kerala
ക്രിസ്തുമസ്, പുതുവത്സര തിരക്കില് വീര്പ്പമുട്ടി യാത്രക്കാര്
മംഗളൂരുവില് നിന്ന് കോഴിക്കോട്,കണ്ണൂര് എന്നിവിടങ്ങളിലും നിന്നും എറണാകുളം മുതല് തിരുവനന്തപുരം വരെയുള്ള തെക്കന്ജില്ലകളില് എത്തേണ്ട വിദ്യാര്ത്ഥികളും ഉദ്യോഗസ്ഥരുമടക്കമുള്ള ആയിരക്കണക്കിന് യാത്രക്കാരാണ് പ്രയാസത്തിലായത്.
കോഴിക്കോട്: ക്രിസ്തുമസ്, പുതുവത്സര തിരക്കില് വീര്പ്പമുട്ടി യാത്രക്കാര്. തിരക്കൊഴിവാക്കാന് മലബാറിലേക്ക് കൂടുതല് ട്രെയിനുകള് അനുവദിക്കണമെന്ന ആവശ്യം അവഗണിച്ചതോടെ നില്ക്കാനിടമില്ലാത്തവിധത്തില് ഹൗസ്ഫുള്ളാണ് എല്ലാട്രെയിനുകളും. ക്രിസ്മസിന്റെ കഴിഞ്ഞുള്ള ഇന്ന് യാത്രക്കാരുടെ തിരക്ക്കാരണം പലര്ക്കും ദേഹാസ്വാസ്ഥ്യംനേരിടുകയുണ്ടായി. ജനറല് കംപാര്ട്ട്മെന്റില് ഉള്കൊള്ളാവുന്നതില് രണ്ടിരട്ടിയിലധികം പേരാണുണ്ടായിരുന്നത്. ശ്വാസംകിട്ടാതെയും നില്ക്കാനിടമില്ലാതെയും പലരും പ്രയാസപ്പെടുന്ന സ്ഥിതിയുണ്ടായതായി യാത്രക്കാര് പരാതിപ്പെട്ടു. കഴിഞ്ഞ 22 മുതല് ജനുവരി രണ്ടുവരെ കേരളത്തിലേക്കും തിരിച്ചും പ്രത്യേക ട്രെയിനുകള് അനുവദിച്ചപ്പോള് മലബാറിനെ റെയില്വെമന്ത്രാലയം പൂര്ണമായി തഴയുകയാണുണ്ടായത്.
മംഗളൂരുവില് നിന്ന് കോഴിക്കോട്,കണ്ണൂര് എന്നിവിടങ്ങളിലും നിന്നും എറണാകുളം മുതല് തിരുവനന്തപുരം വരെയുള്ള തെക്കന്ജില്ലകളില് എത്തേണ്ട വിദ്യാര്ത്ഥികളും ഉദ്യോഗസ്ഥരുമടക്കമുള്ള ആയിരക്കണക്കിന് യാത്രക്കാരാണ് പ്രയാസത്തിലായത്. മംഗളൂരുവില് നിന്നു തിരുവനന്തപുരത്തേക്ക് പ്രതിദിനം സര്വീസ് നടത്തുന്ന രാത്രിട്രെയിനുകളായ മാവേലി, മലബാര്, തിരുവനന്തപുരം എക്സ്പ്രസ് എന്നിവയിലെല്ലാം മൂന്ന് മാസം മുന്പ് തന്നെ ടിക്കറ്റ് വെയിറ്റിംഗ് ലിസ്റ്റിലായിരുന്നു. ഇവയില് സ്ലീപ്പര്, ത്രിടയര് എ.സി, 2 ടയര് എസി എന്നിവിടങ്ങളില് ചുരുക്കം സീറ്റുകള്മാത്രമാണുള്ളത്. തല്കാല് ക്വാട്ടയില് ടിക്കറ്റ് ബുക്കിംഗ് ആരംഭിച്ചാല്തന്നെ രണ്ടോമൂന്നോ മിനിറ്റിനകം പൂര്ത്തിയാവുകയും ചെയ്യും. കൂടുതല് ട്രെയിന് സര്വീസുണ്ടായിരുന്നെങ്കില് തിരക്കൊഴിവാക്കാനാവുമായിരുന്നു.
ക്രിസ്മസ്, പുതുവത്സര ആഘോഷ കാലത്തെ തിരക്കൊഴിവാക്കാന് കൂടുതല് ട്രെയിന് അനുവദിക്കണമെന്ന് നേരത്തെതന്നെ സംസ്ഥാനം റെയില്വെമന്ത്രാലയത്തെ അറിയിച്ചിരുന്നു. റെയില്വേ ചുമതലയുള്ള മന്ത്രി വി.അബ്ദുറഹിമാന് റെയില്വേ ബോര്ഡ് ചെയര്മാന് വി.കെ ത്രിപാഠിക്കാണ് കത്തയച്ചത്. ദില്ലി, ബെംഗളൂരു, മുംബൈ, ചെന്നൈ, കൊല്ക്കത്ത നഗരങ്ങളില് നിന്ന് കേരളത്തിലേക്ക് ആവശ്യമായ ട്രെയിനുകളില്ലാത്ത സ്ഥിതിയാണ്. വിമാനയാത്രക്കൂലി കുത്തനെ ഉയര്ന്നതോടെ ആളുകള് ട്രെയിനുകളെയാണ് കൂടുതലായി ആശ്രയിക്കുന്നത്. എന്നാല് ട്രെയിന്യാത്ര ദുരിതപൂര്ണമായതോടെ മറ്റുമാര്ഗങ്ങള് തേടേണ്ട സ്ഥിതിയിലാണ് ആളുകള്.
kerala
വാഹനാപകടത്തില് കോമയിലായ ഒമ്പത് വയസ്സുകാരി ദൃഷാനക്ക് 1.15 കോടി നഷ്ടപരിഹാരം നല്കാന് കോടതി
വടകര എംഎസിടി കോടതിയാണ് ഇന്ഷുറന്സ് കമ്പനിയോട് തുക നല്കാന് ആവശ്യപ്പെട്ടത്.
വടകരയില് വാഹനാപകടത്തെ തുടര്ന്ന് കോമയിലായ ഒമ്പത് വയസ്സുകാരി ദൃഷാനക്ക് ഒരുകോടി 15 ലക്ഷം രൂപ നഷ്ടപരിഹാരം നല്കാന് കോടതി നിര്ദേശം. വടകര എംഎസിടി കോടതിയാണ് ഇന്ഷുറന്സ് കമ്പനിയോട് തുക നല്കാന് ആവശ്യപ്പെട്ടത്. ഹൈക്കോടതിയുടെയും ലീഗല് സര്വീസ് അതോറിറ്റിയുടെയും ഇടപെടലിലാണ് ദൃഷാനയുടെ കുടുംബത്തിന്റെ നിയമപോരാട്ടത്തില് നിര്ണായകമായത്. അപകടത്തിന് കാരണക്കാരായ കാര് ഇന്ഷുറന്സ് എടുത്ത കമ്പനിയാണ് ദൃഷാനയുടെ കുടുംബത്തിന് 1.15 കോടി രൂപ നഷ്ടപരിഹാരമായി നല്കേണ്ടതെന്നാണ് എംഎസിടി കോടതിയുടെ ഉത്തരവ്.
2024 ഫെബ്രുവരി 14നാണ് അപകടമുണ്ടായത്. അപകടത്തില് കോമയിലായ ദൃഷാനയും മുത്തശ്ശി ബേബിയും വടകര ചേറോട് ദേശീയപാത മുറിച്ചുകടക്കുന്നതിനിടെയാണ് കാര് ഇടിച്ചുതെറിപ്പിച്ചത്. ഇടിയുടെ ആഘാതത്തില് ബേബി തല്ക്ഷണം മരിച്ചിരുന്നു. കുട്ടി അന്ന് മുതല് കോമയിലേക്ക് വീഴുകയായിരുന്നു.
ഇരുവരെയും ഇടിച്ച കാര് നിര്ത്താതെ പോയിരുന്നു. ഹൈക്കോടതി സ്വമേധയാ കേസെടുക്കുകയും പ്രത്യേക അന്വേഷണ സംഘത്തെ രൂപീകരിക്കുകയും ചെയ്തിരുന്നു. ഇതിനെ തുടര്ന്നുള്ള അന്വേഷണത്തിലാണ് അപകടത്തിന് പത്ത് മാസങ്ങള്ക്ക് ശേഷം കാറുടമയെയും കാറിനെയും പൊലീസ് കണ്ടെത്തുന്നത്. നൂറുകണക്കിന് വര്ക്ക്ഷോപ്പുകളും സിസിടിവി ദൃശ്യങ്ങളും ശേഖരിച്ചതിന് പിന്നാലെയാണ് പ്രതിയെ പിടികൂടിയത്.
kerala
രാഷ്ട്രീയ നിലപാടുകള് കൊണ്ടും മതസ്വത്വം കൊണ്ടും ഇത്രമേല് അവഗണിക്കപ്പെട്ട മറ്റൊരു നടനും ഉണ്ടാവില്ല; ഗീവര്ഗീസ് മാര് കൂറിലോസ്
ഇന്ത്യന് സിനിമയില് മെത്തേഡ് ആക്റ്റിംഗിന്റെ അവസാന വാക്കാണ് മമ്മൂട്ടിയെന്നും ഇന്ത്യന് സിനിമയുടെ ഡാനിയേല് ഡേ ലൂയിസും റോബര്ട്ട് ഡി നീറോ ആണ് അദ്ദേഹമെന്നും അദ്ദേഹം കുറിച്ചു.
മമ്മൂട്ടിയുടെ അഭിനയത്തെ കുറിച്ചുള്ള കുറിപ്പുമായി യാക്കോബായ നിരണം ഭദ്രാസനാധിപന് ഗീവര്ഗീസ് മാര് കൂറിലോസ്. തന്റെ രാഷ്ട്രീയ നിലപാടുകള് കൊണ്ടും മതസ്വത്വം കൊണ്ടും ഇത്രമേല് അവഗണിക്കപ്പെട്ട മറ്റൊരു നടനും ഇന്ത്യന് സിനിമയില് ഉണ്ടാവില്ലെന്നും ഗീവര്ഗീസ് മാര് കൂറിലോസ് പറഞ്ഞു. ഇന്ത്യന് സിനിമയില് മെത്തേഡ് ആക്റ്റിംഗിന്റെ അവസാന വാക്കാണ് മമ്മൂട്ടിയെന്നും ഇന്ത്യന് സിനിമയുടെ ഡാനിയേല് ഡേ ലൂയിസും റോബര്ട്ട് ഡി നീറോ ആണ് അദ്ദേഹമെന്നും അദ്ദേഹം കുറിച്ചു. മമ്മൂട്ടിയെ ഇളം തലമുറ പാഠപുസ്തകമാക്കണം എന്നും അദ്ദേഹം ഫേസ്ബുക്കില് കുറിച്ചു.
ഫേസ്ബുക്ക് പോസ്റ്റിന്റെ പൂർണരൂപം:
kerala
തദ്ദേശ തിരഞ്ഞെടുപ്പ്; ക്രിസ്മസ് പരീക്ഷ പുനക്രമീകരിച്ചു; ഡിസംബര് 15 മുതല് 23 വരെ പരീക്ഷ
ജനുവരി അഞ്ചിന് ക്ലാസുകള് പുനരാരംഭിക്കും. അക്കാദമിക് കലണ്ടര് അനുസരിച്ച് നേരത്തെ 19 ന് അവധി തുടങ്ങുന്ന തരത്തിലായിരുന്നു ടൈം ടേബിള്.
സംസ്ഥാനത്തെ തദ്ദേശ തിരഞ്ഞെടുപ്പിന്റെ പശ്ചാത്തലത്തില് സ്കൂളുകളിലെ ക്രിസ്മസ് പരീക്ഷ പുനക്രമീകരിച്ചു. 1 മുതല് 10 വരെയുള്ള ക്ലാസുകള്ക്ക് ഡിസംബര് 15 മുതല് 23 വരെയാണ് പരീക്ഷ നടക്കുക. ഡിസംബര് 23 ന് സ്കൂളുകളില് ക്രിസ്മസ് അവധി തുടങ്ങും. ജനുവരി അഞ്ചിന് ക്ലാസുകള് പുനരാരംഭിക്കും. അക്കാദമിക് കലണ്ടര് അനുസരിച്ച് നേരത്തെ 19 ന് അവധി തുടങ്ങുന്ന തരത്തിലായിരുന്നു ടൈം ടേബിള്. നേരത്തെ രണ്ട് ഘട്ടങ്ങളിലായി പരീക്ഷ നടത്താന് ആയിരുന്നു തീരുമാനം. എന്നാല് തദ്ദേശ തെരഞ്ഞെടുപ്പ് നടക്കുന്ന സാഹചര്യത്തില് സ്കൂളുകള് തെരഞ്ഞെടുപ്പ് ആവശ്യങ്ങള്ക്കായി വിട്ടു നല്കേണ്ടതിനാല് പരീക്ഷ ഡിസംബര് 15 മുതല് 23 വരെ ഒറ്റഘട്ടമായി നടത്താനാണ് നീക്കം.
-
india1 day agoമദീനയിലെ ബസ് അപകടം; മരിച്ചവരുടെ കുടുംബങ്ങള്ക്ക് അഞ്ച് ലക്ഷം വീതം ധനസഹായം നല്കുമെന്ന് തെലങ്കാന സര്ക്കാര്
-
GULF2 days agoമക്കമദീന ഹൈവേയില് ഭീകരാപകടം: ഉംറ ബസ് കത്തി, 40 പേര് മരിച്ചു
-
News1 day agoകമാൽ വരദൂരിൻ്റെ 50 ഫുട്ബോൾ കഥകൾ പ്രകാശിതമായി
-
india2 days agoബീഹാർ തിരഞ്ഞെടുപ്പ് പോസ്റ്റൽ ബാലറ്റ് ഫലം: MGB 142, NDA 98; എന്തുകൊണ്ടാണ് ഇത് ഇവിഎമ്മിന് എതിരായിരിക്കുന്നത്?
-
kerala1 day agoശബരിമല സ്വര്ണ്ണക്കൊള്ള; സന്നിധാനത്ത് പ്രത്യേക അന്വേഷണ സംഘം പരിശോധന നടത്തി
-
india1 day agoഹരിയാനയില് ക്രിസ്ത്യാനികള്ക്കും മുസ്ലിംകള്ക്കും നേരെ ഹിന്ദുത്വവാദികളുടെ ആക്രമണം
-
kerala2 days agoബിഎല്ഒയുടെ മരണം; അനീഷ് ജീവനൊടുക്കിയത് സിപിഎം ഭീഷണിയെ തുടര്ന്ന്; രജിത് നാറാത്ത്
-
News3 days agoസൂപ്പര് ലീഗ് കേരള: കൊച്ചിക്ക് തുടര്ച്ചയായ ഏഴാം തോല്വി; തിരുവനന്തപുരം കൊമ്പന്സ് ഏക ഗോളിന് വിജയം