തമിഴിലെ താരരാജാക്കന്മാരുടെ ഫാന്‍ പോരിന് വേദിയായി ട്വിറ്ററും. തമിഴകത്ത് കൂടുതല്‍ ആരാധകരുള്ള തല അജിത്തിന്റെയും ഇളയ ദളപതി വിജയുടെയും ആരാധകരാണ് പരസ്പരം ചെളിവാരിയെറിഞ്ഞ്‌ ട്വിറ്ററില്‍ തമ്മിലടിച്ചത്. ഫാൻ ഫൈറ്റ് ഇത്തവണ തരനിലവാരത്തിലെത്തിയപ്പോൾ ഇന്ത്യൻ ട്വിറ്റർ ഇരുവരെയും പറ്റിയുള്ള അസഭ്യ വർഷം കൊണ്ട് നിറഞ്ഞു.
വിജയ്ക്ക് എയ്ഡ്‌സാണെന്ന ആരോപണവുമായി ആദ്യം രംഗത്തെത്തിയത് അജിത്ത് ഫാന്‍സാണ്. വൈകീട്ടോടെ AIDS FOR VIJAY ഹാഷ്ടാഗ് ദേശീയ ട്രെന്റായി മാറി. ഇതിനു മറുപടിയുമായി PSORIAIS AJITHKUMAR എന്ന ടാഗുമായി വിജയ് ആരാധരും രംഗത്തെത്തിയതോടെ ട്വിറ്ററില്‍ തമ്മിലടി രൂക്ഷമായി. വാദവും മറുവാദവുമായി രംഗം കൊഴുത്തതോടെ ട്വീറ്റുകളും പെരുകി. ട്്വിറ്ററിലെ കൂടുതല്‍ ആരാധക വൃന്ദമുള്ള നടനെ കണ്ടെത്താനുള്ള മത്സരം കൂടിയായി പിന്നീട് ട്വീറ്റുകള്‍.
AIDS FOR VIJAY എന്ന ഹാഷ്ടാഗില്‍ 29,000ത്തില്‍ പരം ട്വീറ്റുകളാണ് വന്നതെങ്കില്‍ PSORIASIS AJITH KUMAR ഹാഷ്ടാഗില്‍ 36,300ലധികം ട്വീറ്റുകളാണ് പ്രവഹിച്ചത്. ഇതുവരെയുള്ള പോരാട്ടത്തില്‍ ചെറിയ മുന്നേറ്റം നേടിയ സന്തോഷത്തിലാണ് വിജയ് ആരാധകര്‍.