Home
ഉത്തരാഖണ്ഡിലെ കുടിയൊഴിപ്പിക്കല്; പ്രതികരണവുമായി ഇ.ടി മുഹമ്മദ് ബഷീര്
ഉത്തരാഖണ്ഡിലെ നൈന്റ്റാളിലെ ഹല്ദ്വാനിയില് നാലായിരത്തോളം കുടുംബങ്ങളെ ഹൈക്കോടതിയുടെ നിര്ദേശപ്രകാരം തെരുവിലേക്ക് ഇറക്കിയതിനെതിരെ ഇ.ടി മുഹമ്മദ് ബഷീര് പ്രതികരിച്ചു

ഉത്തരാഖണ്ഡിലെ നൈന്റ്റാളിലെ ഹല്ദ്വാനിയില് നാലായിരത്തോളം കുടുംബങ്ങളെ ഹൈക്കോടതിയുടെ നിര്ദേശപ്രകാരം തെരുവിലേക്ക് ഇറക്കിയതിനെതിരെ ഇ.ടി മുഹമ്മദ് ബഷീര് പ്രതികരിച്ചു. ഇവരെ രക്ഷപ്പെടുത്തുന്നതിന് ഗവണ്മെന്റ് തലത്തില് സത്വര നടപടികള് സ്വീകരിക്കണമെന്നും ഇതിനുവേണ്ടി ഉത്തരാഖണ്ഡിലെ മുഖ്യമന്ത്രിക്ക് അദ്ദേഹം അയച്ച അടിയന്തര കത്തില് ആവശ്യപ്പെട്ടു. ഹല്ദ്വാനി റെയില്വേ സ്റ്റേഷന് സമീപത്തുള്ള കോളനികളില് വര്ഷങ്ങളോളമായി താമസിക്കുന്നവരാണിവര്. അവര്ക്ക ഔദ്യോഗികമായി റേഷന് കാര്ഡ്, വാട്ടര് കണക്ഷന്, സ്വത്ത് റജിസ്ട്രഷന് എന്നിവയെല്ലാം അനിവദിച്ചു കിട്ടിയിട്ടുണ്ടെന്നാണ് അറിയാന് സാധിക്കുന്നത്. ഈ സ്ഥലത്ത് ആശുപത്രികളും സ്കൂളുകളെല്ലാംമുണ്ട്. ഈ സ്ഥലം തങ്ങളുടേതാണെന്ന റെയില്വേയുടെ വാദം വസ്തുതകള്ക്ക് നിരക്കാത്തതാണ്. അത്കൊണ്ട് ഗവണ്മെന്റ് ഉത്തരാഖണ്ഡ് ഹൈക്കോടതിയില് അടിയന്തരമായി ഇടപ്പെട്ട് ഇവരെ കുടിയൊഴിപ്പിക്കുന്നത് തടയണം. ഈ പ്രദേശത്തെ ജനങ്ങളാകെ തീരുന്ന ഈ കുടുമബങ്ങളെ ദുരിതത്തിലേക്ക് തള്ളി വിടാതെ ഇരിക്കേണ്ടത് ഗവണ്മെന്റിന്റെ ബാധ്യതയാണെന്ന് അദ്ദേഹം ഫെയ്സ്ബുക്കിലൂടെ അറിയിച്ചു.
Health
പകര്ച്ചവ്യാധികള്ക്കെതിരെ അതീവ ജാഗ്രത നിര്ദേശം; ചത്ത് കിടക്കുന്ന പക്ഷികളെയും മൃഗങ്ങളെയും കൈ കൊണ്ട് എടുക്കരുത്
ജലദോഷം, വൈറല് പനികള്, ഡെങ്കിപ്പനി, എലിപ്പനി, ഇന്ഫ്ളുവന്സ-എച്ച്.1 എന്.1, വയറിളക്ക രോഗങ്ങള് എന്നിവയാണ് കൂടുതലായും കാണുന്നത്.

തിരുവനന്തപുരം: സംസ്ഥാനത്ത് മഴ തുടരുന്ന സാഹചര്യത്തില് പകര്ച്ചവ്യാധികള്ക്കെതിരെ അതീവ ജാഗ്രത നിര്ദേശം. ജലദോഷം, വൈറല് പനികള്, ഡെങ്കിപ്പനി, എലിപ്പനി, ഇന്ഫ്ളുവന്സ-എച്ച്.1 എന്.1, വയറിളക്ക രോഗങ്ങള് എന്നിവയാണ് കൂടുതലായും കാണുന്നത്. കുട്ടികളിലെ പനി ശ്രദ്ധിക്കണമെന്ന് ആരോഗ്യവകുപ്പ് വ്യക്തമാക്കി.
അസുഖമുള്ള കുട്ടികളെ സ്കൂളില് അയയ്ക്കരുത്. കൃത്യമായ ചികിത്സയും വിശ്രമവും ഉറപ്പാക്കണം. സ്വയം ചികിത്സ പാടില്ല. നീണ്ട് നില്ക്കുന്ന പനിയോ അപായ സൂചനകളായ പനിയോട് കൂടിയുള്ള ശ്വാസതടസം, അമിതമായ നെഞ്ചിടിപ്പ്, നെഞ്ച് വേദന, ബോധമില്ലാതെ സംസാരിക്കുക, ബോധക്ഷയം, കഫത്തില് രക്തത്തിന്റെ അംശം, അമിതമായ ക്ഷീണം എന്നിവ ഉണ്ടെങ്കില് വിദഗ്ധ ചികിത്സ തേടണം.
സ്റ്റേറ്റ് ലെവല് റാപ്പിഡ് റെസ്പോണ്സ് ടീം (ആര്.ആര്.ടി) യോഗം ചേര്ന്ന് സംസ്ഥാനത്തെ പൊതു സാഹചര്യം വിലയിരുത്തി. പക്ഷിപ്പനിയ്ക്കെതിരെയും ജാഗ്രത പാലിക്കണം. ചത്ത മൃഗങ്ങളേയും പക്ഷികളേയും സുരക്ഷാ മുന്കരുതലുകളില്ലാതെ കൈ കൊണ്ടെടുക്കരുത്. വളര്ത്തു മൃഗങ്ങളേയും പക്ഷികളേയും വളര്ത്തുന്നവര് പ്രത്യേകം ശ്രദ്ധിക്കണം. ചത്ത പക്ഷികളേയോ മൃഗങ്ങളേയോ കൈകാര്യം ചെയ്തവര്ക്ക് എന്തെങ്കിലും രോഗ ലക്ഷണങ്ങളുണ്ടെങ്കില് ഉടന് തന്നെ ആരോഗ്യ പ്രവര്ത്തകരെ വിവരം അറിയിക്കണം.
മാസ്ക്, സാമൂഹിക അകലം, കൈകളുടെ ശുചിത്വം തുടങ്ങിയ വ്യക്തിഗത സുരക്ഷാ മാര്ഗങ്ങളിലൂടെ ഇന്ഫ്ളുവന്സ, ജലദോഷം, ചുമ എന്നിവയെ പ്രതിരോധിക്കാനാകും. എച്ച്.1 എന്.1 കേസുകള് കൂടുന്നതിനാല് ഇത് പാലിക്കേണ്ടത് വളരെ പ്രധാനമാണ്. ആശുപത്രി സന്ദര്ശകര് നിര്ബന്ധമായും മാസ്ക് വയ്ക്കണം. രോഗികളല്ലാത്തവര് പരമാവധി ആശുപത്രി സന്ദര്ശനം ഒഴിവാക്കണം. ജലദോഷമുള്ളവര് മാസ്ക് ധരിക്കുന്നതാണ് അഭികാമ്യം. ഗര്ഭിണികള്, അനുബന്ധ രോഗമുള്ളവര്, പ്രായമായവര് എന്നിവര് മാസ്ക് ഉപയോഗിക്കണം.
എലിപ്പനിയ്ക്കെതിരെ ജാഗ്രത പുലര്ത്തണം. മലിനജലവുമായുള്ള സമ്പര്ക്കം പരമാവധി ഒഴിവാക്കണം. കൈകാലുകളില് മുറിവുകളുള്ളവര് മലിനജലവുമായി സമ്പര്ക്കം വരാതെ നോക്കുകയോ, വ്യക്തിഗത സുരക്ഷാ മാര്ഗങ്ങള് സ്വീകരിക്കുകയോ ചെയ്യണം. മണ്ണ്, ജലം എന്നിവയുമായി ബന്ധപ്പെച്ച തൊഴിലെടുക്കുന്നവര് ബൂട്ട്, ഗ്ലൗസ് തുടങ്ങിയ സുരക്ഷാ മുന്കരുതലുകളെടുക്കണം.
മലിന ജലത്തിലിറങ്ങിയവര് എലിപ്പനിക്കെതിരെയുള്ള പ്രതിരോധ ഗുളിക ആരോഗ്യ പ്രവര്ത്തകരുടെ നിര്ദേശാനുസരണം നിര്ബന്ധമായും കഴിക്കണം.
അമീബിക്ക് മെനിഞ്ചോ എന്സെഫലൈറ്റിസിനെതിരെ ജാഗ്രത പാലിക്കണം. കേരളത്തില് ഈ രോഗം റിപ്പോര്ട്ട് ചെയ്യപ്പെട്ട സാഹചര്യത്തില് കെട്ടിക്കിടക്കുന്ന വെള്ളത്തില് കുളിക്കുന്നതും വെള്ളത്തില് ഡൈവ് ചെയ്യുന്നതും പരമാവധി ഒഴിവാക്കണം. വാട്ടര് തീം പാര്ക്കുകളിലേയും സ്വിമ്മിംഗ് പൂളുകളിലേയും വെള്ളം കൃത്യമായി ക്ലോറിനേറ്റ് ചെയ്ത് ശുദ്ധമാണെന്ന് ഉറപ്പാക്കണം.
Home
നടന് സല്മാന് ഖാന്റെ വസതിയ്ക്കു നേരെ വെടിയുതിര്ത്ത കേസില് ഒരാള് കൂടി പിടിയില്
നടന് സല്മാന് ഖാന്റെ വസതിയ്ക്കു നേരെ വെടിയുതിര്ത്ത കേസില് ഒരാള് കൂടി പിടിയില്.രാജസ്ഥാന് സ്വദേശി മുഹമ്മദ് ചൗധരിയെയാണ് മുംബൈ ക്രൈംബ്രാഞ്ച് പൊലീസ് അറസ്റ്റ് ചെയ്തത്.

മുംബൈ: നടന് സല്മാന് ഖാന്റെ വസതിയ്ക്കു നേരെ വെടിയുതിര്ത്ത കേസില് ഒരാള് കൂടി പിടിയില്.രാജസ്ഥാന് സ്വദേശി മുഹമ്മദ് ചൗധരിയെയാണ് മുംബൈ ക്രൈംബ്രാഞ്ച് പൊലീസ് അറസ്റ്റ് ചെയ്തത്.കേസില് അറസ്റ്റിലാകുന്ന അഞ്ചാമത്തെ പ്രതിയാണ് മുഹമ്മദ് ചൗധരി.
സല്മാന് ഖാന് കേസില് കസ്റ്റഡിയില് ഇരിയ്ക്കേ ഒരു പ്രതി മരിച്ചിരുന്നു. മെയ് ഒന്ന് ബുധനാഴ്ചയാണ് അനുജ് തപന് മരിക്കുന്നത്. ആത്മഹത്യയ്ക്ക് ശ്രമിച്ച പ്രതിയെ ഉടന് ആശുപത്രിയിലെത്തിച്ചിരുന്നു. ചികിത്സയിലിരിക്കെയാണ് ഇയാള് മരിക്കുന്നത് എന്നാണ് മുംബൈ പൊലീസ് അറിയിച്ചിരുന്നത്. എന്നാല് പൊലീസ് കസ്റ്റഡിയില് വച്ചു അനുജിനെ കൊലപ്പെടുത്തിയെന്നാണ് ബന്ധുക്കള് ആരോപിക്കുന്നത്. സംഭവത്തില് സിബിഐ അന്വേഷണം വേണമെന്ന് ബന്ധുക്കള് ആവശ്യപ്പെട്ടിട്ടുണ്ട്.
Health
മലപ്പുറത്ത് ഹെപ്പറ്റൈറ്റിസ് രോഗബാധ; രണ്ട് മരണം
പോത്തുകല്ല്, എടക്കര പഞ്ചായത്തുകളിലാണ് രോഗബാധ സ്ഥിരീകരിച്ചത്.

വൈറല് ഹെപ്പറ്റൈറ്റിസ് രോഗബാധയെ തുടർന്ന് മലപ്പുറത്ത് രണ്ട് മരണം. പോത്തുകല്ല്, എടക്കര പഞ്ചായത്തുകളിലാണ് രോഗബാധ സ്ഥിരീകരിച്ചത്. 152 പേർക്ക് രോഗം സ്ഥിരീകരിച്ചതായാണ് ആരോഗ്യവകുപ്പ് അറിയിക്കുന്നത്. 38 പേരെ ആശുപത്രിയില് പ്രവേശിപ്പിച്ചു.
പ്രദേശത്ത് ആറ് കിണറുകളിലെ വെള്ളം പരിശോധിച്ചതില് മൂന്ന് കിണറുകളിലെ വെള്ളം ഉപയോഗശൂന്യമാണെന്ന് കണ്ടെത്തിയിരുന്നു. കിണറുകളിലെ വെള്ളം മൂന്ന് ദിവസത്തിലൊരിക്കല് ക്ലോറിനേറ്റ് ചെയ്ത് ശുചിയാക്കാനുള്ള നടപടികളും ആരോഗ്യപ്രവർത്തകരുടെ നേതൃത്വത്തില് ആരംഭിച്ചു.
സ്ഥലത്ത് പ്രതിരോധ പ്രവർത്തനങ്ങള് ഊർജിതമാക്കിയിട്ടുണ്ട്. തദ്ദേശ സ്ഥാപനങ്ങളുടെ അടക്കം സഹകരണത്തോടെയാണ് പ്രതിരോധ പ്രവർത്തനം. വീടുകള് കയറിയിറങ്ങി ബോധവത്കരണവും നല്കുന്നുണ്ട്. പനി, ക്ഷീണം, ഛർദ്ദി, വയറുവേദന തുടങ്ങിയ ലക്ഷണങ്ങള് കണ്ടാല് ചികിത്സതേടണമെന്നും ആരോഗ്യപ്രവർത്തകരെ അറിയിക്കണമെന്നും നിർദേശമുണ്ട്.
-
kerala2 days ago
മലക്കം മറിഞ്ഞ് മന്ത്രി; പ്രതിഷേധം ശക്തമായപ്പോള് സ്കൂള് സമയമാറ്റത്തില് ചര്ച്ചക്ക് തയ്യാറാണെന്ന് മന്ത്രി ശിവന്കുട്ടി
-
kerala2 days ago
കാസർഗോഡിന് പിന്നാലെ കണ്ണൂരിലും സ്കൂളിൽ പാദപൂജ; റിപ്പോർട്ട് തേടി മന്ത്രി വി. ശിവൻകുട്ടി
-
kerala2 days ago
സര്ക്കിള് ഇന്സ്പെക്ടര് വീടിനുള്ളില് മരിച്ച നിലയില്; മേലുദ്യോഗസ്ഥര് മാനസികമായി പീഡിപ്പിച്ചിരുന്നെന്ന് കുടുംബം
-
kerala2 days ago
അമിത് ഷാ പങ്കെടുത്ത ബി.ജെ.പിയുടെ ഓഫിസ് ഉദ്ഘാടനത്തില് പങ്കെടുക്കാതെ സുരേഷ്ഗോപി
-
kerala2 days ago
റെക്കോര്ഡ് കുതിപ്പില് സ്വര്ണവില; ഈ മാസത്തിലെ ഏറ്റവും ഉയര്ന്ന നിരക്കില്
-
kerala2 days ago
‘രണ്ടാം പിണറായി സര്ക്കാരിന് പ്രവര്ത്തന മികവില്ല’; സിപിഐ തൃശൂര് ജില്ലാ സമ്മേളനത്തില് രൂക്ഷ വിമര്ശനം
-
kerala3 days ago
മുസ്ലിംലീഗ് വയനാട് പുനരധിവാസ പദ്ധതി: 105 വീടുകളുടെ നിര്മ്മാണത്തിന് നിലമൊരുങ്ങുന്നു
-
kerala2 days ago
‘കയ്യുവെട്ടും കാലുംവെട്ടും, വേണ്ടി വന്നാല് തലയും വെട്ടും’; പൊലീസിനെതിരെ കൊലവിളി മുദ്രാവാക്യം മുഴക്കി സിപിഎം