kerala
സമുദായത്തെ ഭിന്നിപ്പിക്കാന് സി.പി.എം ശ്രമം: കെ.എം ഷാജി
മുസ്്ലിം ലീഗ് ചോദിച്ചു കൊണ്ടിരിക്കുന്നത് സമൂഹത്തിന്റെ അവകാശങ്ങളെയാണ്. അത് നേടിയെടുക്കും വരെ പോരാട്ട വീഥിയില് പാര്ട്ടിയുണ്ടാവും.

കോഴിക്കോട്: മുസ്്ലിം ഉമ്മത്തിനെ ഒരു കൊടി കീഴില് നിര്ത്തി അവരുടെ അവകാശങ്ങളെ ഒരോന്നായി ചോദിച്ചു വാങ്ങിയ ചരിത്രമാണ് മുസ്്ലിം ലീഗിനുള്ളതെന്നു സംസ്ഥാന സെക്രട്ടറി കെ.എം ഷാജി. സി.പി.എമ്മിന് മതമൊരു പ്രശ്നമല്ലെങ്കില് മുസ്്ലിം ലീഗിന് മതം തന്നെയാണ് വിഷയം. സമുദയത്തിന്റെ അവകാശങ്ങളെ ചിലര് ആസൂത്രിതമായി ഹനിക്കപ്പെടുമ്പോള് അതിനെതിരെ പോരാട്ട വീഥിയില് മുസ്്ലിംലീഗുണ്ടാവും. സമൂഹത്തെ ഭിന്നിപ്പിച്ച് അതിലൂടെ രാഷ്ട്രീയ ലാഭം നേടാനാണ് സി.പി.എം ശ്രമം. മുസ്്ലിംലീഗ് വഖഫ് സംരക്ഷണ സമ്മേളനത്തില് സംസാരിക്കുകയായിരുന്നു അദ്ദേഹം.
മുസ്്ലിം ലീഗ് ചോദിച്ചു കൊണ്ടിരിക്കുന്നത് സമൂഹത്തിന്റെ അവകാശങ്ങളെയാണ്. അത് നേടിയെടുക്കും വരെ പോരാട്ട വീഥിയില് പാര്ട്ടിയുണ്ടാവും. വഖഫിന്റെ ഉടമസ്തന് അല്ലാഹു മാത്രമാണ്. അത് കൈകാര്യം ചെയ്യേണ്ടതും അതുമായി ബന്ധപ്പെട്ടവര് തന്നെ. അങ്ങിനെയല്ല എങ്കില് വലിയ അപകടമുണ്ടാവും. ഈ വിവാദത്തിലൂടെ രണ്ട് കാര്യങ്ങളാണുണ്ടായത്. ഒന്നു പുതു തലമുറക്ക് വഖഫിനെ പഠിക്കാനായി. മറ്റൊന്ന് സി.പി.എമ്മിന്റെ വിഭാഗീയ ശ്രമങ്ങളെ സമൂഹത്തിന് തിരിച്ചറിയാനുമായി. അതിരിച്ചറിവില് നിന്നാണ് ഈ പാരാവാരം കോഴിക്കോട്ടേക്കൊഴുകിയെത്തിയത്. മാക്സിസ്റ്റ് പാര്ട്ടി എവിടെയെല്ലാം അവരുടെ പ്രവര്ത്തന മേഖല സജീവമാക്കിയോ അവിടെയെല്ലാം മനുഷ്യന് തകര്ച്ച മാത്രമാണ് ഉണ്ടായിട്ടുള്ളത്. കേരളത്തിലും സമാനമാണ് അവസ്ഥ. സി.പി.എമ്മും ആര്.എസ്.എസുമെല്ലാം എടുക്കുന്ന പണി ഒന്നാണ്. വര്ഗീയ വിഷം ചീറ്റി സമൂഹത്തെ ഭിന്നിപ്പിക്കാമെന്നു നിങ്ങള് കരുതണ്ട. ആശ്രമങ്ങള്ക്കെതിരെ പ്രതിരോധ കോട്ട തീര്ക്കാന് മുസ്്ലിം ലീഗ് കര്മ്മ രംഗത്തുണ്ടാവുമെന്നും കെ.എം ഷാജി പറഞ്ഞു.
kerala
താമരശ്ശേരി ചുരത്തില് നിന്ന് കൊക്കയിലേക്ക് ചാടിയ എംഡിഎംഎ കേസിലെ പ്രതി പിടിയില്
മലപ്പുറം സ്വദേശി ഷെഫീഖ് ആണ് പിടിയിലായത്.

താമരശ്ശേരി: വാഹന പരിശോധനക്കിടെ താമരശ്ശേരി ചുരത്തില് നിന്ന് കൊക്കയിലേക്ക് ചാടിയ യുവാവ് പിടിയില്. മലപ്പുറം സ്വദേശി ഷെഫീഖ് ആണ് പിടിയിലായത്. വൈത്തിരിക്കടുത്ത് ഓറിയന്റല് കോളജിന് പിറകില് ഒളിച്ചിരിക്കുകയായിരുന്നു ഇയാള്്.
രാവിലെ കോളജിന് പിറകില് നിന്ന് യുവാവ് ഇറങ്ങി വരുന്നത് കണ്ട പ്രദേശവാസികളാണ് വിവരം പൊലീസിനെ അറിയിച്ചത്. ഉടന് തന്നെ പൊലീസ് എത്തി അറസ്റ്റ് ചെയ്തു. യുവാവിനെ വിശദമായി ചോദ്യം ചെയ്യുമെന്ന് പൊലീസ് അറിയിച്ചു.
ഇന്നലെയാണ് വാഹന പരിശോധനക്കിടെ പൊലീസിനെ കണ്ട ഇയാള് കൊക്കയിലേക്ക് ചാടിയത്. ഒമ്പതാം വളവിലായിരുന്നു സംഭവം. യുവാവിന്റെ വാഹനത്തില് നടത്തിയ പരിശോധനയില് പാക്കറ്റില് സൂക്ഷിച്ച എം.ഡി.എം.എ കണ്ടെത്തിയിരുന്നു.
കൊക്കയില് ചാടിയതിന് പിന്നാലെ യുവാവ് എഴുന്നേറ്റ് നടക്കുന്നത് പൊലീസ് കണ്ടിരുന്നു. തുടര്ന്ന് താമരശ്ശേരി, വൈത്തിരി സ്റ്റേഷനിലെ പൊലീസുകാര് തിരച്ചില് നടത്തിയെങ്കിലും കാടുമൂടിയ പ്രദേശത്ത് യുവാവിനെ കണ്ടെത്താന് സാധിച്ചില്ല. തുടര്ന്ന് അഗ്നിശമനസേനയും ഡ്രോണ് ഉപയോഗിച്ചുള്ള പരിശോധനയും നടന്നു.
Film
ഫിലിം പ്രൊഡ്യുസേഴ്സ് അസോസിയേഷന്റെ പ്രസിഡന്റ് സ്ഥാനത്തേക്ക് മത്സരിക്കാന് തയ്യാറെടുത്ത് സാന്ദ്ര തോമസ്
ഫിലിം പ്രൊഡ്യൂസേഴ്സ് അസോസിയേഷന് പ്രസിഡന്റ് സ്ഥാനത്തേക്ക് മല്സരിക്കാന് നാമ നിര്ദേശ പത്രികയുമായി സാന്ദ്ര തോമസ്.

ഫിലിം പ്രൊഡ്യൂസേഴ്സ് അസോസിയേഷന് പ്രസിഡന്റ് സ്ഥാനത്തേക്ക് മല്സരിക്കാന് നാമ നിര്ദേശ പത്രികയുമായി സാന്ദ്ര തോമസ്. ഓഗസ്റ്റ് 14 നാണ് നിര്മ്മാതാക്കളുടെ സംഘടനയിലേക്കുള്ള തിരഞ്ഞടുപ്പ് നടക്കുക.
സംഘടന കയ്യടക്കിയ കുത്തകകളുടെ മാറ്റത്തിനായാണ് തന്റെ മത്സരമെന്നും നാമനിര്ദേശ പത്രിക ഇന്ന് സമപ്പിക്കുമെന്നും സാന്ദ്ര തോമസ് പറഞ്ഞു.
സിനിമകളുടെ ലാഭനഷ്ടക്കണക്ക് പുറുത്തുവിട്ട സംഘടനാനടപടി പരാജയമാണെന്നും താന് പ്രസിഡന്റായാല് നല്ല മാറ്റം കൊണ്ടുവരുമെന്നും സാന്ദ്ര പറഞ്ഞു.
സാന്ദ്ര തോമസ് തന്നെ നവമാധ്യമങ്ങളിലൂടെ അപമാനിച്ചുവെന്ന് ചൂണ്ടിക്കാട്ടി ലിസ്റ്റിന് സ്റ്റീഫന് പരാതി നല്കിയിരുന്നു. സാന്ദ്രയ്ക്കെതിരെ രണ്ട് കോടി രൂപ ആവശ്യപ്പെട്ട് മാനനഷ്ടക്കേസും നല്കിയിരുന്നു.
kerala
സ്വര്ണവില വീണ്ടും താഴോട്ട്; പവന് 400 രൂപ കുറഞ്ഞു
സുരക്ഷിത നിക്ഷേപമായതും ഡോളര് ദുര്ബലമാവുന്നതും സ്വര്ണവിലയെ സ്വാധീനിക്കുന്നുണ്ട്.

സംസ്ഥാനത്ത് മൂന്നാം ദിവസവും സ്വര്ണവില കുറഞ്ഞു. പവന് 400 രൂപ കുറഞ്ഞതോടെ ഒരു പവന് സ്വര്ണ്ണത്തിന്റെ വില 73,280 രൂപയായി. ഗ്രാമിന് 50 രൂപ കുറഞ്ഞ് 9,160 രൂപയിലാണ് വ്യാപാരം നടക്കുന്നത്. വെള്ളിയാഴ്ച ഗ്രാമിന് 45 രൂപ കുറഞ്ഞ് 9,210 രൂപയിലും പവന് 360 രൂപ കുറഞ്ഞ് 73,680 രൂപയിലും വില എത്തിയിരുന്നു.
ജൂലൈ 23ന് ഈ മാസത്തെ റെക്കോര്ഡ് വിലയായ 75,040 രൂപയില് എത്തിയിരുന്നു. തുടര്ന്നുള്ള ദിവസങ്ങളില് വില 74,040 രൂപയിലേക്കും 73,680 രൂപയിലേക്കും താഴുന്നതാണ് കണ്ടത്. ഈ മാസത്തെ ഏറ്റവും കുറഞ്ഞ വില ജൂലൈ ഒമ്പതിന് രേഖപ്പെടുത്തി. അന്ന് 72,000 രൂപയായിരുന്നു ഒരു പവന്റെ വില.
സുരക്ഷിത നിക്ഷേപമായതും ഡോളര് ദുര്ബലമാവുന്നതും സ്വര്ണവിലയെ സ്വാധീനിക്കുന്നുണ്ട്.
-
india3 days ago
കരിപ്പൂരില് നിന്ന് ദോഹയിലേക്ക് പറന്നുയര്ന്ന വിമാനം തിരിച്ചിറക്കി
-
kerala3 days ago
നിമിഷപ്രിയയുടെ വധശിക്ഷ റദ്ദാക്കിയതായുള്ള അവകാശവാദം തള്ളി കേന്ദ്രസര്ക്കാര്
-
india3 days ago
അഹമ്മദാബാദ് വിമാനാപകടം: വിദേശ പൗരന്മാരുടെ കുടുംബങ്ങള്ക്ക് ലഭിച്ചത് തെറ്റായ മൃതദേഹങ്ങള്
-
kerala3 days ago
വിപഞ്ചികയുടെ മരണം; റീ പോസ്റ്റുമോര്ട്ടം നടപടികള് ആരംഭിച്ചു
-
india2 days ago
ഇന്ത്യയില് നിന്നും നൂറുകണക്കിന് മുസ്ലിംകളെ നിയമവിരുദ്ധമായി ബംഗ്ലാദേശിലേക്ക് നാടുകടത്തിയതായി ഹ്യൂമന് റൈറ്റ്സ് വാച്ച് റിപ്പോര്ട്ട്
-
kerala3 days ago
മാസപ്പടി കേസ്: സിബിഐ, ഇഡി അന്വേഷണം ആവശ്യപ്പെട്ടുള്ള ഹർജിയിൽ വീണ വിജയനുൾപ്പെടെയുള്ളവർക്ക് ഹൈക്കോടതി നോട്ടീസ്
-
Film3 days ago
കറുപ്പിന്റെ ടീസറിന് പിന്നാലെ സൂര്യ 46 ന്റെ പോസ്റ്റർ പുറത്ത്
-
india3 days ago
’73 ദിവസത്തിനുള്ളില് 25 തവണ’: ട്രംപിന്റെ ആവര്ത്തിച്ചുള്ള ഇന്ത്യ-പാക് വെടിനിര്ത്തല് അവകാശവാദത്തില് കോണ്ഗ്രസ്