kerala
സമസ്ത മുശാവറ അംഗം കാടേരി മുഹമ്മദ് മുസ്ലിയാര് അന്തരിച്ചു
ഹൃദയസംബന്ധമായ അസുഖത്തെ തുടര്ന്ന് ചികിത്സയിലായിരുന്നു.

സമസ്ത കേരള ജംഇയ്യത്തുല് ഉലമ കേന്ദ്ര മുശാവറ അംഗവും പ്രമുഖ പണ്ഡിതനുമായ കാടേരി മുഹമ്മദ് മുസ്ലിയാര് (60) അന്തരിച്ചു. ഹൃദയസംബന്ധമായ അസുഖത്തെ തുടര്ന്ന് ചികിത്സയിലായിരുന്നു. ഇന്നു രാവിലെ എട്ടിന് മലപ്പുറം എം.ബി. എച്ച് ആശുപത്രിയില് വെച്ചായിരുന്നു അന്ത്യം.
സമസ്ത മുശാവറ അംഗമായിരുന്ന കാടേരി അബ്ദുല് കമാല് മുസ്ലിയാരുടെ മകനായിരുന്ന കാടേരി അബ്ദുല് വഹാബ് മുസ്ലിയാരുടെയും സമസ്ത വൈസ് പ്രസിഡന്റായിരുന്ന അബ്ദുല് ഖാദര് ഫള്ഫരിയുടെ പുത്രി മൈമൂന ദമ്ബതികളുടെയും മകനായി 1963ല് മലപ്പുറം ജില്ലയിലെ പെരിമ്ബലത്ത് ജനനം.
മേല്മുറി, ഇരുമ്ബുഴി,ചെമ്മങ്കടവ്, കോങ്കയം,രണ്ടത്താണി, കിഴക്കേപുരം എന്നിവിടങ്ങളില് ദര്സ് പഠനം നടത്തിയതിനു ശേഷം വെല്ലൂര് ബാഖിയാത്തു സ്വാലിഹാത്തില് നിന്നും ബാഖവി ബിരുദം കരസ്ഥമാക്കി. കഴിഞ്ഞ മൂന്നു പതിറ്റാണ്ടിലേറെയായി മലപ്പുറം ജില്ലയിലെ ഇരുമ്ബു ചോല മഹല്ലില് ദര്സ് നടത്തിവരികയായിരുന്നു. കാച്ചനിക്കാടും ദര്സ് നടത്തിയിട്ടുണ്ട്. നിലവില് മങ്കട പള്ളിപ്പുറം, മലപ്പുറം ചെമ്മങ്കടവ് എന്നിവിടങ്ങളില് ഖാസിയായിരുന്നു.
സമസ്ത മലപ്പുറം ജില്ലാ മുശാവറ അംഗം, സമസ്ത ഏറനാട് താലൂക്ക് പ്രസിഡന്റ് എന്നി നിലകളില് പ്രവര്ത്തനം കാഴ്ച്ചവച്ച കാടേരി മുഹമ്മദ് മുസ്ലിയാര് 2021 ജനുവരി 13നാണ് സമസ്ത കേന്ദ്രമുശാവറ അംഗമായി തെരഞ്ഞെടുക്കപ്പെട്ടത്.
ഖബറടക്കം വൈകീട്ട് നാലുമണിക്ക് മലപ്പുറം ആലത്തൂര്പടി ജുമാമസ്ജിദ് ഖബര്സ്ഥാനില്. നസീറയാണ് ഭാര്യ. മക്കള്: അബ്ദുല്ല കമാല് ദാരിമി , അബ്ദുല് വഹാബ് മുസ്ലിയാര്, നഫീസത്ത്, അബ്ദുല് മാജിദ്, അബ്ദുല് ജലീല് , പരേതയായ മുബശ്ശിറ. മരുമക്കള് നിബ്റാസുദ്ദീന് ഹൈതമി ചീക്കോട്, ഫാത്തിമ നഫ്റീറ. സഹോദരങ്ങള്: അബ്ദുല് ശുക്കൂര് ദാരിമി, ഉമ്മുല് ഫദ്ല , പരേതരായ അബ്ദുല് ഖാദിര് മുസ്ലിയാര്, ഖദീജ.
india
‘ഉരുൾപൊട്ടൽ ദുരിതബാധിതരുടെ വായ്പ കേന്ദ്രം എഴുതിത്തള്ളണം, പറ്റില്ലെങ്കിൽ പറയാനുള്ള ധൈര്യം കാണിക്കണം’; ഹൈക്കോടതി

മുണ്ടക്കൈ-ചൂരൽമല ഉരുൾപൊട്ടൽ ദുരന്തത്തിൽ കേന്ദ്രസർക്കാരിനെതിരെ അതിരൂക്ഷ വിമർശനവുമായി ഹൈക്കോടതി. ദുരിതബാധിതരുടെ വായ്പാ എഴുതിത്തള്ളുന്നതിൽ കേന്ദ്ര സത്യവാങ്മൂലത്തിനെതിരെയാണ് വിമർശനം.
kerala
സംസ്ഥാനത്ത് മയക്കുമരുന്ന് കേസുകളില് വന് വര്ധന; ഈ വര്ഷം ഇതുവരെ പിടിയാലയത് 19,168 പേര്

തിരുവനന്തപുരം: സംസ്ഥാനത്ത് മയക്കുമരുന്ന് കേസുകളിലും അറസ്റ്റിലാകുന്നവരുടെ എണ്ണത്തിലും വര്ധനയെന്ന് കണക്കുകള്. സംസ്ഥാനത്ത് ഈ വര്ഷം സ്പെഷ്യല് ഡ്രൈവുകളിലായി(special drive) ഇതുവരെ രജിസ്റ്റര് ചെയ്തത് 18427 മയക്കുമരുന്ന് കേസുകളും അറസ്റ്റിലായത് 19168 പേരുമാണ്. ലഹരി ഇടപാടുകള് കണ്ടെത്തനായി ഫെബ്രുവരി 22 ന് ആരംഭിച്ച പൊലീസിന്റെ ഓപ്പറേഷന് ഡി ഹണ്ടില് ഇതുവരെ 16125 കേസുകള് രജിസ്റ്റര് ചെയ്യുകയും 16953 പേര് അറസ്റ്റിലാകുകയും ചെയ്തതായി പൊലീസ് അറിയിച്ചു. എക്സൈസിന്റെ ‘ക്ലീന് സ്ലേറ്റ്’ സ്പെഷ്യല് ഡ്രൈവില് 2302 കേസുകളും അറസ്റ്റിലായവര് 2215ഉം ആണ്.
2024നെ അപേക്ഷിച്ച് മയക്കുമരുന്ന് കേസുകളില് വര്ധന ഉണ്ടായതായി കണക്കുകള് വ്യക്തമാക്കുന്നു. കഴിഞ്ഞ വര്ഷം പൊലീസ് 27530, എക്സൈസ് 8160 കേസുകളുമാണ് രജിസ്റ്റര് ചെയ്ത്. ആകെ 35690 കേസുകള്. സ്പെഷ്യല് ഡ്രൈവ് തുടര്ന്നാല് ഈ വര്ഷത്തെ മയക്കുമരുന്ന് കേസുകള് അരലക്ഷം കടക്കും.
മയക്കുമരുന്നിനോടുള്ള ആസക്തി ഭയാനകമായ തോതില് വളര്ന്നതായി കേസുകളുടെ എണ്ണം വ്യക്തമാക്കുന്നതായി പൊലീസും എക്സൈസും പറയുന്നു. സ്പെഷ്യല് ഡ്രൈവിലൂടെ നിരവധി മയക്കുമരുന്ന് റാക്കറ്റുകളെ പിടികൂടാന് കഴിഞ്ഞതായി പൊലീസ് പറയുന്നു. ഓപ്പറേഷന് ഡി ഹണ്ട് ഈ മാസം അവസാനം വരെ തുടരും. എക്സൈസിന്റെ ഡ്രൈവ് തുടരും. ഈ മാസം അവസാനം മയക്കുമരുന്ന് വിതരണവും ദുരുപയോഗവും നേരിടാന് സംസ്ഥാനത്ത് പൊലീസും എക്സൈസും ചേര്ന്ന് പുതിയ ആക്ഷന് പ്ലാന് തയ്യാറാക്കുമെന്നും ഉന്നത വൃത്തങ്ങള് പറഞ്ഞു.
സ്പെഷ്യല് ഡ്രൈവിന്റെ ഭാഗമായി പൊലീസ് 2.45 ലക്ഷം ആളുകളെ പരിശോധിച്ചതായും എക്സൈസ് 25350 റെയ്ഡുകള് നടത്തിയതായും കണക്കുകള് വ്യക്തമാക്കുന്നു. ‘ക്ലീന് സ്ലേറ്റ്’ ഭാഗമായി 2.33 ലക്ഷം വാഹനങ്ങള് എക്സൈസ് പരിശോധന നടത്തി. പ്രത്യേക ഡ്രൈവുകളില് 1680 കിലോഗ്രാം കഞ്ചാവും 8.7 കിലോഗ്രാം എംഡിഎംഎയും പിടിച്ചെടുത്തു.
kerala
വിമാനാപകടത്തില് മരിച്ച രഞ്ജിതയെ അവഹേളിച്ച സര്ക്കാര് ഉദ്യോഗസ്ഥന് സസ്പെന്ഷന്
വെള്ളരിക്കുണ്ട് ഡെപ്യൂട്ടി തഹസില്ദാര് പവിത്രനാണ് ഫെയ്സ്ബുക്കില് രഞ്ജിതയെ കുറിച്ച് മോശം കമന്റിട്ടത്

അഹമ്മദാബാദ് വിമാനാപകടത്തില് മരിച്ച പത്തനംതിട്ട പുല്ലാട് സ്വദേശി രഞ്ജിത ജി നായരെ സോഷ്യല് മീഡിയയിലൂടെ അവഹേളിച്ച സര്ക്കാര് ഉദ്യോഗസ്ഥന് സസ്പെന്ഷന്. വെള്ളരിക്കുണ്ട് ഡെപ്യൂട്ടി തഹസില്ദാര് പവിത്രനാണ് ഫെയ്സ്ബുക്കില് രഞ്ജിതയെ കുറിച്ച് മോശം കമന്റിട്ടതിനെ തുടര്ന്ന് സസ്പെന്ഷനിലായത്. റവന്യു മന്ത്രി കെ രാജന്റെ നിര്ദേശ പ്രകാരമാണ് നടപടി.
വെള്ളരിക്കുണ്ട് താലൂക്ക് ഓഫീസ് ജൂനിയര് സൂപ്രണ്ട് പവിത്രനാണ് ഫെയ്സ്ബുക്കില് രഞ്ജിതയെ കുറിച്ച് മോശം കമന്റിട്ടത്. സംഭവം വിവാദമായതോടെ ഇയാള് കമന്റ് ഫേസ്ബുക്കില് നിന്ന് പിന്വലിക്കുകയായിരുന്നു. നേരത്തെ, റവന്യൂ മന്ത്രിയായിരുന്ന ഇ ചന്ദ്രശേഖരനെ സോഷ്യല് മീഡിയയിലൂടെ അവഹേളിച്ചതിന് ഇയാളെ സസ്പെന്ഡ് ചെയ്തിരുന്നു.
-
india3 days ago
കെനിയയില് വാഹനാപകടം; അഞ്ച് വിനോദസഞ്ചാരികള് മരിച്ചു
-
Celebrity2 days ago
‘എന്നെ വേടന് എന്ന് സ്നേഹത്തോടെ ആദ്യം വിളിച്ചത് അവരാണ്’; പേരിന് പിന്നിലെ കഥ പറഞ്ഞ് വേടന്
-
Football2 days ago
പാരഗ്വായെ വീഴ്ത്തി ബ്രസീൽ ലോകകപ്പിന്; അർജന്റീനയ്ക്ക് സമനിലക്കുരുക്ക്
-
india3 days ago
മൂല്യം 17,000 കോടി രൂപ; ആര്സിബി വില്പ്പനയ്ക്ക്?
-
Health3 days ago
കോവിഡ്: ‘പ്രായമായവരിലും രോഗികളിലും കോവിഡ് ഗുരുതരമാകുന്നു, മാസ്ക് നിർബന്ധം’: ആരോഗ്യമന്ത്രി
-
kerala3 days ago
നിലമ്പൂരിൽ എൽഡിഎഫിന് പിന്തുണ പ്രഖ്യാപിച്ചത് എ വിജയരാഘവനുമായുള്ള കൂടിക്കാഴ്ചയ്ക്ക് ശേഷം; ദത്താത്രേയ സായി സ്വരൂപ്നാഥ്
-
india3 days ago
ആള്മാറാട്ടം നടത്തി ട്രെയിന് യാത്രക്കാരില് നിന്നും തട്ടിയത് 10000ത്തിലധികം രൂപ; കുപ്പിവെള്ള വില്പ്പനക്കാരന് പിടിയില്
-
kerala3 days ago
എം.ആര് അജിത് കുമാറിനെതിരായ വിജിലന്സ് കേസ്: വാദം ഈ മാസം 18ലേക്ക് മാറ്റി