kerala
യുവാവിനെ വഞ്ചിച്ച് അശ്ലീല സീരിസില് അഭിനയിപ്പിച്ചു; സംവിധായിക അറസ്റ്റില്
വേങ്ങന്നൂര് സ്വദേശിയായ 26 കാരനാണ് പരാതിക്കാരന്.
യുവാവിനെ വഞ്ചിച്ച് അശ്ലീല വെബ് സീരീസില് അഭിനയിപ്പിച്ചുവെന്ന കേസില് സംവിധായക ലക്ഷ്മി ദീപ്ത അറസ്റ്റില്. അരുവിക്കര പോലീസ് ആണ് അറസ്റ്റ് രേഖപ്പെടുത്തിയത്. നെടുമങ്ങാട് കോടതിയില് ഹാജരായ ശേഷം ഉപാധികളുടെ ജാമ്യം അനുവദിച്ചു.
വേങ്ങന്നൂര് സ്വദേശിയായ 26 കാരനാണ് പരാതിക്കാരന്. സിനിമയില് നായകന് ആക്കാം എന്ന് പറഞ്ഞ് അശ്ലീല വെബ് സീരീസില് അഭിനയിപ്പിച്ചു എന്നാണ് പരാതി. തിരുവനന്തപുരം അരുവിക്കരയിലെ ഒറ്റപ്പെട്ട ഒരു അപ്പാര്ട്ട്മെന്റില് വെച്ചായിരുന്നു ചിത്രീകരണം. ആദ്യ കുറച്ചു ഭാഗങ്ങള് ചിത്രീകരിച്ച യുവാവിനെ കൊണ്ട് കരാറില് ഒപ്പ് വെപ്പിച്ച ശേഷം അശ്ലീല ചിത്രമാണെന്ന് പറഞ്ഞ് ഭീഷണിപ്പെടുത്തി അഭിനയിക്കുകയായിരുന്നു.
kerala
കേരളത്തില് സ്വര്ണവില വീണ്ടും ഇടിഞ്ഞു; ഗ്രാമിന് 30 രൂപ കുറഞ്ഞു
ആഗോള വിപണിയിലെ തിരിച്ചടിയെയാണ് ആഭ്യന്തര വിപണിയും പിന്തുടര്ന്നത്.
കൊച്ചി: സംസ്ഥാനത്ത് സ്വര്ണവിലയില് വീണ്ടും ഇടിവ്. ഗ്രാമിന് 30 രൂപ കുറഞ്ഞ് 11,925 രൂപയായാണ് ഇന്ന് വില രേഖപ്പെടുത്തിയിരിക്കുന്നത്. പവന്റെ വില 240 രൂപ ഇടിഞ്ഞ് 95,400 രൂപയായി.
18 കാരറ്റ് സ്വര്ണത്തിന്റെ വിലയില് ഗ്രാമിന് 25 രൂപ കുറവുണ്ടായി (9,805 രൂപ). 14 കാരറ്റ് സ്വര്ണം 20 രൂപ കുറവോടെ 7,640 രൂപയായി.
ആഗോള വിപണിയിലെ തിരിച്ചടിയെയാണ് ആഭ്യന്തര വിപണിയും പിന്തുടര്ന്നത്. സ്പോട്ട് ഗോള്ഡ് 0.2% ഇടിഞ്ഞ് 4,189.49 ഡോളര് നിലയിലും യു.എസ് ഗോള്ഡ് ഫ്യൂച്ചര് നിരക്ക് 0.6% ഇടിഞ്ഞ് 4,217.7 ഡോളറിലും വ്യാപാരം പുരോഗമിക്കുന്നു.
ഫെഡറല് റിസര്വിന്റെ വരാനിരിക്കുന്ന പലിശനിരക്ക് പ്രഖ്യാപനത്തെ മുന്നിര്ത്തി നിക്ഷേപകര് കരുതലെടുക്കുന്നതാണ് വില ഇടിവിന് പിന്നിലെ പ്രധാന കാരണം. പലിശനിരക്കില് 25 ബേസിസ് പോയിന്റ് കുറവ് വരാനിടയുണ്ടെന്നാണ് വിലയിരുത്തല്.
ഇതിനിടെ, കേന്ദ്രബാങ്കുകളുടെ സ്വര്ണവാങ്ങല് തുടര്ന്നുകൊണ്ടിരിക്കുന്നു. ഇതിന്റെ ഫലമായി 2026 സാമ്പത്തിക വര്ഷത്തിന്റെ ആദ്യ പകുതിയില് സ്വര്ണവില അന്താരാഷ്ട്ര വിപണിയില് 5,000 ഡോളര് കടക്കാമെന്ന പ്രവചനവും ശക്തമാകുന്നു. അതുവഴി ഇന്ത്യ ഉള്പ്പെടെ ആഭ്യന്തര വിപണികളില് സ്വര്ണവില ഒരു ലക്ഷം രൂപ കടക്കാനിടയുണ്ടെന്നുമാണ് വിലയിരുത്തല്.
ഇതിനു മുമ്പ്, കേരളത്തില് തിങ്കളാഴ്ച സ്വര്ണവില ഉയര്ന്നിരുന്നു. ഗ്രാമിന് 25 രൂപ വര്ധിച്ച് 11,955 രൂപയും പവന് 200 രൂപ ഉയര്ന്ന് 95,640 രൂപയുമായിരിന്നു.
kerala
തിരുവല്ലയില് യന്ത്രതകരാറും മര്ദനവും: വോട്ടെടുപ്പ് തടസ്സപ്പെട്ടു
നിരണം പഞ്ചായത്തിലെ ഇരതോട് 28-ാം നമ്പര് ബൂത്തില് വോട്ടിംഗ് മെഷീന് തകരാറിനെ തുടര്ന്ന് വോട്ടെടുപ്പ് ഏറെ നേരം വൈകി. വോട്ട് ചെയ്യാന് എത്തിയ നിരവധി പേര് തിരിച്ചുപോയി.
തിരുവല്ല: തദ്ദേശ തെരഞ്ഞെടുപ്പ് വോട്ടെടുപ്പില് തിരുവല്ലയില് യന്ത്രതകരാറുകളും അക്രമവും റിപ്പോര്ട്ട് ചെയ്തു. നിരണം പഞ്ചായത്തിലെ ഇരതോട് 28-ാം നമ്പര് ബൂത്തില് വോട്ടിംഗ് മെഷീന് തകരാറിനെ തുടര്ന്ന് വോട്ടെടുപ്പ് ഏറെ നേരം വൈകി. വോട്ട് ചെയ്യാന് എത്തിയ നിരവധി പേര് തിരിച്ചുപോയി.
പെരിങ്ങര പഞ്ചായത്തിലെ ആലംതുരുത്തി സ്കൂളിലെ മൂന്നാം വാര്ഡ് ബൂത്തിലുമായിരുന്നു സമാന സാഹചര്യം. യന്ത്രത്തിലെ തകരാര് പരിഹരിച്ചതിന് ശേഷം മാത്രമാണ് വോട്ടെടുപ്പ് പുനരാരംഭിച്ചത്.
ഇതിനിടെ, തിരുവല്ല നഗരസഭയുടെ ഇരുവെള്ളിപ്പറ 17-ാം വാര്ഡില് എന്.ഡി.എ സ്ഥാനാര്ഥി മണിക്കുട്ടനും പ്രവര്ത്തകരായ പുളിക്കത്തറ സുനീഷ്, അനീഷ് തേവര്മല എന്നിവര്ക്കും എല്.ഡി.എഫ് പ്രവര്ത്തകരില് നിന്ന് മര്ദനമേറ്റതായി പരാതി. രാത്രി 11 മണിയോടെ സെന്റ് തോമസ് സ്കൂളിന് സമീപം ബൂത്ത് നിര്മ്മാണ പ്രവര്ത്തനത്തിനിടെ വാക്കേറ്റം സംഘര്ഷത്തിലേക്ക് നീങ്ങുകയായിരുന്നു.
kerala
തനിക്കെതിരെ നടന്ന ഗൂഢാലോചന ആരോപണത്തില് പരാതി നല്കുമെന്ന് നടന് ദിലീപ്
എറണാകുളം പ്രിന്സിപ്പല് സെഷന്സ് കോടതി പുറത്തുവിട്ട നിര്ണായക ഉത്തരവിലാണ് ദിലീപിന് കുറ്റവിമുക്തി ലഭിച്ചത്.
കൊച്ചി: നടിയെ ആക്രമിച്ച കേസില് ഗൂഢാലോചനയ്ക്ക് തെളിവില്ലെന്നു കണ്ടെത്തി എട്ടാം പ്രതി ദിലീപിനെ കോടതി വെറുതെവിട്ടു. എറണാകുളം പ്രിന്സിപ്പല് സെഷന്സ് കോടതി പുറത്തുവിട്ട നിര്ണായക ഉത്തരവിലാണ് ദിലീപിന് കുറ്റവിമുക്തി ലഭിച്ചത്. നടിയെ ആക്രമിച്ച് ദൃശ്യങ്ങള് പകര്ത്തിയ ആദ്യ ആറു പ്രതികള്ക്കെതിരെ കോടതി കുറ്റം തെളിഞ്ഞതായി വിധിച്ചു.
ദിലീപിനെതിരായ ക്രിമിനല് ഗൂഢാലോചനയുടെയും പ്രേരണയുടെയും ആരോപണങ്ങള്ക്ക് യാതൊരു തെളിവും ഇല്ലെന്ന് കോടതി വ്യക്തമാക്കി. ഏഴാം പ്രതി ചാര്ളി തോമസ്, ഒമ്പതാം പ്രതി സനില്, പതിനഞ്ചാം പ്രതി ശരത് എന്നിവരും കുറ്റവിമുക്തരായി.
വിധിയെത്തുടര്ന്ന് പ്രതികരിച്ച ദിലീപ്, തനിക്കെതിരായി പൊലീസ് ഗൂഢാലോചന നടത്തിയതും അന്വേഷണം തെറ്റിദ്ധരിപ്പിച്ച് മുഖ്യമന്ത്രിയെ വരെ വഴിതെറ്റിച്ചതും അന്വേഷിക്കണമെന്ന് ആവശ്യപ്പെട്ട് പരാതി നല്കുമെന്ന് അറിയിച്ചു. അതിജീവിതയുമായി തനിക്ക് നല്ല ബന്ധമുണ്ടായിരുന്നുവെന്നും ചില ഉദ്യോഗസ്ഥര് അവരുടെ നേട്ടങ്ങള്ക്ക് വേണ്ടി തന്നെ ബലിയാടാക്കിയെന്നും ദിലീപ് ആരോപിച്ചു. ഉത്തരവിന്റെ പകര്പ്പ് ലഭിച്ചതിന് ശേഷം തുടര് നടപടികള് സ്വീകരിക്കുമെന്ന് അദ്ദേഹം വ്യക്തമാക്കി.
-
india15 hours agoഡോളറിന്റെ മൂല്യം കൂടിയാല് നമുക്കെന്ത ഇന്ത്യക്കാര് രൂപയല്ലേ ഉപയോഗിക്കുന്നത്: വിവാദ പരാമര്ശവുമായി ബിജെപി എംപി
-
health3 days agoഡയറ്റ് പ്ലാനിങ്ങിലുണ്ടോ? നമുക്കാവശ്യമായ ഭക്ഷണ ശൈലി ഇങ്ങനെ ക്രമീകരിക്കാം
-
news3 days agoകടുവ സെന്സസിനിടെ കാട്ടാന ആക്രമണം; വനം വകുപ്പ് ജീവനക്കാരന് കൊല്ലപ്പെട്ടു
-
news3 days agoക്ഷേത്രത്തില് വന് കവര്ച്ച; തിരുവാഭരണം മോഷണം പോയി
-
News3 days agoബാലമുരുകനെതിരെ തിരച്ചില് ശക്തം; കടയത്തി മലയിടുക്ക് പൊലീസ് വളഞ്ഞു
-
kerala17 hours agoകുപ്പിവെള്ളത്തില് ചത്ത പല്ലി; വെള്ളം കുടിച്ച യുവാവ് ആശുപത്രിയില്
-
Cricket3 days agoഹിറ്റായി ‘ഹിറ്റ്മാന്’; അന്താരാഷ്ട്ര ക്രിക്കറ്റില് 20,000 റണ്സ് എന്ന ചരിത്രനേട്ടം സ്വന്തമാക്കി രോഹിത് ശര്മ
-
india14 hours ago‘നെഹ്റു ജീവിച്ചതും മരിച്ചതും ഇന്ത്യയ്ക്ക് വേണ്ടി’; പ്രിയങ്ക ഗാന്ധി

