More
അമര്ത്യസെന് ഡോക്യുമെന്ററിയില് ‘പശുവും ഗുജറാത്തും’; കത്രികയെടുത്ത് സെന്സര് ബോര്ഡ്

ദില്ലി: അമര്ത്യ സെന്നിനെക്കുറിച്ച് തയാറാക്കിയ ഡോക്യുമെന്ററിയില് കൈവച്ച് ഇന്ത്യന് ലസെന്സര് ബോര്ഡ്. ‘പശു, ഹിന്ദുത്വ, ഗുജറാത്ത്, ഹിന്ദു ഇന്ത്യ’ തുടങ്ങി നാലോളം പദങ്ങള് ഡോക്യുമെന്ററിയില് നീക്കാനാണ് സെന്സര് ബോര്ഡ് ആവശ്യപ്പെട്ടിട്ടുള്ളത്. നോബല് ജേതാവായ ഇന്ത്യന് സാമ്പത്തിക ശാസ്ത്രജ്ഞന് അമര്ത്യസെന്നിനെക്കുറിച്ച് ഫിലിം മേക്കറും സാമ്പത്തിക വിദഗ്ധനുമായി സുമന് ഘോഷ് തയാറാക്കിയ ‘അര്ഗുമെന്റേറ്റീവ് ഇന്ത്യന്’ എന്ന ഡോക്യുമെന്ററിയിലാണ് സെന്സര് ബോര്ഡ് കത്രിക വെച്ചിട്ടുള്ളത്.
പരാമര്ശിച്ച പദങ്ങള്ക്ക് പകരം ബീപ് ശബ്ദം ഉപയോഗിക്കാന് സെന്സര് ബോര്ഡ് സുമനോട് ആവശ്യപ്പെട്ടു. പദങ്ങള് നീക്കം ചെയ്യാത്ത പക്ഷം യുഎ സര്ട്ടിഫിക്കറ്റ് നല്കാനാണ് ബോര്ഡിന്റെ തീരുമാനം. ഇക്കാര്യം നിര്മാതാവ് സുമന് ഘോഷിനെ ബോര്ഡ് അറിയിച്ചിട്ടുണ്ട്. എന്നാല് ബോര്ഡിനെതിരെ കോടതിയെ സമീപിക്കുമെന്ന് നിര്മാതാവ് വ്യക്തമാക്കി.
‘ ഇന്ത്യയില് വര്ദ്ധിച്ചു വരുന്ന അസഹിഷ്ണുതയെ ഡോക്യുമെന്ററി ചൂണ്ടിക്കാട്ടുന്നുണ്ടെന്നും അതില് കൈവയ്ക്കാനാണ് സെന്സര് ബോര്ഡിന്റെ ശ്രമം. ഒരു ജനാധിപത്യ രാജ്യമെന്ന നിലയില് സെന്സര് ബോര്ഡ് സ്വീകരിച്ച നിലപാടുകള് ഞെട്ടിച്ചു കളഞ്ഞു. യൂണിവേഴ്സിറ്റിയിലെ ക്ലാസിനിടെയാണ് ഗുജറാത്ത് എന്ന പദം ഡോക്യുമെന്ററിയില് ഉള്പ്പെടുത്തിയിരിക്കുന്നത്. 2002 മുതല് 2017 വരെ രണ്ട് ഘട്ടങ്ങളായാണ് ചിത്രം ഒരുക്കിയത്’. നിര്മാതാവ് പറഞ്ഞു.
india
വനിതാ ചെസ് ലോകകപ്പ് ഫൈനലില് കൊനേരു ഹംപിയെ പരാജയപ്പെടുത്തി ദിവ്യ ദേശ്മുഖ്
അഭിമാനകരമായ കിരീടനേട്ടത്തിനുമപ്പുറം ഈ വിജയത്തോടെ ദിവ്യ ദേശ്മുഖ് ഗ്രാന്ഡ്മാസ്റ്റര് പദവിയും സ്വന്തമാക്കി

kerala
കൂടത്തായി കൊലപാതകം: ജോളിയുടെ ആദ്യ ഭര്ത്താവിന്റെ മരണം സയനൈഡ് ഉള്ളില്ച്ചെന്നെന്ന് ഫൊറന്സിക് സര്ജന്
കോഴിക്കോട് മെഡിക്കല് കോളജ് ഫൊറന്സിക് വിഭാഗം മുന് സര്ജന് ഡോ.കെ പ്രസന്നനാണ് സാക്ഷി വിസ്താരത്തിനിടെ കോടതിയില് മൊഴി നല്കിയത്

കോഴിക്കോട്: കൂടത്തായി കൊലപാതക പരമ്പരയില് പ്രതി ജോളിയുടെ ആദ്യ ഭര്ത്താവ് റോയ് തോമസ് മരിച്ചത് സയനൈഡ് ഉള്ളില്ച്ചെന്നാണെന്ന് ഫൊറന്സിക് സര്ജന്റെ മൊഴി. റോയ് തോമസിന്റെ ശരീരഭാഗങ്ങളുടെ രാസപരിശോധനാ റിപ്പോര്ട്ട് പ്രകാരം സയനൈഡ് സാന്നിധ്യം സ്ഥിരീകരിച്ചുവെന്നാണ് മൊഴി. കോഴിക്കോട് മെഡിക്കല് കോളജ് ഫൊറന്സിക് വിഭാഗം മുന് സര്ജന് ഡോ.കെ പ്രസന്നനാണ് സാക്ഷി വിസ്താരത്തിനിടെ കോടതിയില് മൊഴി നല്കിയത്.
കടലക്കറിയില് സയനൈഡ് കലര്ത്തി ജോളി ആദ്യ ഭര്ത്താവ് റോയ് തോമസിനെ കൊലപ്പെടുത്തിയെന്നായിരുന്നു കേസ്. റോയി തോമസിന്റെ പോസ്റ്റുമോര്ട്ടം നടത്തിയ ഡോ.ആര്.സോനു അന്തരിച്ചതിനാലാണ് അന്നു വകുപ്പിന്റെ ചുമതല വഹിച്ചുവന്ന ഡോ.കെ.പ്രസന്നന്റെ സാക്ഷി വിസ്താരം കോടതിയില് രേഖപ്പെടുത്തിയത്. റോയിയുടെ മരണം ആത്മഹത്യയാണെന്നായിരുന്നു അന്ന് കണ്ടെത്തിയത്. റോയ് തോമസ് ഹൃദയാഘാതത്തെ തുടര്ന്ന് മരിച്ചു എന്നായിരുന്നു പ്രതി ജോളിയുടെ മൊഴി.
കൂടത്തായിയില് 2002 മുതല് 2016വരെ ഒരേ കുടുംബത്തിലെ ആറുപേരെയാണ് ജോളി കൊലപ്പെടുത്തിയത്. റിട്ട. വിദ്യാഭ്യാസവകുപ്പ് ഉദ്യോഗസ്ഥന് കൂടത്തായി പൊന്നാമറ്റം ടോം തോമസ് (66), ഭാര്യ റിട്ട. അധ്യാപിക അന്നമ്മ തോമസ് (60), ജോളിയുടെ ആദ്യ ഭര്ത്താവ് റോയ് തോമസ് (40), അന്നമ്മയുടെ സഹോദരന് എം.എം. മാത്യു മഞ്ചാടിയില് (68), ടോം തോമസിന്റെ സഹോദരപുത്രന് ഷാജു സ്കറിയയുടെ ഭാര്യ സിലി (44), മകള് ആല്ഫൈന് (2) എന്നിവരാണ് കൊല്ലപ്പെട്ടത്.
kerala
എംആര് അജിത് കുമാറിനെ പൊലീസില് നിന്ന് മാറ്റി; എക്സൈസ് കമ്മീഷണറായി പുതിയ നിയമനം
ശബരിമല ട്രാക്ടര് യാത്ര വിവാദമായതിന് പിന്നാലെയാണ് അജിത് കുമാറിനെ പൊലീസില് നിന്ന് മാറ്റാനുള്ള തീരുമാനം ഉണ്ടായത്

തിരുവന്തപുരം: എഡിജിപി എംആര് അജിത് കുമാറിനെ പൊലീസില് നിന്ന് മാറ്റി. എക്സൈസ് കമ്മീഷണറായിട്ടാണ് പുതിയ നിയമനം. ഇത് സംബന്ധിച്ച ഉത്തരവ് പുറത്തിറങ്ങി. ശബരിമല ട്രാക്ടര് യാത്ര വിവാദമായതിന് പിന്നാലെയാണ് അജിത് കുമാറിനെ പൊലീസില് നിന്ന് മാറ്റാനുള്ള തീരുമാനം ഉണ്ടായത്. സംഭവത്തില് അജിത് കുമാറിന് വീഴ്ച സംഭവിച്ചതായി ഡിജിപി റിപ്പോര്ട്ട് നല്കുകയും നടപടിക്ക് ശുപാര്ശ നല്കിയിരുന്നു.
നിലവിലെ എക്സൈസ് കമ്മീഷണര് മഹിപാല് യാദവ് ചികിത്സാര്ഥം ലീവിലാണ്. ആ ഒഴിവിലാണ് പുതിയ നിയമനം. ബറ്റാലിയന് എഡിജിപി സ്ഥാനത്ത് നിന്ന് മാറ്റിയാണ് അജിത് കുമാറിനെ എക്സൈസ് കമ്മീഷണറാക്കുന്നത്.
-
kerala3 days ago
കനത്ത മഴ; ബാണാസുരസാഗര് അണക്കെട്ടില് ഇന്ന് കൂടുതല് ജലം തുറന്ന് വിടും
-
india3 days ago
തിരിച്ചുകയറി രൂപ മൂല്യം; 9 പൈസയുടെ നേട്ടം
-
News3 days ago
ഗസ്സയില് പട്ടിണി രൂക്ഷം; ഇസ്രാഈല് ആക്രമണത്തില് 63 പേര് കൊല്ലപ്പെട്ടു
-
india2 days ago
വനിതാ ചെസ് ലോകകപ്പ് ഫൈനലില് കൊനേരു ഹംപിയെ പരാജയപ്പെടുത്തി ദിവ്യ ദേശ്മുഖ്
-
india3 days ago
കണക്കില്പ്പെടാത്ത പണം: ജസ്റ്റിസ് യശ്വന്ത് വര്മ നല്കിയ ഹര്ജി സുപ്രീംകോടതി ഇന്ന് പരിഗണിക്കും
-
GULF2 days ago
സൗദി അറേബ്യയിലെ ദമ്മാമിൽ പുതിയ ഹൈപ്പർമാർക്കറ്റ് തുറന്ന് ലുലു
-
kerala2 days ago
മുണ്ടക്കൈ-ചൂരല്മല ദുരന്തം; ഓര്മകള്ക്ക് ഒരു വര്ഷം; എങ്ങുമെത്താതെ പുനരധിവാസം
-
kerala2 days ago
കൂടത്തായി കൊലപാതകം: ജോളിയുടെ ആദ്യ ഭര്ത്താവിന്റെ മരണം സയനൈഡ് ഉള്ളില്ച്ചെന്നെന്ന് ഫൊറന്സിക് സര്ജന്