ബെയ്ജിങ്: കോവിഡ് പടര്‍ന്നത് ചൈനീസ് നഗരമായ വുഹാനിലെ ലബോറട്ടറിയില്‍നിന്നാണെന്നതിന് തെളിവില്ലെന്ന് ലോകാരോഗ്യ സംഘടന. കോവിഡ് പടര്‍ന്നതിനു പിന്നില്‍ ഗൂഢാലോചനയുണ്ടെന്ന് മുന്‍ യുഎസ് പ്രസിഡന്റ് ഡോണള്‍ഡ് ട്രംപ് മുതല്‍ നിരവധി പേര്‍ ആരോപിച്ചുവെങ്കിലും തെളിവില്ലെന്നാണ് യുഎന്‍ പറയുന്നത്.

ഗൂഢാലോചന സിദ്ധാന്തത്തിന്റെ സാധുത തേടി വുഹാനിലെത്തിയ നാലംഗ വിദഗ്ധ സംഘമാണ് ലബോറട്ടറിയില്‍നിന്ന് കൊറോണ വൈറസ് ചോര്‍ന്നതിന് തെളിവില്ലെന്ന് അറിയിച്ചിരിക്കുന്നത്. ലാബില്‍നിന്ന് ‘കണ്ടംചാടുന്നതിന്’ പകരം ഇവ രാജ്യത്തെ നിയന്ത്രണങ്ങളില്ലാത്ത വന്യജീവി വ്യാപാരം വഴി വന്നതാകാമെന്ന് സംഘം പറയുകയുണ്ടായി.