്പുകളില് നിന്നും അന്വേഷണ ഏജന്സികള്ക്ക് ലഭിച്ചിരുന്നു.
എന്നാല് മോദി സര്ക്കാര് വന്നതിന് ശേഷം മിക്ക കേസുകളിലും വെറുതെ വിട്ട യെദിയൂരപ്പക്കെതിരെ സി.ബി.ഐ വര്ഷങ്ങളോളം അന്വേഷണം നടത്തിയിട്ടും വേണ്ടത്ര തെളിവുകള് ഹാജരാക്കാതെ ഒത്തു കളിക്കുകയായിരുന്നു. ഭൂമി കുംഭകോണ കേസില് യെദിയൂരപ്പക്കെതിരായ പരാതി കോടതിയുടെ പരിഗണനയിലുമാണ്. - റെഡ്ഢി
സഹോദരന്മാര്
ബെല്ലാരി സഹോദരന്മാര് എന്നറിയപ്പെടുന്ന റെഡ്ഢി സഹോദരന്മാര്ക്കെതിരെ 16,500 കോടി രൂപയുടെ ഖനി കുംഭകോണ കേസില് അന്വേഷണം നടത്തിയ സി.ബി.ഐ 2018ലെ കര്ണാടക തെരഞ്ഞെടുപ്പിന് തൊട്ടു മുമ്പ് അന്വേഷണം പൊടുന്നനെ അവസാനിപ്പിക്കുകയായിരുന്നു. രാജ്യത്തിന്റെ വന് തോതിലുള്ള സ്വത്ത് അപഹരിക്കപ്പെട്ടിട്ടും മോദി സര്ക്കാര് ബെല്ലാരി സഹോദരന്മാരെ ബി.ജെ.പി നേതാക്കള് എന്ന ഒറ്റ കാരണത്തിലാണ് മുക്തരാക്കിയത്. ഇതിനായി ഇവര്ക്കെതിരെ തെളിവ് നല്കിയ ഫോറസ്റ്റ് സര്വീസ് ഉദ്യോഗസ്ഥനെ സര്വീസില് നിന്നും പിരിച്ചു വിട്ടാണ് മോദി സര്ക്കാര് റെഡ്ഢി സഹോദരന്മാരെ വെളുപ്പിച്ചെടുത്തത്. - ഹിമന്ത ബിശ്വ
ശര്മ
വടക്കു കിഴക്കന് സംസ്ഥാനങ്ങളിലെ അമിത് ഷാ എന്നറിയപ്പെടുന്നു. നേരത്തെ കോണ്ഗ്രസ് നേതാവായിരുന്ന ഇയാള്ക്കെതിരെ നിരവധി അഴിതി ആരോപണങ്ങളാണുള്ളത്. കോണ്ഗ്രസിലായിരുന്ന സമയത്ത് ഹിമന്ത ബിശ്വ ശര്മക്കെതിരെ അഴിമതി ആരോപണങ്ങള് ഉന്നയിച്ചു കൊണ്ട് ബി.ജെ.പി ബുക്കലെറ്റ് തന്നെ ഇറക്കിയിരുന്നു.
ഗുവാഹത്തി ജല വിതരണ കുംഭകോണത്തിലെ മുഖ്യ ആസൂത്രകനായാണ് ഇദ്ദേഹത്തെ ബി.ജെ.പി തന്നെ വിശേഷിപ്പിച്ചിരുന്നത്. അമേരിക്കന് നിര്മാണ കമ്പനിയായ ലൂയിസ് ബെര്ഗറുമായി ചേര്ന്ന് വന് തോതില് വെട്ടിപ്പു നടത്തിയെന്നാണ് ആരോപണം. അജ്ഞാതനായ മന്ത്രിക്ക് കൈക്കൂലി നല്കിയെന്നാരോപിച്ച് അമേരിക്കയില് കമ്പനിക്കെതിരെ കുറ്റപത്രം സമര്പ്പിച്ചിരുന്നു. ബിശ്വ ശര്മയാണ് ഈ മന്ത്രിയെന്ന് പകല് പോലെ വ്യക്തമായിരുന്നു. പക്ഷേ ബി.ജെ.പിയില് ചേര്്ന്നതോടെ ശര്മ സുരക്ഷിതനായി. ശര്മക്കെതിരായ കേസുകളിലെല്ലാം മെല്ലേപോക്ക് നയമായി. പലതും സി.ബി.ഐക്കു പോലും കൈമാറാന് ബി.ജെ.പി സര്ക്കാര് തയാറായതുമില്ല. - ശിവരാജ് സിങ് ചൗഹാന്
വ്യാപം അഴിമതിക്കേസില് മുങ്ങിക്കുളിച്ച മുന് മധ്യപ്രദേശ് മുഖ്യമന്ത്രിയായ ശിവരാജ് സിങിന് മോദി സര്ക്കാര് അധികാരമേറ്റതിന് ശേഷം 2017 ല് സി. ബി. ഐയുടെ ക്ലീന് ചിറ്റ്. മുന് മധ്യപ്രദേശ് മുഖ്യമന്ത്രിയും ബി. ജെ. പിയിലെ സമുന്നതനും. രാജ്യം കണ്ട ഏറ്റവും വലിയ പ്രവേശന പരീക്ഷാ അഴിമതിക്കേസ് നടക്കുന്നതിനിടെ, ഇത് പുറത്തുകൊണ്ടു വന്നവരും സാക്ഷികളും ദുരൂഹ സാഹചര്യത്തില് കൊല്ലപ്പെടുകയും ചെയ്തു.
40ല് അധികം പേരാണ് ഇത്തരത്തില് കൊല്ലപ്പെട്ടത്. ശിവരാജ് സിങ് ചൗഹാന് മറ്റൊരു പാര്ട്ടിയിലാണ് ഇന്ന് പ്രവര്ത്തിച്ചിരുന്നതെങ്കില് അദ്ദേഹത്തിന് കേസും കോടതിയും കഴിഞ്ഞ് ഒരിടവേള പോലും ലഭിക്കുമായിരുന്നില്ല. - മുകുള് റോയ്
ശാരദ ചിട്ടി തട്ടിപ്പില് ഏറ്റവും കൂടുതല് ആരോപണ വിധേയനായ മുന് തൃണമൂല് നേതാവ്. പശ്ചിമബംഗാളില് ബി.ജെ.പിയെ വളര്ത്താന് കിട്ടിയ കച്ചിത്തുരുമ്പ്. നാരദ സ്റ്റിങ് ഓപ്പറേഷനില് പെട്ട് പ്രതിക്കൂട്ടിലായിരുന്നു. ഇതെല്ലാം നേരിട്ടുകൊണ്ടിരിക്കെ, ബി.ജെ.പിയില് ചേര്ന്നു. ശേഷം ഇദ്ദേഹത്തിനെതിരായ എല്ലാം കേസുകളും ഒതുക്കി. - രമേശ്
പൊഖ്റിയാല്
കേന്ദ്ര മാനവ വിഭവ ശേഷി വികസന മന്ത്രി. ഉത്തരാഖണ്ഡ് മുഖ്യമന്ത്രിയായിരിക്കെ, രണ്ട് വന് അഴിമതിക്കേസുകളുടെ കേന്ദ്രം. അഴിമതി ആരോപണത്തില് മുങ്ങിക്കുളിച്ചതിനെ തുടര്ന്ന് 2011 ല് രാജിവച്ചു. എന്നാല് സി. ബി.ഐയോ സംസ്ഥാന സര്ക്കാരോ അദ്ദേഹത്തിന്റെ കേസില് തൊട്ടില്ല. അഴിമതിക്കേസി ല് അന്വേഷണമില്ലെന്നു മാത്രമല്ല, മോദി സര്ക്കാരില് സുപ്രധാന വകുപ്പ് കൂടി കൈകാര്യം ചെയ്യുകയാണ് അദ്ദേഹം. - നാരായണ് റാണെ
മുന് മഹാരാഷ്ട്ര മുഖ്യമന്ത്രിയും കോണ്ഗ്രസ് നേതാവുമായിരുന്ന നാരായണ് റാണെക്കെതിരെ നിരവധിയായ അഴിമതിക്കേസും തട്ടിപ്പുകേസുകളും നിലവിലുണ്ട്.
കഴിഞ്ഞ വര്ഷം ബി.ജെ.പിയില് ചേര്ന്ന റാണെ നിലവില് ബി.ജെ.പിയുടെ രാജ്യസഭാംഗമാണ്. സി.ബി.ഐയോ, ഇ.ഡിയോ ഇദ്ദേഹത്തിനെതിരെ ഒരു തരത്തിലുള്ള റെയ്ഡോ, അന്വേഷണമോ ഇപ്പോള് നടത്തുന്നില്ല. ഭൂമി തട്ടിപ്പ് കുംഭകോണം, പണാപഹരണം എന്നീ കേസുകളില് ഗുരുതരമായ ആരോപണമാണ് റാണെക്കെതിരെയുള്ളത്.
entertainment
മിഷന് 90 ഡേയ്സ് സിനിമ ചിത്രീകരണത്തിനിടെ മമ്മൂട്ടിയും മേജര് രവിയും തമ്മില് തര്ക്കം; നിര്മ്മാതാവിന്റെ വെളിപ്പെടുത്തല്
ചിത്രീകരണ സമയത്ത് നടന്ന വലിയ തര്ക്കത്തെ കുറിച്ച് നിര്മ്മാതാവ് ശശി അയ്യന്ചിറ വെളിപ്പെടുത്തി.
മമ്മൂട്ടിയെ നായകനാക്കി മേജര് രവി സംവിധാനം ചെയ്ത മിഷന് 90 ഡേയ്സ് എന്ന ചിത്രത്തിന്റെ ചിത്രീകരണ സമയത്ത് നടന്ന വലിയ തര്ക്കത്തെ കുറിച്ച് നിര്മ്മാതാവ് ശശി അയ്യന്ചിറ വെളിപ്പെടുത്തി. ചിത്രീകരണം പൂര്ത്തിയാകാന് വെറും ഏഴ് ദിവസം മാത്രമുണ്ടായിരുന്നു. അപ്പോഴാണ് മമ്മൂട്ടിയും മേജര് രവിയും തമ്മില് വാക്കുതര്ക്കം ഉണ്ടായത്. മേജര് രവി സംസാരിക്കുന്ന രീതിയില് മമ്മൂട്ടിക്ക് അസൗകര്യം തോന്നിയതോടെ, ‘ഞാന് നിങ്ങളുടെ സിനിമയില് അഭിനയിക്കില്ല’ എന്ന് മമ്മൂട്ടി പറഞ്ഞുവെന്നാണ് ശശി അയ്യന്ചിറ പറയുന്നത്. ഇതിന് മറുപടിയായി ‘പിന്നെ ഞാന് ഈ സിനിമ സംവിധാനം ചെയ്യില്ല’ എന്നും മേജര് രവി പ്രഖ്യാപിച്ചു. സ്ഥിതി തീര്ത്തും ഗുരുതരമായപ്പോള്, കണ്ട്രോളര് നിര്മ്മാതാവിനെ വിളിച്ചു. ഇരുവരും പിന്മാറുമെന്ന് പ്രഖ്യാപിച്ച സാഹചര്യത്തില് ശശി അയ്യന്ചിറ ശാന്തമായി, ‘മമ്മൂക്ക അഭിനയിക്കണ്ട, മേജര് സാര് സംവിധാനം ചെയ്യണ്ട’ ഞാന് നോക്കിക്കോളാം എന്ന നിലപാടാണ് എടുത്തത്. ഇത് കഴിഞ്ഞ്, അദ്ദേഹം ഇരുവരുടെയും കൈ പിടിച്ച് ഒരു മുറിയിലേക്ക് കൊണ്ടുപോയി കതക് അടച്ചു. വെറും അഞ്ച് മിനിറ്റിനുള്ളില് തന്നെ എല്ലാ പ്രശ്നങ്ങളും പരിഹരിച്ചതായി അദ്ദേഹം പറയുന്നു. തുടര്ന്ന് മൂവരും ചിരിച്ചുകൊണ്ട് മുറിയില് നിന്ന് പുറത്തിറങ്ങുകയും, ‘എന്നാ തുടങ്ങാം’ എന്ന് മമ്മൂട്ടി മേജര് രവിയോടു പറയുകയും ചെയ്തതായാണ് വെളിപ്പെടുത്തല്. മലയാള സിനിമയില് ഏറ്റവും കൃത്യവും സമയനിയമനമുള്ള നടന് മമ്മൂട്ടിയാണെന്നും, ചെറിയ വിഷമങ്ങള് വന്നാലും അത് കൈകാര്യം ചെയ്താല് മതി എന്നും ശശി അയ്യന്ചിറ അഭിമുഖത്തില് പറഞ്ഞു. മിഷന് 90 ഡേയ്സ് ബോക്സ് ഓഫീസില് വലിയ വിജയം നേടിയില്ലെങ്കിലും ചിത്രത്തിന്റെ ലൊക്കേഷന് ഓര്മ്മകളില് ഈ സംഭവത്തിന് പ്രത്യേക സ്ഥാനമുണ്ട്.
kerala
ശബരിമല സ്വര്ണക്കൊള്ള സിപിഎമ്മിന്റെ അറിവോടെ, ഇനി ചോദ്യം ചെയ്യേണ്ടത് കടകംപള്ളി സുരേന്ദ്രനെയെന്ന് വി.ഡി സതീശന്
ക്ഷേത്രം കൊള്ളയടിച്ച നേതാക്കള് ഒരോരുത്തരും ജയിലേക്ക് പോകുന്ന ഘോഷയാത്രയാണ് കാണുന്നതെന്നും വി ഡി സതീശന് പറഞ്ഞു.
ശബരിമല സ്വര്ണക്കൊള്ളയില് സി.പി.എം നേതാവും ദേവസ്വം ബോര്ഡ് പ്രസിഡന്റും എം.എല്.എയുമായിരുന്ന പത്മകുമാറിന്റെ അറസ്റ്റോടെ കേരളം അമ്പരന്നു നില്ക്കുകയാണെന്ന് പ്രതിപക്ഷ നേതാവ് വി ഡി സതീശന്. ക്ഷേത്രം കൊള്ളയടിച്ച നേതാക്കള് ഒരോരുത്തരും ജയിലേക്ക് പോകുന്ന ഘോഷയാത്രയാണ് കാണുന്നതെന്നും വി ഡി സതീശന് പറഞ്ഞു.
ശബരിമല സ്വര്ണക്കൊള്ള നടന്നത് സിപിഎമ്മിന്റെ അറിവോടെയാണെന്നെന്നും സതീശന് പറഞ്ഞു. കടകംപള്ളി സുരേന്ദ്രനെയാണ് ഇനി ചോദ്യം ചെയ്യേണ്ടതെന്നും മന്ത്രി വാസവനും അറിവുണ്ടെന്നും വി.ഡി സതീശന് പറഞ്ഞു.
ശബരിമല സ്വര്ണക്കൊള്ളയില് മുഖ്യമന്ത്രി പിണറായി വിജയന് എന്തുകൊണ്ട് മൗനം പാലിക്കുന്നു. സ്വന്തം നേതാക്കള് ജയിലിലേക്ക് പോകുമ്പോള് പാര്ട്ടിക്ക് ഒരു കുഴപ്പവുമില്ലെന്ന് പറയാന് എം.വി ഗോവിന്ദന് മാത്രമേ കഴിയൂവെന്നും വി.ഡി സതീശന് പരിഹസിച്ചു. എന്തുകൊണ്ട് ദേവസ്വം ബോര്ഡ് പോറ്റിക്കെതിരെ പരാതി നല്കിയില്ലെന്നും പോറ്റി കുടുങ്ങിയാല് പലരും കുടുങ്ങും എന്ന് സിപിഎമ്മിന് അറിയാമായിരുന്നുവെന്നും അദ്ദേഹം കൂട്ടിച്ചേര്ത്തു.
Film
‘ഹനുമാനെ വിശ്വസിക്കുന്നില്ല’; രാജമൗലിയുടെ പ്രസ്താവനയില് പരാതി
ഹിന്ദു വികാരങ്ങളെ വൃണപ്പെടുത്തിയതാണെന്നാരോപിച്ച് വാരണസി സെന സംഘടന രാജമൗലിക്കെതിരെ പൊലീസ് പരാതി നല്കിയിട്ടുണ്ട്
വാരണസി: ചലച്ചിത്ര സംവിധായകന് എസ്.എസ്. രാജമൗലി നടത്തിയ പ്രസ്താവന വിവാദത്തില്. വരാനിരിക്കുന്ന ‘വാരണസി’ എന്ന ചിത്രത്തിന്റെ ടീസര് ലോഞ്ച് ചടങ്ങില്’ എനിക്ക് ദൈവമായ ഹനുമാനില് വിശ്വാസമില്ല’ എന്ന രാജമൗലിയുടെ വാക്കുകളാണ് വിവാദത്തിന് ഇടയായത്. ഈ പ്രസ്താവന ഹിന്ദു വികാരങ്ങളെ വൃണപ്പെടുത്തിയതാണെന്നാരോപിച്ച് വാരണസി സെന സംഘടന രാജമൗലിക്കെതിരെ പൊലീസ് പരാതി നല്കിയിട്ടുണ്ട്. ഹൈദരാബാദിലെ രാമോജി ഫിലിം സിറ്റിയില് നവംബര് 15ന് നടന്ന ‘ Globe Trotter ‘ എന്നാണ് ഇവന്റ്.
ലോകത്തിന്റെ വിവിധ ഭാഗങ്ങളില് നിന്ന് ആയിരക്കണക്കിന് ആളുകള് പങ്കെടുത്ത വന് വേദിയില് ചിത്രത്തിന്റെ ടീസറും ‘കുംബ’ എന്ന ടൈറ്റിലും പുറത്തിറക്കിയിരുന്നു. സാങ്കേതിക പ്രശ്നങ്ങള് നേരിട്ട സമയത്താണ് രാജമൗലി വിവാദമായി മാറിയ പ്രസ്താവന നടത്തിയതെന്ന് പരാതിയില് ചൂണ്ടിക്കാണിക്കുന്നു. ‘സംവിധായകന് രാജമൗലി ഹിന്ദു മതവികാരങ്ങളെ വൃണപ്പെടുത്തി എന്നാരോപിച്ച് പരാതി ലഭിച്ചിട്ടുണ്ട്. ഇതുവരെ കേസായി രജിസ്റ്റര് ചെയ്തിട്ടില്ല.
സംഭവത്തിന്റെ നിജസ്ഥിതി പരിശോധിച്ചു വരുന്നു’ എന്ന് വാരണസി പൊലീസിന്റെ വക്താവ് അറിയിച്ചു. ചടങ്ങില് പ്രധാന താരങ്ങള് ആയിരുന്ന മഹേഷ് ബാബു, പൃഥ്വിരാജ് സുകുമാരന്, പ്രിയങ്ക ചോപ്ര എന്നിവരുടെ സാന്നിധ്യം ഇവന്റിനെ ദേശീയ തലത്തില് തന്നെ ശ്രദ്ധേയമാക്കി. ചിത്രത്തില് പ്രിയങ്ക ചോപ്ര മന്ദാകിനിയായി, പൃഥ്വിരാജ് സുകുമാരന് കുംബയായി പ്രത്യക്ഷപ്പെടും. 2027ലെ സങ്ക്രാന്തി റിലീസിനായി ‘വാരണസി’ ഒരുക്കപ്പെടുന്നുണ്ട്. എന്നാല് ചിത്രത്തെക്കാള് വലിയ ചര്ച്ചയാകുന്നത് സംവിധായകന്റെ പ്രസ്താവനയും അതിനുശേഷം ഉയര്ന്ന പ്രതിഷേധങ്ങളുമാണ്.
-
world2 days agoയു കെ പ്രവിസികളുടെ കരുത്തും കരുതലും -ബ്രിട്ടൻ കെഎംസിസി
-
News18 hours agoഇത്യോപ്യയില് അഗ്നിപര്വ്വത സ്ഫോടനം; കണ്ണൂർ-അബൂദബി വിമാനം വഴിതിരിച്ചുവിട്ടു, കൊച്ചിയിൽ നിന്നുള്ള രണ്ടുവിമാനങ്ങൾ റദ്ദാക്കി
-
kerala2 days ago‘ഓരോ ഹിന്ദു സഖാവും ഇത് ഉറക്കെ ചോദിക്കണം’; പാലത്തായി കേസിൽ വർഗീയ പരാമർശം നടത്തിയ സിപിഎം നേതാവിനെ പിന്തുണച്ച് കെ.പി ശശികല
-
world3 days agoക്യൂബയ്ക്കെതിരായ സാമ്പത്തിക ഉപരോധം പിന്വലിക്കണം: യു.എന്
-
kerala21 hours agoശബരിമലയില് നിന്ന് ഡ്യൂട്ടി കഴിഞ്ഞ് വാ..; സി.പി.ഒയെ ഭീഷണിപ്പെടുത്തിയ പൊലീസ് അസോ. ജില്ല സെക്രട്ടറിക്ക് സസ്പെന്ഷന്
-
Health2 days agoബിഹാറിലെ അമ്മമാരുടെ മുലപ്പാലിൽ യുറേനിയം; ശിശുക്കൾക്ക് ഗുരുതര ആരോഗ്യപ്രശ്നങ്ങൾ ഉണ്ടാക്കുമെന്ന് പഠനം
-
kerala20 hours agoവന്നത് ആളൂരിനെ കാണാന്, മരിച്ചത് അറിയില്ലായിരുന്നു; കുപ്രസിദ്ധ മോഷ്ടാവ് ബണ്ടി ചോറിനെ വിട്ടയച്ചു
-
kerala19 hours agoമോഷണത്തിന് ശ്രമിച്ച പ്രായപൂര്ത്തിയാകാത്ത കുട്ടികളെ ക്രൂരമായി മര്ദിച്ചു; രണ്ട് പേര് പിടിയില്