kerala
സച്ചാര് ശുപാര്ശകള് പൂര്ണമായി നടപ്പാക്കുക; സച്ചാര് സംരക്ഷണ സമിതി സെക്രട്ടേറിയറ്റ് പടിക്കല് ധര്ണ നടത്തി
വിവിധ മുസ്ലിം സംഘടനകള് ധര്ണയില് പങ്കു ചേര്ന്നു. സച്ചാര് റിപ്പോര്ട്ട് പൂര്ണമായി നടപ്പാക്കണമെന്ന് ആവശ്യപ്പെട്ട് മുഖ്യമന്ത്രി പിണറായി വിജയന് നിവേദനവും നല്കി
തിരുവനന്തപുരം: സച്ചാര് കമ്മീഷന്റെ ശുപാര്ശകള് പൂര്ണമായി നടപ്പാക്കണമെന്നാവശ്യപ്പെട്ട് സച്ചാര് സംരക്ഷണ സമിതി സെക്രട്ടേറിയറ്റ് പടിക്കല് ധര്ണ നടത്തി. വിവിധ മുസ്ലിം സംഘടനകള് ധര്ണയില് പങ്കു ചേര്ന്നു. സച്ചാര് റിപ്പോര്ട്ട് പൂര്ണമായി നടപ്പാക്കണമെന്ന് ആവശ്യപ്പെട്ട് മുഖ്യമന്ത്രി പിണറായി വിജയന് നിവേദനവും നല്കി.
പികെ കുഞ്ഞാലിക്കുട്ടി ഉദ്ഘാടനം നിര്വഹിച്ചു. പാണക്കാട് സയ്യിദ് സാദിഖലി ശിഹാബ് തങ്ങള് അധ്യക്ഷത വഹിച്ചു.
സച്ചാര് ശുപാര്ശകള് പ്രത്യേക സെല് രൂപീകരിച്ച് നടപ്പാക്കുക, മുന്നാക്ക-പിന്നാക്ക സ്കോളര്ഷിപ്പ് തുക ഏകീകരിക്കുക, സര്ക്കാര് സര്വീസിലെ പ്രാതിനിധ്യം, സമുദായം തിരിച്ച് കണക്ക് പ്രസിദ്ധീകരിക്കുക, പിന്നാക്കം പോയവര്ക്ക് ജനസംഖ്യാനുപാതികമായി പ്രാതിനിധ്യം വര്ധിപ്പിക്കുക എന്നീ ആവശ്യങ്ങള് ഉന്നയിച്ചാണ് ധര്ണ നടത്തിയത്.
ഇന്ത്യന് മുസ്ലിംകളുടെ സാമ്പത്തിക, സാമൂഹിക, വിദ്യഭ്യാസ സ്ഥിതി പഠിക്കുന്നതിനായി 2005ല് യുപിഎ സര്ക്കാര് നിയോഗിച്ച ആധികാരിക സമിതിയാണ് സച്ചാര് കമ്മീഷന്. സച്ചാര് കമ്മീഷന്റെ കണ്ടത്തലുകള് പലതും ഞെട്ടിക്കുന്നതും വേദനയുള്ളവാക്കുന്നതുമായിരുന്നു. 2006ല് സമര്പ്പിച്ച റിപ്പോര്ട്ട് നടപ്പാക്കുന്നതിനായി യുപിഎ സര്ക്കാറിന്റെ പതിനഞ്ചിന പരിപാടിയില് ഉള്പ്പെടുത്തി സംസ്ഥാനങ്ങള്ക്ക് നിര്ദേശം നല്കി അന്നത്തെ കേന്ദ്ര സര്ക്കാര്. മറ്റു സംസ്ഥാനങ്ങള് ഏറിയും കുറഞ്ഞും സച്ചാര് റിപ്പോര്ട്ട് അത്പോലെ നടപ്പാക്കിയപ്പോള് അന്നത്തെ ഇടതു സര്ക്കാര് മറ്റൊരു കമ്മീഷനെ നിയമിച്ചാണ് ഇത് നടപ്പാക്കാന് ശ്രമിച്ചത്. എന്നാല് ഇപ്പോള് സച്ചാര് റിപ്പോര്ട്ടിന്റെ അടിസ്ഥാനത്തില് കേരളത്തില് നടപ്പാക്കിയ പദ്ധതികള് അട്ടിമറിച്ചിരിക്കുകയാണ്. ഇത് മുസ്ലിം സമൂഹത്തോടുള്ള കൃത്യമായ നീതികേടാണ്. ഇത് അനുവദിക്കാന് സാധ്യമല്ല. സച്ചാര് ശുപാര്ശകള് പ്രത്യേക സെല് രൂപീകരിച്ച് നടപ്പിലാക്കുക, മുന്നാക്ക പിന്നാക്ക സ്കോളര്ഷിപ്പ് തുക ഏകീകരിക്കുക, സര്ക്കാര് സര്വ്വീസിലെ പ്രാതിനിധ്യം; സമുദായം തിരിച്ച് കണക്ക് പ്രസിദ്ധീക്കുക, പിന്നാക്കം പോയവര്ക്ക് ജനസംഖ്യാനുപാതികമായി പ്രാതിനിധ്യം വര്ധിപ്പിക്കുക തുടങ്ങിയ ആവശ്യങ്ങള് ഉന്നയിച്ച് മുസ്ലിം സംഘടനാ നേതാക്കള്ക്കൊപ്പം ഇന്ന് മുഖ്യമന്ത്രിയെ കണ്ട് നിവേദനം നല്കി.
ടെലിവിഷന് റേറ്റിങില് ജീവനക്കാരന് കൃത്രിമം കാണിച്ചെന്ന വാര്ത്തയില് ഇടപെട്ട് ബാര്ക് ഇന്ത്യ. ബാര്ക്ക് ഇന്ത്യ ഫോറന്സിക് ഓഡിറ്റിന് ഉത്തരവിട്ടു. ഫോറന്സിക് ഓഡിറ്റിനായി ഒരു സ്വതന്ത്ര ഏജന്സിയെ നിയമിച്ചതായി ബാര്ക് അറിയിച്ചു. അടിയന്തരമായും സുതാര്യതയോടെയും കൃത്യമായ ജാഗ്രതയോടെയും റേറ്റിങ് തിരിമറി ആരോപണം കൈകാര്യം ചെയ്യുമെന്നും ബാര്ക്ക് ഇന്ത്യ അറിയിച്ചു.
ബാര്ക് ഡാറ്റ അട്ടിമറിക്കാന് കേരളത്തിലെ ഒരു ചാനല് ഉടമയുടെ അക്കൗണ്ടില് നിന്നും ബാര്ക് ജീവനക്കാര് പ്രേംനാഥിന്റെ വാലറ്റിലേക്ക് കോടികള് എത്തിയെന്ന മാധ്യമ വാര്ത്തയിലാണ് ബാര്ക് ഇന്ത്യയുടെ നടപടി. വാര്ത്ത ശ്രദ്ധയില്പെട്ടതായും, വിഷയം അടിയന്തിരമായും സുതാര്യതയോടെയും കൃത്യമായ ജാഗ്രതയോടെയും കൈകാര്യം ചെയ്യുമെന്നും ബാര്ക്ക് ഇന്ത്യ അറിയിച്ചു. വിഷയത്തില് സമഗ്രമായ ഫോറന്സിക് ഓഡിറ്റിന് ബാര്ക്ക് ഉത്തരവിട്ടു.
ഫോറന്സിക് ഓഡിറ്റ് നടത്തുന്നതിന് ഒരു പ്രശസ്ത സ്വതന്ത്ര ഏജന്സിയെ നിയോഗിച്ചതായും ബാര്ക്ക് ഇന്ത്യ വാര്ത്ത കുറിപ്പില് അറിയിച്ചു. ഓഡിറ്റ് പൂര്ത്തിയാക്കുന്നതുവരെ ഊഹാപോഹങ്ങള് ഒഴിവാക്കണമെന്ന് ബാര്ക്ക് ഇന്ത്യ അഭ്യര്ത്ഥിച്ചു. തത്പരകക്ഷികളോട് സത്യസന്ധതയുടെയും ഉത്തരവാദിത്തത്തിന്റെയും മാനദണ്ഡങ്ങള് പാലിക്കുന്നതില് പ്രതിജ്ഞാബദ്ധമാണെന്നും ബാര്ക്ക് ഇന്ത്യ കൂട്ടിച്ചേര്ത്തു.
kerala
വോട്ടര്ക്ക് നേരിട്ട് എസ്ഐആർ ഫോം നല്കിയില്ല; ബിഎല്ഒയെ മര്ദിച്ച സിപിഎം ലോക്കൽ സെക്രട്ടറി റിമാൻഡിൽ
കാസര്കോട്: ദേലമ്പാടി പഞ്ചായത്ത് എട്ടാം വാര്ഡിലെ ബൂത്ത് ലെവല് ഓഫിസറെ (ബിഎല്ഒ) മര്ദിച്ച സിപിഎം ലോക്കൽ സെക്രട്ടറിയും പഞ്ചായത്തംഗവുമായ എ. സുരേന്ദ്രനെ റിമാൻഡ് ചെയ്തു. ബവ്റിജസ് കോർപറേഷൻ ബന്തടുക്ക ഔട്ട്ലെറ്റിലെ എല്ഡി ക്ലര്ക്ക് പി. അജിത്തിന്റെ പരാതിയിലാണ് സിപിഎം പാണ്ടി ലോക്കല് സെക്രട്ടറിയായ സുരേന്ദ്രനെ ആഡൂർ പൊലീസ് അറസ്റ്റ് ചെയ്തത്.
പയറഡുക്കയില് നടന്ന തീവ്ര വോട്ടര്പട്ടിക പുനഃപരിശോധനാ ക്യാംപിനിടെയാണ് സംഭവം. വാര്ഡിലെ ഒരു വീട്ടിലെത്തിയപ്പോള് വോട്ടറെ നേരിട്ട് കാണാനാകാത്തതിനാല് അയല്വീട്ടിലാണ് ബിഎല്ഒ ഫോം നല്കിയത്. വോട്ടര് വീട്ടില് തിരിച്ചെത്തിയാല് ഏല്പ്പിക്കണമെന്ന് അയല്ക്കാരനെ ചുമതലപ്പെടുത്തിയതാണെന്ന് ബിഎല്ഒ പറഞ്ഞു. എന്നാല്, വോട്ടര്ക്ക് നേരിട്ട് അപേക്ഷ നല്കിയില്ലെന്ന് പറഞ്ഞ് ക്യാംപിനിടെ പഞ്ചായത്തംഗം കയര്ത്ത് സംസാരിക്കുകയും മർദിക്കുകയുമായിരുന്നുവെന്നുമാണ് പരാതി.
ബിഎൽഒയുടെ ജോലി തടസ്സപ്പെടുത്തുകയും കോളറിൽ പിടിച്ച് ചുമരിനോട് ചേർത്തു നിർത്തി മർദിക്കുകയും ചെയ്തുവെന്ന് എഫ്ഐആറിൽ പറയുന്നു. മർദനം സംബന്ധിച്ച് അജിത്ത് ജില്ലാ കലക്ടർക്കും പരാതി നൽകി.
-
News2 days agoമുന് പാക് പ്രധാനമന്ത്രി ഇമ്രാന് ഖാന് കൊല്ലപ്പെട്ടെന്ന് അഭ്യൂഹം; പ്രതികരിക്കാതെ ജയില് അധികൃതര്
-
india9 hours ago‘ബിഹാർ തെരഞ്ഞെടുപ്പിൽ വൻ അഴിമതിയും ക്രമക്കേടും’; തെളിവുകൾ പുറത്തുവിട്ട് ധ്രുവ് റാഠി
-
Environment13 hours agoആകാശഗംഗയെക്കാള് നാലിരട്ടി വലുപ്പമുള്ള ഭീമന് നെബുല കണ്ടെത്തി; മലപ്പുറം സ്വദേശിനി ഡോ. രഹന പയ്യശ്ശേരി ശാസ്ത്രലോകത്തെ വിസ്മയിപ്പിച്ചു
-
kerala2 days agoആരോഗ്യ പ്രശ്നം; വേടനെ തീവ്രപരിചരണ വിഭാഗത്തില് പ്രവേശിപ്പിച്ചു
-
kerala1 day agoലേബര് കോഡും പിഎം ശ്രീ പോലെ എല്ഡിഎഫിലറിയിക്കാതെ ഒളിച്ചുകടത്തി; വി.ഡി സതീശന്
-
kerala1 day agoപാലക്കാട് തെരുവുനായ ആക്രമണത്തില് നാലുവയസ്സുകാരന് ഗുരുതര പരിക്ക്
-
kerala3 days ago‘തെരഞ്ഞെടുപ്പ് പ്രചാരണത്തിൽ ഐപിഎസ് വേണ്ട’; ബിജെപി സ്ഥാനാർഥി ആർ ശ്രീലേഖക്കെതിരെ തെരഞ്ഞെടുപ്പ് കമ്മീഷൻ
-
kerala1 day agoഅറസ്റ്റിലായ യുവതിയെ പീഡിപ്പിച്ചു; ഡിവൈഎസ്പിക്കെതിരെ ഗുരുതര ആരോപണം ഉന്നയിച്ച് സിഐയുടെ ആത്മഹത്യാക്കുറിപ്പ്