gulf
ബെയ്റൂട്ട് സ്ഫോടനത്തില് കാഴ്ച നഷ്ടപ്പെട്ട ബാലികയ്ക്ക് കൃത്രിമ കണ്ണ് നല്കി യുഎഇ
മകളുടെ കാഴ്ച തിരികെ ലഭിച്ചതിനും ചികിത്സാചെലവ് വഹിച്ചതിനും സമയുടെ കുടുംബം യു.എ.ഇയോട് നന്ദി അറിയിച്ചു
അബുദാബി: ബെയ്റൂട്ട് സ്ഫോടനത്തില് കാഴ്ച നഷ്ടപ്പെട്ട ബാലികയ്ക്ക് കൃത്രിമ കണ്ണ് നല്കി യുഎഇ. സിറിയന് സ്വദേശിനിയായ സമ എന്ന അഞ്ചുവയസുകാരിയ്ക്കാണ് യുഎഇ കൃത്രിമ കണ്ണ് വച്ച് നല്കിയത്.
ബെയ്റൂത്തിലുണ്ടായ സ്ഫോടനത്തെ തുടര്ന്ന് വീട്ടിലെ ജനല്ചില്ലുകള് തകര്ന്ന് സമയുടെ കണ്ണിലേക്ക് തുളച്ചുകയറുകയായിരുന്നു. തുടര്ന്ന് കാഴ്ച നഷ്ടപ്പെട്ട സമയ്ക്ക് ജനറല് വിമന്സ് യൂണിയന് ചെയര്പേഴ്സണും സുപ്രിം കൗണ്സില് ഫോര് മദര്ഹുഡ് ആന്ഡ് ചൈല്ഡ്ഹുഡ് പ്രസിഡന്റും ഫാമിലി ഡെവലപ്മെന്റ് ഫൗണ്ടേഷന് സുപ്രിം ചെയര്വുമണുമായ ശൈഖ ഫാത്തിമ ബിന്ത് മുബാറക്കിന്റെ ഇടപെടലിനെ തുടര്ന്നാണ് കാഴ്ച തിരിച്ചു കിട്ടിയത്.
മകളുടെ കാഴ്ച തിരികെ ലഭിച്ചതിനും ചികിത്സാചെലവ് വഹിച്ചതിനും സമയുടെ കുടുംബം യു.എ.ഇയോട് നന്ദി അറിയിച്ചു.
gulf
ഒമാനില് അപകടം: ട്രക്കുകള് കൂട്ടിയിടിച്ച് രണ്ട് ഏഷ്യന് പൗരന്മാര് മരിച്ചു, നിരവധി പേര്ക്ക് പരിക്ക്
സുല്ത്താന് തുവൈനി ബിന് സഈദ് റോഡിലെ ബിദ്ബിദ്-ഷര്ഖിയ പാലത്തിനടിയിലായിരുന്നു അപകടം
മസ്കത്ത്: ഒമാനിലെ ഷര്ഖിയ ഗവര്ണറേറ്റിലെ ബിദിയയില് നടന്ന ട്രക്ക് കൂട്ടിയിടിയില് രണ്ട് ഏഷ്യന് പൗരന്മാര് ദുരുദേഹിതരായി. സുല്ത്താന് തുവൈനി ബിന് സഈദ് റോഡിലെ ബിദ്ബിദ്-ഷര്ഖിയ പാലത്തിനടിയിലായിരുന്നു അപകടം. നിസ്വ-മസ്കത്ത് റൂട്ടിലുണ്ടായ അപകടത്തില് അതേ റോഡില് സഞ്ചരിച്ചിരുന്ന അഞ്ച് വാഹനങ്ങള് കൂടി തകര്ന്നു.
അപകടത്തെ തുടര്ന്ന് രണ്ട് ഏഷ്യന് പൗരന്മാര് മരിച്ചു, നിരവധി പേര്ക്ക് പരിക്കേറ്റതായും പരിക്കേറ്റവരെ സമീപത്തെ ആശുപത്രികളിലേക്ക് മാറ്റിയതായും റോയല് ഒമാന് പൊലീസ് (ROP) അറിയിച്ചു. സ്ഥലത്തെ ഗതാഗതം അധികാരികള് തിരിച്ചുവിട്ടിട്ടുണ്ട്. സംഭവത്തില് കൂടുതല് അന്വേഷണം തുടരുകയാണ്.
gulf
ഒരുമാസത്തിനിടെ 1.39 കോടി പേര് ഉംറ നിര്വഹിച്ചു: ഹജ്-ഉംറ മന്ത്രാലയം
ഇതില് 17 ലക്ഷത്തിലേറെ പേര് രാജ്യാന്തര തീര്ഥാടകരാണ്.
മക്ക: കഴിഞ്ഞ ഒരുമാസത്തിനിടെ 1.39 കോടിയിലധികം വിശ്വാസികള് ഉംറ നിര്വഹിച്ചതായി ഹജ്-ഉംറ മന്ത്രാലയം അറിയിച്ചു. ഇതില് 17 ലക്ഷത്തിലേറെ പേര് രാജ്യാന്തര തീര്ഥാടകരാണ്. ശേഷിക്കുന്നവര് സൗദി സ്വദേശികളെയും സൗദിയില് താമസിക്കുന്ന വിദേശികളെയും ഉള്പ്പെടുന്ന ആഭ്യന്തര തീര്ഥാടകര്. ഒരു വ്യക്തി ഒരിലധികം തവണ ഉംറ നിര്വഹിച്ചിട്ടുണ്ടെങ്കില് അതും മൊത്തം കണക്കില് ഉള്പ്പെടുത്തിയിട്ടുണ്ടെന്ന് മന്ത്രാലയം വ്യക്തമാക്കിയിട്ടുണ്ട്.
gulf
കളഞ്ഞുകിട്ടിയ പണം കൈമാറി; സമൂഹബോധം തെളിയിച്ച ബാലികക്ക് അഭിനന്ദനം
വഴിയില് കണ്ടെത്തിയ പണം സുരക്ഷിതമായി കൈമാറുന്നതിനായി മൂത്ത സഹോദരിയുടെ സഹായം തേടിയ ഷൈമ എന്ന ബാലിക മുശരീഫ് പൊലീസ് സ്റ്റേഷനില് തന്നെയാണ് പണം ഏല്പിച്ചത്.
അജ്മാന്: പൊതുസ്ഥലത്ത് കളഞ്ഞുകിടന്ന പണം കണ്ടെത്തി പൊലീസിന് ഏല്പിച്ച ബാലികയെ അജ്മാന് പൊലീസ് ആദരിച്ചു. വഴിയില് കണ്ടെത്തിയ പണം സുരക്ഷിതമായി കൈമാറുന്നതിനായി മൂത്ത സഹോദരിയുടെ സഹായം തേടിയ ഷൈമ എന്ന ബാലിക മുശരീഫ് പൊലീസ് സ്റ്റേഷനില് തന്നെയാണ് പണം ഏല്പിച്ചത്.
കുട്ടിയുടെ സത്യസന്ധതയും ഉത്തരവാദിത്വബോധവും പ്രശംസിച്ച് ബ്രിഗേഡിയര് ജനറല് അല് മുഹൈരി അഭിനന്ദനം അറിയിച്ചു. പിതാവടക്കമുള്ള കുടുംബാംഗങ്ങളുടെ സാന്നിധ്യത്തില് പൊലീസ് ഷൈമയ്ക്ക് അഭിനന്ദന സര്ട്ടിഫിക്കറ്റും സമ്മാനവും നല്കി. കുട്ടികളില് മൂല്യബോധം വളര്ത്തുന്നതിനുള്ള കുടുംബത്തിന്റെ പങ്ക് പ്രശംസനീയമാണെന്നും, സമൂഹത്തിലെ പൊതുസ്വത്ത് സംരക്ഷണവും നഷ്ടപ്പെട്ട വസ്തുക്കള് തിരികെ നല്കുന്ന സംസ്കാരവും പ്രോത്സാഹിപ്പിക്കുന്ന മാതൃകാപരമായ പെരുമാറ്റമാണിതെന്ന് അല് മുഹൈരി പറഞ്ഞു.
-
india2 days ago‘ബിഹാർ തെരഞ്ഞെടുപ്പിൽ വൻ അഴിമതിയും ക്രമക്കേടും’; തെളിവുകൾ പുറത്തുവിട്ട് ധ്രുവ് റാഠി
-
Environment2 days agoആകാശഗംഗയെക്കാള് നാലിരട്ടി വലുപ്പമുള്ള ഭീമന് നെബുല കണ്ടെത്തി; മലപ്പുറം സ്വദേശിനി ഡോ. രഹന പയ്യശ്ശേരി ശാസ്ത്രലോകത്തെ വിസ്മയിപ്പിച്ചു
-
india2 days ago‘ബിജെപിയും തെരഞ്ഞെടുപ്പ് കമ്മീഷനും ചേർന്ന് വോട്ടെടുപ്പിനെ ഹൈജാക്ക് ചെയ്യുന്നു’; എസ്ഐആറിനെതിരെ അഖിലേഷ് യാദവ്
-
india2 days agoആധാർ ജനന രേഖയായി കണക്കാക്കാനാവില്ല; പുതിയ നടപടിയുമായി മഹാരാഷ്ട്രയും ഉത്തർപ്രദേശും
-
india2 days ago‘പൗരത്വം നിര്ണ്ണയിക്കാന് ബിഎല്ഒയ്ക്ക് അധികാരമില്ല’; സുപ്രീംകോടതിയോട് സിബലും സിങ്വിയും
-
kerala3 days agoലേബര് കോഡും പിഎം ശ്രീ പോലെ എല്ഡിഎഫിലറിയിക്കാതെ ഒളിച്ചുകടത്തി; വി.ഡി സതീശന്
-
kerala22 hours agoകൊയിലാണ്ടി എംഎല്എ കാനത്തില് ജമീല അന്തരിച്ചു
-
kerala23 hours agoകോഴിക്കോട് ബസ് സ്കൂട്ടറില് ഇടിച്ച് വിദ്യാര്ഥിനി മരിച്ചു