തിരുവനന്തപുരം: സംസ്ഥാനത്ത് ഇത്തവണ കാലവര്‍ഷം കൂടുതലായേക്കാം എന്ന് കേന്ദ്ര കാലാവസ്ഥാ വകുപ്പ് അറിയിച്ചു. ശനിയാഴ്ച്ച വരെ അതിശക്തമായ മഴയ്ക്ക് സാധ്യതയുണ്ട്. ബംഗാള്‍ ഉള്‍ക്കടല്‍ മറ്റൊരു ന്യൂനമര്‍ദം കൂടി രൂപപ്പെടുകയും പടിഞ്ഞാറന്‍ കാറ്റ് കേരളത്തിന് മുകളില്‍ ശക്തിപ്രാപിക്കാനും സാധ്യതയുള്ളതിനാല്‍ അതിതീവ്ര മഴയ്ക്ക് സാധ്യതയുണ്ടെന്നാണ് അറിയിച്ചത്.

ഇന്ന് കോഴിക്കോട് വയനാട് ജില്ലകള്‍ക്കും വ്യാഴാഴ്ച്ച പത്തനംതിട്ട, ഇടുക്കി, കണ്ണൂര്‍, കാസര്‍ഗോഡ് ജില്ലകള്‍ക്കും റെഡ് അലര്‍ട്ട് പ്രഖ്യാപിച്ചു. ഇന്ന് പത്തനംതിട്ട, കോട്ടയം, എറണാകുളം, ഇടുക്കി, തൃശ്ശൂര്‍, പാലക്കാട്, മലപ്പുറം, കണ്ണൂര്‍, കാസര്‍ഗോഡ് ജില്ലകളില്‍ ഓറഞ്ച് അലര്‍ട്ട് പ്രഖ്യാപിച്ചിട്ടിണ്ട്.

ലോകമെമ്പാടുമുള്ള എംബസികളില്‍ പുതിയ സ്റ്റുഡന്റ് വിസ ഇന്റര്‍വ്യൂ ഷെഡ്യൂള്‍ ചെയ്യുന്നത് അമേരിക്ക താല്‍ക്കാലികമായി നിര്‍ത്തിവച്ചു. നേരത്തെ ബുക്ക് ചെയ്തിട്ടുള്ള അഭിമുഖങ്ങള്‍ ആസൂത്രണം ചെയ്തതുപോലെ തുടരും.

‘ഉടന്‍ പ്രാബല്യത്തില്‍, ആവശ്യമായ സോഷ്യല്‍ മീഡിയ സ്‌ക്രീനിംഗിന്റെയും വെറ്റിംഗിന്റെയും വിപുലീകരണത്തിനുള്ള തയ്യാറെടുപ്പിനായി, കൂടുതല്‍ മാര്‍ഗ്ഗനിര്‍ദ്ദേശം പുറപ്പെടുവിക്കുന്നതുവരെ കോണ്‍സുലാര്‍ വിഭാഗങ്ങള്‍ അധിക വിദ്യാര്‍ത്ഥികളെയോ എക്‌സ്‌ചേഞ്ച് സന്ദര്‍ശകരെയോ (എഫ്, എം, ജെ) വിസ അപ്പോയിന്റ്‌മെന്റ് ശേഷി ചേര്‍ക്കരുത്,” റൂബിയോ എഴുതി.

ദേശീയ സുരക്ഷയ്ക്കെതിരായ ഭീഷണികളും കാമ്പസ് അശാന്തിയെ ചുറ്റിപ്പറ്റിയുള്ള ആശങ്കകളും ചൂണ്ടിക്കാട്ടി ഭരണകൂടം വിദേശ വിദ്യാര്‍ത്ഥികള്‍ക്കുള്ള പ്രവേശന നിയമങ്ങള്‍ കര്‍ശനമാക്കുന്നതിനിടെയാണ് ഏറ്റവും പുതിയ നീക്കം.

കര്‍ശനമായ സമീപനത്തെക്കുറിച്ച് റൂബിയോയില്‍ നിന്ന് നേരത്തെയുള്ള സൂചനകള്‍ക്കിടയിലാണ് പെട്ടെന്നുള്ള നീക്കം. മാര്‍ച്ചില്‍, പഠിക്കാനല്ല, പ്രതിഷേധത്തില്‍ ഏര്‍പ്പെടാനാണ് യുഎസിലേക്ക് വരുന്നതെന്ന് അവകാശപ്പെട്ട വിദ്യാര്‍ത്ഥികളെ അദ്ദേഹം പരാമര്‍ശിച്ചു.

ഏകദേശം 100 മില്യണ്‍ ഡോളര്‍ മൂല്യമുള്ള ഹാര്‍വാര്‍ഡുമായുള്ള എല്ലാ ഫെഡറല്‍ കരാറുകളും പിന്‍വലിക്കുമെന്ന് ഭരണകൂടം ഭീഷണിപ്പെടുത്തിയിട്ടുണ്ട്. യൂണിവേഴ്‌സിറ്റിയില്‍ നിന്ന് കോടിക്കണക്കിന് ഗ്രാന്റ് പണം തിരിച്ചുവിടുമെന്ന് പ്രസിഡന്റ് ട്രംപും മുന്നറിയിപ്പ് നല്‍കി.

കൊച്ചി തീരത്ത് പുറംകടലില്‍ ലൈബീരിയന്‍ കപ്പല്‍ മുങ്ങി താഴ്ന്ന് മൂന്ന് ദിവസം പിന്നിട്ടിട്ടും കപ്പലില്‍ നിന്ന് കടലിലേക്ക് വീണ 13 കണ്ടെയ്‌നറിനകത്ത് എന്താണെന്ന് വ്യക്തത വരുത്താതെ അധികൃതര്‍. കപ്പലിലെ 643 കണ്ടെയ്‌നറുകളില്‍ 13 എണ്ണം അപകടകരമായ കാര്‍ഗോകളും 12 എണ്ണം കാല്‍സ്യം കാര്‍ബൈഡും ആണെന്നാണ് കോസ്റ്റ് ഗാര്‍ഡ് നല്‍കുന്ന വിവരം. അതേസമയം അപകടകരമായ കണ്ടെയ്‌നറില്‍ എന്താണ് ഉള്ളതെന്ന കാര്യത്തില്‍ മെഡിറ്ററേനിയന്‍ ഷിപ്പിങ് കമ്പനിയില്‍ നിന്നോ എംഎസ്സി എല്‍സ മൂന്നിന്റെ ഉടമകളില്‍ നിന്നോ, തുറമുഖ അധികൃതരില്‍ നിന്നോ, കസ്റ്റംസ് വകുപ്പില്‍ നിന്നോ തൃപ്തികരമായ വിശദീകരണം ലഭിക്കാത്തത് ദുരൂഹത വര്‍ദ്ധിപ്പിക്കുകയാണ്.

‘കോസ്റ്റ് ഗാര്‍ഡിന്റെ വേഗത്തിലുള്ള നടപടി എണ്ണ ചോര്‍ച്ച നിയന്ത്രിക്കാന്‍ സഹായിച്ചു. കാല്‍സ്യം കാര്‍ബൈഡിന്റെ മലിനീകരണവും പാരിസ്ഥിതിക ആഘാതവും ഏതാനും നോട്ടിക്കല്‍ മൈലുകളില്‍ മാത്രമായി പരിമിതപ്പെടുത്തുമെന്നും കടല്‍ പ്രക്ഷുബ്ധമാകുന്നതിനാല്‍ അത് അലിഞ്ഞുപോകുമെന്നും വിദഗ്ദ്ധര്‍ പറഞ്ഞു. എന്നാലും അപകടകരമായ ചരക്കുകള്‍ വഹിക്കുന്ന 13 കണ്ടെയ്‌നറുകളെക്കുറിച്ച് ഒരു വിവരവുമില്ല. സംശയങ്ങള്‍ ദൂരീകരിക്കുകയും ഉപജീവനമാര്‍ഗ്ഗത്തെക്കുറിച്ച് ആശങ്കാകുലരായ മത്സ്യത്തൊഴിലാളികളെ ബോധ്യപ്പെടുത്തുകയും ചെയ്യേണ്ടത് ഷിപ്പിംഗ് ഡയറക്ടര്‍ ജനറലിന്റെ (ഡിജി) ഉത്തരവാദിത്തമാണ്, -‘ഫിഷറീസ് വകുപ്പ് ഉദ്യോഗസ്ഥന്‍ പറഞ്ഞു.

കൊച്ചിയിലെ മെര്‍ക്കന്റൈല്‍ മറൈന്‍ ഡിപ്പാര്‍ട്ട്‌മെന്റ് (എംഎംഡി) ഉദ്യോഗസ്ഥര്‍ ചൊവ്വാഴ്ച ഷിപ്പിങ് സ്ഥാപനത്തിന്റെ പ്രതിനിധികളുമായി ചര്‍ച്ച നടത്തുകയും കപ്പലിലെ മുഴുവന്‍ ചരക്കുകളുടെയും വിവരങ്ങള്‍ അടങ്ങിയ കാര്‍ഗോ മാനിഫെസ്റ്റ് ആവശ്യപ്പെടുകയും ചെയ്തു. മുങ്ങിയ കപ്പലിന്റെ ക്യാപ്റ്റന്റെ മൊഴിയും അവര്‍ രേഖപ്പെടുത്തി. ഡിജി ഷിപ്പിംഗിന്റെ ഓഫീസിലെ ഉദ്യോഗസ്ഥരും ചൊവ്വാഴ്ച കൊച്ചിയിലെത്തിയിരുന്നു. ബുധനാഴ്ച രാവിലെ സംസ്ഥാന സര്‍ക്കാരുമായും ഇന്ത്യന്‍ നാവികസേനയുടെയും കോസ്റ്റ് ഗാര്‍ഡിന്റെയും ഉന്നതരുമായും മെര്‍ക്കന്റൈല്‍ മറൈന്‍ ഡിപ്പാര്‍ട്ട്‌മെന്റ് ഉദ്യോഗസ്ഥര്‍ കൂടിക്കാഴ്ച നടത്തും.