Connect with us

Video Stories

ഇതാണ് ബ്രസീല്‍.. ഈ കളിയാണ് കളി

Published

on

ഇതാണ് ബ്രസീല്‍…. ഈ കളിയാണ് കളി…. വജ്രായുധം ആത്മവിശ്വാസമായിരുന്നു. അത് നെയ്മറില്‍ തുടങ്ങി എല്ലാവരിലും പ്രകടമായിരുന്നു. ജയിക്കണമെന്ന വാശി, ഗോളടിക്കണമെന്ന വിശ്വാസം- അതിന്റെ പ്രതിഫലനമായിരുന്നു തെറ്റാത്ത പാസുകളും കുറയാത്ത വേഗതയും. കഴിഞ്ഞ ലോകകപ്പ് നല്ല അനുഭവമായിരുന്നില്ല ബ്രസീലിന്-ആധികാരികത കുറഞ്ഞ പ്രകടനത്തിന് കാരണം സ്വന്തം കരുത്തിലുള്ള വിശ്വാസക്കുറവായിരുന്നു. സ്വന്തം നാട്ടില്‍ നടന്ന ഒളിംപിക്‌സോടെ അത് മാറിയിരിക്കുന്നു. റിയോ ഒളിംപിക്‌സിലെ ഫുട്‌ബോള്‍ മല്‍സരങ്ങളുടെ തുടക്കം മോശമായിരുന്നെങ്കിലും നിര്‍ണായകമായ ഗ്രൂപ്പിലെ അവസാനപോരാട്ടം മുതല്‍ അരങ്ങ് തകര്‍ത്ത നെയ്മറിന്റെ സംഘം ഇന്നലെ പ്രകടിപ്പിച്ചതും ആ ആത്മവിശ്വാസക്കരുത്തായിരുന്നു.

ഗബ്രിയേല്‍ ജീസസും കുട്ടിഞ്ഞോയും പൗളിഞ്ഞോയും അടങ്ങുന്ന പുത്തന്‍ ബെഞ്ച് ഈ ടീമിനെ മുന്നോട്ട് നയിക്കുമെന്ന കാര്യത്തില്‍ സംശയമില്ല. ബെലോയില്‍ പ്രേതമില്ലെന്ന് അവര്‍ ശക്തമായി തന്നെ തെളിയിച്ചു-സുന്ദരമായ ഗോളുകളിലൂടെ. സാക്ഷാല്‍ ലിയോ മെസി നയിക്കുന്ന അര്‍ജന്റീനയെ ആധികാരികമായി ഈ വിധം തോല്‍പ്പിക്കാന്‍ കഴിഞ്ഞുവെങ്കില്‍ നിസ്സംശയം പറയാം-റഷ്യയിലേക്കുളള യാത്രയില്‍ ബ്രസീലിന് തിരിഞ്ഞു നോക്കേണ്ടി വരില്ല. അര്‍ജന്റീനയോ-കഷ്ടമാണ് കാര്യങ്ങള്‍. മെസിയെ പോലെ ഒരു താരം മൈതാനത്ത് നോക്കുകുത്തിയായിരുന്നു. പഴയ കരുത്തും വേഗതയും തന്ത്രങ്ങളൊന്നുമില്ലാതെ ആര്‍ക്കോ വേണ്ടി കളിച്ചത് പോലെ… കോപ്പയിലെ ഫൈനല്‍ തോല്‍വിയും പെനാല്‍ട്ടി നഷ്ടവും അതിന് ശേഷമുള്ള വിരമിക്കലുമെല്ലാം മാനസികമായി ആ താരത്തെ തളര്‍ത്തിയിട്ടുണ്ട്.

പുറമെ ആരോഗ്യ പ്രശ്‌നങ്ങളുമാവുമ്പോള്‍ മെസിയില്‍ മാത്രം പ്രതീക്ഷയര്‍പ്പിച്ചിട്ട് കാര്യമില്ലാത്ത അവസ്ഥ. മോസ്‌ക്കോയിലേക്കുളള യാത്രയില്‍ കാലിടറി നില്‍ക്കുന്ന മെസിക്കും സംഘത്തിനും മുന്നില്‍ ഇനി ഏഴ് മല്‍സരങ്ങളുണ്ട്. എല്ലാം ജയിച്ചാല്‍ വന്‍കരയിലെ ആദ്യ നാലില്‍ വരാം. പക്ഷേ ഈ ഫോമില്‍ എല്ലാം ജയിക്കുക എളുപ്പമല്ല. അടുത്തയാഴ്ച്ച അടുത്ത മല്‍സരമുണ്ട്-കൊളംബിയക്കെതിരെ. ജെയിംസ് റോഡ്രിഗസിന്റെ സംഘമാവട്ടെ നല്ല ഫോമിലുമാണ്.

https://www.youtube.com/watch?v=mZSJi583xW8

Continue Reading
Advertisement
Click to comment

Leave a Reply

Your email address will not be published. Required fields are marked *

Video Stories

കത്ത് വിവാദം ; ക്രൈംബ്രാഞ്ച് ഇന്ന് മേയറുടെ മൊഴിയെടുക്കും

തുടര്‍ന്ന് ഓഫീസിലെ ജീവനക്കാരെ ചോദ്യം ചെയ്യും.

Published

on

തിരുവനന്തപുരം കോര്‍പറേഷനിലെ ശുപാര്‍ശ കത്ത് അന്വേഷിക്കുന്ന ക്രൈം ബ്രാഞ്ച് സംഘം ഇന്ന് മേയര്‍ ആര്യ രാജേന്ദ്രന്റെ മൊഴിയെടുക്കും.തുടര്‍ന്ന് ഓഫീസിലെ ജീവനക്കാരെ ചോദ്യം ചെയ്യും.

നവമാധ്യമങ്ങള്‍ വഴി പ്രചരിച്ച കത്ത്, കോര്‍പ്പറേഷനില്‍ തന്നെ തയ്യാറാക്കിയിരിക്കാമെന്ന നിഗമനത്തിലാണ് പൊലീസ്.
ആരാണ് ഇത് തയ്യാറാക്കി വാട്സ് ആപ്പിലേക്ക് അയച്ചതെന്ന് കണ്ടെത്താന്‍ ശാസ്ത്രീയ തെളിവുകള്‍ പൊലീസിന് ശേഖരിക്കേണ്ടിവരും.പ്രാഥമിക അന്വേഷണം നടത്തിയപ്പോള്‍ ആര്യ രാജേന്ദ്രന്റെ മൊഴി ക്രൈം ബ്രാഞ്ച് രേഖപ്പെടുത്തിയിരുന്നു.

 

Continue Reading

Video Stories

ഖത്തറില്‍ ഡെന്മാര്‍ക്കും തുണീഷ്യയും ഇന്ന് നേര്‍ക്കുനേര്‍

Published

on

ഇന്ത്യന്‍ സമയം വൈകീട്ട് 6.30 നാണ് ഗ്രൂപ്പ് ഡി മല്‍സരങ്ങളുടെ തുടക്കം. അട്ടിമറിക്കാരായ ഡെന്മാര്‍ക്കിനെതിരെ ഖത്തറില്‍ ധാരാളം പിന്തുണക്കാരുള്ള തുണീഷ്യ. ലോക ചാമ്പ്യന്മാരായ ഫ്രാന്‍സ് കളിക്കുന്ന ഗ്രൂപ്പായതിനാല്‍ ഡെന്മാര്‍ക്കിനും തുണീഷ്യക്കും അടുത്ത റൗണ്ട് എന്ന ലക്ഷ്യത്തില്‍ ഇന്ന് വിജയിക്കാനാവണം.

ഒരു വര്‍ഷം മുമ്പ് നടന്ന യൂറോയില്‍ ആരും സാധ്യത കല്‍പ്പിക്കാതിരുന്ന ടീമായിരുന്നല്ലോ ഡെന്മാര്‍ക്ക്. നായകന്‍ ക്രിസ്റ്റിയന്‍ എറിക്‌സണെ നഷ്ടമായിട്ടും റഷ്യ, വെയില്‍സ്, ചെക് റിപ്പബ്ലിക് എന്നിവരെയെല്ലാം മറികടന്നവര്‍ ഇംഗ്ലണ്ടിനോട് തോല്‍ക്കുകയായിരുന്നു. പിയറി എമിലി ഹോജ്ബര്‍ഗും ശ്രദ്ധിക്കേണ്ട താരം. പുതിയ കോച്ച് ജലീല്‍ കാദ്‌രിക്ക് കീഴില്‍ കരുത്തരായിരിക്കുന്നു അവര്‍. പ്രീമീയര്‍ ലീഗില്‍ സണ്ടര്‍ലന്‍ഡിനായി കളിച്ച വഹബി കസ്‌രിയാണ് തുണീഷ്യക്കാരിലെ അപകടകാരി.

Continue Reading

Video Stories

അര്‍ജന്റീനക്കാര്‍ ചില്ലറക്കാരല്ല; വേങ്ങരയില്‍ 500 പേര്‍ക്കുള്ള ബിരിയാണി ഒരുക്കി അര്‍ജന്റീന ഫാന്‍സ്

500 പേര്‍ക്കുള്ള ബിരിയാണിയാണ് ഇവിടുത്തെ അര്‍ജന്റീന ഫാന്‍സ് ഒരുക്കിയിരിക്കുന്നത്

Published

on

ആദില്‍ മുഹമ്മദ്

കളി ഖത്തറില്‍ ആണെങ്കിലും ആവേശം മലപ്പുറത്താണെന്ന് പറയുന്നത് എന്തായാലും വെറുതെയല്ല. അത് തെളിയിക്കുകയാണ് മലപ്പുറത്തെ ഓരോരോ സംഭവങ്ങളും. ഇന്നത്തെ സംഭവം മലപ്പുറം വേങ്ങരയിലാണ്. 500 പേര്‍ക്കുള്ള ബിരിയാണിയാണ് ഇവിടുത്തെ അര്‍ജന്റീന ഫാന്‍സ് ഒരുക്കിയിരിക്കുന്നത്.

മലപ്പുറം വേങ്ങര എടയാട്ടുപറമ്പിലെയും ചേക്കാലിമാടിലെയും അര്‍ജന്റീന ഫാന്‍സ് സംയുക്തമായിയാണ് തങ്ങളുടെ ടീമിന്റെ ഉദ്ഘാടനമത്സരത്തിന്റെ ഭാഗമായി 500 പേര്‍ക്കുള്ള ബിരിയാണി ഒരുക്കുന്നത്.മത്സരത്തിനു മുന്‍പ് ഇത് വിതരണം ചെയ്യുകയും ചെയ്യും. നാട്ടിലുള്ള അര്‍ജന്റീന ഫാന്‍സ് എല്ലാവരും ഒത്തുചേര്‍ന്നാണ് ഭക്ഷണത്തിനുള്ള ഫണ്ട് കണ്ടെത്തിയത്. 80 കിലോയോളം വരുന്ന ഭക്ഷണത്തിന്റെ തയ്യാറെടുപ്പുകള്‍ കഴിഞ്ഞ ദിവസം തന്നെ തുടങ്ങിയിരുന്നു.

ഇന്ന് വൈകിട്ട് മൂന്നര മണിക്കാണ് ഖത്തര്‍ വേള്‍ഡ് കപ്പില്‍ അര്‍ജന്റീനയുടെ ആദ്യ പോരാട്ടം. സൗദി അറേബ്യയാണ് എതിരാളി.

 

Continue Reading

Trending