india
നീലഗിരി ജില്ലാ വൈറ്റ് ഗാര്ഡ് ശുചീകരണ പ്രവര്ത്തനം നടത്തി
പ്രവര്ത്തനത്തിന്റെ രണ്ടാം ഘട്ടം ഇന്നലെ ഊട്ടി മൈസൂര് ദേശിയ പാതയിലായിരുന്നു.

ഗുഡല്ലൂര്: ഗഡല്ലൂര്, ഊട്ടി, പന്തല്ലൂര്, മേഘലകളിലെ ദേശീയ പാതയോരങ്ങളിലെ കുറ്റിക്കാടുകള് നീരൊഴുക്കിന് തടസ്സമാവുന്ന മണ്ണ്, കല്ല്, മരകൊമ്പുകള് എന്നിവ വെട്ടി മാറ്റല്, നടപ്പാതകള് വൃത്തിയാക്കല്, ആശ്യപത്രി, പോലീസ് സ്റ്റേഷന്, വിനോദസഞ്ചാര കേന്ദ്രങ്ങള്, തപാല് ഓഫിസ് മുതലായ സര്ക്കാര് സ്ഥാപനങ്ങളുടെ ബോഡുകള് എന്നിവ മുസ്ലിംലീഗിന്റെ വൈറ്റ് ഗാഡ് ജില്ലാ ക്യാപ്റ്റന് വി കെ ശിഹാശിഹാബ്, ഫൈസല് ബിതര്ക്കാട്, നൗഫല് ഫസ്റ്റ് മൈല് എന്നിവരുടെ നേത്രത്വത്തില് നടന്നു.
പ്രവര്ത്തനത്തിന്റെ രണ്ടാം ഘട്ടം ഇന്നലെ ഊട്ടി മൈസൂര് ദേശിയ പാതയിലായിരുന്നു. ശുചീകരണ പ്രവര്ത്തനങ്ങള്ക്ക് മുസ്ലിം ലീഗ് ജില്ലാ ജനറല് സെക്രട്ടറി വി.കെ.ഹനീഫ, എം.എസ് ഫൈസല് എന്നിവര് മേല് നോട്ടം വഹിച്ചു.
india
അദിതി ചൗഹാന് പ്രൊഫഷണല് ഫുട്ബോളില് നിന്ന് വിരമിക്കല് പ്രഖ്യാപിച്ചു
ഇന്ത്യന് ഗോള്കീപ്പര് അദിതി ചൗഹാന് 17 വര്ഷത്തെ കരിയറിന് ശേഷം ബുധനാഴ്ച പ്രൊഫഷണല് ഫുട്ബോളില് നിന്ന് വിരമിക്കല് പ്രഖ്യാപിച്ചു.

ഇന്ത്യന് ഗോള്കീപ്പര് അദിതി ചൗഹാന് 17 വര്ഷത്തെ കരിയറിന് ശേഷം ബുധനാഴ്ച പ്രൊഫഷണല് ഫുട്ബോളില് നിന്ന് വിരമിക്കല് പ്രഖ്യാപിച്ചു.
‘അവിസ്മരണീയമായ 17 വര്ഷങ്ങള്ക്ക് ശേഷം, അഗാധമായ നന്ദിയോടും അഭിമാനത്തോടും കൂടി ഞാന് പ്രൊഫഷണല് ഫുട്ബോളില് നിന്ന് വിരമിക്കുന്നു,” അവര് സോഷ്യല് മീഡിയയിലെ ഒരു പോസ്റ്റില് കുറിച്ചു.
2015-ല്, വെസ്റ്റ് ഹാം യുണൈറ്റഡുമായി ഒപ്പുവെച്ചപ്പോള് ഇംഗ്ലണ്ടിലെ വനിതാ സൂപ്പര് ലീഗില് കളിക്കുന്ന ആദ്യ ഇന്ത്യന് വനിതയായി അദിതി ശ്രദ്ധ പിടിച്ചുപറ്റി.
‘ഈ ഗെയിം എനിക്ക് ഒരു കരിയര് മാത്രമല്ല, എനിക്ക് ഒരു ഐഡന്റിറ്റി നല്കി. ഡല്ഹിയില് ഒരു സ്വപ്നത്തെ പിന്തുടരുന്നത് മുതല് യുകെ വരെ എന്റെ സ്വന്തം പാത വെട്ടിത്തുറന്നു, അവിടെ ഞാന് സ്പോര്ട്സ് മാനേജ്മെന്റില് ബിരുദാനന്തര ബിരുദം നേടി വെസ്റ്റ് ഹാം യുണൈറ്റഡിനായി കളിച്ചു – വ്യക്തമായ ഭൂപടമില്ലാത്ത വഴിയിലൂടെ ഞാന് നടന്നു. വിദ്യാഭ്യാസവും അഭിനിവേശവും തമ്മില് ഒരിക്കലും തിരഞ്ഞെടുക്കേണ്ടി വന്നിട്ടില്ല.
വിരമിച്ചെങ്കിലും, കായികരംഗത്ത് നല്കാന് തനിക്ക് ഇനിയും ധാരാളം ബാക്കിയുണ്ടെന്ന് അവര് പറഞ്ഞു.
‘ഞാന് ഇപ്പോള് പിച്ചിന് അപ്പുറത്തുള്ള ജീവിതത്തിലേക്ക് ചുവടുവെക്കുമ്പോള്, ഞാന് ആ വിശ്വാസം എന്നോടൊപ്പം കൊണ്ടുപോകുന്നു – ഇനി ഒരു കളിക്കാരന് എന്ന നിലയിലല്ല, മറിച്ച് അടുത്ത തലമുറയ്ക്കായി ശക്തമായ പാതയും ആവാസവ്യവസ്ഥയും കെട്ടിപ്പടുക്കാന് പ്രതിജ്ഞാബദ്ധനായ ഒരാളെന്ന നിലയിലാണ്. എന്റെ രണ്ടാം പകുതി എനിക്ക് എല്ലാം തന്ന ഗെയിമിന് തിരികെ നല്കുന്നതാണ്,’ അദിതി എഴുതി.
Education
യു.ജി.സി നെറ്റ് 2025 പരീക്ഷ ഫലം ഉടന് പ്രസിദ്ധീകരിക്കും
നാഷനല് ടെസ്റ്റിങ് ഏജന്സി (എന്.ടി.എ) 2025 ജൂണില് നടത്തിയ യു.ജി.സി നെറ്റ് പരീക്ഷാഫലം ഉടന് പ്രസിദ്ധീകരിക്കും.

നാഷനല് ടെസ്റ്റിങ് ഏജന്സി (എന്.ടി.എ) 2025 ജൂണില് നടത്തിയ യു.ജി.സി നെറ്റ് പരീക്ഷാഫലം ഉടന് പ്രസിദ്ധീകരിക്കും. പരീക്ഷ നടത്തി 33 മുതല് 42 ദിവസത്തിനകം ഫലം പ്രസിദ്ധീകരിക്കുന്ന രീതിയിലായിരുന്നു കഴിഞ്ഞ വര്ഷം. ഇത് കണക്കിലെടുത്താല് ഈ വര്ഷം ആഗസ്റ്റ് ഒന്നിനോ ആഗസ്റ്റ് 10നോ യു.ജി.സി നെറ്റ് ഫലം പുറത്തുവരുമെന്നാണ് ലഭിക്കുന്ന സൂചന. ഈ പറഞ്ഞ തീയതികള്ക്കകം ഉറപ്പായും യു.ജി.സി നെറ്റ് പരീക്ഷ ഫലം അറിയാന് സാധിക്കും. പരീക്ഷ എഴുതിയവര്ക്ക് ugcnet.nta.ac.in എന്ന വെബ്സൈറ്റില് കയറി പരിശോധിക്കാവുന്നതാണ്.
ഫലം എങ്ങനെ പരിശോധിക്കാം?
സൈറ്റില് കയറി യു.ജി.സി നെറ്റ് റിസല്റ്റ് 2025 എന്ന ലിങ്കില് ക്ലിക്ക് ചെയ്യുക. അതിനു ശേഷം ലോഗിന് വിവരങ്ങള് നല്കുക. അപ്പോള് ഫലം സ്ക്രീനില് കാണാന് സാധിക്കും. പിന്നീട് മാര്ക്ക് ഷീറ്റിന്റെ പി.ഡി.എഫ് ഡൗണ്ലോഡ് ചെയ്ത് എടുക്കാം.
india
സ്വര്ണക്കടത്ത് കേസ്; കന്നഡ നടി രന്യ റാവുവിന് ഒരു വര്ഷം തടവ് ശിക്ഷ
ദുബായില് നിന്ന് കടത്തിയ 15 കിലോയോളം സ്വര്ണവുമായി മാര്ച്ച് മൂന്നിന് ബംഗളൂരുവിലെ കെംപെഗൗഡ രാജ്യാന്തര വിമാനത്താവളത്തില് വെച്ചാണ് യുവതിയെ പിടികൂടിയത്.

സ്വര്ണക്കടത്ത് കേസില് അറസ്റ്റിലായ കന്നഡ സിനിമാ നടി രന്യ റാവുവിന് ഒരു വര്ഷം തടവ് ശിക്ഷ. ദുബായില് നിന്ന് കടത്തിയ 15 കിലോയോളം സ്വര്ണവുമായി മാര്ച്ച് മൂന്നിന് ബംഗളൂരുവിലെ കെംപെഗൗഡ രാജ്യാന്തര വിമാനത്താവളത്തില് വെച്ചാണ് യുവതിയെ പിടികൂടിയത്. ഏകദേശം 12.56 കോടി രൂപയായിരുന്നു സ്വര്ണത്തിന് വില.
അറസ്റ്റിനെത്തുടര്ന്ന്, രന്യ നിരവധി തവണ ജാമ്യത്തിന് അപേക്ഷിച്ചു, പക്ഷേ കോടതി അപേക്ഷകള് നിരസിക്കുകയായിരുന്നു. ഏപ്രില് 22 ന് സര്ക്കാര് COFEPOSA എന്ന കര്ശനമായ നിയമപ്രകാരം തടങ്കല് ഉത്തരവ് പുറപ്പെടുവിച്ചു. ഒരു വര്ഷത്തെ ശിക്ഷാ കാലയളവില് അവര്ക്ക് ജാമ്യം നല്കില്ലെന്ന് അവരുടെ കേസ് കൈകാര്യം ചെയ്യുന്ന ഉപദേശക ബോര്ഡ് വിധിച്ചു.
കഴിഞ്ഞ രണ്ട് വര്ഷത്തിനിടെ 34 തവണ രന്യ ദുബായിലേക്ക് യാത്ര ചെയ്തിട്ടുണ്ടെന്ന് അന്വേഷണത്തില് കണ്ടെത്തി. ഉദ്യോഗസ്ഥര് ഇവരുടെ വീട്ടില് പരിശോധന നടത്തിയപ്പോള് രണ്ടു കോടിയിലേറെ വിലമതിക്കുന്ന സ്വര്ണാഭരണങ്ങളും 2.67 കോടി രൂപയോളം പണവും കണ്ടെത്തി.
-
kerala2 days ago
എഴുത്തുകാരി വിനീത കുട്ടഞ്ചേരി തൂങ്ങി മരിച്ച നിലയില്
-
india2 days ago
നിമിഷപ്രിയ കേസ്; ‘വിഷയത്തില് ഇടപെട്ടത് ഒരു മനുഷ്യന് എന്ന നിലക്ക്’: കാന്തപുരം
-
Film3 days ago
സ്റ്റണ്ട് മാസ്റ്റര് എസ്. എം രാജുവിന്റെ മരണം: സംവിധായകന് പാ രഞ്ജിത്തിനെതിരെ കേസ്
-
Film2 days ago
സുരേഷ് ഗോപി ചിത്രം “ജെ എസ് കെ- ജാനകി വി vs സ്റ്റേറ്റ് ഓഫ് കേരള” ട്രെയ്ലർ പുറത്ത്; റിലീസ് ജൂലൈ 17ന്
-
kerala2 days ago
നിപ; സംസ്ഥാനത്ത് 675 പേര് സമ്പര്ക്ക പട്ടികയില്
-
More3 days ago
ലോകത്തിലെ പ്രായം കുറഞ്ഞ തടവുകാരൻ; ഫലസ്തീൻ ബാലന് യൂസുഫ് അൽ സാഖ് ഇസ്രായേൽ വ്യോമാക്രമണത്തിൽ കൊല്ലപ്പെട്ടു
-
News2 days ago
കോപ്പികാറ്റുകള്ക്ക് പണമില്ല: ഒരു കോടി ഫേസ്ബുക്ക് അക്കൗണ്ടുകള് നീക്കം ചെയ്ത് മെറ്റ
-
india2 days ago
കോളേജില് വിദ്യാര്ത്ഥിനിയെ പീഡിപ്പിച്ചു; ബെംഗളൂരുവില് 2 അധ്യാപകരടക്കം 3 പേര് അറസ്റ്റില്