tech
വോഡഫോണ്ഐഡിയ വിട്ടത് 7.68 കോടി ഉപയോക്താക്കള്, നേട്ടം കൊയ്ത് എയര്ടെല്
എയര്ടെലും ജിയോയും വന് മുന്നേറ്റം നടത്തിയപ്പോള് ലക്ഷക്കണക്കിന് വരിക്കാരെയാണ് വോഡഫോണ് ഐഡിയക്ക് നഷ്ടപ്പെട്ടത്. ഒരു വര്ഷം കൊണ്ട് വോഡഫോണ് ഐഡിയക്ക് നഷ്ടപ്പെട്ടത് 7.68 കോടി വരിക്കാരെയാണ്
രാജ്യത്തെ മൊത്തം വയര്ലെസ് വരിക്കാരുടെ എണ്ണം ഏപ്രില്-ജൂണ് പാദത്തിലെ 1,140.71 ദശലക്ഷത്തില് നിന്ന് ജൂലൈ-സെപ്റ്റംബര് പാദത്തിന്റെ അവസാനത്തില് 148.58 ദശലക്ഷമായി ഉയര്ന്നു. ജൂലൈ-സെപ്റ്റംബര് പാദത്തില് ഏറ്റവും നഷ്ടം നേരിട്ട കമ്പനി വോഡഫോണ് ഐഡിയയാണ്. എയര്ടെലും ജിയോയും വന് മുന്നേറ്റം നടത്തിയപ്പോള് ലക്ഷക്കണക്കിന് വരിക്കാരെയാണ് വോഡഫോണ് ഐഡിയക്ക് നഷ്ടപ്പെട്ടത്. ഒരു വര്ഷം കൊണ്ട് വോഡഫോണ് ഐഡിയക്ക് നഷ്ടപ്പെട്ടത് 7.68 കോടി വരിക്കാരെയാണ്.
ടെലിഫോണ് വരിക്കാരുടെ എണ്ണം ജൂണ് പാദത്തിലെ 1,160.52 ദശലക്ഷത്തില് നിന്ന് ജൂലൈ മുതല് സെപ്റ്റംബര് വരെ 168.66 ദശലക്ഷമായി ഉയര്ന്നു. മുന് പാദത്തേക്കാള് 0.70 ശതമാനം വളര്ച്ചാ നിരക്ക് രേഖപ്പെടുത്തി.
ജൂണ് പാദത്തിലെ 636.83 ദശലക്ഷത്തില് നിന്ന് സെപ്റ്റംബര് അവസാനത്തോടെ നഗരപ്രദേശങ്ങളിലെ ടെലിഫോണ് വരിക്കാരുടെ എണ്ണം 644.26 ദശലക്ഷമായി ഉയര്ന്നിട്ടുണ്ട്. ഗ്രാമീണ ടെലിഫോണ് വരിക്കാര് ജൂണ് പാദത്തിലെ 523.69 ദശലക്ഷത്തില് നിന്ന് സെപ്റ്റംബര് അവസാനത്തോടെ 524.39 ദശലക്ഷമായി ഉയര്ന്നുവെന്ന് റിപ്പോര്ട്ടില് പറയുന്നു.
മൊത്തം ഇന്റര്നെറ്റ് വരിക്കാരുടെ എണ്ണം ത്രൈമാസ നിരക്കില് 3.66 ശതമാനം വര്ധനയുണ്ട്. ഏപ്രില്-ജൂണ് മാസത്തിലെ 749.07 ദശലക്ഷത്തില് നിന്ന് ജൂലൈസെപ്റ്റംബറില് 776.45 ദശലക്ഷമായി. വയര്ലൈന് വരിക്കാര് ജൂണ് അവസാനത്തില് 19.81 ദശലക്ഷത്തില് നിന്ന് സെപ്റ്റംബര് അവസാനത്തോടെ 20.08 ദശലക്ഷമായി ഉയര്ന്നു.
കഴിഞ്ഞ വര്ഷം സെപ്റ്റംബറിലെ റിപ്പോര്ട്ട് പ്രകാരം വോഡഫോണ് ഐഡിയയുടെ വരിക്കാര് 37.28 കോടിയായിരുന്നു. എന്നാല് സെപ്റ്റംബര് 2020 ലെ കണക്കുകള് പ്രകാരം വരിക്കാരുടെ എണ്ണം 29.60 കോടിയായി കുറഞ്ഞു. എന്നാല്, ജിയോയുടെ വരിക്കാര് 2019 സെപ്റ്റംബറിലെ 35.60 കോടിയില് നിന്ന് 2020 സെപ്റ്റംബറില് 40.62 കോടിയായി ഉയര്ന്നു. ഭാര്തി എയര്ടെലിന്റേത് 2019 സെപ്റ്റംബറിലെ 32.98 കോടിയില് നിന്ന് 2020 സെപ്റ്റംബറില് 33.10 കോടിയായും വര്ധിച്ചു.
tech
യൂട്യൂബ് മ്യൂസിക് കൂടുതല് സ്മാര്ട്ട്: ഇനി പ്ലേലിസ്റ്റിലെ പാട്ടുകള് സെക്കന്ഡുകള്ക്കകം കണ്ടെത്താം
ഫീച്ചര് ഇപ്പോള് പ്ലേലിസ്റ്റ് മെനുവിലൂടെ ലഭ്യമാകുന്നു.ഐഫോണിനുള്ള യൂട്യൂബ് മ്യൂസിക് ആപ്പിന്റെ 8.45.3 പതിപ്പിലാണ് ഈ ഓപ്ഷന് ആദ്യമായി കാണാന് തുടങ്ങിയത്.
ദീര്ഘമായ പ്ലേലിസ്റ്റുകളില് സ്ക്രോള് ചെയ്ത് ഒരു പാട്ട് കണ്ടെത്തേണ്ട ബുദ്ധിമുട്ട് ഒഴിവാക്കാന് യൂട്യൂബ് മ്യൂസിക് പുതുതായി അവതരിപ്പിച്ചിരിക്കുന്നത് ‘find my playlist’ എന്ന ഫീച്ചറാണ്. നിരവധി ഉപയോക്താക്കള് റിപ്പോര്ട്ട് ചെയ്യുന്നപ്രകാരം, ഈ പരീക്ഷണ ഫീച്ചര് ഇപ്പോള് പ്ലേലിസ്റ്റ് മെനുവിലൂടെ ലഭ്യമാകുന്നു.ഐഫോണിനുള്ള യൂട്യൂബ് മ്യൂസിക് ആപ്പിന്റെ 8.45.3 പതിപ്പിലാണ് ഈ ഓപ്ഷന് ആദ്യമായി കാണാന് തുടങ്ങിയത്.
പ്ലേലിസ്റ്റ് പേജിലെ shuffle play ബട്ടണിന് താഴേയുള്ള മൂന്ന് ഡോട്ട് മെനുവിലെ ഓപ്ഷനായി ഇത് ചിലര്ക്കു പ്രത്യക്ഷപ്പെട്ടു. എല്ലാ ഐഫോണ് ഉപയോക്താക്കള്ക്കും ഇപ്പോള് ഈ സവിശേഷത ലഭ്യമല്ല അതായത് ഏറ്റവും പുതിയ പതിപ്പ് ഇന്സ്റ്റാള് ചെയ്താലും ചില അക്കൗണ്ടുകള്ക്കാണ് ആദ്യഘട്ടത്തില് ആക്സസ്. പാട്ടുകളുടെ പേരുവഴി പ്ലേലിസ്റ്റിനുള്ളില് നേരിട്ട് തിരയാനുള്ള ഈ സൗകര്യം ഇപ്പോള് പരിമിതമായ iOS ഉപയോക്താക്കള്ക്കു മാത്രമാണ് ലഭിക്കുന്നത്.
ആന്ഡ്രോയിഡ് പതിപ്പില് ഇതുവരെ ഈ ഫീച്ചര് എത്തിയിട്ടില്ല. ഫീച്ചറിന്റെ വ്യാപകമായ റോള്ഔട്ടിനും ആന്ഡ്രോയിഡ് റിലീസിനും യൂട്യൂബ് ഇതുവരെ വ്യക്തമായ തീയതി പ്രഖ്യാപിച്ചിട്ടില്ല. ഉപയോക്തൃ അനുഭവം മെച്ചപ്പെടുത്താന് ലക്ഷ്യമിടുന്ന ഈ അപ്ഡേറ്റ്, വലിയ പ്ലേലിസ്റ്റുകള് കൈകാര്യം ചെയ്യുന്നവര്ക്കു പ്രത്യേകിച്ച് ഗുണകരമാകുമെന്നാണ് പ്രതീക്ഷ.
tech
4ജി വരുമാനം ഉയര്ന്നിട്ടും ബിഎസ്എന്എലിന് വലിയ തിരിച്ചടി; തുടര്ച്ചയായ രണ്ടാം പാദത്തിലും 1,000 കോടിയിലേറെ നഷ്ടം
മുന്പാദമായ ഏപ്രില്-ജൂണ് മാസങ്ങളില് നഷ്ടം 1,048 കോടി രൂപ ആയിരുന്നു. മുന്വര്ഷത്തെ സമാന പാദത്തില് നഷ്ടം 1,242 കോടി ആയിരുന്നു.
ന്യൂഡല്ഹി: പൊതുമേഖലാ ടെലികോം കമ്പനിയായ ബിഎസ്എന്എല് വീണ്ടും വന് നഷ്ടത്തില്. തുടര്ച്ചയായ രണ്ടാം പാദത്തിലും 1,000 കോടിയിലേറെ നഷ്ടം രേഖപ്പെടുത്തിയതാണ് കമ്പനിയുടെ സാമ്പത്തിക പ്രതിസന്ധി കൂടുതല് ശക്തമാക്കുന്നത്. ക്കഴിഞ്ഞ ജൂലൈ-സെപ്റ്റംബര് പാദത്തില് ബിഎസ്എന്എലിന് 1,347 കോടി രൂപ നഷ്ടമുണ്ടായി. മുന്പാദമായ ഏപ്രില്-ജൂണ് മാസങ്ങളില് നഷ്ടം 1,048 കോടി രൂപ ആയിരുന്നു. മുന്വര്ഷത്തെ സമാന പാദത്തില് നഷ്ടം 1,242 കോടി ആയിരുന്നു. സ്തിമൂല്യത്തിലെ ഇടിവും പ്രവര്ത്തനച്ചെലവും ബാധ്യതകളുടെ വര്ധനയും നഷ്ടം കൂടാന് പ്രധാന കാരണമായി കാണുന്നു.
അതേസമയം, 4ജി സേവനങ്ങള് വ്യാപകമാക്കിയതോടെ പ്രവര്ത്തനവരുമാനം ഉയര്ന്നതും ശ്രദ്ധേയമാണ്. പാദാടിസ്ഥാനത്തില് 2.8%, വാര്ഷികാടിസ്ഥാനത്തില് 6.6% ഉയര്ന്ന് വരുമാനം 5,166.7 കോടി രൂപയിലെത്തി. മൊബൈല് സേവനങ്ങളില് നിന്നുള്ള വരുമാനം വര്ധിച്ചതാണ് ഈ നേട്ടത്തിന് പിന്നില്. മൊബൈല് ഉപഭോക്തൃസംഖ്യയില് രാജ്യത്ത് നാലാം സ്ഥാനത്താണ് ബിഎസ്എന്എല്. റിലയന്സ് ജിയോ: 50.6 കോടി, എയര്ടെല്: 36.4 കോടി, വോഡഫോണ്ഐഡിയ: 19.67 കോടി, ബിഎസ്എന്എല്: 9.23 കോടി കഴിഞ്ഞ സാമ്പത്തിക വര്ഷമായ 2024-25ല് ബിഎസ്എന്എല് 23,000 കോടി രൂപ വരുമാനം നേടിയിരുന്നു. നടപ്പുവര്ഷം (2025-26) 27,500 കോടി രൂപ വരുമാനമാണ് ലക്ഷ്യം.
ഓരോ ഉപഭോക്താവില് നിന്നും ലഭിക്കുന്ന ശരാശരി വരുമാനം 81 രൂപയില് നിന്ന് 91 രൂപയായി ഉയര്ന്നതും കമ്പനിക്ക് ആശ്വാസമായി. ഏപ്രില്-സെപ്റ്റംബര് കാലയളവില് ബിഎസ്എന്എലിന്റെ പ്രവര്ത്തനവരുമാനം 10.4% ഉയര്ന്ന് 10,193 കോടി രൂപ ആയി. നഷ്ടം മുന്വര്ഷത്തെ അതേ കാലയളവിലെ 2,952 കോടിയില് നിന്ന് 2,405 കോടിയായി കുറഞ്ഞു. 18 വര്ഷത്തിന് ശേഷം ആദ്യമായി ബിഎസ്എന്എല് ലാഭം രേഖപ്പെടുത്തിയതും കഴിഞ്ഞ സാമ്പത്തികവര്ഷത്തിലാണ്. ഡിസംബര് പാദത്തില് 262 കോടിയും ജനുവരി-മാര്ച്ചില് 280 കോടി രൂപയും ലാഭമുണ്ടായിരുന്നു. എന്നാല് പുതിയ വര്ഷത്തിന്റെ തുടക്കമായ ജൂണ്പാദം മുതല് കമ്പനി വീണ്ടും നഷ്ടത്തിന്റെ വഴിയിലേക്കാണ് മടങ്ങിയത്.
News
വണ്പ്ലസ് 15ആര് ഇന്ത്യയില് എത്താന് ഒരുങ്ങുന്നു; ഡ്യുവല് ക്യാമറ ഡിസൈന് ശ്രദ്ധയാകര്ഷിക്കുന്നു
ലോഞ്ചിനോടനുബന്ധിച്ച് വണ്പ്ലസിന്റെ ഔദ്യോഗിക വെബ്സൈറ്റില് പ്രത്യേക മൈക്രോസൈറ്റ് ലൈവായിട്ടുണ്ടെന്നും ഇത് ഫോണിന്റെ പ്രധാന ഡിസൈന് വിശദാംശങ്ങള് പുറത്തുവിടുന്നുവെന്നും വ്യക്തമാക്കുന്നു.
വണ്പ്ലസ് ഇന്ത്യയില് പുതിയ സ്മാര്ട്ട്ഫോണ് മോഡലായ വണ്പ്ലസ് 15ആര് ഉടന് ലോഞ്ച് ചെയ്യുമെന്ന് കമ്പനി സൂചന നല്കി. അടുത്തിടെ പുറത്തിറങ്ങിയ വണ്പ്ലസ് 15 സീരീസ് ലൈനപ്പിന്റെ ഭാഗമായിട്ടാണ് ഈ മോഡല് എത്തുന്നത്. ലോഞ്ചിനോടനുബന്ധിച്ച് വണ്പ്ലസിന്റെ ഔദ്യോഗിക വെബ്സൈറ്റില് പ്രത്യേക മൈക്രോസൈറ്റ് ലൈവായിട്ടുണ്ടെന്നും ഇത് ഫോണിന്റെ പ്രധാന ഡിസൈന് വിശദാംശങ്ങള് പുറത്തുവിടുന്നുവെന്നും വ്യക്തമാക്കുന്നു. ടീസറനുസരിച്ച്, വണ്പ്ലസ് 15ആര് കറുപ്പ് പച്ച എന്നീ രണ്ടു നിറങ്ങളിലാണ് ലഭ്യമാകുന്നത്. ഫോണിന്റെ പിന്ഭാഗത്തെ ക്യാമറ മൊഡ്യൂള് പ്രത്യേക ശ്രദ്ധ നേടുന്ന ഭാഗമാണ് സ്ക്വയര് ഡിസൈന് ഡെക്കോയിനുള്ളില് ലംബമായി സജ്ജീകരിച്ച ഡ്യുവല് റിയര് ക്യാമറ സിസ്റ്റം. ഇത് വണ്പ്ലസ് 15 ഫ്ളാഗ്ഷിപ്പിന്റെ ഡിസൈന് ഭാഷയെ അനുസ്മരിപ്പിക്കുന്നു. വിലകുറഞ്ഞതും എന്നാല് പ്രീമിയം ലുക്കും ഫീച്ചറുകളും ആഗ്രഹിക്കുന്ന ഉപയോക്താക്കളെയാണ് 15ആര് ലക്ഷ്യമിടുന്നത്. ഫോണിന്റെ പൂര്ണ്ണ സവിശേഷതകളും ഇന്ത്യയിലെ ലോഞ്ച് തീയതിയും അടുത്ത ദിവസങ്ങളില് വണ്പ്ലസ് ഔദ്യോഗികമായി പ്രഖ്യാപിക്കുമെന്ന് പ്രതീക്ഷിക്കുന്നു.
-
india3 days agoമദീനയിലെ ബസ് അപകടം; മരിച്ചവരുടെ കുടുംബങ്ങള്ക്ക് അഞ്ച് ലക്ഷം വീതം ധനസഹായം നല്കുമെന്ന് തെലങ്കാന സര്ക്കാര്
-
india2 days agoപഴയ വാഹനങ്ങള്ക്ക് ഫിറ്റ്നസ് ടെസ്റ്റ് ഫീസ് 10 ഇരട്ടി; കേന്ദ്ര സര്ക്കാരിന്റെ പുതിയ നിയമം പ്രാബല്യത്തില്
-
News3 days agoകമാൽ വരദൂരിൻ്റെ 50 ഫുട്ബോൾ കഥകൾ പ്രകാശിതമായി
-
kerala20 hours agoമലപ്പുറത്ത് എല്ഡിഎഫില് ഭിന്നത; സിപിഎമ്മിനെതിരെ സിപിഐ രംഗത്ത്
-
kerala19 hours agoതദ്ദേശ തെരഞ്ഞടുപ്പില് വൈഷ്ണയ്ക്ക് മത്സരിക്കാം; വോട്ടര് പട്ടികയില് നിന്ന് പേര് നീക്കിയ നടപടി റദ്ദാക്കി
-
kerala20 hours agoശബരിമലയില് സ്പോട്ട് ബുക്കിങ് കുറച്ച് ഹൈക്കോടതി; ദിവസേന 5000 പേര്ക്ക് മാത്രം അവസരം
-
kerala16 hours agoസഹകരണ ബാങ്ക് ക്രമക്കേടില് ബി.ജെ.പി സംസ്ഥാന ജനറല് സെക്രട്ടറി എസ്.സുരേഷ് 43 ലക്ഷം തിരിച്ചടയ്ക്കാന് ഉത്തരവ്
-
kerala22 hours agoബീമാപള്ളി ഉറൂസ്; ശനിയാഴ്ച പ്രാദേശിക അവധി പ്രഖ്യാപിച്ച് തിരുവനന്തപുരം ജില്ലാ കളക്ടര്