GULF
അബുദാബി മാര്ത്തോമ്മാ യുവജനസഖ്യം സുവര്ണ്ണ ജൂബിലി സമാപനം ഞായറാഴ്ച; സന്തോഷ് ജോര്ജ്ജ് കുളങ്ങര മുഖ്യാതിഥി
സഞ്ചാരം എന്ന പരിപാടിയിലൂടെ ശ്രദ്ധേയനായ സന്തോഷ് ജോര്ജ്ജ് കുളങ്ങര മുഖ്യപ്രഭാഷണം നടത്തും

അബുദാബി : മാര്ത്തോമ്മാ സഭയുടെ യുവജനപ്രസ്ഥാനമായ യുവജനസഖ്യത്തിന്റെ ഏറ്റവും വലിയ ശാഖയായ അബുദാബി മാര്ത്തോമ്മാ യുവജനസഖ്യത്തിന്റെ സുവര്ണ്ണ ജൂബിലി ആഘോഷങ്ങള്ക്ക് സമാപനം കുറിക്കുന്നു. 11 നു ഞായറാഴ്ച 11 മണിക്ക് മുസ്സഫ മാര്ത്തോമ്മാ ദേവാലയത്തില് നടക്കുന്ന സമാപന സമ്മേളനം ഡോ .ഗ്രിഗോറിയോസ് മാര് സ്തേഫാനോസ് ഉത്ഘാടനം ചെയ്യും.
സഞ്ചാരം എന്ന പരിപാടിയിലൂടെ ശ്രദ്ധേയനായ സന്തോഷ് ജോര്ജ്ജ് കുളങ്ങര മുഖ്യപ്രഭാഷണം നടത്തും. യുവജനസഖ്യം കേന്ദ്ര ജനറല് സെക്രട്ടറി റവ.ഫിലിപ്പ് മാത്യു, മാര്ത്തോമ്മാ ഇടവക വികാരി റവ.ജിജു ജോസഫ്, സഹവികാരി റവ. അജിത് ഈപ്പന് തോമസ്, ജനറല് കണ്വീനര് ജിനു രാജന് എന്നിവര് പ്രസംഗിക്കും.
ആദിവാസി സമൂഹത്തിലെ വിദ്യാര്ത്ഥികള്ക്ക് മികച്ച വിദ്യാഭ്യാസ സൗകര്യം നല്കുന്നത് ലക്ഷ്യമിട്ടു മാര്ത്തോമ്മാ സഭയുടെ കാര്ഡ് എന്ന വികസനസമിതിയുമായി ചേര്ന്ന് പ്ലാപ്പള്ളി എന്ന ആദിവാസി മേഖലയില് പ്രവര്ത്തനം ആരംഭിച്ചതായി സഖ്യം പ്രസിഡണ്ട് റവ.ജിജു ജോസഫ് വാര്ത്താസമ്മേളനത്തില് അറിയിച്ചു. മാനസിക പിരിമുറുക്കം പോലെയുള്ള ആരോഗ്യ – മാനസിക പ്രശ്നങ്ങളില് തളരുന്നവര്ക്കു അത്താണിയായി പ്രവര്ത്തിക്കുന്നതിന് സഹായകരമായ പുനലൂരിലെ മാര്ത്തോമ്മാ ദയറയുമായി സഹകരിച്ചുള്ള പദ്ധതിക്കും, ധ്യാനകേന്ദ്ര നിര്മ്മിതിക്കും ജൂബിലി വര്ഷത്തില് തുടക്കമായി.
അബുദാബി മാര്ത്തോമ്മാ യുവജനസഖ്യം കഴിഞ്ഞ 10 വര്ഷമായി മാര്ത്തോമ്മാ സഭയിലെ തന്നെ ഏറ്റവും അംഗങ്ങളുള്ളതും മികച്ച ശാഖയുമായും തിരഞ്ഞെടുക്കപ്പെട്ടിട്ടുണ്ട്. രക്തദാന ക്യാമ്പ്, മെഡിക്കല് ക്യാമ്പ്, ലേബര് ക്യാമ്പ് മിനിസ്ട്രി, നിര്ധനരായ കുട്ടികളുടെ വിദ്യാഭ്യാസ സഹായം, ക്യാന്സര് കെയര്, മിഷന് ഫീല്ഡ് പ്രവര്ത്തനങ്ങള്, ഭവന നിര്മ്മാണ സഹായം തുടങ്ങിയ മേഖലകളിലും യുവജനസഖ്യം മികവാര്ന്ന പരിപാടികളാണ് തുടരുന്നത്. ജൂബിലിയുടെ ഭാഗമായി നിരവധി കല സാസ്കാരിക പരിപാടികളും എക്യൂമിനിക്കല് പരിപാടിയും സംഘടിപ്പിച്ചിരുന്നു.
റവ.അജിത് ഈപ്പന് തോമസ്, റവ.ഫിലിപ്പ് മാത്യു, ജനറല് കണ്വീനര് ജിനു രാജന്, പബ്ലിസിറ്റി കമ്മറ്റി കണ്വീനര് ജെറിന് ജേക്കബ് കുര്യന് , വൈസ് പ്രസിഡന്റ് രെഞ്ചു വര്ഗീസ് , സെക്രട്ടറി അനില് ബേബി , എന്നിവരും വാര്ത്താസമ്മേളനത്തില് പങ്കെടുത്തു.
GULF
റഹീമിന് തടവ് 20 വർഷം തന്നെ; കീഴ്ക്കോടതി വിധി അപ്പീൽ കോടതി ശരിവെച്ചു

റിയാദ്: സൗദി ജയിലിൽ കഴിയുന്ന കോഴിക്കോട് സ്വദേശി അബ്ദുൽ റഹീമിന്റെ കേസിൽ കീഴ്കോടതി വിധി ശരിവെച്ച് അപ്പീൽ കോടതിയുടെ ഉത്തരവ്. മെയ് 26 നാണ് 20 വർഷത്തെ തടവിന് വിധിച്ചുള്ള കീഴ്ക്കോടതി വിധിയുണ്ടായത്. വിധിക്ക് ശേഷം പ്രോസിക്യൂഷൻ അപ്പീൽ സമർപ്പിച്ചതിനെ തുടർന്നാണ് ഇന്ന് രാവിലെ 11 മണിക്ക് അപ്പീൽ കോടതിയിൽ സിറ്റിങ് ഉണ്ടായത്.
19 വർഷം പിന്നിട്ട പ്രതിക്ക് മോചനം അനുവദിക്കണമെന്ന് പ്രതിഭാഗം ആവശ്യപ്പെട്ടെങ്കിലും കോടതി പരിഗണിച്ചില്ല. എന്നാൽ ആവശ്യമെങ്കിൽ പ്രതിഭാഗത്തിന് മേൽക്കോടതിയെ സമീപിക്കാം എന്നും കോടതി പറഞ്ഞു.
റഹീമിന്റെ അഭിഭാഷകാരും ഇന്ത്യൻ എംബസ്സി പ്രതിനിധി സവാദ് യൂസഫും റഹീം കുടുംബ പ്രതിനിധി സിദ്ദീഖ് തുവ്വൂരും ഓൺലൈൻ കോടതിയിൽ ഹാജരായിരുന്നു. കീഴ്ക്കോടതി വിധി ശരിവെച്ച അപ്പീൽ കോടതിയുടെ വിധി ആശ്വാസകരമാണെന്ന് വിധിക്ക് ശേഷം റിയാദ് റഹീം സഹായ സമിതി അറിയിച്ചു.
GULF
യമനിലെ ജയിലില് കഴിയുന്ന നിമിഷ പ്രിയയുടെ വധശിക്ഷ ജൂലൈ 16ന്
ഉത്തരവ് ജയില് അധികൃതര്ക്ക് കൈമാറി

ന്യൂഡല്ഹി: യെമന് സ്വദേശിയെ കൊന്ന കേസില് ജയിലില് കഴിയുന്ന നിമിഷ പ്രിയയുടെ വധശിക്ഷ ജൂലൈ പതിനാറിന് നടപ്പാക്കാന് ഉത്തരവ്. യെമനിലെ പബ്ലിക് പ്രോസിക്യൂട്ടറാണ് ഉത്തരവിട്ടത്. ഉത്തരവ് ജയില് അധികൃതര്ക്ക് കൈമാറി.
അതേസമയം, കൊല്ലപ്പെട്ട തലാലിന്റെ കുടുംബം ദയാധനമായി ആവശ്യപ്പെട്ടത് 8.57 കോടി രൂപയാണ്. 2017 മുതല് സനായിലെ ജയിലിലാണ് നിമിഷപ്രിയ. അതിനിടെ മോചനശ്രമങ്ങള് പലപ്പോഴായി നടന്നെങ്കിലും ഫലപ്രാപ്തിയില് എത്തിയില്ല.
തലാലിന്റെ കുടുംബത്തെ നാളെ കാണുമെന്നും വധശിക്ഷ ഒഴിവാക്കാന് ഏക പോംവഴി കുടുംബത്തിന്റെ മാപ്പാണെന്നുംന്നും യെമനിലെ മനുഷ്യാവകാശ പ്രവര്ത്തകന് സാമുവല് ജെറോം പറഞ്ഞു. വധശിക്ഷയ്ക്കുള്ള ഉത്തരവ് ജയിലില് എത്തിയതായും സൗദിയിലെ ഇന്ത്യന് എംബസിക്ക് കൈമാറിയതായും അദ്ദേഹം പറഞ്ഞു.
2017 ജൂലൈയില് യെമന് പൗരനായ തലാല് അബ്ദു മെഹ്ദിയെ കൊലപ്പെടുത്തിയ കേസില് തടവിലായ പാലക്കാട് സ്വദേശിനി നിമിഷ പ്രിയയെ യെമന് കോടതി വധശിക്ഷക്ക് വിധിച്ചിരുന്നു. 2020-ല് സനയിലെ വിചാരണ കോടതിയും യെമന് സുപ്രീം കോടതിയുമാണ് നിമിഷക്ക് വധശിക്ഷ വിധിച്ചത്.
GULF
സുംബാ വിഷയത്തില് പ്രതികരിച്ച അധ്യാപകനെതിരായ സര്ക്കാര് നടപടി പിന്വലിക്കണം: അല്ഖോബാര് ഇന്ത്യന് ഇസ്ലാഹി സെന്റര്

അല് ഖോബാര്: കേരളത്തിലെ പോതുവിദ്യാലയങ്ങളില് വിദ്യാര്ത്ഥി സമൂഹത്തിന്റെ ഭാവിയെ അവതാളത്തിലാക്കാന് കാരണമായേക്കാവുന്ന തരത്തിലുള്ള പുതിയ പദ്ധതികള് യാതൊരു ചര്ച്ചയോ കൂടിയാലോചനയോ കൂടാതെ തികച്ചും ഏകാധിപത്യ രീതിയില് തിടുക്കത്തില് അടിച്ചേല്പ്പിക്കാനുള്ള നീക്കത്തെ ജനാധിപത്യ രീതിയില് ഭരണഘടന പൗരന് നല്കുന്ന അഭിപ്രായ സ്വാതന്ത്ര്യമുപയോഗിച്ച് പ്രതികരിച്ചതിന്റെ പേരില് സ്കൂള് അധ്യാപകനും വിസ്ഡം ഇസ്ലാമിക് ഓര്ഗനൈസേഷന് സംസ്ഥാന ജനറല് സെക്രട്ടറിയുമായ ടി. കെ. അഷ്റഫിനെ ജോലിയില് നിന്ന് സസ്പെന്റ് ചെയ്ത നടപടി തീര്ത്തും അപലപനീയമാണെന്ന് അല് ഖോബാര് ഇന്ത്യന് ഇസ്ലാഹീ സെന്റര് എക്സിക്യുട്ടീവ് കമ്മിറ്റി പ്രസ്താവിച്ചു.
ഏതൊരു പൗരനും അഭിപ്രായ സ്വാതന്ത്ര്യം ഭരണഘടനാനുസൃതമായി അനുവദിക്കപ്പെട്ട ഒരു ദേശത്ത് ഒരു വിധത്തിലുള്ള ചര്ച്ചകള്ക്കും വേദിയൊരുക്കാതെ, അധ്യാപക വിദ്യാര്ത്ഥി സമൂഹത്തിനുമേല് സര്ക്കാര് പൊടുന്നനെ അടിച്ചേല്പ്പിച്ച സൂംബാ ഡാന്സ് വിഷയത്തില് പ്രതികരിച്ചതിന്നാണ് നടപടി.
ജനാധിപത്യ മൂല്യങ്ങള് കാത്തുസൂക്ഷിക്കുന്ന കേരളീയ പൊതുസമൂഹത്തിന്റെ ഭരഘടനാ അവകാശങ്ങള്ക്ക് മേലുള്ള കടന്നുകയറ്റമായേ സര്ക്കാരിന്റെ ഇത്തരം സമീപനങ്ങളെ കാണാനാകൂ എന്നും യോഗം വിലയിരുത്തി.
സമൂഹത്തെ പൊതുവിലും കലാലയങ്ങളില് പ്രത്യേകിച്ചും വ്യാപകമായിക്കൊണ്ടിരിക്കുന്ന ലഹരി എന്ന മഹാവിപത്തിനെതിരെ ശക്തവും ക്രിയാത്മകവുമായ ബോധവല്ക്കരണ പ്രവര്ത്തനങ്ങള്ക്ക് നേതൃത്വം നല്കിവരുന്ന വിസ്ഡം ഇസ്ലാമിക് ഓര്ഗനൈസേഷന്റെ നേതൃസ്ഥാനത്തുള്ള ടി കെ അഷ്റഫിന്റെ പ്രസ്താവനയെയും ഒപ്പം സമൂഹത്തില് നിന്നും ഉയര്ന്നുവന്ന വിയോജിപ്പുകളെയും ദുര്വ്യാഖ്യാനിച്ച് സ്ത്രീ വിരുദ്ധതയായും പ്രാകൃതമായും ചിത്രീകരിക്കുവാനും ചില പദ പ്രയോഗങ്ങളുടെ ചാപ്പ കുത്തി വിയോജിക്കുന്നവരെ അരികുവല്ക്കരിക്കുവാനുമുള്ള ശ്രമങ്ങള് അങ്ങേയറ്റം പ്രതിഷേധാര്ഹാമാണ്. മര്മ്മ പ്രധാനമായ വിഷയത്തില് നിന്ന് ശ്രദ്ധ തിരിച്ചു മതത്തെയും സംസ്കാരത്തെയും തെറ്റിദ്ധരിപ്പിക്കുന്ന തരത്തിലേക്ക് ചുരുക്കം ചില വാര്ത്താ ചാനലുകളിലെയും സാമൂഹ്യ മാധ്യമങ്ങളിലെയും ചര്ച്ചകള് വഴിമാറ്റപ്പെട്ടു കൊണ്ടിരിക്കുന്നു എന്നത് ഖേദകരമാണ്.
ധാര്മ്മിക മാനവിക സാംസ്കാരിക മൂല്യങ്ങള് കാത്തു സൂക്ഷിക്കുന്ന, കുടുംബത്തിനും നാടിനും പ്രയോജനകരമാവുന്ന സംസ്കാരസമ്പരായ ഒരു സമൂഹത്തെ വാര്ത്തെടുക്കേണ്ട കലാലയങ്ങളെ ആഭാസങ്ങളിലേക്ക് വഴിതിരിച്ചു വിടാന് മാത്രം പര്യാപ്തമാകുന്ന വേണ്ടത്ര പഠനങ്ങള് നടത്താതെ പ്രയോഗവല്ക്കരിക്കാന് ശ്രമിക്കുന്ന ഇത്തരം സാംസ്കാരിക അധിനിവേശങ്ങള്ക്കെതിരെ സമൂഹം ഉണരണമെന്നും, എതിര് ശബ്ദങ്ങള് ഇല്ലാതാക്കാന് ശ്രമിക്കുന്ന ഇത്തരം ജനാധിപത്യ വിരുദ്ധ നടപടികളില് നിന്ന് സര്ക്കാര് പിന്മാറണമെന്നും അധ്യാപകനെതിരായ സസ്പെന്ഷന് നടപടി പിന്വലിക്കണമെന്നും ബിവി സക്കരിയ്യയുടെ അദ്ധ്യക്ഷതയില് ചേര്ന്ന എക്സിക്യുട്ടീവ് പ്രസ്താവനയില് ആവശ്യപ്പെട്ടു. സെന്റര് സെക്രട്ടറി ഫക്രുദ്ദീന് പാടൂര് സ്വാഗതം പറഞ്ഞു.അന്വര്ഷാ പ്രമേയം അവതരിപ്പിച്ചു അബ്ദുല് ലത്തീഫ് നന്ദി പറഞ്ഞു.
-
kerala3 days ago
കൊച്ചി റിഫൈനറിയില് അപകടം; 45ഓളം കുടുംബങ്ങളെ ഒഴിപ്പിച്ചു
-
film3 days ago
‘ഒന്നും മനഃപൂര്വം ചെയ്തതല്ല’; വിന്സിയോട് പരസ്യമായി ക്ഷമ ചോദിച്ച് ഷൈന്
-
kerala3 days ago
തലപ്പാറയില് കാറിടിച്ച് തോട്ടില് വീണ സ്കൂട്ടര് യാത്രക്കാരന്റെ മൃതദേഹം കണ്ടെത്തി
-
kerala3 days ago
ഗവര്ണര്ക്കെതിരെ എസ്എഫ്ഐ പ്രതിഷേധം; കേരള സര്വകലാശാല ഓഫീസില് ഇരച്ചുകയറി പ്രവര്ത്തകര്
-
kerala3 days ago
മുഖ്യമന്ത്രിയുടെ ആരോഗ്യകേരളം നമ്പര് വണ് അവകാശവാദം; ആരോഗ്യരംഗം ശോചനീയ അവസ്ഥയിലാണെന്ന് താന് നേരിട്ടറിഞ്ഞു: പുത്തൂര് റഹ്മാന്
-
india2 days ago
ഗുജറാത്തില് പാലം തകര്ന്ന് അപകടം; രണ്ട് മരണം; അഞ്ച് വാഹനങ്ങള് നദിയില് വീണു
-
india3 days ago
മംഗളൂരുവിലെ ആൾക്കൂട്ടക്കൊലക്ക് ഇരയായ അശ്റഫിന്റെ കുടുംബത്തിന് 15 ലക്ഷം രൂപ കൈമാറി കർണാടക മന്ത്രിയും സ്പീക്കറും
-
kerala3 days ago
നിപ; ഐസൊലേഷനിലുള്ള മൂന്ന് പേരുടെ കൂടി സാമ്പിള് പരിശോധനാ ഫലം നെഗറ്റീവ്