Connect with us

More

ചെറുപ്പത്തില്‍ ലൈംഗിക ചൂഷണത്തിനിരയായി; വെളിപ്പെടുത്തലുമായി നടന്‍ അക്ഷയ്കുമാര്‍

Published

on

മുംബൈ: ചെറുപ്രായത്തില്‍ താന്‍ ലൈംഗികചൂഷണത്തിന് വിധേയനായിട്ടുണ്ടെന്ന് വെളിപ്പെടുത്തി മികച്ച നടനുള്ള ദേശീയ പുരസ്‌കാരം നേടിയ നടന്‍ അക്ഷയ്കുമാര്‍. കുട്ടിയായിരുന്നു ഒരു ലിഫ്റ്റ് ഓപ്പറേറ്ററാണ് തന്നോട് മോശമായി പെരുമാറിയതെന്ന് താരം തുറന്നുപറയുന്നു. മനുഷ്യക്കടത്തുമായി ബന്ധപ്പെട്ട് മുംബൈയില്‍ നടന്ന അന്തര്‍ദേശീയ കോണ്‍ഫറന്‍സില്‍ സംസാരിക്കവെയാണ് അക്ഷയ്കുമാര്‍ തന്റെ ദുരനുഭവം തുറന്നടിച്ചത്. മാതാപിതാക്കളുമായി നല്ല അടുപ്പമുണ്ടായിരുന്നതിനാല്‍ ഇക്കാര്യം അവരോട് പുറഞ്ഞുവെന്നും അക്ഷയ് പറയുന്നു. പിന്നീട് മാതാപിതാക്കള്‍ നടത്തിയ അന്വേഷണത്തില്‍ തന്നോട് മാത്രമല്ല ആ ലിഫ്റ്റ് ഓപ്പറേറ്റര്‍ ഇത്തരത്തില്‍ പ്രവര്‍ത്തിച്ചതെന്നും പലരോടും ഇതേ രീതിയില്‍ പെരുമാറിയിട്ടുണ്ടെന്നും കണ്ടെത്തിയതായി അക്ഷയ്കുമാര്‍ പറഞ്ഞു.
ആക്രമണത്തിനു ഇരയാകുമ്പോള്‍ അത് തങ്ങള്‍ക്ക് ഏറ്റവും അടുപ്പമുള്ളവരോട് തുറന്നുപറയണം. കുറ്റക്കാരെ കണ്ടെത്താനും സംഭവം ആവര്‍ത്തിക്കാതിരിക്കാനും ഇത് സഹായിക്കുമെന്നും അക്ഷയ്കുമാര്‍ പറഞ്ഞു. സമാനരീതിയില്‍ തന്റെ മകന്‍ ആരവിനും സെക്യൂരിറ്റി ഗാര്‍ഡില്‍ നിന്ന് ഇത്തരത്തില്‍ ദുരനുഭവം ഉണ്ടായിരുന്നുവെന്നും അക്ഷയ് പറഞ്ഞു. അന്ന് അയാളെ ജോലിയില്‍ നിന്നും പുറത്താക്കിയെന്നും താരം പറഞ്ഞു.

Continue Reading
Advertisement
Click to comment

Leave a Reply

Your email address will not be published. Required fields are marked *

crime

ഭാര്യയ്ക്ക് അവിഹിതമുണ്ടെന്ന് സംശയം; ശ്വാസംമുട്ടിച്ച് കൊന്നു, ഭര്‍ത്താവ് അറസ്റ്റില്‍

കൊലപാതകത്തിനു ശേഷം പ്രതി യാെതാന്നും ചെയ്യാത്ത മട്ടില്‍ പൊലീസ് സ്റ്റേഷനില്‍ എത്തി, ഭാര്യയെ കാണാനില്ലെന്ന് പരാതി നല്‍കി

Published

on

കൊച്ചിയില്‍ ഭാര്യയ്ക്ക് അവിഹിതബന്ധമുണ്ടെന്ന് സംശയിച്ച് കൊലപാതകം. കാലടി കാഞ്ഞൂരിലാണ് സംഭവം. തമിഴ്‌നാട് തെങ്കാശി സ്വദേശി രത്‌നവല്ലിയാണ് കൊലചെയ്യപ്പെട്ടത്. ഭര്‍ത്താവ് മഹേഷ്‌കുമാറിനെ പൊലീസ് കസ്റ്റഡിയിലെടുത്ത് ചോദ്യം ചെയ്തുവരികയാണ്.

ഇന്നലെ രാത്രി എട്ടുമണിയോട് അടുത്താണ് സംഭവം. രത്‌നവല്ലിക്ക് അവിഹിത ബന്ധമുണ്ടെന്ന സംശയമാണ് കൊലപാതകത്തില്‍ കലാശിച്ചതെന്ന് പ്രതി പൊലീസിന് മൊഴി നല്‍കി. കഴിഞ്ഞ ദിവസങ്ങളില്‍ ഇതേ ചൊല്ലി ഇരുവരും തമ്മില്‍ വഴക്കുണ്ടായതായി പൊലീസ് പറയുന്നു. വീടിനടുത്തുള്ള ജാതി തോട്ടത്തില്‍വെച്ചാണ് കൊലപാതകം നടത്തിയത്. മുഖത്ത് പുതപ്പ്‌വെച്ച് അമര്‍ത്തി ശ്വാസംമുട്ടിച്ചാണ് കൊലപാതകമെന്ന് പൊലീസ് വ്യക്തമാക്കി. കൊലപാതകത്തിനു ശേഷം പ്രതി യാെതാന്നും ചെയ്യാത്ത മട്ടില്‍ പൊലീസ് സ്റ്റേഷനില്‍ എത്തി, ഭാര്യയെ കാണാനില്ലെന്ന് പരാതി നല്‍കി.

Continue Reading

Education

‘വൈലോപ്പിള്ളിയുടെ വാഴക്കുല’! ; ചിന്താ ജെറോമിന്റെ ഗവേഷണ പ്രബന്ധത്തില്‍ വന്‍ പിഴവ്

ഇങ്ങനെയൊരു കാര്യം ഓര്‍ക്കുന്നില്ലെന്നും പരിശോധിക്കാമെന്നും ചിന്താ ജെറോം പ്രതികരിച്ചു.

Published

on

തിരുവനന്തപുരം- യുവജന കമ്മിഷന്‍ അധ്യക്ഷ ചിന്താ ജെറോമിന്റെ ഗവേഷണ പ്രബന്ധത്തില്‍ ഗുരുതരമായ പിഴവ്. മലയാളത്തിലെ പ്രശസ്തമായ കവി ചങ്ങമ്പുഴയുടെ കവിതയായ വാഴക്കുല വൈലോപ്പിള്ളിയുടേതെന്ന പേരിലാണ് രേഖപ്പെടുത്തിയിരിക്കുന്നത്. കേരള സര്‍വകലാശാല പ്രോ വൈസ്ചന്‍സലറായിരുന്ന ഡോ. പി.പി.അജയകുമാറിന്റെ മേല്‍നോട്ടത്തിലായിരുന്നു ചിന്ത ഗവേഷണം പൂര്‍ത്തിയാക്കിയത്.

വാഴക്കുല ബൈ വൈലോപ്പിള്ളി എന്നാണ് ചിന്താ ജെറോമിന്റെ ഗവേഷണ പ്രബന്ധത്തിലെ ആദ്യ അധ്യായത്തില്‍തന്നെ രേഖപ്പെടുത്തിയിരിക്കുന്നത്. നവലിബറല്‍ കാലത്തെ മലയാള കച്ചവട സിനിമയുടെ പ്രത്യയശാസ്ത്ര അടിത്തറ എന്ന വിഷയത്തിലാണ് ചിന്ത ഗവേഷണം നടത്തിയത്. ഇംഗ്ലിഷ് സാഹിത്യവും ഭാഷയും എന്ന വകുപ്പിന് കീഴിലായിരുന്നു പഠനം.

2021ലാണ് ചിന്താ ജെറോം ഡോക്ടറേറ്റ് നേടിയത്. കമ്യൂണിസ്റ്റ് പ്രസ്ഥാനവും ആശയങ്ങളും രൂപം നല്‍കിയ ജാതിരഹിത സമൂഹമെന്ന കാഴ്ചപ്പാടില്‍ പ്രിയദര്‍ശന്‍, രഞ്ജിത്ത് എന്നിവരുടെ സിനിമകള്‍ വെള്ളം ചേര്‍ക്കുന്നു എന്ന് പറഞ്ഞു വരുന്നതിനിടെയാണ് വാഴക്കുലയെ കുറിച്ചുള്ള പരാമര്‍ശം.

വൈലോപ്പിള്ളിയാണ് വാഴക്കുല എന്ന കവിതയെഴുതിയതെന്നാണ് പറയുന്നത്. ചിന്തയ്ക്കും ഗൈഡിനും പിഴവ് കണ്ടെത്താനായില്ല. സര്‍വകലാശാലയുടെ വിവിധ സമിതികളോ വിദഗ്ധരോ ഗവേഷണബിരുദം നല്‍കും മുന്‍പൊന്നും തെറ്റ് തിരിച്ചറിഞ്ഞുമില്ല. ഇങ്ങനെയൊരു കാര്യം ഓര്‍ക്കുന്നില്ലെന്നും പരിശോധിക്കാമെന്നും ചിന്താ ജെറോം പ്രതികരിച്ചു.

Continue Reading

Money

അദാനി ഗ്രൂപ്പിന് വന്‍ നഷ്ടം: അതിസമ്പന്നരുടെ പട്ടികയില്‍ 7-ാം സ്ഥാനത്തേക്ക്

നിലവില്‍ ലോകത്തെ ഏറ്റവും ആസ്തിയുള്ള സമ്പന്നരുടെ പട്ടികയില്‍ ഏഴാം സ്ഥാനത്താണ് ഇപ്പോഴുള്ളത്

Published

on

ന്യൂഡല്‍ഹി: അദാനി ഓഹരികള്‍ക്ക് വന്‍ നഷ്ടം. രണ്ട് ദിവസത്തിനുള്ളില്‍ നാല് ലക്ഷം കോടി രൂപയുടെ നഷ്ടമാണുണ്ടായത്. ബുധനാഴ്ച മാത്രം ഒരു ലക്ഷം കോടി രൂപയുടെ നഷ്ടം സംഭവിച്ചതായി റിപ്പോര്‍ട്ടുകള്‍ പറയുന്നു. അദാനി ഗ്രൂപ്പിനെതിരെ ഹിന്‍ഡന്‍ബര്‍ഗ് റിപ്പോര്‍ട്ട് പുറത്തുവന്ന് രണ്ട് ദിവസം കൊണ്ടാണ് അദാനി ഓഹരികള്‍ക്ക് വന്‍ നഷ്ടം സംഭവിച്ചത്.

അദാനി പുതിയതായി ഏറ്റെടുത്ത അംബുജ സിമെന്റ് 17.12 ശതമാനം നഷ്ടമാണ് നേരിട്ടത്. ഏറ്റവുമധികം നഷ്ടം നേരിട്ടതും അംബുജ സിമന്റിനാണ്. എസി.സി 4.99 ശതമാനം, അദാനി പോര്‍ട്‌സ് 16.47 ശതമാനം,അദാനി ടോട്ടല്‍ ഗ്യാസ് 20 ശതമാനം, അദാനി എന്റര്‍െ്രെപസസ്16.83 ശതമാനം എന്നിങ്ങനെയാണ് നഷ്ടം രേഖപ്പെടുത്തിയത്. കൂടാതെ അദാനി പവര്‍, അദാനി വില്‍മര്‍ എന്നിവ അഞ്ച് ശതമാനം, എന്‍ഡിടിവി 4.99 ശതമാനം എന്നിങ്ങനെയും നഷ്ടം നേരിട്ടു.

നിലവില്‍ ലോകത്തെ ഏറ്റവും ആസ്തിയുള്ള സമ്പന്നരുടെ പട്ടികയില്‍ ഏഴാം സ്ഥാനത്താണ് ഇപ്പോഴുള്ളത്. ഫോബ്‌സ് റിയല്‍ ടൈം ബില്യണയര്‍ പട്ടികയനുസരിച്ച് വെള്ളിയാഴ്ച് അദാനിയുടെ ആസ്തിയില്‍ 22.5 മുതല്‍ 96.8 ബില്യണ്‍ ഡോളര്‍ വരെ കുറവുണ്ടായി. ഗ്രൂപ്പ് കമ്പനികളുടെ ഓഹരി മൂല്യം ക്രമാതീതമായി ഉയര്‍ന്നതിനെ തുടര്‍ന്ന് 2022 ല്‍ ലോക സമ്പന്നരില്‍ രണ്ടാമത് എത്തിയിരുന്നു

Continue Reading

Trending