Football
സാവി ബാഴ്സലോണയുടെ പരിശീലക സ്ഥാനം ഒഴിയുന്നു
സ്പാനിഷ് ലീഗില് വിയ്യാറയലിനോട് മൂന്നിനെതിരെ 5 ഗോളുകള്ക്ക് പരാജയപ്പെട്ടതിനു പിന്നാലെയാണ് സാവിയുടെ പ്രഖ്യാപനം.

സ്പാനിഷ് ക്ലബ് എഫ്സി ബാഴ്സലോണയുടെ പരിശീലക സ്ഥാനമൊഴിയുന്നതായി സാവി ഹെര്ണാണ്ടസ്. സീസണൊടുവില് ക്ലബ് വിടുമെന്ന് സാവി അറിയിച്ചു. സ്പാനിഷ് ലീഗില് വിയ്യാറയലിനോട് മൂന്നിനെതിരെ 5 ഗോളുകള്ക്ക് പരാജയപ്പെട്ടതിനു പിന്നാലെയാണ് സാവിയുടെ പ്രഖ്യാപനം. റൊണാള്ഡ് കോമനു പകരക്കാരനായി 2021ല് ഖത്തര് ക്ലബ് അല് സാദില് നിന്ന് ബാഴ്സയിലെത്തിയ സാവി ക്ലബിന്റെ മുന് ഇതിഹാസ താരം കൂടിയായിരുന്നു.
‘ഈ സീസണു ശേഷം ഞാന് ബാഴ്സ പരിശീലകനായി തുടരില്ല. കുറച്ചു ദിവസം മുന്പെടുത്ത തീരുമാനമാണ്. പക്ഷേ, ഇക്കാര്യം പ്രഖ്യാപിക്കാന് ഇതാണ് പറ്റിയ സമയമെന്ന് ഞാന് കരുതുന്നു. ഒരു ബാഴ്സ ആരാധകനെന്ന നിലയില്, ക്ലബിന് ഗുണമുണ്ടാവുന്ന കാര്യമെന്ന നിലയില്, ഇത് ശരിയായ തീരുമാനമാണെന്ന് ഞാന് വിശ്വസിക്കുന്നു. ക്ലബിനെക്കാള് വലുതായി ആരുമില്ല. ക്ലബിനൊരു പ്രശ്നമാവാന് ഞാനില്ല. പരിഹാരത്തിനു വേണ്ടിയാണ് ഞാനെത്തിയത്. ഇപ്പോള് അതല്ല അവസ്ഥ. ഇനി ലീഗിലെയോ ചാമ്പ്യന്സ് ലീഗിലെയോ സ്ഥിതിയില് എന്തെങ്കിലും മികച്ച റിസല്ട്ട് വന്നാലും തീരുമാനത്തിനു മാറ്റമില്ല.’ സാവി വാര്ത്താസമ്മേളനത്തില് പറഞ്ഞു.
വിയ്യാറയലിനെതിരെ പരാജയപ്പെട്ടതോടെ ലീഗില് ഒന്നാമതുള്ള റയല് മാഡ്രിഡിനെക്കാള് പത്ത് പോയിന്റ് പിന്നിലായി. 1963നു ശേഷം ക്യാമ്പ് നൂവിലെ ഒരു ലാലിഗ മത്സരത്തില് ബാഴ്സ ഇതാദ്യമായാണ് അഞ്ച് ഗോള് വഴങ്ങുന്നത്. 1951നു ശേഷം ഇത് ആദ്യമായാണ് തുടര്ച്ചയായ മത്സരങ്ങളില് ബാഴ്സ നാലിലധികം ഗോളുകള് വഴങ്ങുന്നത്.
ആദ്യ സീസണുകള് നന്നായി തുടങ്ങിയ സാവിക്ക് പിന്നീട് ക്ലബില് അടിപതറുകയായിരുന്നു. സ്ഥാനമേറ്റെടുത്ത 2021 സീസണില് ഒമ്പതാമതായിരുന്ന ക്ലബിനെ രണ്ടിലേക്ക് എത്തിക്കാന് സാവിക്ക് കഴിഞ്ഞിരുന്നു. തൊട്ടടുത്ത സീസണില് ബാഴ്സ ലീഗ് ജേതാക്കളായി. ആ സീസണില് സ്പാനിഷ് സൂപ്പര് കോപ്പയും വിജയിച്ചു. എന്നാല്, ചാമ്പ്യന്സ് ലീഗില് ഗ്രൂപ്പ് ഘട്ടം കടക്കാന് സാധിച്ചില്ല. ഈ സീസണില് നോക്കൗട്ടിലെത്താന് സാധിച്ചിട്ടുണ്ട്.
സീസണില് ചാമ്പ്യന്സ് ലീഗ് നോക്കൗട്ടില് കടന്നെങ്കിലും ലാ ലിഗയിലെ പ്രകടനങ്ങള് ദിനം പ്രതി മോശമായിക്കൊണ്ടിരുന്നു. സൂപ്പര് കോപ്പ ഫൈനലില് റയലിനോട് ഒന്നിനെതിരെ 4 ഗോളുകള്ക്ക് തോറ്റതും കോപ്പ ഡെല് റേ ക്വാര്ട്ടറില് അത്ലറ്റിക് ക്ലബിനോട് രണ്ടിനെതിരെ നാല് ഗോളുകള്ക്ക് തോറ്റതും സാവിയുടെ സ്ഥാനത്തിന് ഇളക്കം തട്ടിച്ചിരുന്നു.
Football
ആ അധ്യായം അടഞ്ഞെന്ന് അനസ്
രാജ്യാന്തര കായിക റിപ്പോർട്ടർ കമാൽ വരദൂരാണ് ഫേസ്ബുക്ക് പോസ്റ്റിലുടെ ജോലി അധ്യായം അനസ് അടച്ചതായി വ്യക്തമാക്കിയത്

കോഴിക്കോട്: സർക്കാർ ജോലി കാര്യത്തിൽ ഇനി ആർക്ക് മുന്നിലും അപേക്ഷ നൽകാനില്ലെന്ന് ഫുട്ബോളർ അനസ് എടത്തൊടിക. അർഹമായ ജോലിക്കായി അംഗീകൃത മാർഗങ്ങളിൽ തന്നെ സഞ്ചരിച്ചു. പക്ഷേ കായിക മന്ത്രി ഉൾപ്പെടെയുള്ളവർ പ്രതികൂലമായാണ് സംസാരിക്കുന്നത്. രാജ്യത്തിനായി കളിച്ച ഒരു ഫുട്ബോളർക്കും അവഗണന സംഭവിക്കരുത് എന്ന് കരുതിയാണ് ജോലി കാര്യത്തിൽ ഉറച്ചുനിന്നത്. എന്നെ നന്നായി അറിയാവുന്ന കൊണ്ടോട്ടി എം.എൽ.എ ഇബ്രാഹിം നിയമസഭയിൽ രേഖകൾ സമർപ്പിച്ച് സംസാരിച്ചിട്ടും അധികൃതർ സംശയദൃഷ്ടിയോടെയാണ് കാര്യങ്ങൾ കണ്ടതെന്നും അനസ് സുചിപ്പിക്കുന്നു. രാജ്യാന്തര കായിക റിപ്പോർട്ടർ കമാൽ വരദൂരാണ് ഫേസ്ബുക്ക് പോസ്റ്റിലുടെ ജോലി അധ്യായം അനസ് അടച്ചതായി വ്യക്തമാക്കിയത്.
Football
ഈ സീസണ് അവസാനത്തോടെ ഡി ബ്രൂയിനെ സിറ്റി വിട്ടേക്കും
സിറ്റിക്കായി 400 മത്സരങ്ങളിൽ ബൂട്ടണിഞ്ഞ ഡിബ്രൂയിനെ ചാമ്പ്യൻസ് ലീഗ് അടക്കം നിരവധി കിരീട നേട്ടങ്ങളിൽ പങ്കാളിയായിട്ടുണ്ട്.

ഒരു പതിറ്റാണ്ടു കാലം മാഞ്ചസ്റ്റർ സിറ്റിയുടെ മധ്യനിരയിലെ അനിഷേധ്യ സാന്നിധ്യമായിരുന്ന കെവിൻ ഡിബ്രൂയിനെ ക്ലബ്ബ് വിടുന്നു. സോഷ്യൽ മീഡിയ പേജുകളിലൂടെ താരം തന്നെയാണ് ആരാധകരെ ഇക്കാര്യം അറിയിച്ചത്. സിറ്റിക്കായി 400 മത്സരങ്ങളിൽ ബൂട്ടണിഞ്ഞ ഡിബ്രൂയിനെ ചാമ്പ്യൻസ് ലീഗ് അടക്കം നിരവധി കിരീട നേട്ടങ്ങളിൽ പങ്കാളിയായിട്ടുണ്ട്.
പ്രീമിയർ ലീഗിലെ എക്കാലത്തേയും മികച്ച മിഡ്ഫീൽഡർമാരുടെ കൂട്ടത്തിലാണ് ഡിബ്രൂയിനെയുടെ പേര് എണ്ണപ്പെടുന്നത്. പ്രീമിയർ ലീഗ് ചരിത്രത്തിൽ ഏറ്റവും കൂടുതൽ അസിസ്റ്റ് നൽകിയവരുടെ പട്ടികയിൽ റ്യാൻ ഗിഗ്സിന് ശേഷം രണ്ടാമതാണ് ഡിബ്രൂയിനെയുടെ സ്ഥാനം. കരിയറിലുടനീളം സിറ്റിയുടെ 118 ഗോളുകൾക്കാണ് ഡിബ്രൂയിനെ വഴിയൊരുക്കിയത്. റ്യാൻ ഗിഗ്സ് യുണൈറ്റഡ് ജഴ്സിയിൽ 162 ഗോളുകൾക്കാണ് വഴി തുറന്നത്.
പരിക്ക് വലച്ച അവസാന സീസണിൽ പലപ്പോഴും ബെഞ്ചിലായിരുന്നു ബെല്ജിയന് താരത്തിന്റെ സ്ഥാനം. ആറ് തവണ ഇംഗ്ലീഷ് പ്രീമിയർ ലീഗ് കിരീടം ഇത്തിഹാദ് ഷെല്ഫിലെത്തിച്ച ഡിബ്രൂയിനെ ഒരു ചാമ്പ്യന്സ് ലീഗ് കിരീടത്തിലും ഒരു എഫ്.എ കപ്പിലും മുത്തമിട്ടു.
Football
ഡൊറിവൽ ജൂനിയറിനെ പുറത്താക്കി ബ്രസീൽ
ലോകകപ്പ് യോഗ്യതാ മത്സരത്തിൽ അർജന്റീനയോട് 4-1ന് പരാജയപ്പെട്ടതിന് പിന്നാലെയാണ് നടപടി.

ബ്രസീൽ ദേശീയ ഫുട്ബോൾ ടീം കോച്ച് ഡോറിവൽ ജൂനിയറിനെ പുറത്താക്കി. ലോകകപ്പ് യോഗ്യതാ മത്സരത്തിൽ അർജന്റീനയോട് 4-1ന് പരാജയപ്പെട്ടതിന് പിന്നാലെയാണ് നടപടി. നിര്ണായക ലോകകപ്പ് പോരാട്ടത്തില് 4-1ന്റെ കനത്ത തോല്വിയാണ് അര്ജന്റീനയിലെ ബ്യൂണസ് അയേഴ്സില് നടന്ന പോരാട്ടത്തില് ബ്രസീലിനു നേരിടേണ്ടി വന്നത്. ഇതിനു പിന്നാലെയാണ് ബ്രസീല് ഫുട്ബോള് കോണ്ഫെഡറേഷൻ്റെ കനത്ത നടപടി.
ബ്രസീല് ഫുട്ബോള് കോണ്ഫെഡറേഷൻ തന്നെയാണ് ഇക്കാര്യം പ്രഖ്യാപിച്ചത്. ഡൊറിവാള് ജൂനിയര് ഇനി ടീമിനൊപ്പം ഉണ്ടാകില്ല. അദ്ദേഹത്തിന്റെ ഭാവി പരിപാടിക്ക് എല്ലാവിധ ആശംസകളും നേരുന്നു. ദേശീയ ടീമിനായി ചെയ്ത സേവനങ്ങള്ക്കു നന്ദി പറയുന്നു. പുതിയ പരിശീലകനെ ഉടന് തന്നെ നിയമിക്കും.എന്നായിരുന്നു അറിയിപ്പ്.
2022ലെ ലോകകപ്പ് ക്വാര്ട്ടറില് ക്രൊയേഷ്യയോടു പരാജയപ്പെട്ടതിനു പിന്നാലെ കോച്ച് ടിറ്റെയെ പുറത്താക്കിയാണ് ഡൊറിവാളിനെ ബ്രസീല് നിയമിച്ചത്.62കാരനായ പരിശീലകന് 16 മത്സരങ്ങളിലാണ് ടീമിനെ പരിശീലിപ്പിച്ചത്. 7 വീതം ജയവും തോല്വിയും 2 സമനിലയുമാണ് ഈ കാലഘട്ടിൽ ബ്രസീൽ നേടിയത്. ലോകകപ്പ് യോഗ്യതാ പോരാട്ടത്തില് അര്ന്റീനയോടേറ്റ കനത്ത തോല്വിയുടെ മുഴുവന് ഉത്തരവാദിത്വവും ഡൊറിവാള് ഏറ്റെടുത്തിരുന്നു.
ബ്രസീലിൻ്റെ സൂപ്പർ താരം നെയ്മർ ഡൊറിവാളിനു കീഴിൽ ഒരു മത്സരങ്ങളിലും കളിച്ചിച്ചില്ല. 5 തവണ ലോക ചാംപ്യന്മാരായ ബ്രസീല് നിലവിലെ സാഹചര്യത്തിൽ 2026ലെ ലോകകപ്പിലെത്താന് കഠിനമായി പരിശ്രമിക്കേണ്ടിയിരിക്കുന്നു. അര്ജന്റീനയ്ക്കും ഇക്വഡോറിനും യുറുഗ്വെയ്ക്കും പിന്നില് നാലാം സ്ഥാനത്താണ് ഇപ്പോൾ ബ്രസീൽ.
-
kerala2 days ago
വെഞ്ഞാറമൂട് കൂട്ടക്കൊല; അഫാന്റെ നില ഗുരുതരമായി തുടരുന്നു
-
kerala3 days ago
വെഞ്ഞാറമൂട് കൂട്ടക്കൊലക്കേസ്; ജയിലില് തൂങ്ങിമരിക്കാന് ശ്രമം; പ്രതി അഫാന്റെ നില അതീവഗുരുതരം
-
kerala3 days ago
നിലമ്പൂര് ഉപതെരഞ്ഞെടുപ്പ്; യുഡിഎഫ് സുസജ്ജം, സ്ഥാനാര്ഥിയെ ഉടന് പ്രഖ്യാപിക്കും: സണ്ണി ജോസഫ്
-
kerala3 days ago
നിലമ്പൂര് ഉപതെരഞ്ഞെടുപ്പ് ജൂണ് 19ന്; വോട്ടെണ്ണല് 23ന്
-
News3 days ago
എം.ഇ.എസ് മമ്പാട് കോളേജ് അലുംനി ജിദ്ദ ചാപ്റ്റർ മെമ്പർഷിപ്പ് ക്യാമ്പയിൻ ആരംഭിച്ചു
-
kerala3 days ago
മലപ്പുറം കാക്കഞ്ചേരിയില് ദേശീയപാതയില് വിള്ളല് രൂപപ്പെട്ടു; ഗതാഗതം താത്കാലികമായി നിര്ത്തിവെച്ചു
-
kerala3 days ago
കപ്പല് മുങ്ങിക്കൊണ്ടിരിക്കുന്നു; കൂടുതല് കണ്ടെയ്നറുകള് കടലിലേക്ക് വീണു
-
kerala3 days ago
പ്ലസ് വണ് അപേക്ഷ വിവരങ്ങള് തിരുത്താന് അവസരം