Culture
നീലഗിരിയിലും കനത്ത മഴ; വ്യാപക നാശനഷ്ടം
ഗൂഡല്ലൂര്: നീലഗിരി ജില്ലയില് കനത്ത മഴ വ്യാപക നാശം. ജില്ലയില് കാലവര്ഷം ശക്തിപ്രാപിച്ചിരിക്കുകയാണ്. ഒരാഴ്ചയിലേറെയായി ജില്ലയില് കനത്ത മഴയാണ് പെയ്യുന്നത്. ചിലയിടങ്ങളില് ശക്തമായ കാറ്റും അടിച്ച് വീശി. നിരവധി സ്ഥലങ്ങളില് മണ്ണിടിച്ചിലുണ്ടായി. പ്രധാന പാതകളില് മരംവീണ് വാഹന ഗതാഗതം സ്തംഭിച്ചു. ഊട്ടി, ഗൂഡല്ലൂര്, പന്തല്ലൂര്, കുന്നൂര്, കോത്തഗിരി, കുന്താ താലൂക്കുകളില് ശക്തമായ മഴയാണ് പെയ്യുന്നത്. പാടന്തറ, ഒന്നാംമൈല്, രണ്ടാംമൈല്, വേടന്വയല്, ആനസത്തകൊല്ലി, പുത്തൂര്വയല് തുടങ്ങിയ സ്ഥലങ്ങളിലെ താഴ്ന്ന സ്ഥലങ്ങളില് വെള്ളം കയറി. ചിലയിടങ്ങളില് വീടുകളിലേക്കും കടകളിലേക്കും വെള്ളം കയറിയിട്ടുണ്ട്. രാവും പകലും ഒരുപോലെ കനത്ത മഴയാണ് വര്ഷിക്കുന്നത്. എന്നാല് ബുധനാഴ്ച പകല് സമയത്ത് മഴക്ക് അല്പ്പം ശമനം ലഭിച്ചിരുന്നു. ഈ വര്ഷം ഇടവ വകുതി കഴിഞ്ഞപ്പോള് തന്നെ മഴ പിടിച്ചിരുന്നു. ഗൂഡല്ലൂര്-സുല്ത്താന് ബത്തേരി അന്തര്സംസ്ഥാന പാതയിലെ നൂല്പ്പുഴക്ക് സമീപത്തും നെല്ലാക്കോട്ടക്ക് സമീപത്തും ഫോര്ത്ത് മൈലിന് സമീപത്തും മരംമറിഞ്ഞ് വീണ് വാഹന ഗതാഗതം സ്തംഭിച്ചു. മരങ്ങള് മുറിച്ച് മാറ്റിയതിന് ശേഷമാണ് ഈ റൂട്ടില് ഗതാഗതം പുനസ്ഥാപിച്ചത്. അപകട ഭീഷണിയുള്ള പ്രദേശങ്ങളില് നിന്നും പുഴയോരങ്ങളിലും തോടോരങ്ങളിലും താമസിക്കുന്ന കുടുംബങ്ങളെ അധികാരികള് മാറ്റി പാര്പ്പിച്ചിട്ടുണ്ട്. പാതയോരങ്ങളില് ഭീഷണിയുയര്ത്തി നില്ക്കുന്ന മരങ്ങള് മുറിച്ച് മാറ്റാന് അധികൃതര് ഇതുവരെ തയ്യാറായിട്ടില്ല. ഇത് വലിയ ഭീഷണിയായിരിക്കുകയാണ്. ദേവാല വാഴവയല് കൈലാസ് കോളനിയിലെ അമ്പഴകന്, കൊളപ്പള്ളി സ്വദേശികളായ ബേബി റാണി, മുത്തുലിംഗം എന്നിവരുടെ വീടുകള് മണ്ണിടിച്ചില് ഭീഷണിയിലായിട്ടുണ്ട്. വേടന്വയലില് സംരക്ഷണഭിത്തിയില്ലാത്തതിനാല് നിരവധി വീടുകള് ഭീഷണിയിലാണ്. വൈദ്യുതി തടസം കാരണം ജനജീവിതം ദുസ്സഹമായിരിക്കുകയാണ്. ദേവാലയില് 68 മി.മീ. ഊട്ടിയില് 17 മി.മീ, അപ്പര്ഭവാനിയില് 51 മി.മീ, എമറാള്ഡില് 17 മി.മീ, ഗൂഡല്ലൂരില് 61 മി.മീ, അവിലാഞ്ചിയില് 50 മി.മീ, നടുവട്ടത്തില് 26 മി.മീറ്റര് മഴയുമാണ് ഇന്നലെ വര്ഷിച്ചത്. മഴ ശക്തമായതോടെ ഗൂഡല്ലൂര്-പന്തല്ലൂര് താലൂക്കുകളിലെ ഓവുചാലുകളും, മറ്റ് അഴുക്കുചാലുകളും വൃത്തിയാക്കണമെന്ന് ജനങ്ങള് ആവശ്യപ്പെട്ടു. മാലിന്യം വന്ന് നിറഞ്ഞിരിക്കുകയാണിവ. ഇത് ജലമൊഴുക്കിനെ തടയുകയാണ്.
Culture
30-ാമത് ഐ.എഫ്.എഫ്.കെ ഉദ്ഘാടനചിത്രം ‘പലസ്തീന് 36’
30-ാമത് കേരള രാജ്യാന്തര ചലച്ചിത്രമേളയുടെ ഉദ്ഘാടന ചിത്രമായി ആന്മേരി ജാസിര് സംവിധാനം ചെയ്ത ‘പലസ്തീന് 36’ എന്ന ചിത്രം പ്രദര്ശിപ്പിക്കും.
തിരുവനന്തപുരം: 30-ാമത് കേരള രാജ്യാന്തര ചലച്ചിത്രമേളയുടെ ഉദ്ഘാടന ചിത്രമായി ആന്മേരി ജാസിര് സംവിധാനം ചെയ്ത ‘പലസ്തീന് 36’ എന്ന ചിത്രം പ്രദര്ശിപ്പിക്കും.
ഈ വര്ഷത്തെ ടോക്കിയോ അന്താരാഷ്ട്ര ചലച്ചിത്രമേളയില് മികച്ച ചിത്രത്തിനുള്ള ഗ്രാന്ഡ് പ്രീ പുരസ്കാരം നേടിയ ഈ ചിത്രം, ടോറോന്േറാ അന്താരാഷ്ട്ര ചലച്ചിത്ര മേളയില് ഗാലാ പ്രസന്റേഷന് വിഭാഗത്തില് പ്രദര്ശിപ്പിച്ചപ്പോള് 20 മിനിറ്റ് നേരമുള്ള കരഘോഷവും നേടിയിരുന്നു. 98-ാമത് ഓസ്കര് പുരസ്കാരത്തിനായി ഔദ്യോഗികമായി തിരഞ്ഞെടുക്കപ്പെട്ട പലസ്തീനിയന് ചിത്രം കൂടിയാണിത്.
1936 മുതല് 1939 വരെ നീണ്ടുനിന്ന ബ്രിട്ടീഷ് അധിനിവേശത്തിനെതിരെയുള്ള അറബ് കലാപത്തെ പശ്ചാത്തലമാക്കിയ ചരിത്ര ചിത്രമാണിത്. ഗ്രാമീണനായ യൂസഫിന്റെ ജീവിതസംഘര്ഷങ്ങളും, ജെറുസലേമിലെ കലാപസാഹചര്യങ്ങളുമാണ് ചിത്രത്തിന്റെ പ്രധാന പ്രമേയം. ബ്രിട്ടീഷ് ഭരണത്തിനും സയണിസത്തിനുമെതിരെ പലസ്തീന് കലാപം ആരംഭിച്ച വര്ഷമാണ് ചിത്രത്തിന്റെ പേരില് സൂചിപ്പിച്ചിരിക്കുന്നത്.
വികാരനിര്ഭരമായ കുടുംബ ബന്ധങ്ങളെ അവതരിപ്പിച്ച ആന്മേരി ജാസിറിന്റെ ‘വാജിബും’ ഇത്തവണ ഐ.എഫ്.എഫ്.കെ വേദിയില് പ്രദര്ശിപ്പിക്കും. 2017-ല് ചിത്രത്തിന് ഐ.എഫ്.എഫ്.കെയില് സുവര്ണചകോരം ലഭിച്ചിരുന്നു.
Film
രജനീകാന്ത് പിറന്നാളിന് ഡബിള് ട്രീറ്റ്: ‘പടയപ്പ’ വീണ്ടും തിയറ്ററുകളില്; ആരാധകര്ക്ക് വലിയ ആഘോഷം
”നമ്മുടെ തലൈവറിന്റെ അതുല്യമായ ആധിപത്യത്തിന്റെ 50 വര്ഷങ്ങള് ആഘോഷിക്കുകയാണ്. ശൈലിയുടെ, സ്റ്റൈലിന്റെ, താരപദവിയുടെ പ്രതീകമായ ഈ യാത്രയില് ‘പടയപ്പ’ എന്ന പ്രതിഭാസത്തെ വീണ്ടും കൊണ്ടുവരുന്നത് ഞങ്ങളുടെ അഭിമാനമാണ്.”സൗന്ദര്യ സോഷ്യല് മീഡിയയില് പങ്കുവെച്ച കുറിപ്പില് പറഞ്ഞു
ചെന്നൈ: സൂപ്പര്സ്റ്റാര് രജനീകാന്തിന്റെ പിറന്നാള് ദിനമായ ഡിസംബര് 12ന് ആരാധകര്ക്ക് ഇരട്ട സമ്മാനം. നേരത്തെ പ്രഖ്യാപിച്ച ‘അണ്ണാമലൈ’യുടെ റീ-റിലീസിനൊപ്പം രജനീകാന്തിന്റെ സൂപ്പര്ഹിറ്റ് ചിത്രം ‘പടയപ്പ’യും വീണ്ടും തിയറ്ററുകളില് എത്തുന്നു. ഈ വിവരം നടന്റെ മകളും സംവിധായികയുമായ സൗന്ദര്യ രജനീകാന്ത് ഔദ്യോഗികമായി സ്ഥിരീകരിച്ചു.
”നമ്മുടെ തലൈവറിന്റെ അതുല്യമായ ആധിപത്യത്തിന്റെ 50 വര്ഷങ്ങള് ആഘോഷിക്കുകയാണ്. ശൈലിയുടെ, സ്റ്റൈലിന്റെ, താരപദവിയുടെ പ്രതീകമായ ഈ യാത്രയില് ‘പടയപ്പ’ എന്ന പ്രതിഭാസത്തെ വീണ്ടും കൊണ്ടുവരുന്നത് ഞങ്ങളുടെ അഭിമാനമാണ്.”സൗന്ദര്യ സോഷ്യല് മീഡിയയില് പങ്കുവെച്ച കുറിപ്പില് പറഞ്ഞു
ക്ലാസിക് മാസ് എന്റര്ടെയ്നര് വീണ്ടും വെള്ളിത്തിരയില് കെ.എസ്. രവികുമാര് സംവിധാനം ചെയ്ത 1999-ലെ പടയപ്പയില് ശിവാജി ഗണേശന്, രമ്യ കൃഷ്ണന്, സൗന്ദര്യ, രാധ രവി, മണിവണ്ണന്, ലക്ഷ്മി എന്നിവര് പ്രധാന വേഷങ്ങളിലുണ്ടായിരുന്നു.
രമ്യ കൃഷ്ണന് അവതരിപ്പിച്ച നീലാംബരി – രജനീകാന്ത് അവതരിപ്പിച്ച പടയപ്പാ തമ്മിലുള്ള ശക്തമായ സംഘര്ഷങ്ങള് തമിഴ് സിനിമയിലെ ക്ലാസിക്കായി വിലയിരുത്തപ്പെടുന്നു.
രജനീകാന്തിന്റെ ”മാസ് സീനുകള്” തിയറ്ററില് നേരിട്ട് അനുഭവിക്കാന് പുതുതലമുറക്ക് ഇപ്പോള് അവസരം.
തലൈവറുടെ 50-ാം സിനിമാ വര്ഷം ആഘോഷിക്കുന്ന വേളയിലാണ് ‘പടയപ്പ’യുടെ റീ-റിലീസ് നടക്കുന്നത്.
Film
മമ്മൂട്ടിയുടെ ‘കളങ്കാവലി’യുടെ വ്യാജ പതിപ്പ് പ്രചരിക്കുന്നു; സൈബര് പരിശോധന ശക്തമാക്കി
‘Tamil Movies’ എന്ന വാട്ടര്മാര്ക്കോടുകൂടിയാണ് ചിത്രം സോഷ്യല് മീഡിയയില് പ്രചരിക്കുന്നത്.
കോഴിക്കോട്: മമ്മൂട്ടി അഭിനയിച്ച ‘കളങ്കാവലി’ എന്ന ചിത്രത്തിന്റെ വ്യാജ പതിപ്പ് ഓണ്ലൈനില് പ്രചരിക്കുന്നതായി റിപ്പോര്ട്ടുകള്. സീറോ ഗോ മൂവീസ് എന്ന വെബ്സൈറ്റിലൂടെയാണ് പൈറേറ്റഡ് പതിപ്പ് പുറത്തിറക്കിയത്. ‘Tamil Movies’ എന്ന വാട്ടര്മാര്ക്കോടുകൂടിയാണ് ചിത്രം സോഷ്യല് മീഡിയയില് പ്രചരിക്കുന്നത്.
ടെലഗ്രാം ഗ്രൂപ്പുകള് സൃഷ്ടിച്ച് ലിങ്കുകള് വ്യാപകമായി പങ്കുവയ്ക്കുന്നത്.
-
kerala2 days agoയുഡിഎഫ് സ്ഥാനാര്ത്ഥിയുടെ വ്യാജ ചിത്രവുമായി സിപിഎമ്മുകാരുടെ വര്ഗീയ പ്രചാരണം; കുറ്റക്കാര്ക്കെതിരെ നിയമ നടപടി
-
kerala3 days agoപിഎം ശ്രീ- ജോണ് ബ്രിട്ടാസ് വിവാദം: ‘ഇനിയും എത്ര പാലങ്ങള് വേണോ അത്രയും പാലങ്ങള് ഉണ്ടാക്കും, അതുകൊണ്ട് എന്താണ് കുഴപ്പം?’: എം.വി ഗോവിന്ദന്
-
kerala3 days agoസ്വര്ണക്കൊള്ള ഒരു ജനതയുടെ നെഞ്ചിനേറ്റ മുറിവ്
-
health1 day agoഡയറ്റ് പ്ലാനിങ്ങിലുണ്ടോ? നമുക്കാവശ്യമായ ഭക്ഷണ ശൈലി ഇങ്ങനെ ക്രമീകരിക്കാം
-
news1 day agoകടുവ സെന്സസിനിടെ കാട്ടാന ആക്രമണം; വനം വകുപ്പ് ജീവനക്കാരന് കൊല്ലപ്പെട്ടു
-
news1 day agoക്ഷേത്രത്തില് വന് കവര്ച്ച; തിരുവാഭരണം മോഷണം പോയി
-
india2 days agoബാബരി: മായാത്ത ഓര്മകള്
-
india1 day ago‘രാജ്യത്തെ എല്ലാ മുസ്ലിം പള്ളികളിലും മദ്രസകളിലും സിസിടിവി ക്യാമറകള് സ്ഥാപിക്കണം’; ലോക്സഭയില് ആവശ്യവുമായി ബി.ജെ.പി എം.പി