kerala
നാല് ജില്ലകളില് ഫ്ലാറ്റ്, തട്ടിയെടുത്തത് കോടികള്; പിടികിട്ടാപ്പുള്ളി ആയിരിക്കെ ഡിവൈഎസ്പിയുമായി വിവാഹം

സഹകരണ വിജിലന്സ് ഡിവൈഎസ്പി കെ.എ സുരേഷ് ബാബുവിനെ തട്ടിപ്പുകാരി വി.പി നുസ്രത്ത് (36) വിവാഹം ചെയ്തത് പിടികിട്ടാപ്പുള്ളിയായിരിക്കെയെന്നു വിവരം. 40 ലക്ഷം രൂപ വരെ തട്ടിയെടുത്തതിന്റെ പേരില് നുസ്രത്തിനെതിരെ അറസ്റ്റ് വാറന്റുകള് നിലനില്ക്കെയാണ് കഴിഞ്ഞ വര്ഷം ഇരുവരും വിവാഹിതരായത്. പത്ത് ദിവസം മുമ്പ് മതാചാര പ്രകാരം പെരുമ്പിലാവില് ഇവര് വീണ്ടും വിവാഹിതരായെങ്കിലും രജിസ്ട്രേഷന് നടത്താനായില്ല.
തൃശൂര്, മലപ്പുറം, പാലക്കാട്, എറണാകുളം എടക്കമുള്ള ജില്ലകളില് ഫ്ലാറ്റ് വാടകയ്ക്കെടുത്ത ശേഷം അഭിഭാഷക എന്ന് ബോര്ഡ് വച്ചാണ് നുസ്രത്ത് ഇടനില ഇടപാടുകള് നടത്തിയത്. കോടതിക്ക് പുറത്ത് സാമ്പത്തിക തര്ക്കങ്ങള് പരിഹരിച്ചു നല്കാമെന്നായിരുന്നു വാഗ്ദാനം. പണം വാങ്ങിയെടുത്ത ശേഷം പ്രതി കക്ഷികളെ ഭീഷണിപ്പെടുത്തി നിശബ്ദരാക്കുകയായിരുന്നുവെന്നും കണ്ടെത്തി.
ജോലി വാഗ്ദാനം ചെയ്തും സാമ്പത്തിക ഇടനില നിന്നും നുസ്രത്ത് തട്ടിച്ചെടുത്തത് കോടികളാണെന്നാണ് സൂചന. 15ഓളം കേസുകള് പല സ്റ്റേഷനുകളിലായി രജിസ്റ്റര് ചെയ്തിട്ടുണ്ടെങ്കിലും സ്വാധീനത്തില് അറസ്റ്റ് ഒഴിവാക്കിയെന്നാണ് വിവരം. ഇവര്ക്കെതിരെ പരാതിക്കാര് ഹൈക്കോടതിയെ സമീപിച്ചതോടെ അറസ്റ്റ് ചെയ്യാന് കോടതി നിര്ദേശിച്ചു.
എന്നാല് പ്രതി ഒളിവിലാണ് എന്നായിരുന്നു പൊലീസ് വാദം. ഇതിനിടെ ഡിവൈഎസ്പിയെ വിവാഹം കഴിക്കുകയും ചെയ്തു. മലപ്പുറം സ്വദേശിയുമായുള്ള ആദ്യ വിവാഹത്തില് നിന്ന് നിയമപരമായി ഒഴിയുന്നതിന് മുമ്പേയാണ് നുസ്രത്ത് ഡിവൈഎസ്പി സുരേഷ് ബാബുവിനെ വിവാഹം കഴിച്ചതെന്ന് വിവരമുണ്ട്. വിവാഹമോചനക്കേസ് കോടതിയില് നിലനില്ക്കെ ഇക്കാര്യം ഒളിച്ചുവെന്ന് ഒന്നര വര്ഷം മുമ്പ് ആഡംബര പൂര്വ്വം വിവാഹം നടത്തി.
കുടുംബക്ഷേത്ര പുനരുദ്ധാരണത്തിനു ട്രസ്റ്റ് രൂപീകരിക്കാമെന്നു വാഗ്ദാനം ചെയ്തു നടത്തിയ തട്ടിപ്പിന്റെ പേരിലും ഇവര്ക്കെതിരെ കേസുണ്ട്. തൃശൂര് ജില്ലയില് നെടുപുഴ പൊലീസ് സ്റ്റേഷനില് വഞ്ചനാക്കുറ്റത്തിന് ഇവര്ക്കെതിരെ മുന്പു കേസെടുത്തിട്ടുണ്ട്. അറസ്റ്റ് ചെയ്യുമെന്ന ഘട്ടത്തിലെത്തിയപ്പോള് ഇവര് ഹൈക്കോടതിയെ സമീപിച്ച് ഉപാധികളോടെ ജാമ്യം നേടി.
ജാമ്യവ്യവസ്ഥകള് പാലിക്കാതായപ്പോള് കോടതി ഇവരുടെ ജാമ്യം റദ്ദാക്കുകയും അറസ്റ്റിന് ഉത്തരവിടുകയും ചെയ്തു.
kerala
സംസ്ഥാനത്ത് സ്വര്ണവില മാറ്റമില്ലാതെ തുടരുന്നു
രാജ്യന്തര തലത്തില് സാമ്പത്തിക രംഗത്ത് നില്ക്കുന്ന അനിശ്ചിതത്വമാണ് സ്വര്ണ വിലയെ സ്വാധീനിക്കുന്നത്.

തിരുവനന്തപുരം: സംസ്ഥാനത്ത് സ്വര്ണവില മാറ്റമില്ലാതെ തുടരുന്നു. ഒരു പവന് സ്വര്ണത്തിന്റെ ഇന്നത്തെ നിരക്ക് 71,480 രൂപയാണ്. ഒരു ഗ്രാം 22 കാരറ്റ് സ്വര്ണം ലഭിക്കണമെങ്കില് 8935 രൂപ നല്കണം. കഴിഞ്ഞ ദിവസം രാവിലെ ഉയര്ന്ന സ്വര്ണവില വൈകുന്നേരമായപ്പോള് ഇടിഞ്ഞിരിന്നു. ഗ്രാമിന് 60 രൂപയും പവന് 480 രൂപയുമായി കുറയുകയാണുണ്ടായത്. ഔണ്സിന് 3,348 ഡോളര് നിലവാരത്തിലായിരുന്ന രാജ്യന്തര വില 3,293 ഡോളര് വരെ താഴ്ന്നിരുന്നു. 3,297 ഡോളറിലാണ് ഇന്നത്തെ വ്യാപാരം പുരോഗമിക്കുന്നത്.
ഇന്ന് 24 കാരറ്റ് സ്വര്ണത്തിന് ഒരു ഗ്രാമിന് 9,748 രൂപയാണ്. 18 കാരറ്റിന് ഒരു ഗ്രാമിന് 7,311 രൂപയും പവന് 58,488 രൂപയുമാണ് നിരക്ക്. ഒരു ഗ്രാം വെള്ളിവില 111 രൂപയിലെത്തി. ഇന്നത്തെ നിരക്കനുസരിച്ച് 10 ഗ്രാം സ്വര്ണം വാങ്ങണമെങ്കില് 89,350 രൂപ വരെ ചിലവ് വരും.
രാജ്യന്തര തലത്തില് സാമ്പത്തിക രംഗത്ത് നില്ക്കുന്ന അനിശ്ചിതത്വമാണ് സ്വര്ണ വിലയെ സ്വാധീനിക്കുന്നത്. സുരക്ഷിത നിക്ഷേപമെന്ന നിലയില് കൂടുതല് പേര് സ്വര്ണത്തിലേക്കു തിരിഞ്ഞതാണ് ഉയര്ന്ന നിലവാരത്തില് നില്ക്കാന് കാരണമെന്ന് വിപണി വിദഗ്ധര് വിലയിരുത്തുന്നു.
kerala
മുങ്ങിയ കപ്പലില്നിന്ന് പടര്ന്ന ഇന്ധനം നീക്കാനുള്ള ശ്രമം തുടരുന്നു; ആശങ്കപ്പെടാനില്ലെന്ന് പ്രതിരോധ മന്ത്രാലയം
തീര സംരക്ഷണ സേനയുടെ മൂന്ന് കപ്പലുകളും ഡോണിയര് വിമാനവുമാണ് രക്ഷാപ്രവര്ത്തനം തുടരുന്നത്.

തിരുവനന്തപുരം: കൊച്ചി പുറംകടലില് മുങ്ങിയ ലൈബീരിയന് കപ്പലില് നിന്നും പടര്ന്ന ഇന്ധനം നീക്കാനുള്ള ശ്രമം തുടരുന്നു. തീര സംരക്ഷണ സേനയുടെ മൂന്ന് കപ്പലുകളും ഡോണിയര് വിമാനവുമാണ് രക്ഷാപ്രവര്ത്തനം തുടരുന്നത്. ആശങ്കപ്പെടാനില്ലെന്നാണ് പ്രതിരോധ മന്ത്രാലയം അറിയിക്കുന്നത്.
തദ്ദേശസ്ഥാപനങ്ങളുടെ സഹകരണത്തോടെ എത്രയും വേഗം മാലിന്യങ്ങള് നീക്കം ചെയ്യാനാണ് പൊലൂഷന് കണ്ട്രോള് ബോര്ഡിന് നിര്ദേശം നല്കിയിരിക്കുന്നത്.
തിരുവനന്തപുരത്തെ തുമ്പ, അഞ്ചുതെങ്ങ്, വര്ക്കല അടക്കമുള്ള തീരപ്രദേശങ്ങളില് കണ്ടെയ്നറിനുള്ളിലെ ഉല്പ്പനങ്ങള് അടിഞ്ഞിട്ടുണ്ട് എന്നാണ് വിവരം. തിരുവനന്തപുരത്തിനു പുറമേ കൊല്ലം, ആലപ്പുഴ ജില്ലകളിലും കണ്ടെയ്നറുകള് അടിഞ്ഞിട്ടുണ്ട് എന്നാണ് അറിയാന് സാധിച്ചത്. ബന്ധപ്പെട്ട ജില്ലകളിലെ കലക്ടര്മാരുടെ യോഗം വിളിച്ച് പരിഹാരത്തിനുള്ള നിര്ദേശം മുഖ്യമന്ത്രി നല്കി.
ഉല്പ്പന്നങ്ങള് അടിഞ്ഞ സാഹചര്യത്തില് ആശങ്കയ്ക്ക് അടിസ്ഥാനമില്ലെന്നും മാലിന്യം നീക്കി പൂര്വസ്ഥിതിയിലെക്ക് എത്തിക്കാന് കഴിയുമെന്നും മുഖ്യമന്ത്രി ഇന്നലെ അറിയിച്ചു. തീരപ്രദേശങ്ങളില് അടിഞ്ഞിരിക്കുന്ന പ്ലാസ്റ്റിക്ക് സിവില് ഡിഫന്സിന്റെ സേവനം ഉപയോഗപ്പെടുത്തി നീക്കം ചെയ്യുമെന്ന് മുഖ്യമന്ത്രി ചീഫ് സെക്രട്ടറിക്ക് ഇന്നലെ നിര്ദേശം നല്കിയിരുന്നു. കപ്പല് കമ്പനിയുമായി ബന്ധപ്പെട്ട അധികൃതരായിരിക്കും കടലില് അടിഞ്ഞിട്ടുള്ള കണ്ടെയ്നര് നീക്കം ചെയ്യുന്നത്.
kerala
ഇടപ്പള്ളിയില് നിന്ന് വിദ്യാര്ത്ഥിയെ കാണാതായ സംഭവം; കൈനോട്ടക്കാരന് കസ്റ്റഡിയില്, പോക്സോ ചുമത്തി പൊലീസ്
കേസില് ഇയാളെ പൊലീസ് വിശദമായ ചോദ്യം ചെയ്യും.

ഇടപ്പള്ളിയില് നിന്ന് എട്ടാം ക്ലാസ് വിദ്യാര്ത്ഥിയെ കാണാതായ സംഭവത്തില് തൊടുപുഴ ബസ് സ്റ്റാന്ഡിലെ കൈനോട്ടക്കാരന് കസ്റ്റഡിയില്. ഇയാളാണ് വിദ്യാര്ത്ഥി തൊടുപുഴയിലുണ്ടെന്ന വിവരം രാവിലെ രക്ഷിതാവിനെ അറിയിച്ചത് ഇയാള് തന്നെയാണ്. കുട്ടിയെ ശിവകുമാര് വീട്ടിലെത്തിച്ച് ദേഹോപദ്രവം ഏല്പ്പിക്കാന് ശ്രമിച്ചെന്ന് പൊലീസ് പറഞ്ഞു. കുട്ടിയുടെ മൊഴിയുടെ അടിസ്ഥാനത്തില് ഇയാള്ക്കെതിരെ പോക്സോ ഉള്പ്പെടെയുള്ള വകുപ്പുകള് ചുമത്തും. കേസില് ഇയാളെ പൊലീസ് വിശദമായ ചോദ്യം ചെയ്യും.
തൊടുപുഴ ബസ്റ്റാന്റ് പരിസരത്ത് നിന്നാണ് വിദ്യാര്ത്ഥിയെ കണ്ടെത്തിയത്. ചൊവ്വാഴ്ചയാണ് കുട്ടിയെ കാണാതായത്. ഇന്ന് രാവിലെ കുട്ടിയെ കണ്ടെത്തിയെന്ന് ഫോണ് കോള് ലഭിക്കുകയായിരുന്നു. പരീക്ഷ എഴുതുന്നതിനായി ഇടപ്പള്ളിയിലെ സ്കൂളില് എത്തി മടങ്ങിയ വിദ്യാര്ഥി, തിരികെ വീട്ടില് എത്താത്തതോടെയാണ് രക്ഷിതാക്കള് അന്വേഷണം ആരംഭിച്ചത്.
പ്രതിയെ കൊച്ചി എളമക്കര പൊലീസന് കൈമാറും.
ഒന്പത് മണിക്ക് ലുലുമാള് പരിസരത്ത് കുട്ടിയുണ്ടായിരുന്നതായി സി.സി.ടി.വി ദൃശ്യങ്ങളില് നിന്ന് വ്യക്തമായി. മൂവാറ്റുപുഴ ബസില് കുട്ടി കയറിയെന്ന വിവരത്തെ തുടര്ന്ന് ആ മേഖല കേന്ദ്രീകരിച്ച് അന്വേഷണം നടക്കുന്നതിനിടെയാണ് ബുധനാഴ്ച രാവിലെ തൊടുപുഴയില് നിന്ന് കുട്ടിയെ കണ്ടെത്തിയെന്ന വിവരം ലഭിക്കുന്നത്.
-
kerala3 days ago
വെഞ്ഞാറമൂട് കൂട്ടക്കൊല; അഫാന്റെ നില ഗുരുതരമായി തുടരുന്നു
-
kerala3 days ago
മലപ്പുറം കാക്കഞ്ചേരിയില് ദേശീയപാതയില് വിള്ളല് രൂപപ്പെട്ടു; ഗതാഗതം താത്കാലികമായി നിര്ത്തിവെച്ചു
-
kerala3 days ago
കൊച്ചി പുറംകടലില് മുങ്ങിയ കപ്പലിലെ നൂറോളം കണ്ടെയ്നറുകള് കടലില് വീണെന്ന് വിലയിരുത്തല്
-
kerala3 days ago
സംസ്ഥാനത്തെ രണ്ട് റെയില്വേ സ്റ്റേഷനുകള് ഇന്നത്തോടെ പ്രവര്ത്തനം അവസാനിപ്പിക്കും
-
india3 days ago
പ്രസവാവധി ഭരണഘടനാപരമായ അവകാശമാണ; സുപ്രീം കോടതി വിധി
-
india3 days ago
ഊട്ടിയില് ദേഹത്ത് മരംവീണ് വടകര സ്വദേശിക്ക് ദാരുണാന്ത്യം
-
india3 days ago
യുപിയില് ബീഫ് കടത്തിയെന്ന് ആരോപിച്ച് നാല് മുസ്ലിം യുവാക്കളെ ക്രൂരമായി മര്ദിച്ച് ഹിന്ദുത്വവാദികള്
-
kerala3 days ago
പാലക്കാട് വീടിനുമുകളില് മരം വീണ് നാലുപേര്ക്ക് പരിക്ക്