Career
CAREER CHANDRIKA: കരിയറില്‍ വിപുല സാധ്യതകളൊരുക്കി അലിഗഡ്
ഇന്ത്യയിലെ ഏറ്റവും പഴക്കമുള്ള കേന്ദ്ര സര്‍വകലാശാലകളിലൊന്നായി തലയുയര്‍ത്തി നില്‍ക്കുന്ന അലിഗഡ് മുസ്‌ലിം സര്‍വകലാശാല വിപുലവും മികച്ചതുമായ പഠനവസരങ്ങളാണ് നല്‍കുന്നത്.
ഇന്ത്യയിലെ ഏറ്റവും പഴക്കമുള്ള കേന്ദ്ര സര്‍വകലാശാലകളിലൊന്നായി തലയുയര്‍ത്തി നില്‍ക്കുന്ന അലിഗഡ് മുസ്‌ലിം സര്‍വകലാശാല വിപുലവും മികച്ചതുമായ പഠനവസരങ്ങളാണ് നല്‍കുന്നത്. അലീഗഢിലെ പ്രധാന കേന്ദ്രത്തിനു പുറമെ മലപ്പുറം, പശ്ചിമബംഗാളിലെ മുര്‍ഷിദാബാദ്, ബീഹാറിലെ കിഷന്‍ഗഞ്ച് എന്നിവടങ്ങളിലും കേന്ദ്രങ്ങളുണ്ട്.
അലിഗഢ് സര്‍വകലാശാലയുടെ ഭാഗമായി പ്രവര്‍ത്തിക്കുന്ന 13 പഠന വിഭാഗങ്ങളുടെ ഭാഗമായി നിരവധി കോളേജുകളും നിലവിലുണ്ട്. വ്യത്യസ്!ത വിഷയങ്ങളിലുള്ള വൈവിധ്യങ്ങളായ ലഭ്യമായ കോഴ്‌സുകളില്‍ മിക്കതിനും തുച്ഛമായ പഠന ചെലവാണുള്ളത് എന്ന ആകര്‍ഷണീയതയുണ്ട്.
പ്ലസ്ടു കഴിഞ്ഞവര്‍ക്ക് പ്രവേശനം നേടാവുന്ന ചില കോഴ്‌സുകളിലെ പ്രവേശനം നാഷണല്‍ ടെസ്റ്റിംഗ് ഏജന്‍സി നടത്തുന്ന കോമണ്‍ യൂണിവേഴ്സിറ്റി എന്‍ട്രന്‍സ് ടെസ്റ്റ് (സിയുഇടി) വഴിയാണ്. ഇത്തരം കോഴ്‌സുകളെക്കുറിച്ചറിയാനും അപേക്ഷ സമര്‍പ്പിക്കുവാനും https://cuet.samarth.ac.in/ എന്ന വെബ്‌സൈറ്റ് സന്ദര്‍ശിക്കാവുന്നതാണ്.
പ്ലസ്ടു കഴിഞ്ഞവര്‍ക്കും ഈ വര്‍ഷം പരീക്ഷ എഴുതുന്നവര്‍ക്കും സിയുഇടിയുടെ പരിധിയില്‍ പെടാത്ത താഴെക്കൊടുത്ത കോഴ്‌സുകളിലെ പ്രവേശനത്തിന് https://www.amucotnrollerexams.com/ വഴി അപേക്ഷ സമര്‍പ്പിക്കാവുന്നതാണ്.
അഗ്രിക്കള്‍ച്ചര്‍, ബയോകെമിസ്ട്രി, ബോട്ടണി, സുവോളജി, ഫിസിക്‌സ്, കെമിസ്ട്രി, മാത്തമാറ്റിക്‌സ്, ജിയോഗ്രഫി, ജിയോളജി, സ്റ്റാറ്റിസ്റ്റിക്‌സ്, ഇന്‍ഡസ്ട്രിയല്‍ കെമിസ്ട്രി കമ്പ്യൂട്ടര്‍ ആപ്ലിക്കേഷന്‍ എന്നിവയില്‍ ബി.എസ്.സി ഓണേഴ്‌സ്.
അറബിക്, കമ്യൂണിക്കേറ്റീവ് ഇംഗ്ലീഷ്, ഇംഗ്ലീഷ്,ജ്യോഗ്രഫി, ലിംഗ്വിസ്റ്റിക്, ഫിലോസഫി, ഖുര്‍ആനിക പഠനം, ഉറുദു, ചൈനീസ്, ഫ്രഞ്ച്, ജര്‍മന്‍, റഷ്യന്‍, സ്പാനിഷ്, ഇക്കണോമിക്‌സ്, എജുക്കേഷന്‍, ജിയോഗ്രഫി, ഹിസ്റ്ററി, ഇസ്ലാമിക് സ്റ്റഡീസ്, പൊളിറ്റിക്കല്‍ സയന്സ്, സൈക്കോളജി, സോഷ്യല്‍ വര്‍ക്ക്, സോഷ്യോളജി, വിമന്‍ സ്റ്റഡീസ്,സുന്നി, ഷിയാ തിയോളജി എന്നിവയില്‍ ബി.എ ഓണേഴ്‌സ്.ബാച്ചിലര്‍ ഓഫ് വിശ്വല്‍ ആര്‍ട്‌സ് ബി.കോം ഓണേഴ്‌സ്/ റിസര്‍ച്ച്
കെമിക്കല്‍, സിവില്‍. കമ്പ്യൂട്ടര്‍, ഇലക്ട്രിക്കല്‍, ഇലക്ട്രോണിക്‌സ് ആന്‍ഡ് കമ്മ്യൂണിക്കേഷന്‍, മെക്കാനിക്കല്‍, പെട്രോ കെമിക്കല്‍, ഫുഡ് ടെക്‌നൊളജി, ആര്‍ട്ടിഫിഷ്യല്‍ ഇന്റലിജന്‍സ്, ഓട്ടോമൊബൈല്‍ (ഇലക്ട്രിക് വെഹിക്കിള്‍) എന്നിവയില്‍ ബാച്ചിലര്‍ ഓഫ് ടെക്‌നോളജി (ബി.ടെക്) ബാചിലര്‍ ഓഫ് ആര്‍ക്കിടെക്ച്ചര്‍ (ബി. ആര്‍ക്ക്) വിവിധ എഞ്ചിനീയറിങ് വിഷയങ്ങള്‍ക്ക് പുറമെ ലെതര്‍ ഡിസൈന്‍ & ഫുട്!വെയര്‍ ടെക്‌നോളജി, കോസ്റ്റും ടെക്‌നോളജി ആന്‍ഡ് ഗാര്‍മെന്റ് ടെക്‌നോളജി, സെക്രെട്ടറിയല്‍ പ്രാക്ടീസ് എന്നിവയില്‍ ഡിപ്ലോമ ബിഎഎല്‍എല്‍ബി
എം.ബി.ബി.എസ് ബി. ഡി. എസ് ബാച്ചിലര്‍ ഓഫ് റേഡിയേഷന്‍ തെറാപ്പി ടെക്‌നോളജി
ബി.എസ്.സി നഴ്‌സിംഗ് റേഡിയേഷന്‍തെറാപ്പി ടെക്‌നോളജി, ഒപ്‌റ്റോമെട്രി, ഓപ്പറേഷന്‍ തിയേറ്റര്‍ ടെക്‌നോളജി, ഡയാലിസിസ് തെറാപ്പി ടെക്‌നോളജി, മെഡിക്കല്‍ റേഡിയോളജി &ഇമേജിങ് ടെക്‌നോളജി, മെഡിക്കല്‍ ലബോറട്ടറി സയന്സ്, ഫിസിയോതെറാപ്പി എന്നീ പാരാമെഡിക്കല്‍ ഡിഗ്രി ഡെന്റല്‍ ഹൈജീന്‍, ഡെന്റല്‍ മെക്കാനിക്‌സ്,ഓര്‍ത്തോ പീഡിക് &പ്ലാസ്റ്റര്‍ ടെക്‌നീഷ്യന്‍ എന്നീ പാരാമെഡിക്കല്‍ ഡിപ്ലോമ പ്രോഗ്രാമുകള്‍
കൂടാതെ ബിരുദാനന്തര ബിരുദ, ഗവേഷണ കോഴ്‌സുകളും ഡിപ്ലോമ, സര്‍ട്ടിഫിക്കറ്റ് കോഴ്‌സുകള്‍ എന്നിവയും ലഭ്യമാണ്. കോഴ്‌സുകളും സംബന്ധിച്ച പൂര്‍ണ വിവരങ്ങള്‍ക്ക് https://www.amucotnrollerexam-s.com/ എന്ന വെബ്‌സൈറ്റില്‍ കൊടുത്ത അഡ്മിഷന്‍ ഗൈഡ് പരിശോധിക്കാം. ബി.എഎല്‍.എല്‍.ബി, എം.ബി.എ, ബി.എഡ് എന്നീ കോഴ്‌സുകള്‍ പഠിക്കാന്‍ മലപ്പുറം കേന്ദ്രത്തിലും അവസരമുണ്ട്.
അലിഗഡ് യൂണിവേഴ്സിറ്റി നടത്തുന്ന വിവിധ കോഴ്‌സുകളുടെ പ്രവേശനം അഖിലേന്ത്യാ അടിസ്ഥാനത്തില്‍ നടത്തുന്ന പ്രവേശന പരീക്ഷയുടെ അടിസ്ഥാനത്തിലാണ്. https://www.amucotnrollerexams.com/ എന്ന വെബ്‌സൈറ്റ് വഴി ഓണ്‍ലൈന്‍ ആയിട്ടാണ് അപേക്ഷ സമര്‍പ്പിക്കേണ്ടത്. വിവിധ കോഴ്‌സുകള്‍ക്ക് ഒറ്റ അപേക്ഷ സമര്‍പ്പിച്ചാല്‍ മതി. അപേക്ഷയുടെ ഹാര്‍ഡ് കോപ്പി അയക്കേണ്ടതില്ലെങ്കിലും പ്രിന്റെടുത്ത് സൂക്ഷിക്കണം.
ബി.ടെക്/ബി.ആര്‍ക്ക്, ഡിപ്ലോമ, ബി.എഎല്‍.എല്‍.ബി, ബി.എഡ്, എം.ബി.എ, ബി.എ (ഓണേഴ്‌സ്). ബി.കോം (ഓണേഴ്‌സ്), ബി.എസ്.സി (ഓണേഴ്‌സ്), ബി.എഡ്, എം.ബി.എ, എം.എസ്.ഡബ്‌ള്യു, മാസ്റ്റര്‍ ഓഫ് ടൂറിസം ആന്‍ഡ് ട്രാവല്‍ മാനേജ്മെന്റ് എന്നീ കോഴ്‌സുകളുടെ പ്രവേശന പരീക്ഷക്ക് കോഴിക്കോട് പരീക്ഷാ കേന്ദ്രമുണ്ട്. മറ്റു പരീക്ഷകള്‍ക്ക് അലിഗഡ് മാത്രമാണ് കേന്ദ്രം. എം.ബി.ബി.എസ്, ബി.ഡി.എസ് പ്രവേശനത്തിന് നീറ്റ് (യുജി) വഴിയും ബി.ആര്‍ക്കിന് നാറ്റ വഴിയും യോഗ്യത നേടണം.
അപേക്ഷിക്കാനുള്ള അവസാന ദിവസം കോഴ്‌സുകള്‍ക്കനുസൃതമായി മാര്‍ച്ച് 15 മുതല്‍ വ്യത്യസ്ത തീയതികളിലാണ്.ഓരോ കോഴ്‌സുകള്‍ക്കും വേണ്ട യോഗ്യതകള്‍, പ്രവേശന പരീക്ഷാ രീതി, അപേക്ഷിക്കേണ്ട അവസാന തീയതി അഡ്മിഷന്‍ നടപടിക്രമങ്ങള്‍ എന്നിവ വെബ്‌സൈറ്റില്‍ ലഭ്യമാണ്.
Career
പി.ടി. സഫ്‌വാൻ ഹുദവിക്ക് ഡോക്ടറേറ്റ്; അഞ്ച് ഭൂഖണ്ഡങ്ങളിൽ നിന്ന് മക്കയിലേക്കുള്ള യാത്രാ വിവരണങ്ങളുടെ താരതമ്യ പഠനത്തിലാണ് ഡോക്ടറേറ്റ്
നിലവിൽ നിലമ്പൂർ അമൽകോളേജ് ഓഫ് അഡ്വാൻസ്ഡ് സ്റ്റഡീസിൽ അസിസ്റ്റൻ്റ് പ്രൊഫസറായ സഫ്‌വാൻ ദേശീയ അന്തർദേശീയ കം പാരറ്റീവ് അസോസിയേഷൻ അംഗമാണ്.
റഹൂഫ് കൂട്ടിലങ്ങാടി
മലപ്പുറം: പി.ടി.സഫ് വാൻ ഹുദവി ഹൈദരാബാദ് ഇഫ്ളു സർവകലാശാലയിൽ നിന്ന് ഡോക്ടറേറ്റ് നേടി. ദി വേ ആൻ്റ് ദ വോയേജ്, എ കംപാരറ്റീവ് എൻക്വയറി ഇൻ ടു ജിയോ പൊയറ്റിക്സ് ആൻ്റ് ഇൻ്റർ സ്‌പെഷ്യാലിറ്റി ഇൻ ദ ട്രാവലോഗ്സ് ഓൺ മെക്ക (പഥവും സഞ്ചാരവും: അഞ്ച് ഭൂഖണ്ഡങ്ങളിൽ നിന്ന് മക്കയിലേക്കുള്ള യാത്രാവിവരണങ്ങളിലെ വൈവിധ്യങ്ങൾ സബന്ധിച്ചുള്ള താരതമ്യ പഠനം ഒരു അന്വേഷണം എന്ന വിഷയത്തിലാണ് ഹൈദരാബാദിലെ ഇംഗ്ലീഷ് ആൻ്റ് ഫോറിൻ ലാംഗ്വേജ് യൂണിവേഴ്സിറ്റി (ഇഫ്ളു)
യിൽ നിന്ന് ഡോക്ടറേറ്റ് ലഭിച്ചത്.
ചെമ്മാട് ദാറുൽ ഹുദാ ഇസ്ലാമിക് യൂനിവേഴ്‌സിറ്റിയിൽ നിന്ന് 2012 ൽ ഹുദവി ബിരുദം നേടിയ സഫ്‌വാൻ അതേ വർഷം തന്നെ കാലിക്കറ്റ് യൂനിവേഴ്‌സിറ്റിയിൽ നിന്ന് ഇംഗ്ലീഷ് ലാംഗ്വേജ് ആൻ്റ് ലിറ്ററേച്ചറിൽ ബിരുദവും നേടിയ ശേഷം ഇഫ്ളുവിൽ നിന്ന് ഇംഗ്ലീഷിൽ ബിരുദാനന്തര ബിരുദവും ഹൈദരാബാദ് സർവകലാശാലയിൽ നിന്ന് കംപാരറ്റീവ് ലിറ്ററേച്ചറിൽ എം ഫില്ലും നേടി. നേരത്തെ ഇഫ്ളുവിൽ നിന്ന് തന്നെ അറബിക് ഇംഗ്ലീഷ് ട്രാൻസലേഷനിൽ ഡിപ്ലോമയും നേടിയിട്ടുണ്ട്. തുടർന്നാണ് ഇഫ്ളുവിലെ ഡിപ്പാർട്മെൻ്റ് ഓഫ് കംപാരറ്റീവ് ലിറ്ററേച്ചറിൽ പി.എച്ച്.ഡിക്ക് ചേർന്നത്.
നിലവിൽ നിലമ്പൂർ അമൽകോളേജ് ഓഫ് അഡ്വാൻസ്ഡ് സ്റ്റഡീസിൽ അസിസ്റ്റൻ്റ് പ്രൊഫസറായ സഫ്‌വാൻ ദേശീയ അന്തർദേശീയ കം പാരറ്റീവ് അസോസിയേഷൻ അംഗമാണ്. ഐ.സി.എസ്.എസ്.ആർ ഡോക്ടറൽ ഫെലോഷിപ്പ്, മൗലാനാ ആസാദ് നാഷണൽ ഫെലോഷിപ് എന്നിവക്ക് അർഹത നേടിയിട്ടുണ്ട്.
നിലമ്പൂർ അമൽ കോളേജ് ഇഗ്നോ സ്റ്റഡി സെൻ്റർ അസിസ്റ്റൻ്റ് കോർഡിനേറ്റർ, ശ്രീനാരായണഗുരു ഓപ്പൺ സർവകലാശാല അക്കാഡമിക് കൗൺസിലർ, ന്യൂനപക്ഷ വിദ്യാർത്ഥികൾക്കുള്ള യു.ജി.സി.നെറ്റ് ഇംഗ്ലീഷ് പരിശീലനത്തിൻ്റെ സംസ്ഥാനതല കോർഡിനേറ്റർ, കോളേജ് അധ്യാപക സംഘടനയായ സി.കെ.സി.ടി മലപ്പുറം ജില്ലാ ജോ: സെക്രട്ടറി എന്നീ നിലകളിൽ പ്രവർത്തിക്കുന്നു.
നേരത്തെ, ഹൈദരാബാദ് മൗലാനാ ആസാദ് നാഷണൽ ഉർദു യൂനിവേഴ്‌സിറ്റി, മൗലാനാ ആസാദ് നാഷണൽ ഉറുദു സർവകലാശാല, മലപ്പുറം ഗവണ്‍മെന്റ് ആർട്സ് ആൻ്റ് സയന്സ് കോളേജ്, കുറ്റ്യാടി ഐഡിയൽ ആർട്സ് ആൻ്റ് സയൻസ് കോളേജ് എന്നിവിടങ്ങളിൽ
ഗസ്റ്റ് അധ്യാപകനായി ജോലി ചെയ്തിട്ടുണ്ട്.
ദേശീയ തലത്തിൽ ശ്രദ്ധേയമായ എജ്യുക്കേഷൻ ആൻ്റ് സൊസൈറ്റി ജേർണലിൽ ഫാദർ ഫിഗർ ഇൻ മാട്രിലിനി, ഹിസ് റ്റോ റൈസിംഗ് ഫാദർഹുഡ് ഇൻ ദ സോഷ്യോ കൾച്ചറൽ മില്യു ഓഫ് കേരള, ഇൻ്ററോഗേറ്റിംഗ് ദ ന്യു ട്രെൻഡ്സ് ഇൻ ട്രാൻസ് ലേഷൻ സ്റ്റഡീസ്, ദി ഷിഫ്റ്റ് ഫ്രം ലിംഗ്വിസ്റ്റിക് ടേൺ ഇൻ ടു കൾച്ചറൽ ടേൺ തുടങ്ങി ഇരുപതോളം പഠന പ്രബന്ധങ്ങൾ പ്രസിദ്ധീകരിക്കുകയും ദേശീയ അന്തർദേശീയ സെമിനാറുകളിലും ശിൽപ്പശാലകളിലും അവതരിപ്പിക്കുകയും ചെയ്തിട്ടുണ്ട്.
മലപ്പുറം കൂട്ടിലങ്ങാടി ചെലൂരിലെ പുളിക്കത്തൊടി മോയിൻ കുട്ടിയുടെയും കുട്ടശ്ശേരി നഫീസയുടെയും മകനാണ്. ഭാര്യ: കാട്ടിൽ പീടികക്കൽ ശഫ്ന. (മങ്കട പള്ളിപ്പുറം ഹൈസ്കൂൾ അധ്യാപിക). മകൻ: അയ്മൻ അഹമ്മദ് (മൂന്ന് വയസ്). നസീമ, ഫസീന, സുനീറ, നസീറ എന്നിവർ സഹോദരങ്ങളാണ്.
Career
ഡിപ്ലോമ ഇന്‍ എയര്‍ലൈന്‍ ആന്‍ഡ് എയര്‍പോര്‍ട്ട് മാനേജ്മെന്റ് കോഴ്സിന് അപേക്ഷിക്കാം
അംഗീകൃത പഠന കേന്ദ്രങ്ങളുടെ നേതൃത്വത്തിലാണ് സമ്പര്‍ക്ക ക്ലാസ്സുകള്‍ ക്രമീകരിച്ചിട്ടുള്ളത്.
സംസ്ഥാന പൊതുവിദ്യാഭ്യാസവകുപ്പിന് കീഴിലുള്ള സ്റ്റേറ്റ് റിസോഴ്സ് സെന്ററിന്റെ നേതൃത്വത്തില്‍ പ്രവര്‍ത്തിക്കുന്ന എസ്.ആര്‍.സി കമ്മ്യൂണിറ്റി കോളേജ് ജൂലൈ സെഷനില്‍ ആരംഭിക്കുന്ന ഡിപ്ലോമ ഇന്‍ എയര്‍ലൈന്‍ ആന്‍ഡ് എയര്‍പോര്‍ട്ട് മാനേജ്മെന്റിന് (DAM) പ്രോഗ്രാമിലേക്ക് പ്ലസ്ടു അഥവാ തത്തുല്യ യോഗ്യതയോ ഉള്ളവര്‍ക്ക് അപേക്ഷിക്കാം.
അംഗീകൃത പഠന കേന്ദ്രങ്ങളുടെ നേതൃത്വത്തിലാണ് സമ്പര്‍ക്ക ക്ലാസ്സുകള്‍ ക്രമീകരിച്ചിട്ടുള്ളത്. വിവിധ എയര്‍പോര്‍ട്ടുകളില്‍ ഇന്റേണ്‍ഷിപ്പ് ഉള്‍പ്പെടുത്തിയിട്ടുണ്ട്. https://app.srccc.in/register എന്ന ലിങ്കിലൂടെ ഓണ്‍ലൈനായി അപേക്ഷിക്കാം. https://srccc.in/download എന്ന ലിങ്കില്‍ നിന്നും അപേക്ഷാഫാറം ഡൗണ്‍ലോഡ് ചെയ്തും അപേക്ഷിക്കാം. ആഗസ്റ്റ് പത്തിനുള്ളില്‍ അപേക്ഷ സമര്‍പ്പിക്കണം. വിശദ വിവരങ്ങള്‍ തിരുവനന്തപുരം നന്ദാവനത്തുള്ള എസ്.ആര്‍.സി ഓഫീസില്‍ നിന്ന് നേരിട്ടും ലഭിക്കും. വിലാസം: ഡയറക്ടര്‍, സ്റ്റേറ്റ് റിസോഴ്സ് സെന്റര്‍, നന്ദാവനം, വികാസ് ഭവന്‍ പി.ഒ, തിരുവനന്തപുരം-33. ഫോണ്‍: 0471 2570471, 9846033009. വിശദാംശങ്ങള്‍ www.srccc.in എന്ന വെബ്സൈറ്റിലും ലഭിക്കും.
Career
ചന്ദ്രിക തൊണ്ണൂറാം വാർഷികാഘോഷത്തിൻ്റെ ഭാഗമായി സംഘടിപ്പിക്കുന്ന വിദ്യഭ്യാസ പ്രദർശനവും സെമിനാറുകളും Edu Excel Education Expo ഇന്നും നാളെയും
ചന്ദ്രിക തൊണ്ണൂറാം വാർഷികാഘോഷത്തിൻ്റെ ഭാഗമായി സംഘടിപ്പിക്കുന്ന വിദ്യഭ്യാസ പ്രദർശനവും സെമിനാറുകളും Edu Excel Education Expo ഇന്നും നാളെയുമായി കോട്ടക്കൽ പിഎം ഓഡിറ്റോറിയത്തിൽ നടക്കും. മലപ്പുറം ജില്ലയിൽ നിന്ന് ഈ വർഷം എസ്.എസ്.എൽ.സി, പ്ലസ്.ടു പരീക്ഷകളിൽ മുഴുവൻ വിഷയങ്ങളിലും എ പ്ലസ് നേടിയ വിദ്യാർത്ഥികളെ ആദരിക്കുന്ന വിജയമുദ്ര 2023 പരിപാടിയും ഈ അവസരത്തിൽ നടക്കും. പങ്കെടുക്കാൻ മുകളിൽ നൽകിയ QR code scan ചെയ്യുകയോ,https://chandrikanavathi.in/ ഈ ലിങ്ക് ഉപയോഗിച്ച് രജിസ്റ്റർ ചെയ്യുകയോ ചെയ്യുക.
-
kerala3 days agoസമസ്ത മുശാവറാംഗം ശൈഖുനാ മാണിയൂര് ഉസ്താദ് വിട പറഞ്ഞു
-
kerala3 days agoസ്ട്രോങ് റൂം തുറന്നു: വോട്ടെണ്ണല് എട്ടുമണിയോടെ
-
kerala3 days agoഇഞ്ചോടിഞ്ച് പോരാട്ടം, ആര്യാടന് ഷൗക്കത്തിന്റെ ലീഡ് ഉയരുന്നു
-
kerala3 days ago‘നന്ദി ഉണ്ട് മാഷേ’; എം വി ഗോവിന്ദന് പരോക്ഷ വിമർശനവുമായി ‘റെഡ് ആർമി’
-
kerala3 days ago7000 കടന്ന് ആര്യാടന് ഷൗക്കത്തിന്റെ ലീഡ്; ആവേശത്തില് യുഡിഎഫ് പ്രവര്ത്തകര്
-
kerala3 days agoപോത്തുകല്ലും തൂക്കി യുഡിഎഫ്’; സിപിഎം കോട്ടയായ വി.എസ് ജോയിയുടെ വാർഡിലടക്കം വൻ മുന്നേറ്റം, ആര്യാടൻ ഷൗക്കത്തിന്റെ വിജയം 11432 വോട്ടിന്
-
kerala3 days ago‘കേരളത്തിലെ മുഴുവന് ജനങ്ങള്ക്കും വേണ്ടി നിലമ്പൂരുകാര് വോട്ട് ചെയ്യും, വിജയം യുഡിഎഫിന്’; ആര്യാടന് ഷൗക്കത്ത്
-
News2 days agoഇസ്രാഈലില് നിന്നും 18 മലയാളികള് കൂടി ഇന്ത്യയിലെത്തി